N-Town Cycle, Play 27

[The Last Supper and the Conspiracy with Judas]

Here Cryst procedyth on fote with his dyscipulys aftyr hym, Cryst wepyng upon, țe cyté, sayng țus:

  1  JESU O Jherusalem, woful is țe ordenawnce
  2  Of țe day of ți gret persecucyon!
  3  țu xalt be dystroy with woful grevans,
  4  And ți ryalté browth to trew confusyon.
  5  3e țat in țe ceté han habytacyon,
  6  ței xal course țe tyme țat ței were born,
  7  So gret advercyté and trybulacyon
  8  Xal falle on hem both evyn and morwyn.

  9  ței țat han most chylderyn sonest xal wayle
 10  And seyn, “Alas, what may țis meen?”
 11  Both mete and drynk sodeynly xal fayle—
 12  țe vengeance of God țer xal be seen.
 13  țe tyme is comyng hes woo xal ben,
 14  țe day of trobyl and gret grevauns.
 15  Bothe templys and towrys, they xal down cleen.
 16  O ceté, ful woful is țin ordenawns!

 17  PETRUS Lord, where wolte țu kepe ți Maundé?
 18  I pray țe, now lete us haue knowyng,
 19  țat we may make redy for țe,
 20  țe to serve withowte latyng;
 21  JOHANNES To provyde, Lord, for ți comyng
 22  With all țe obedyens we kan atende,
 23  And make redy for țe in althyng,
 24  Into what place țu wy[lt] us send.
 
 25  JESU Serys, goth to Syon and 3e xal mete
 26  A pore man in sympyl aray
 27  Beryng watyr in țe strete.
 28  Telle hym I xal come țat way.
 29  Onto hym mekely loke țat 3e say
 30  țat hese hous I wele come tylle.
 31  He wele not onys to 3ow sey nay,
 32  But sofre to haue all 3oure wylle.

 33  PETRUS At ți wyl, Lord, it xal be don;
 34  To seke țat place we xal us hye,
 35  JOHANNES In all be hast țat we may go[n],
 36  țin comaw[n]dement nevyr to denye.

Here Petyr and Johan gon forth, metyng with Symon leprows beryng a kan with watyr, Petyr țus seyng:

 37  PETRUS Good man, țe prophete, oure Lord, Jesus,
 38  țis nyth wyl rest wythin țin halle.
 39  On massage to țe he hath sent vs:
 40  țat for his sopere ordeyn țu xalle.
 41  JOHANNES 3a, for hym and his dyscipulys alle
 42  Ordeyn țu for his Maundé
 43  A paschall lomb, whatso befalle,
 44  For he wyl kepe his Pasch with the.

 45  SYMON What, wyl my Lord vesyte my plase?
 46  Blyssyd be țe tyme of his comyng!
 47  I xal ordeyn withinne short space
 48  For my good Lordys welcomyng.
 49  Serys, walkyth in at țe begynnyng
 50  And se what vetaylys țat I xal take.
 51  I am so glad of țis tydyng,
 52  I wot nevyr what joye țat I may make.

Here țe dyscypulys gun in with Symon to se țe ordenawns; and Cryst comyng thedyrward, țus seyng:

 53  JESUS țis path is calsydon be goostly ordenawns,
 54  Wech xal conuey us wher we xal be.
 55  I knowe ful redy is țe purvyaunce
 56  Of my frendys țat lovyn me.
 57  Contewnyng in pees, now procede we;
 58  For mannys love țis wey I take.
 59  With gostly ey I veryly se
 60  țat man for man an hende must make.

Here țe dyscipulys com ageyn to Cryst, Petyr țus seyng:

 61  PETRUS All redy, Lord, is oure ordenawns,
 62  As I hope to 3ow plesyng xal be.
 63  Seymon hath don at 3oure instawns,
 64  He is ful glad 3oure presens to se.

 65  JOHANNES Allthyng we haue, Lord, at oure plesyng
 66  țat longyth to 3oure Mawndé, with ful glad chere.
 67  Whan he herd telle of 3oure comyng,
 68  Gret joye in hym țan dyd appere.

