Thop 691 Whan seyd was al this miracle, every man
Thop 692 As sobre was that wonder was to se,
Thop 693 Til that oure Hooste japen tho bigan,
Thop 694 And thanne at erst he looked upon me,
Thop 695 And seyde thus: " What man artow? " quod he;
Thop 696 " Thou lookest as thou woldest fynde an hare,
Thop 697 For evere upon the ground I se thee stare.
Thop 698 " Approche neer, and looke up murily.
Thop 699 Now war yow, sires, and lat this man have place!
Thop 700 He in the waast is shape as wel as I;
Thop 701 This were a popet in an arm t' enbrace
Thop 702 For any womman, smal and fair of face.
Thop 703 He semeth elvyssh by his contenaunce,
Thop 704 For unto no wight dooth he daliaunce.
Thop 705 " Sey now somwhat, syn oother folk han sayd;
Thop 706 Telle us a tale of myrthe, and that anon. "
Thop 707 " Hooste, " quod I, " ne beth nat yvele apayd,
Thop 708 For oother tale certes kan I noon,
Thop 709 But of a rym I lerned longe agoon. "
Thop 710 " Ye, that is good, " quod he; " now shul we heere
Thop 711 Som deyntee thyng, me thynketh by his cheere. "