The Text      

Bo1 m1 1 Allas! I wepynge, am constreyned to bygynnen
Bo1 m1 2 vers of sorwful matere, that whilom in florysschyng
Bo1 m1 3 studie made delitable ditees. For
Bo1 m1 4 lo, rendynge muses of poetes enditen to me
Bo1 m1 5 thynges to ben writen, and drery vers of wretchidnesse
Bo1 m1 6 weten my face with verray teres. At
Bo1 m1 7 the leeste, no drede ne myghte overcomen
Bo1 m1 8 tho muses, that thei ne were felawes, and folwyden
Bo1 m1 9 my wey (that is to seyn, whan
Bo1 m1 10 I was exiled). They that weren glorie of
Bo1 m1 11 my youthe, whilom weleful and grene,
Bo1 m1 12 conforten nowe the sorwful wyerdes of me, olde
Bo1 m1 13 man. For eelde is comyn unwarly uppon me,
Bo1 m1 14 hasted by the harmes that Y have, and sorwe
Bo1 m1 15 hath comandid his age to ben in me. Heeris hore
Bo1 m1 16 arn schad overtymeliche upon myn heved, and
Bo1 m1 17 the slakke skyn trembleth of myn emptid body.
Bo1 m1 18 Thilke deth of men is weleful that ne comyth
Bo1 m1 19 noght in yeeris that ben swete, but
Bo1 m1 20 cometh to wrecches often yclepid. Allas,
Bo1 m1 21 allas! With how deef an ere deth, cruwel,
Bo1 m1 22 turneth awey fro wrecches and nayteth to
Bo1 m1 23 closen wepynge eien. Whil Fortune, unfeithful,
Bo1 m1 24 favourede me with lyghte goodes, the sorwful
Bo1 m1 25 houre (that is to seyn, the deth) hadde almoost
Bo1 m1 26 dreynt myn heved. But now, for Fortune
Bo1 m1 27 cloudy hath chaunged hir deceyvable
Bo1 m1 28 chere to meward, myn unpietous lif draweth
Bo1 m1 29 along unagreable duellynges in me. O ye,
Bo1 m1 30 my frendes, what or wherto avaunted ye
Bo1 m1 31 me to be weleful? For he that hath fallen stood
Bo1 m1 32 noght in stedefast degre.
Bo1 p1 1 In the mene while that I, stille, recordede
Bo1 p1 2 these thynges with myself and merkid my weply
Bo1 p1 3 compleynte with office of poyntel, I saw,
Bo1 p1 4 stondynge aboven the heghte of myn heved, a
Bo1 p1 5 womman of ful greet reverence by semblaunt,
Bo1 p1 6 hir eien brennynge and cleer-seynge over the
Bo1 p1 7 comune myghte of men; with a lifly colour
Bo1 p1 8 and with swich vigour and strengthe that it ne
Bo1 p1 9 myghte nat ben emptid, al were it so
Bo1 p1 10 that sche was ful of so greet age that men
Bo1 p1 11 ne wolden nat trowen in no manere that
Bo1 p1 12 sche were of our elde. The stature of hire was
Bo1 p1 13 of a doutous jugement, for somtyme sche constreyned
Bo1 p1 14 and schronk hirselven lik to the comune
Bo1 p1 15 mesure of men, and somtyme it semede
Bo1 p1 16 that sche touchede the hevene with the heghte
Bo1 p1 17 of here heved. And whan sche hef hir heved
Bo1 p1 18 heyere, sche percede the selve hevene so that
Bo1 p1 19 the sighte of men lokynge was in ydel.
Bo1 p1 20 Hir clothes weren makid of right delye
Bo1 p1 21 thredes and subtil craft of perdurable matere;
Bo1 p1 22 the whiche clothes sche hadde woven with
Bo1 p1 23 hir owene handes, as I knew wel aftir by hirselve
Bo1 p1 24 declarynge and schewynge to me. The
Bo1 p1 25 beaute [of] the whiche clothes a derknesse of a
Bo1 p1 26 forleten and despised elde hadde duskid and
Bo1 p1 27 dirked, as it is wont to dirken besmokede
Bo1 p1 28 ymages. In the nethereste hem or bordure of
Bo1 p1 29 thise clothes, men redden ywoven in a
Bo1 p1 30 Grekissch P (that signifieth the lif actif);
Bo1 p1 31 and aboven that lettre, in the heieste
Bo1 p1 32 bordure, a Grekyssh T (that signifieth the lif
Bo1 p1 33 contemplatif). And bytwixen thise two lettres
Bo1 p1 34 ther were seyn degrees nobly ywrought in
Bo1 p1 35 manere of laddres, by whiche degrees men
Bo1 p1 36 myghten clymben fro the nethereste lettre to the
Bo1 p1 37 uppereste. Natheles handes of some men hadden
Bo1 p1 38 korve that cloth by violence and by
Bo1 p1 39 strengthe, and everich man of hem hadde
Bo1 p1 40 boren awey swiche peces as he myghte
Bo1 p1 41 geten. And forsothe this forseide womman bar
Bo1 p1 42 smale bokis in hir right hand, and in hir left hand
Bo1 p1 43 sche bar a ceptre.
