N-Town Cycle, Play 14 [The Trial of Mary and Joseph] 1 DEN Avoyd, serys, and lete my lorde ŝe buschop come 2 And syt in ŝe courte, ŝe lawes for to doo. 3 And I xal gon in ŝis place, them for to somowne, 4 Tho ŝat ben in my book—ŝe court 3e must com too! 5 I warnd 3ow here all abowte 6 ŝat I somown 3ow, all ŝe rowte! 7 Loke 3e fayl for no dowte 8 At ŝe court to pere. 9 Both Johan Jurdon and Geffrey Gyle, 10 Malkyn Mylkedoke and fayr Mabyle, 11 Stevyn Sturdy and Jak-at-ŝe-Style, 12 And Sawdyr Sadelere. 13 Thom Tynkere and Betrys Belle, 14 Peyrs Pottere and Whatt-at-ŝe-Welle, 15 Symme Srnalfeyth and Kate Kelle, 16 And Bertylmew ŝe bochere. 17 Kytt Cakelere and Colett Crane, 18 Gylle Fetyse and fayr Jane, 19 Powle Pewterere and Pernel Prane, 20 And Phelypp ŝe good flecchere. 21 Cok Crane and Davy Drydust, 22 Luce Lyere and Letyce Lytyltrust, 23 Miles ŝe myllere and Colle Crakecrust, 24 Bothe Bette ŝe bakere and Robyn Rede. 25 And loke 3e rynge wele in 3oure purs, 26 For ellys 3oure cawse may spede ŝe wurs, 27 ŝow ŝat 3e slynge Goddys curs 28 Evyn at myn hede! 29 Fast com away, 30 Bothe Boutyng ŝe browstere and Sybyly Slynge, 31 Megge Merywedyr and Sabyn Sprynge, 32 Tyffany Twynkelere, fayle for nothynge, 33 The courte xal be ŝis day! Hic intrabit page [n] turn do Purgacione Marie et Joseph. Hic dicit Prirnus Detractor: 34 [PRIMUS DETRACTOR] A, a, serys, God saue 3ow all! 35 Here is a fayr pepyl, in good fay. 36 Good serys, telle me what men me calle; 37 I trowe 3e kannot be ŝis day. 38 3itt I walke wyde and many Way, 39 But 3et fer I come I do no good: 40 To reyse slaw[n]dyr is al my lay. 41 Bakbytere is my brother of blood. 42 Dede he ought come hedyr in al ŝis day? 43 Now wolde God ŝat he wore here. 44 And be my trewth I dare wel say 45 ŝat yf we tweyn togedyr apere, 46 More slawndyr we to xal arere 47 Within an howre thorweouth this town 48 Than evyr ŝer was ŝis thowsand 3ere, 49 And ellys I shrewe 3ow bothe vp and down! 50 Now be my trewth I haue a syght 51 Euyn of my brother, lo! where he is. 52 Welcom, dere brother, my trowth I plyght! 53 3owre jentyl mowth let me now kys. 54 SECUNDUS DETRACTOR Gramercy, brother, so haue I blys! 55 I am ful glad we met ŝis day. 56 PRIMUS DETRACTOR Ryght so am I, brothyr, iwys, 57 Mech gladdere than I kan say. 58 But 3itt, good brother, I 3ow pray, 59 Telle all ŝese pepyl what is 3oure name; 60 For yf ŝei knew it, my lyf I lay, 61 They wole 3ow wurchep and speke gret fame. 62 SECUNDUS DETRACTOR I am Bakbytere, ŝat spyllyth all game, 63 Bothe kyd and knowyn in many a place! 64 PRIMUS DETRACTOR Be my trowth, I seyd ŝe same, 65 And 3et sum seyden ŝu xulde haue evyl grace. 66 SECUNDUS DETRACT[OR] Herk, Reysesclaundyr, canst ŝu owth telle 67 Of any newe thynge ŝat wrought was late? 68 PRIMUS DETRACT[OR] Within a shorte whyle a thynge befelle, 69 I trowe ŝu wylt lawh3 ryght wel ŝerate; 70 For, be trowth, ryght mekyl hate, 71 If it be wyst, ŝerof wyl growe. 