Here comyth Syrnon owt of his hous to welcome Cryst.

 69  SYMON Gracyous Lord, welcome țu be!
 70  Reverens be to țe, both God and man,
 71  My poer hous țat țu wylt se,
 72  Weche am ți servaunt as I kan.
 73  JESU There joye of all joyis to be is sewre
 74  (Symon, I knowe ți trewe intent),
 75  țe blysse of hefne țu xalt recure;
 76  țis rewarde I xal be grawnt present.

Here Cryst enteryth into țe hous with his disciplis and ete țe paschal lomb and in țe menetyme țe cownsel hous befornseyd xal sodeynly onclose schewyng țe buschopys, prestys and jewgys sytsyng in here astat lych as it were a convocacyon, Annas seyng țus:

 77  ANNAS Behold, it is nowth, al țat we do!
 78  In alle houre materys we prophete nowth.
 79  Wole 3e se wech peusawns of pepyl drawyth hym to
 80  For be mervaylys țat he hath wrowth?

 81  Some othyr sotylté must be sowth,
 82  For in no wyse we may not țus hym leve.
 83  Than to a schrewde conclusyon we xal be browth,
 84  For țe Romaynes țan wyl us myscheve,
 85  And take oure astat and put us to repreve,
 86  And convey all be pepyl at here owyn request.
 87  And țus all țe pepyl in hym xal beleve.
 88  țerfore I pray sow, cosyn, say what is țe best.

 89  CAYPHAS Attende now, serys, to țat I xal seye:
 90  Onto us all it is most expedyent
 91  țat o man for țe pepyl xuld deye
 92  țan all țe pepyl xuld perysch and be shent.

 93  țerfor, late us werk wysely țat we us not repent.
 94  We must nedys put on hym som fals dede.
 95  I sey for me, I had levyr he were brent
 96  țan he xuld us alle țus ouyrlede.
 97  țerfore every man on his party help at țis nede,
 98  And cowntyrfete all be sotyltés țat 3e kan.
 99  Now late se ho kan 3eve best rede
100  To ordeyn sum dystruccyon for țis man.

101  GAMALYEL Late us no lenger make delacyon,
102  But do Jesu be takyn in hondys fast,
103  And all here folwerys to here confusyon,
104  And into a preson do hem be cast.
105  Ley on hem yron țat wol last,
106  For he hath wrouth a3ens țe ryth.
107  And sythyn aftyr we xal in hast
108  Jewge hym to deth with gret dyspyth!

109  REWFYN For he hath trespacyd a3ens oure lawe,
110  Mesemyth his were best jewgement:
111  With wyld hors lete hym be drawe,
112  And afftyr in fyre he xal be brent!

113  LEYON Serys, o thyng myself herd hym sey,
114  țat he was Kyng of Jewys alle.
115  țat is anow to do hym dey,
116  For treson to Sezar we must it calle.
117  He seyd also to personys țat I know
118  țat he xuld and myth, serteyn,
119  țe gret tempyl mythtyly ovyrthrow,
120  And țe thrydde day reysyn’t ageyn!

121  Seche materys țe pepyl doth cons[treyn]
122  To 3eve credens to his werkys alle.
123  In hefne, he seyth, xal be his reyn;
124  Bothe God and man he doth hym calle!
125  REWFYN And all țis day we xuld contryve
126  What shameful deth Jesu xuld haue.
127  We may not do hym to meche myscheve
128  țe worchep of oure lawe to save.

129  LEYON Vpon a jebet lete hym hongyn be!
130  țis jugement, mesemyth, it is reson
131  țat all țe countré may hym se
132  And beware be his gret treson.

133  REWFYN 3et O thyng, serys: 3e must aspye
134  And make a ryth sotyl ordenawns
135  Be what menys 3e may come hym bye,
136  For he hath many folwerys at his instawns.

137  ANNAS Serys, țerof we must have avysement
138  And ben acordyd or țan we go.
139  How we xal han hym at oure entent,
140  Som wey we xal fynd țerto.

