From Stage to Page - Medieval and Renaissance Drama
The York Cycle, Play 45 - The Death of Mary
001 Gabriel. Hayle, myghfull Marie, Godis modir so mylde,
002 Hayle be thou, roote of all reste, hayle be thou, ryall.
003 Hayle floure and frewte noyot fadid nor filyd,
004 Haile, salue to all synnefull. Nowe saie the I schall
005 Thy sone to thiselue me has sente,
006 His sande, and sothly he saies
007 No lenger than ther thre dayes
008 Here lefte the this liffe that is lente.
009 And therfore he biddis the loke that thou blithe be,
010 For to that bigly blisse that berde will the bring,
011 There to sitte with hymselue, all solas to see,
012 And to be crowned for his quene and he hymselue kyng
013 In mirthe that euere schall be newe.
014 He sendis to the worthely iwis
015 þis palme oute of paradise,
016 In tokenyng that it schall be trewe.
017 Mary. I thanke my sone semely of all his sandis sere;
018 Vnto hym lastandly be ay louyng
019 þat me thus worthely wolde menske on this manere,
020 And to his bigly blisse my bones for to bringe.
021 But gode ser, neuenes me thi name.
022 Gabriel. Gabriell, that baynly ganne bringe
023 þe boodworde of his bering-
024 Forsothe lady, I ame the same.
025 Mary. Nowe Gabriell that sothly is fro my sone sent,
026 I thanke the ther tythyngis thou tellis me vntill,
027 And loued be that lorde of the lane that has me lente.
028 And dere sone, I beseke the
029 Grete God, thou graunte me thi grace,
030 Thyne appostelis to haue in this place,
031 þat thei at my bering may be.
032 Gabriel. Nowe foode fairest of face, most faithfull and fre,
033 þyne askyng thi sone has graunte of his grace,
034 And saies all same in sight yoe schall see
035 All his appostelis appere in this place,
036 To wirke all thi will at thi wending.
037 And sone schall thi peynes be paste,
038 And thou to be in liffe that schall laste
039 Euermore withouten any ending.
040 John. Marie my modir, that mylde is and meke
041 And cheffe chosen for chaste, nowe telle me, what chere?
042 Mary. John, sone, I saie the forsothe I am seke.
043 Mi swete sone sonde I hente, right nowe it was here,
044 And douteles he saies I schall dye.
045 Within thre daies iwis,
046 I schall be beldid in blisse
047 And come to his awne company.
048 John. A, with thi leue lady, thou neuene it me noght,
049 Ne telle me no tydingis to twynne vs in two,
050 For be thou, blissid birde, vnto bere broght
051 Euermore whils I wonne in this worlde will me be full woo,
052 Therfore lete it stynte and be still.
053 Mary. Nay John, sone, myselue nowe I see
054 Atte Goddis will moste it nedis be,
055 þerfore be it wroght at his will.
056 John. A, worthy, when thou art wente will me be full woo-
057 But God giffe the appostelis wiste of thi wending.
058 Mary. 3is John, sone, for certayne schall it be so,
059 All schall thei hardely be here at myne ending.
060 The sonde of my sone saide me this,
061 þat sone schall my penaunce be paste
062 And I to be in liffe that euere schall laste,
063 Than baynly to belde in that blisse.
064 Peter. O God omnipotent, the giffer of all grace,
065 Benedicite dominus, a clowde now full clere
066 Vmbelappid me in Judéprechand as I was,
067 And I haue mekill meruayle how that I come here.
068 Jacobus. A, sesse, of this assemelyng can I noyot saie
069 Howe and in what wise that we are here mette,
070 Owthir myrthe or of mornyng mene wele it maye,
071 For sodenly in sight here sone was I sette.
072 Andrew. A, bredir, be my wetand and iwisse so wer we,
073 In diuerse landes lely I wotte we were lente,
074 And how we are semelid thus can I noyot see,
075 But as God of his sande has vs same sente.
076 John. A, felawes, late be youre fare,
077 For as God will it moste nedis be,
078 þat pereles is of posté
079 His myyot is to do mekill mare.
080 For Marie that worthy schall wende nowe I wene,
081 Vnto that bigly blisse that high barne baynly vs boght;
082 þat we in hir sight all same myght be sene
083 Or sche disseuer vs froo, hir sone sche besoght.
084 And thus has he wroght atte hir will,
085 Whanne sche schal be broght on a bere,
086 That we may be neghand hir nere
087 This tyme for to tente hir vntill.
088 Mary. Jesu my darlyng that ding is and dere,
089 I thanke the my dere sone of thi grete grace
090 þat I all this faire felawschip atte hande nowe has here,
091 þat thei me some comforte may kythe in this case.
092 þis sikenes it sittis me full sare;
093 My maidens, take kepe nowe on me
094 And caste some watir vppon me-
095 I faynte, so febill I fare.
096 Ancilla 1. Allas for my lady that lemed so light,
097 That euere I leued in this lede thus longe for to lende,
098 That I on this semely schulde se such a sight.
099 Ancilla 2. Allas, helpe, sche dyes in oure hende.
100 A, Marie, of me haue thou mynde . [... ...]
101 Some comforte vs two for to kythe,
102 þou knowes we are comen of thi kynde.