72 SECUNDUS DETRACTOR If I may reyse ŝerwith debate, 73 I xal not spare ŝe seyd to sowe. 74 PRIMUS DETRACTOR Syr, in ŝe tempyl a mayd ŝer was 75 Calde Mayd Mary, ŝe trewth to tell. 76 Sche semyd so holy withinne ŝat plas, 77 Men seyd sche was fedde with holy aungell. 78 Sche made a vow with man nevyr to melle, 79 But to leve chast and clene virgine. 80 Howevyr it be, here wombe doth swelle 81 And is as gret as ŝinne or myne! 82 SECUNDUS DETRACTOR 3a, ŝat old shrewe Joseph, my trowth I plyght, 83 Was so anameryd upon ŝat mayd 84 ŝat of hyre bewté whan he had syght, 85 He sesyd nat tyll [he] had here asayd! 86 PRIMUS DETRACTOR A, nay, nay, wel wers she hath hym payd: 87 Sum fresch 3onge galaunt she lovyth wel more 88 ŝat his leggys to here hath leyd! 89 And ŝat doth greve ŝe old man sore. 90 SECUNDUS DETRACTOR Be my trewth, al may wel be, 91 For fresch and fayr she is to syght. 92 And such a mursel, as semyth me, 93 Wolde cause a 3onge man to haue delyght. 94 PRIMUS DETRACTOR Such a 3onge damesel of bewté bryght, 95 And of schap so comely also, 96 Of hire tayle ofte-tyme be lyght 97 And rygh tekyl vndyr ŝe too. 98 SECUNDUS DETRACTOR That olde cokolde was evyl begylyd 99 To ŝat fresche wench whan he was wedde. 100 Now muste he faderyn anothyr mannys chylde, 101 And with his swynke he xal be fedde. 102 PRIMUS DETRACTOR A 3onge man may do more chere in bedde 103 To a 3onge wench ŝan may an olde. 104 ŝat is ŝe cawse such lawe is ledde, 105 ŝat many a man is a kokewolde. Hic sedet Episcopus Abizachar inter duos legis doctores et, audientes hanc defam[a]cionem, vocat ad se detractores dicens: 106 EPISCOPUS Herke, 3e felawys, why speke 3e such schame 107 Of ŝat good virgyn, fayr Mayd Mary? 108 3e be acursyd so hire for to defame, 109 She ŝat is of lyff so good and holy. 110 Of hire to speke suche velany 111 3e make myn hert ful hevy of mood. 112 I charge 3ow sese of 3oure fals cry, 113 For sche is sybbe of myn owyn blood. 114 SECUNDUS DETRACTOR Syb of ŝi kyn ŝow ŝat she be, 115 All gret with chylde hire wombe doth swelle! 116 Do calle here hedyr, ŝiself xal se 117 ŝat it is trewthe ŝat I ŝe telle. 118 PRIMUS DETRACTOR Sere, for 3oure sake I xal kepe cowncelle; 119 3ow for to greve I am ryght loth. 120 But lest, serys, lyst what seyth ŝe belle: 121 Oure fayr mayd now gret with childe goth! 122 PRIMUS DOCTOR Take good heed, serys, what 3e doth say, 123 Avyse 3ow wele what 3e present. 124 3yf ŝis be fownd fals anothyr day, 125 Ful sore 3e xal 3oure tale repent! 126 SECUNDUS DETRACTOR Sere, ŝe mayd forsothe is good and gent, 127 Bothe comely and gay and a fayr wench; 128 And feetly with help sche can consent 129 To set a cokewolde on ŝe hye benche! 130 SECUNDUS DOCTOR 3e be to besy of 3oure langage! 131 I hope to God 3ow fals to preve. 132 LEGIS It were gret rewthe she xulde so outrage, 133 Or with such synne to myscheve. 134 EPISCOPUS This evy talys my hert doth greve, 135 Of hire to here such fowle dalyawnce. 