141  MARIA MAGDALEN As a cursyd creature closyd all in care,
142  And as a wyckyd wrecche all wrappyd in wo,

143  Of blysse was nevyr no berde so bare,
144  As I mysylf țat here now go.
145  Alas! Alas! I xal forfare
146  For țe grete synnys țat I haue do,
147  Lesse than my Lord God sumdel spare,
148  And his grett mercy receyve me to.
149  Mary Mavdelyn is my name.
150  Now wyl I go to Cryst Jesu,
151  For he is lord of all vertu,
152  And for sum grace I thynke to sew;
153  For of myself I haue grett shame.

154  A mercy, Lord, and salve my synne!
155  Maydenys floure, țu wasch me fre.
156  țer was nevyr woman of mannys kynne
157  So ful of synne in no countré.
158  I haue be fowlyd be fryth and fenne
159  And sowght synne in many a ceté.
160  But țu me borwe, Lord, I xal brenne,
161  With blake fendys ay bowne to be!
162  Wherefore, Kynge of Grace,
163  With his oynement țat is so sote,
164  Lete me anoynte țin holy fote,
165  And for my balys țus wyn sum bote
166  And mercy, Lord, for my trespace.

167  JESUS Woman, for ți wepynge wylle,
168  Sum socowre God xal țe sende.
169  țe to saue I haue grett skylle,
170  For sorwefful hert may synne amende.
171  All ți prayour I xal fulfylle;
172  To ți good hert I wul attende
173  And saue țe fro ți synne so hylle,
174  And fro vij develys I xal țe fende.
175  Fendys, fleth 3oure weye!
176  Wyckyd spyritys, I 3ow conjowre,
177  Fleth out of hire bodyly bowre!
178  In my grace she xal evyr flowre
179  Tyl deth doth here to deye.

180  MARIA MAGDALENE I thanke țe, Lorde, of this grett grace.
181  Now țese vij fendys be fro me flytt,
182  I xal nevyr forffett nor do trespace
183  In wurd, nor dede, ne wyl, nor wytt.
184  Now I am brought from țe fendys brace,
185  In ți grett mercy closyd and shytt,
186  I xal nevyr returne to synful trace
187  țat xulde me dampne to helle pytt.
188  I wurchep the on knes bare.
189  Blyssyd be țe tyme țat I hedyr sowth,
190  And țis oynement țat I hedyr brought.
191  For now myn hert is clensyd from thought
192  țat fyrst was combryd with care.

193  JUDAS Lord, methynkyth țu dost ryght ylle
194  To lete his oynement so spylle!
195  To selle it, yt were more skylle,
196  And bye mete to poer men.
197  The box was worth of good moné
198  iij C pens fayr and fre!
199  țis myght a bowht mete plenté
200  To fede oure power ken.

201  JESUS Pore men xul abyde—
202  Ageyn țe woman țu spekyst wronge—
203  And I passe forth in a tyde.
204  Off mercy is here mornyng songe.

Here Cryst restyth and etyth a lytyl, and seyth syttyng to his disciplis and Mary Mawdelyn:

205  JESUS Myn herte is ryght sory, and no wondyr is:
206  Too deth I xal go, and nevyr dyd trespas.
207  But 3itt most grevyth myn hert evyr of this:
208  On of my bretheryn xal werke țis manas.
209  On of 3ow here syttynge my treson xal tras—
210  On of 3ow is besy my deth here to dyth.
211  And 3itt was I nevyr in no synful plas
212  Wherefore my deth xuld so shamfully be pyght.

213  PETRUS My dere Lord, I pray the țe trewth for to telle,
214  Whiche of vs ys he țat treson xal do?
215  Whatt traytour is he țat his Lord țat wold selle?
216  Expresse his name, Lord, țat xal werke his woo.
217  JOHANNES If țat her be on țat wolde selle so,
218  Good mayster, telle us now opynly his name.
219  What traytour is hym țat from țe țat wolde go
220  And with fals treson fulfylle his grett shame?