Bo1 p1 44 And whan she saughe thise poetical muses
Bo1 p1 45 aprochen aboute my bed and enditynge wordes
Bo1 p1 46 to my wepynges, sche was a litil amoeved, and
Bo1 p1 47 glowede with cruel eighen. " Who, " quat sche,
Bo1 p1 48 " hath suffred aprochen to this sike man thise
Bo1 p1 49 comune strompettis of swich a place that
Bo1 p1 50 men clepen the theatre? The whiche nat
Bo1 p1 51 oonly ne asswagen noght his sorwes with
Bo1 p1 52 none remedies, but thei wolden fedyn and
Bo1 p1 53 noryssen hym with sweete venym. Forsothe
Bo1 p1 54 thise ben tho that with thornes and prikkynges
Bo1 p1 55 of talentz or affeccions, whiche that ne bien
Bo1 p1 56 nothyng fructifyenge nor profitable, destroyen
Bo1 p1 57 the corn plentyvous of fruytes of resoun. For
Bo1 p1 58 thei holden hertes of men in usage, but thei
Bo1 p1 59 delyvre noght folk fro maladye. But yif ye
Bo1 p1 60 muses hadden withdrawen fro me with
Bo1 p1 61 youre flateries any unkunnynge and unprofitable
Bo1 p1 62 man, as men ben wont to fynde
Bo1 p1 63 comonly among the peple, I wolde wene suffre
Bo1 p1 64 the lasse grevosly; forwhi, in swych an unprofitable
Bo1 p1 65 man, myne ententes weren nothyng
Bo1 p1 66 endamaged. But ye withdrawen me this man,
Bo1 p1 67 that hath ben noryssed in the studies or scoles of
Bo1 p1 68 Eliaticis and Achademycis in Grece. But goth
Bo1 p1 69 now rather awey, ye mermaydenes, whiche
Bo1 p1 70 that ben swete til it be at the laste, and
Bo1 p1 71 suffreth this man to ben cured and heeled
Bo1 p1 72 by myne muses (that is to seyn, by noteful
Bo1 p1 73 sciences). "
Bo1 p1 74 And thus this companye of muses, iblamed,
Bo1 p1 75 casten wrothly the chere dounward to the erthe,
Bo1 p1 76 and, schewynge by rednesse hir schame, thei
Bo1 p1 77 passeden sorwfully the thresschefold. And I, of
Bo1 p1 78 whom the sighte, ploungid in teeres, was dirked
Bo1 p1 79 so that Y ne myghte noght knowen what
Bo1 p1 80 that womman was of so imperial auctorite,
Bo1 p1 81 I wax al abayssched and astoned, and caste
Bo1 p1 82 my syghte doun to the erthe, and bygan stille for
Bo1 p1 83 to abide what sche woolde doon aftirward. Tho
Bo1 p1 84 com sche ner and sette her doun uppon the
Bo1 p1 85 uttereste corner of my bed; and sche, byholdynge
Bo1 p1 86 my chere that was cast to the erthe
Bo1 p1 87 hevy and grevous of wepynge, compleynede
Bo1 p1 88 with thise wordis that I schal seyn the perturbacion thought.
Bo1 p1 1 " Allas! How the thought of this man, dreynt
Bo1 m2 2 in overthrowynge depnesse, dulleth and forleteth
Bo1 m2 3 his propre clernesse, myntynge to gon into
Bo1 m2 4 foreyne dirknesses as ofte as his anoyos
Bo1 m2 5 bysynes waxeth withoute mesure, that is
Bo1 m2 6 dryven with werldly wyndes. This man, that
Bo1 m2 7 whilom was fre, to whom the hevene was
Bo1 m2 8 opyn and knowen, and was wont to gon in
Bo1 m2 9 hevenliche pathes, and saughe the lyghtnesse
Bo1 m2 10 of the rede sonne, and saughe the
Bo1 m2 11 sterres of the coolde mone, and whiche
Bo1 m2 12 sterre in hevene useth wandrynge recourses
Bo1 m2 13 iflyt by diverse speeris -- this man, overcomere,
Bo1 m2 14 hadde comprehendid al this by nombre (of
Bo1 m2 15 acontynge in astronomye). And, over this, he
Bo1 m2 16 was wont to seken the causes whennes the sounynge
Bo1 m2 17 wyndes moeven and bysien the smothe
Bo1 m2 18 watir of the see; and what spirit turneth the
Bo1 m2 19 stable hevene; and why the sterre ariseth
Bo1 m2 20 out of the rede est, to fallen in the westrene
Bo1 m2 21 wawes; and what attemprith the lusty
Bo1 m2 22 houres of the firste somer sesoun, that highteth
Bo1 m2 23 and apparaileth the erthe with rosene
Bo1 m2 24 floures; and who maketh that plentyvous
Bo1 m2 25 autumpne in fulle [yere] fletith with hevy
Bo1 m2 26 grapes. And eek this man was wont to tellen
Bo1 m2 27 the diverse causes of nature that weren yhidd.