136 If she be fowndyn in suche repreve, 137 She xal sore rewe here governawns! 138 Sym Somnore, in hast wend ŝu ŝi way; 139 Byd Joseph and his wyff be name 140 At ŝe coorte to appere ŝis day, 141 Here hem to pourge of here defame. 142 Sey ŝat I here of hem grett schame 143 And ŝat doth me gret hevynes. 144 If ŝei be clene withowtyn blame, 145 Byd hem come hedyr and shew wyttnes. 146 DEN All redy, sere, I xal hem calle 147 Here at 3oure courte for to appere. 148 And yf I may hem mete withall, 149 I hope ryght sone ŝei xal ben here. 150 Awey, serys, lete me com nere! 151 A man of wurchep here comyth to place. 152 Of curtesy, mesemyth, 3e be to lere; 153 Do of 3oure hodys, with an evyl grace. 154 Do me sum wurchep befor my face, 155 Or be my trowth I xal 3ow make! 156 If ŝat I rolle 3ow up in my race, 157 For fere I xal do 3oure ars qwake! 158 But 3it sum mede and 3e me take, 159 I wyl withdrawe my gret rough toth. 160 Gold or sylvyr I wyl not forsake, 161 But [do] evyn as all somnorys doth. 162 A, Joseph, good day, with ŝi fayr spowse! 163 My lorde ŝe buschop hath for 3ow sent. 164 It is hym tolde ŝat in ŝin house 165 A cockoldeis bowe is ech nyght bent. 166 He ŝat shett ŝe bolt is lyke to be schent. 167 Fayre mayde, ŝat tale 3e kan best telle. 168 Now be 3oure trowth, telle 3oure entent: 169 Dede not ŝe archere plese 3ow ryght well? 170 MARIA Of God in hevyn I take wyttnes, 171 ŝat synful werk was nevyr my thought. 172 I am a mayd 3it of pure clennes, 173 Lyke as I was into ŝis werd brought. 174 DEN Othyr wyttnes xal non be sought. 175 ŝu art with childe cche man may se. 176 I charge 3ow bothe 3e tary nought, 177 But to ŝe buschop com forth with me. 178 JOSEPH To ŝe buschop with 3ow we wende— 179 Of oure purgacyon hawe we no dowth. 180 MARIA Almyghty God xal be oure frende 181 Whan ŝe trewthe is tryed owth. 182 DEN 3a, on ŝis wyse excusyth here every scowte 183 Whan here owyn synne hem doth defame! 184 But lowly ŝan ŝei gyn to lowth 185 Whan ŝei be gylty and fowndyn in blame. 186 Therfore, com forth, Cokewolde be name! 187 ŝe busschop xal 3oure lyff appose. 188 Com forth also, 3e goodly dame, 189 A clene huswyff, as I suppose! 190 I xal 3ow tellyn withowtyn glose, 191 And 3e were myn, withowtyn lak, 192 I wolde ech day beschrewe 3oure nose 193 And 3e dede brynge me such a pak! 194 My lord ŝe buschop, here haue I brought 195 ŝis goodly copyl at 3oure byddyng; 196 And as mesemyth as be here fraught, 197 'Fayr chylde, lullay’ sone must she syng. 198 PRIMUS DETRACTOR To here a credyl and 3e wolde brynge, 199 3e myght saue mony in here purse. 200 Becawse she is 3oure cosyn 3ynge, 201 I pray 3ow, sere, lete here nevyr fare ŝe wers. 202 EPISCOPUS Alas, Mary, what hast ŝu wrought? 203 I am aschamyd evyn for ŝi sake. 204 How hast ŝu chaungyd ŝin holy thought? 205 Dude old Joseph with strenght ŝe take? 206 Or hast ŝu chosyn another make 207 By whom ŝu art ŝus brought in schame? 