221  ANDREAS It is ryght dredfull such tresson to thynke,
222  And wel more dredfful to werk țat bad dede!
223  For țat fals treson to helle he xal synke,
224  In endles peynes grett myscheff to lede.
225  JACOBUS MAJOR It is not I, Lord! For dowte I haue drede.
226  țis synne to fulfylle cam nevyr in my mende.
227  Iff țat I solde țe, thy blood for to blede,
228  In doyng țat treson my sowle xulde I shende!

229  MATHEUS Alas, my dere Lord, what man is so wood
230  For gold or for sylvyr hymself so to spylle?
231  He țat țe doth selle for gold or for other good,
232  With his grett covetyse hymself he doth kylle.
233  BARTHOLOMEUS What man soevyr he be of so wyckyd wylle,
234  Dere Lord, among vs tell vs his name all owt.
235  He țat to hym tendyth țis dede to fulffille,
236  For his grett treson, his sowle stondyth in dowt.

237  PHILIPPUS Golde, sylver, and tresoour sone doth passe away,
238  But withowtyn ende evyr doth laste ți grace.
239  A, Lord, who is that wyll chaffare țe for monay?
240  For he țat sellyth his Lord, to grett is țe trespace!
241  JACOBUS MINOR That traytour țat doth his orryble manace,
242  Bothe body and sowle I holde he be lorn,
243  Dampnyd to helle pytt fer from ți face,
244  Amonge all fowle fyndys to be rent and torn.

245  SYMON To bad a marchawnt, țat traytour he is,
246  And for țat monye he may mornyng make.
247  Alas, what cawsyth hym to selle țe Kyng of Blys?
248  For his fals wynnynge țe devyl hym xal take.
249  THOMAS For his fals treson țe fendys so blake
250  Xal bere his sowle depe down into helle pytt.
251  Resste xal he non haue, but evyrmore wake
252  Brennyng in hoot fyre, in preson evyr shytt.

253  THADEUS I woundyr ryght sore who țat he xuld be
254  Amongys vs all bretheryn țat xuld do his synne.
255  Alas, he is lorn, her may no grace be;
256  In depe helle donjeon his sowle he doth pynne.
257  JESUS In my dysche he etyht țis treson xal begynne,
258  Wo xal betydyn hym for his werke of dred.
259  He may be ryght sory swych ryches to wynne,
260  A[n]d whysshe hymself vnborn for țat synful ded.

261  JUDAS The trewth wolde I knowe as leff as 3e
262  And țerfore, good ssere, țe trewth țu me telle.
263  Whiche of vs all here țat traytour may be?
264  Am I țat person țat țe now xal selle?
265  JESUS So seyst țiselff, take hed att ți spelle.
266  țu askyst me now here if țu xalt do țat treson;
267  Remembyr țiself, avyse țe ryght welle;
268  țu art of grett age and wotysst what is reson.

Here Judas rysyth prevely and goth in țe place and seyt “Now cownter...”

269  JUDAS Now cowntyrfetyd I haue a prevy treson,
270  My maysterys power for to felle:
271  I, Judas, xal asay be some encheson
272  Onto țe Jewys hym for to selle.
273  Som mony for hym 3et wold I telle.
274  Be prevy menys I xal asay;
275  Myn intent I xal fulfylle.
276  No lenger I wole make delay.

277  țe princys of prestys now be present,
278  Vnto hem now my way I take.
279  I wyl go tellyn hem myn entent—
280  I trow ful mery I xal hem make.
281  Mony I wyl non forsake,
282  And ței profyr to my plesyng;
283  For covetyse I wyl with hem wake,
284  And onto my maystyr I xal hem bryng.

285  Heyl, prynsesse and prestys țat ben present!
286  New tydyngys to 3ow I come to telle.
287  3yf 3e wole folwe myn intent,
288  My maystyr, Jesu, I wele 3ow selle,
289  Hese intent and purpose for to felle.
290  For I wole no lenger folwyn his lawe.
291  Lat sen what mony țat I xal telle,
292  And late Jesu my maystyr ben hangyn and drawe.