103 Mary. What ayles yow women for wo thus wynly to wepe?
104 Yhe do me dere with youre dynne, for me muste nedis dye
105 Yhe schulde, whenne yoe saw me so slippe on slepe,
106 Haue lefte all youre late and lette me lye.
107 John, cosyne, garre thame stynte and be still.
108 John. A, Marie that mylde is of mode,
109 When thi sone was raised on a rode
110 To tente the he toke me the till,
111 And therfore at thi bidding full bayne will I be.
112 Iff ther be oght, modir, that I amende may,
113 I pray the, myldest of mode, meue the to me,
114 And I schall, dereworthi dame, do it ilke a daye.
115 Mary. A, John, sone, that this peyne were ouere-paste!
116 With goode harte yoe alle that are here
117 Praies for me faithfully in feere,
118 For I mon wende fro you as faste.
119 Judeus 1. A, foode fairest of face, moste faithfull to fynde,
120 þou mayden and modir that mylde is and meke,
121 As thou arte curtaise and comen of oure kynde
122 All oure synnes for to sesse thi sone thou beseke,
123 With mercy to mende vs of mys.
124 Judeus 2. Sen thou, lady, come of oure kynne,
125 þou helpe vs nowe thou veray virginne,
126 þat we may be broght vnto blisse.
127 Mary. Jesu my sone, for my sake beseke I the this,
128 As thou arte gracious and grete God thou graunte me thy grace.
129 þei that is comen of my kynde and amende will there mys,
130 Nowe specially thou thame spede and spare thame a space,
131 And be ther belde, if thi willis be.
132 And dere sone, whane I schall dye,
133 I pray the than for thi mercy
134 þe fende thou latte me noyot see.
135 And also my blissid barne, if thi will be,
136 I sadly beseke the my sone, for my sake,
137 Men that are stedde stiffely in stormes or in see
138 And are in will wittirly my worschippe to awake,
139 And thanne nevenes my name in that nede,
140 þou late thame not perissh nor spille.
141 Of this bone my sone, at thi will,
142 þou graunte me specially to spede.
143 Also my bliste barne thou graunte me my bone,
144 All that are in newe or in nede and nevenes me be name,
145 I praie the sone for my sake thou socoure thame sone,
146 In alle ther schoures that are scharpe thou shelde thame fro schame.
147 And women also in thare childing,
148 Nowe speciall thou thame spede,
149 And if so be thei die in that drede
150 To thi blisse thane baynly thou thame bringe.
151 Jesus. Marie my modir, thurgh the myght nowe of me
152 For to make the in mynde with mirthe to be mending,
153 þyne asking all haly here heete I nowe the.
154 But modir, the fende muste be nedis at thyne endyng
155 In figoure full foule for to fere the.
156 Myne aungelis schall thane be aboute the,
157 And therfore dere dame thou thar noyot doute the,
158 For douteles thi dede schall noyot dere the.
159 And therfore my modir come myldely to me,
160 For aftir the sonne my sande will I sende,
161 And to sitte with myselfe all solas to se
162 In ay-lastand liffe in likyng to lende.
163 In this blisse schall be thi bilding,
164 Of mirth schall thou neuere haue missing
165 But euermore abide in my blissing,
166 All this schall thou haue at thi welding.
167 Mary. I thanke the my swete sone, for certis I am seke,
168 I may noyot now meve me for mercie almoste
169 To the, sone myne that made me, thi maiden so meke;
170 Here thurgh thi grace, god sone, I giffe the my goste.
171 Mi sely saule I the sende
172 To heuene that is highest on heghte,
173 To the, sone myne that moste is of myght,
174 Ressayue it here into thyne hende.
175 Jesus. Myne aungellis louely of late, lighter than the levene,
176 Into the erthe wightly I will that yoe wende
177 And bringe me my modir to the highest of heuene,
178 With mirthe and with melody hir mode for to mende,
179 For here schall hir blisse neuer be blynnande.
180 Mi modir schall myldely be me
181 Sitte nexte the high trinité
182 And neuere in two to be twynnand.
183 Angel 1. Lorde, atte thi bidding full bayne will I be,
184 þat floure that neuere was fadid full fayne will we fette.
185 Angel 2. And atte thi will, gode lorde, wirke will we
186 With solace on ilke side that semely vmsitte.
187 Angel 3. Latte vs fonde to hir faste hir fors to deffende,
188 þat birde for to bringe vnto this blis bright.
189 Body and sawle we schall hir assende
190 To regne in this regally be regenttéfull right.
191 Angel 4. To blisse that birde for to bringe
192 Nowe Gabriell late vs wightly be wendand.
193 This maiden mirthe to be mendand
194 A semely song latte vs sing.
© Copyright, 2007. From Stage to Page and Gerard NeCastro. All Rights Reserved.
All materials on this page are free to all users. We only ask two things of you. First, please be sure to cite the source properly: the citation is listed below. Second, if you would, please take one minute to say hello and tell us that you are using the pages: a quick email to firstname.lastname@example.org would be perfect.
Proper Citation: NeCastro, Gerard. The York Cycle, Play 45 - The Death of Mary. From Stage to Page - Medieval and Renaissance Drama. http:www.umm.maine.edu/faculty/necastro/drama. Date Visited.