208 Telle me who hath wrought ŝis wrake. 209 How has ŝu lost ŝin holy name? 210 MARIA My name, I hope, is saff and sownde. 211 God to wyttnes, I am a mayd. 212 Of fleschby lust and gostly wownde 213 In dede nere thought I nevyr asayd. 214 PRIMUS DOCTOR How xulde ŝi wombe ŝus be arayd, 215 So grettly swollyn as ŝat it is? 216 LEGIS But if sum man ŝe had ovyrlayd, 217 ŝi wombe xulde never be so gret, iwys! 218 SECUNDUS DOCTOR Herke ŝu, Joseph, I am afrayd 219 ŝat ŝu hast wrought ŝis opyn synne. 220 ŝis woman ŝu hast ŝus betrayd 221 With gret flaterynge or sum fals gynne. 222 SECUNDUS DETRACTOR Now, be myn trowth, 3e hytte ŝe pynne! 223 With ŝat purpose, in feyth, I holde. 224 Telle now how ŝu ŝus hire dudyst wynne, 225 Ore knowlych ŝiself for a cockewold. 226 JOSEPH Sche is for me a trewe clene mayde, 227 And I for hire am clene also. 228 Of fleschly synne I nevyr asayde 229 Sythyn ŝat sch[e] was weddyd me to. 230 EPISCOPUS Thu xalt not schape from vs 3itt so; 231 Fyrst ŝu xalte tellyn us another lay. 232 Streyt to ŝe awter ŝu xalt go, 233 ŝe drynge of vengeawns fer to asay. 234 Here is ŝe botel of Goddys vengeauns. 235 This drynk xal be now ŝi purgacyon. 236 ŝis [hath] suche vertu by Goddys ordenauns 237 ŝat what man drynk of ŝis potacyon 238 And goth serteyn in processyon 239 Here in ŝis place ŝis awtere abowth, 240 If he be gylty, sum maculacion 241 Pleyn in his face xal shewe it owth. 242 Iff ŝu be gylty, telle us, lete se. 243 Ouyr Godys myght be not to bolde! 244 If ŝu presume and gylty be, 245 God ŝu dost greve many a folde. 246 JOSEPH I am not gylty, as I fyrst tolde, 247 Allmyghty God I take wytnes. 248 EPISCOPUS Than ŝis drynke in hast ŝu holde, 249 And on processyon anon ŝe dresse. Hic Joseph bibit et sepcies circuiuit altare dicens: 250 JOSEPH This drynk I take with meke entent. 251 As I am gyltles, to God I pray: 252 Lord, as ŝu art omnypotente, 253 On me ŝu shewe ŝe trowth ŝis day. Modo bibit 254 About ŝis awtere I take ŝe Way, 255 O gracyous God, help ŝi servaunt! 256 As I am gyltles a3en 3on may, 257 ŝin hand of mercy ŝis tyme me graunt. 258 DEN This olde shrewe may not wele gon! 259 Longe he taryeth to go abowth. 260 Lyfte up ŝi feet, sett forth ŝi ton, 261 Or be my trowth ŝu getyst a clowte! 262 SECUNDUS DETRACTOR Now, sere, evyl thedom com to ŝi snowte! 263 What heylyght ŝi leggys now to be lame? 264 ŝu dedyst hem put ryght freschly owte 265 Whan ŝu dedyst pley with 3on 3onge dame! 266 PRIMUS DETRACTOR I pray to God gyf hym myschawns! 267 Hese leggys here do folde for age. 268 But with ŝis damysel whan he dede dawns, 269 ŝe olde charle had ryght gret corage! 270 DEN The shrewe was ŝan sett in a dotage 271 And had good lust ŝat tyme to pleyn. 272 3aff sche not 3ow cawdel to potage 273 Whan 3e had don, to comforte 3oure brayn? 274 JOSEPH A, gracyous God, help me ŝis tyde 275 Ageyn ŝis pepyl ŝat me doth fame. 276 As I nevyrmore dede towch here syde, 277 ŝis day help me fro werdly scharne. 