293  GAMALYE[L] Now welcome, Judas, oure owyn frende!
294  Take hym in, serys, be țe honde.
295  We xal țe both geve and lende,
296  And in every qwarel by țe stonde.
297  REWFYN Judas, what xal we for ți mayster pay?
298  ți sylver is redy and we acorde.
299  țe payment xal haue no delay,
300  But be leyde down here at a worde.

301  JUDAS Late țe mony here down by layde,
302  And I xal telle 3ow as I kan.
303  In old termys I haue herd seyde
304  țat “mony makyth schapman.”
305  REWFYN Here is thretty platys of sylver bryth
306  Fast knyth withinne his glove.
307  And we may have ți mayster his nyth,
308  țis xalt țu haue, and all oure love.

309  JUDAS 3e are resonable chapmen to bye and selle.
310  țis bargany with 3ow now xal I make.
311  Smyth up! 3e xal haue al 3oure wylle,
312  For mony wyl I non forsake.

313  LEYON Now țis bargany is mad ful and fast,
314  Noyther part may it forsake.
315  But, Judas, țu must telle us in hast
316  Be what menys we xal hym take.

317  REWFYN 3a, țer be many țat hym nevyr sowe
318  Weche we wyl sende to hym in fere.
319  țerfor be a tokyn we must hym knowe
320  țat must be prevy betwyx us here.

321  LEYON 3a, beware of țat for ony thynge.
322  For o dyscypil is lyche ți maystyr in al parayl,
323  And 3e go lyche in all ciothyng;
324  So myth we of oure purpose fayl.

325  JUDAS As for țat, serys, haue 3e no dowth;
326  I xal ordeyn so 3e xal not mysse.
327  Whan țat 3e cvm hym all abowth,
328  Take țe man țat I xal kysse.

329  I must go to my maystyr ageyn.
330  Dowth not, serys; his matere is sure inow.
331  GAMALYEL Farewel, Judas, oure frend, serteyn.
332  ți labour we xal ryth wel alow.

333  JUDAS Now wyl I sotely go seke my maystyr ageyn,
334  And make good face as I nowth knew.
335  I haue hym solde to wo and peyn;
336  I trowe ful sore he xal it rew.

Here Judas goth in sotylly wheras he cam fro.

337  ANNAS Lo, serys, a part we haue of oure entent
338  For to take Jesu! Now we must provyde
339  A sotyl meny to be present
340  țat dare fyth and wele abyde.

341  GAMALYE[L] Ordeyn eche man on his party
342  Cressetys, lanternys, and torchys lyth;
343  And țis nyth to be țer redy
344  With exys, gleyvis, and swerdys bryth.

345  CAYPHAS No lenger țan make we teryeng,
346  But eche man to his place hym dyth.
347  And ordeyn preuely for his thyng,
348  țat it be don his same nyth.

Here the buschopys partyn in țe place, and eche of hem takyn here leve be contenawns, resortyng eche man to his place with here meny, to make redy to take Cryst. And țan xal țe place țer Cryst is in sodeynly vnclose rownd abowtyn shewyng Cryst syttyng at țe table and hese dyscypulis ech in ere degré; Cryst țus seyng:

349  JESU Brederyn, țis lambe țat was set us beforn
350  țat we alle haue etyn in țis nyth,
351  It was comawndyd be my fadyr to Moyses and Aaron
352  Whan ței weryn with țe Chylderyn of Israel in Egythp.

353  And as we with swete bredys haue it ete,
354  And also with țe byttyr sokelyng,
355  And as we take țe hed with țe fete,
356  So dede ței in all maner thyng.

357  And as we stodyn so dede ței stond;
358  And here reynes ței gyrdyn, veryly,
359  With schon on here fete and stavys in here hond;
360  And as we ete it, so dede ței, hastyly.
361  țis fygure xal sesse; anothyr xal folwe țerby,
362  Weche xal be of my body, țat am 3oure hed,
363  Weche xal be shewyd to 3ow be a mystery
364  Of my flesch and blood in forme of bred.

365  And with fervent desyre of hertys affeccyon
366  I have enterly desyryd to kepe my Mawndé
367  Among 3ow or țan I suffre my Passyon.
368  For of țis no more togedyr suppe xal we.
369  And as țe paschal lomb etyn haue we
370  In țe eld lawe was vsyd for a sacryfyce,
371  So țe newe lomb țat xal be sacryd be me
372  Xal be vsyd for a sacryfyce most of price.

Here xal Jesus take an oblé in his hand lokyng vpward into hefne, to țe Fadyr țus seyng:

373  Wherefore to țe, Fadyr of Hefne țat art eternall,
374  Thankyng and honor I 3eld onto țe,
375  To whom be țe Godhed I am eqwall,
376  But be my manhod I am of lesse degré.
377  Wherefore I as man worchep țe Deyté,
378  Thankyng țe, fadyr, țat țu wylt shew his mystery;
379  And țus țurwe ți myth, fadyr, and blyssyng of me,
380  Of his țat was bred is mad my body.

Here xal he spekyn ageyn to his dyscipulys, țus seyng:

381  Bretheryn, be țe [vertu] of țese wordys țat [re]hercyd be,
382  țis țat shewyth as bred to 3oure apparens
383  Is mad țe very flesche and blod of me,
384  To țe weche ței țat wole be savyd must 3eve credens.

385  And as in țe olde lawe it was comawndyd and precepte
386  To ete his lomb to țe dystruccyon of Pharao vnkende,
387  So to dystroy 3oure gostly enmye his xal be kepte
388  For 3oure paschal lombe into țe werdys ende.

389  For his is țe very lombewithowte spot of synne
390  Of weche Johan țe Baptyst dede prophesy
391  Whan his prophesye he dede begynne,
392  Seyng, “Ecce Agnus Dey.”

393  And how 3e xal ete his lombe I xal 3eve infformacyon
394  In țe same forme as țe eld lawe doth specyfye,
395  As I shewe be gostly interpretacyon;
396  țerfore to țat I xal sey, 3oure wyttys loke 3e replye.

397  With no byttyr bred his bred ete xal be:
398  țat is to say, with no byttyrnesse of hate and envye,
399  But with țe suete bred of loue and charyté,
400  Weche fortefyet țe soule gretlye.

401  And it schuld ben etyn with țe byttyr sokelyng:
402  țat is to mene, 3yf a man be of synful dysposysyon,
403  Hath led his lyff here with myslevyng,
404  țerfore in his hert he xal haue byttyr contrycyon.

405  Also, țe hed with țe feet ete xal 3e:
406  Be țe hed 3e xal vndyrstand my Godhed,
407  And be țe feet 3e xal take myn humanyté.
408  țese tweyn 3e xal receyve togedyr, indede.

409  This immaculat lombe țat I xal 3ow 3eve
410  Is not only țe Godhed alone,
411  But bothe God and man, țus must 3e beleve;
412  țus țe hed with țe feet 3e xal receyve echon.

413  Of his lombe vnete yf owth belevyth, iwys,
414  Yt xuld be cast in țe clere fyre and brent;
415  Weche is to mene, yf țu vndyrstande nowth al his,
416  Put ți feyth in God and țan țu xalt not be shent.

417  The gyrdyl țat was comawndyd here reynes to sprede
418  Xal be țe gyrdyl of clennes and chastyté.
419  țat is to sayn, to be contynent in word, thought, and dede,
420  And all leccherous levyng cast 3ow for to fle.

421  And țe schon țat xal be 3oure feet vpon
422  Is not ellys but exawnpyl of vertuis levyng
423  Of 3oure form faderys 3ou beforn;
424  With țese schon my steppys 3e xal be sewyng.

425  And țe staf țat in 3oure handys 3e xal holde
426  Is not ellys but țe exawmplys to other men teche;
427  Hold fast 3oure stauys in 3oure handys and beth bolde
428  To every creature myn precepttys for to preche.

429  Also, 3e must ete țis paschall lombe hastyly,
430  Of weche sentens țis is țe very entent:
431  At every oure and tyme 3e xal be redy
432  For to fulfylle my cowmawndement.