278 Abowte ŝis awtere to kepe my fame, 279 Vij tymes 1 haue gon round abowte. 280 If I be wurthy to suffyr blame, 281 O ryghtful God, my synne shewe owughte. 282 EPISCOPUS Joseph, with hert thank God ŝi Lorde 283 Whos hey3 mercy doth the excuse. 284 For ŝi purgacyon we xal recorde 285 With hyre of synne ŝu dedyst nevyr muse. 286 But, Mary, ŝiself mayst not refuse: 287 All grett with chylde we se ŝe stonde. 288 What mystyr man dede be mysvse? 289 Why hast ŝu synnyd ageyn ŝin husbonde? 290 MARIA I trespacyd nevyr with erthely wyght. 291 ŝerof I hope ŝurowe Goddys sonde 292 Here to be purgyd before 3oure syght 293 From all synne clene, lyke as myn husbonde. 294 Take me ŝe botel out of 3oure honde, 295 Here xal I drynke beforn 3oure face. 296 Abowth ŝis awtere than xal I fonde 297 Vij tyrnes to go, by Godys grace. 298 PRIMUS DOCTOR Se, ŝis bolde bysmare wolde presume 299 Ageyn God to preve his myght! 300 ŝow Goddys vengeauns hyre xuld consume, 301 Sche wyl not telle hyre fals delyght. 302 ŝu art with chylde we se in syght; 303 To us ŝi wombe ŝe doth accuse! 304 ŝer was nevyr woman 3itt in such plyght 305 ŝat from mankynde hyre kowde excuse. 306 PRIMUS DETRACTOR In feyth, I suppose ŝat ŝis woman slepte 307 Withowtyn all coverte whyll ŝat it dede snowe; 308 And a flake ŝerof into hyre mowthe crepte, 309 And ŝerof ŝe chylde in hyre wombe doth growe. 310 SECUNDUS DETRACTOR Than beware, dame, for this is wel iknowe: 311 Whan it is born, yf ŝat ŝe sunne shyne, 312 It wyl turne to watyr ageyn, as I trowe; 313 For snow onto watyr doth evyrmore reclyne. 314 SECUNDUS DOCTOR With Goddys hy3 myght loke ŝu not jape! 315 Of ŝi purgacyon wel ŝe avyse. 316 Yf ŝu be gylty ŝu mayst not schape; 317 Beware evyr of God, ŝat ryghtful justyce! 318 If God with vengeauns set on ŝe his syse, 319 Not only ŝu but all ŝi kyn is schamyd. 320 Bettyr it is to telle ŝe trewth, devyse, 321 Than God for to greve and of hym be gramyd. 322 I trostyn in his grace, I xal hym nevyr greve; 323 His servaunt I am in worde, dede, and thought. 324 A mayd vndefyled I hope he xal me preve. 325 I pray 3ow, lett me nought. 326 EPISCOPUS Now, be ŝat good Lord ŝat all ŝis werd hath wrought, 327 If God on ŝe shewe ony manyr tokyn, 328 Purgacyon, I trowe, was nevyr so dere bowth, 329 If I may on the in any wyse be wrokyn. 330 Holde here ŝe botel and take a large draught, 331 And abowth the awtere go ŝi processyon. 332 MARYA To God in ŝis case my cawse I haue betaught; 333 Lord, thorwe ŝin helpe I drynke of ŝis potacyon. Hic Beata Uirgo bibit de potacione et postea circuiuit altare dicens: 334 MARIA God, as I nevyr knew of mannys maculacion, 335 But evyr haue lyued in trew virginité, 336 Send me ŝis day ŝi holy consolacyon 337 ŝat all ŝis fayr peple my clennes may se. 338 O, gracyous God, as ŝu hast chose me 339 For to be ŝi modyr, of me to be born, 340 Saue ŝi tabernacle, ŝat clene is kepte for ŝe, 341 Which now am put at repref and skorn. 