433  For țow 3e leve his day, 3e are not sure
434  Whedyr 3e xal leve tomorwe or nowth.
435  țerfor hastyly every oure do 3oure besy cure
436  To kepe my preceptys, and țan țar 3e not dowth.

437  Now haue I lernyd 3ow how 3e xal ete
438  3oure paschal lombe, țat is my precyous body.
439  Now I wyl fede 3ow all with awngellys mete;
440  Wherfore to reseyve it, come forth seryattly.

441  PETRUS Lord, for to receyve țis gostly sustenawns
442  In dewe forme, it excedyth myn intellygens.
443  For no man of hymself may have substawns
444  To receyve it with to meche reverens.

445  For with more delycyous mete, Lord, țu may us not fede
446  țan with țin owyn precyous body.
447  Wherfore what I haue trespacyd in word, thought, or dede,
448  With byttyr contrycyon, Lord, I haske țe mercy.

Whan oure Lord 3yvyth his body to his dyscypulys, he xal sey to eche of hem, except to Judas:

449  [JESUS] This is my body, flesch and blode,
450  țat for țe xal dey upon be rode.

And whan Judas comyth last, oureLord xal sey to hym:

451  Judas, art țu avysyd what țu xalt take?
452  JUDAS Lord, ți body I wyl not forsake.

And sythyn oure Lord xal sey onto Judas:

453  JESU Myn body to țe I wole not denye,
454  Sythyn țu wylt presume țerupon.
455  Yt xal be ți dampnacyon, verylye—
456  I 3eve țe warnyng now beforn.

And aftyr țat Judas hath reseyvyd, he xal syt țer he was, Cryst seyng:

457  On of 3ow hath betrayd me
458  țat at my borde with me hath ete.
459  Bettyr it hadde hym for to a be
460  Bothe vnborn and vnbegete.

Than eche dyscypyl xal loke on other, and Petyr xal sey:

461  PETRUS Lord, it is not I.

And so all xul seyn tyl ței comyn at Judas, wech xal sey:

462  JUDAS Is it owth I, Lord?

țan Jesus xal sey:

463  JESU Judas, țu seyst țat word.

464  Me țu ast solde, țat was ți frend;
465  țat țu hast begonne, brenge to an ende.

țan Judas xal gon ageyn to țe Jewys. And, yf men wolne, xal mete with hym and sey țis spech folwyng—or levyn’t whether ței wyl—țe devyl țus seyng:

466  DEMON A, a, Judas, derlyng myn,
467  țu art țe best to me țat evyr was bore!
468  țu xalt be crownyd in helle peyn,
469  And țerof țu xalt be sekyr for evyrmore.

470  Thow hast solde ți maystyr and etyn hym also!
471  I wolde țu kowdyst bryngyn hym to helle every del;
472  But 3et I fere he xuld do her sum sorwe and wo
473  țat all helle xal crye out on me țat sel.

474  Sped up ți matere țat țu hast begonne:
475  I xal to helle for țe to mak redy.
476  Anon țu xalt come wher țu xalt wonne;
477  In fyre and stynk țu xalt sytt me by.

478  JESU Now țe Sone of God claryfyed is,
479  And God in hym is claryfyed also.
480  I am sory țat Judas hath lost his blysse,
481  Weche xal turne hym to sorwe and wo.

482  But now in țe memory of my Passyon,
483  To ben partabyl with me in my reyn above,
484  3e xal drynk myn blood with gret devocyon,
485  Wheche xal be xad for mannys love.

486  Takyth țese chalys of țe newe testament,
487  And kepyth his evyr in 3oure mende.
488  As oftyn as 3e do his with trewe intent,
489  It xal defende 3ow fro țe fende.

Than xal țe dysciplys com and take țe blod, Jesus seyng:

490  țis is my blood țat for mannys synne
491  Outh of myn herte it xal renne.