342 Gabryel me tolde with wordys he[re] beforn 343 ŝat 3e of 3oure goodnes wold become my chylde. 344 Help now of 3oure hy3ness my wurchep be not lorn; 345 A, dere son, I pray 3ow, help 3oure modyr mylde. 346 EPISCOPUS Almyghty God, what may ŝis mene? 347 For all ŝe drynke of Goddys potacyon, 348 ŝis woman with chylde is fayr and clene, 349 Withowtyn fowle spotte or maculacion! 350 I cannat, be non ymagynacyon, 351 Preve hyre gylty and synful of lyff. 352 It shewyth opynly by here purgacyon 353 Sche is clene mayde, bothe modyr and wyff! 354 PRIMUS DETRACTO[R]Be my fadyr sowle, here is gret gyle! 355 Because sche is syb of 3oure kynreed, 356 ŝe drynk is chaungyd by sum fals wyle 357 ŝat sche no shame xulde haue ŝis steed! 358 EPISCOPUS Becawse ŝu dernyst ŝat we do falshede, 359 And for ŝu dedyst hem fyrst defame, 360 ŝu xalt ryght here, magré ŝin heed, 361 Beforn all ŝis pepyl drynk of ŝe same. 362 PRIMUS DETRACTOR Syr, in good feyth oo draught I pulle, 363 If these to drynkerys haue not all spent. Hic bibit, et scenciens dolorem in capite cadit, et dicit: 364 Out, out! Alas, what heylith my soulle? 365 A, myn heed with fyre methynkyht is brent! 366 Mercy, good Mary, I do me repent 367 Of my cursyd and fals langage! 368 MARIA Now god Lord in hevyn omnypotent, 369 Of his grett mercy 3oure seknes aswage. 370 EPISCOPUS We all on knes fall here on grownd, 371 ŝu, Goddys handemayd, prayng for grace. 372 All cursyd langage and schame onsownd, 373 Good Mary, for3eve us here in ŝis place. 374 MARIA Now God for3eve 3ow all 3owre trespace, 375 And also for3eve 3ow all defamacyon 376 ŝat 3e haue sayd, both more and lesse, 377 To myn hynderawnce and maculacion. 378 EPISCOPUS Now, blyssyd virgyne, we thank 3ow alle 379 Of 3oure good hert and gret pacyens. 380 We wyl go with 3ow hom to 3oure halle 381 To do 3ow servys with hy3 reverens. 382 MARIA I thank 3ow hertyly of 3oure benevolens. 383 Onto 3oure owyn hous I pray 3ow 3e goo, 384 And take ŝis pepyl hom with 3ow hens; 385 I am not dysposyd to passyn hens froo. 386 EPISCOPUS Than farewel, mayden and pure virgyne, 387 Farewel, trewe handmayd of God in blys! 388 We all to 3ow lowly inclyne 389 And take oure leve of 3ow as wurthy is. 390 MARIA Allmyghty God 3oure weys wysse, 391 For ŝat hy3 Lord is most of myght. 392 He mote 3ow spede ŝat 3e not mys 393 In hevyn of hym to haue a syght. 394 JOSEPH Honouryd in hevyn be ŝat hy3 Lorde 395 Whos endles grace is so habundaunt 396 ŝat he doth shewe ŝe trewe recorde 397 Of iche wyhgt ŝat is his trewe servaunt. 398 That Lord to wurchepe with hert plesaunt 399 We bothe be bownd ryght on ŝis place, 400 Which oure purgacyon us dyde graunt 401 And prevyd us pure by hie3 grace. 402 MARIA Forsothe, good spowse, I thank hym hy3ly 403 Of his good grace for oure purgacyon. 404 Oure clennesse is knowyn ful opynly 405 Be vertu of his grett consolacyon.