And țe dyscipulys xul sett țem a3en țer ței wore, and Jesus xal seyn:

492  Takyth hed now, bretheryn, what I haue do:
493  With my flesch and blood I haue 3ow fed.
494  For mannys love I may do no mo
495  țan for love of man to be ded.

496  Werfore, Petyr, and 3e everychon,
497  3yf 3e loue me, fede my schep,
498  țat for fawth of techyng ței go not wrong;
499  But evyr to hem takyth good kep.

500  3evyth hem my body, as I haue to 3ow,
501  Qweche xal be sacryd be my worde.
502  And evyr I xal țus abyde with 3ow
503  Into țe ende of țe werde.

504  Hoso etyth my body and drynkyth my blood,
505  Hol God and man he xal me take.
506  It xal hym defende from țe deuyl wood,
507  And at his deth I xal hym nowth forsake.

508  And hoso not ete my body nor drynke my blood,
509  Lyf in hym is nevyr a dele.
510  Kepe wel his in mende for 3oure good,
511  And every man save hymself wele.

Here Jesus takyth a basyn with watyr and towaly gyrt abowtyn hym and fallyth beforn Petyr on his o kne.

512  JESUS Another exawmpyl I xal 3ow shewe
513  How 3e xal leve in charyté.
514  Syt here down at wordys fewe,
515  And qwat I do 3e sofre me.

Here he takyth țe basyn and țe towaly and doth as țe roberych seyth beforn.

516  PETRUS Lord, what wylt țu with me do?
517  țis servyce of țe I wyl forsake.
518  To wassche my feet, țu xal not so—
519  I am not worthy it of țe to take.

520  JESU Petyr, and țu forsake my servyce all
521  țe weche to 3ow țat I xal do,
522  No part with me haue țu xal,
523  And nevyr com my blysse onto.

524  PETRU[S] țat part, Lord, we wyl not forgo;
525  We xal abey his comawndement.
526  Wasche hed and hond, we pray țe so;
527  We wyl don after țin entent.

Here Jesus wasshyth his dyscipulys feet by and by, and whypyth he[m], and kyssyth hem mekely, and sythy[n] settyth hym down, țus seyng:

528  JES[U] Frendys, țis wasshyng xal now prevayll.
529  3oure lord and mayster 3e do me calle,
530  And so I am, withowtyn fayl;
531  3et I haue wasschyd 3ow alle.
532  A memory of țis haue 3e xall
533  țat eche of 3ow xal do to othyr.
534  With vmbyl hert submyt egal,
535  As eche of 3ow were otherys brother.

536  Nothyng, serys, so wele plesyth me,
537  Nor no lyf țat man may lede,
538  As ței țat levyn in charyté;
539  In efne I xal reward here mede.
540  țe day is come, I must procede
541  For to fulfylle țe prophecy.
542  his nyth for me 3e xal han drede
543  Whan novmbyr of pepyl xal on me cry.

544  For țe prophetys spoke of me,
545  And seydyn of deth țat I xuld take;
546  Fro whech deth I wole not fle,
547  But for mannys synne amendys make.
548  This nyth fro 3ow be led I xal,
549  And 3e for fer fro me xal fle,
550  Not onys dur speke whan I 3ow call,
551  And some of 3ow forsake me.

552  For 3ow xal I dey and ryse ageyn.
553  Vn țe thrydde day 3e xal me se
554  Beforn 3ow all walkyng playn
555  In țe lond of Galylé.
556  PETRUS Lord, I wyl țe nevyr forsake,
557  Nor for no perellys fro țe fle!
558  I wyl rather my deth take
559  țan onys, Lord, forsake țe.

560  JESU Petyr, yn ferthere țan țu doyst knowe
561  As for țat promese loke țu not make.
562  For or țe cok hath twyes crowe,
563  Thryes țu xal me forsake.

564  But, all my frendys țat am me dere,
565  Late us go; țe tyme drawyth ny.
566  We may no lengere abydyn here,
567  For I must walke to Betany.

568  țe tyme is come, țe day drawyth nere;
569  Onto my deth I must in hast.
570  Now, Petyr, make all ți felawys chere;
571  My flesch for fere is qwakyng fast.