Bo1 m2 28 Allas! Now lyth he emptid of lyght of his
Bo1 m2 29 thoght, and his nekke is pressyd with hevy
Bo1 m2 30 cheynes, and bereth his chere enclyned
Bo1 m2 31 adoun for the grete weyghte, and is constreyned
Bo1 m2 32 to loken on the fool erthe! "
Bo1 p2 1 " But tyme is now, " quod sche, " of medicyne
Bo1 p2 2 more than of compleynte. " Forsothe thanne
Bo1 p2 3 sche, entendynge to meward with al the lookynge
Bo1 p2 4 of hir eien, seyde: " Art nat thou he, "
Bo1 p2 5 quod sche, " that whilom, norissched with my
Bo1 p2 6 melk and fostred with myne metes, were escaped
Bo1 p2 7 and comyn to corage of a parfit man?
Bo1 p2 8 Certes I yaf the swiche armures that, yif thou
Bo1 p2 9 thiselve ne haddest first cast hem awey,
Bo1 p2 10 they schulden han defended the in sekernesse
Bo1 p2 11 that mai nat ben overcomyn. Knowestow
Bo1 p2 12 me nat? Why arttow stille? Is it for
Bo1 p2 13 schame or for astonynge? It were me levere
Bo1 p2 14 that it were for schame, but it semeth me that
Bo1 p2 15 astonynge hath oppresside the. " And whan sche
Bo1 p2 16 say me nat oonly stille but withouten office
Bo1 p2 17 of tunge and al dowmbe, sche leyde hir hand
Bo1 p2 18 sooftly uppon my breest and seide: " Here nys
Bo1 p2 19 no peril, " quod sche; " he is fallen into a
Bo1 p2 20 litargye, whiche that is a comune seknesse
Bo1 p2 21 to hertes that been desceyved. He hath a
Bo1 p2 22 litil foryeten hymselve, but certes he schal
Bo1 p2 23 lightly remembren hymself yif so be that he
Bo1 p2 24 hath knowen me or now; and that he may so
Bo1 p2 25 doon, I will wipe a litil his eien that ben
Bo1 p2 26 dirked by the cloude of mortel thynges. " Thise
Bo1 p2 27 woordes seide sche, and with the lappe of hir
Bo1 p2 28 garnement yplited in a frownce sche dryede
Bo1 p2 29 myn eien, that weren fulle of the wawes of wepynges.
Bo1 m3 1 Thus, whan that nyght was discussed and
Bo1 m3 2 chased awey, dirknesses forleten me, and to
Bo1 m3 3 myn eien repeyred ayen hir firste strengthe.
Bo1 m3 4 And ryght by ensaumple as the sonne is hydd
Bo1 m3 5 whan the sterres ben clustred (that is to seyn,
Bo1 m3 6 whan sterres ben covered with cloudes) by
Bo1 m3 7 a swyft wynd that hyghte Chorus, and that
Bo1 m3 8 the firmament stant dirked with wete plowngy
Bo1 m3 9 cloudes; and that the sterres nat apeeren
Bo1 m3 10 upon hevene, so that the nyght semeth
Bo1 m3 11 sprad upon erthe: yif thanne the wynde that
Bo1 m3 12 hyghte Boreas, isent out of the kaves of the
Bo1 m3 13 cuntre of Trace, betith this nyght (that is to
Bo1 m3 14 seyn, chaseth it awey) and discovereth the
Bo1 m3 15 closed day, thanne schyneth Phebus ischaken
Bo1 m3 16 with sodeyn light and smyteth with his beemes
Bo1 m3 17 in merveylynge eien.
Bo1 p3 1 Ryght so, and noon other wise, the cloudes
Bo1 p3 2 of sorwe dissolved and doon awey, I took hevene,
Bo1 p3 3 and resceyved mynde to knowe the face
Bo1 p3 4 of my fisycien; so that [whan] [that] I sette myne
Bo1 p3 5 eien on hir and fastned my lookynge, I byholde
Bo1 p3 6 my noryce, Philosophie, in whoos houses I
Bo1 p3 7 hadde conversed and hauntyd fro my youthe;
Bo1 p3 8 and I seide thus: " O thou maystresse of alle
Bo1 p3 9 vertues, descended from the sovereyne
Bo1 p3 10 sete, whi arttow comen into this solitarie
Bo1 p3 11 place of myn exil? Artow comen for thou
Bo1 p3 12 art maad coupable with me of false blames? "
Bo1 p3 13 " O, " quod sche, " my nory, schulde I forsake
Bo1 p3 14 the now, and schulde I nat parten with the by
Bo1 p3 15 comune travaile the charge that thow hast
Bo1 p3 16 suffred for envye of my name? Certes it nere nat
Bo1 p3 17 leveful ne syttynge thyng to Philosophie to leten
Bo1 p3 18 withouten companye the weye of hym that is
Bo1 p3 19 innocent. Schulde I thanne redowte my
Bo1 p3 20 blame and agrysen as though ther were
Bo1 p3 21 byfallen a newe thyng? For trowestow that
Bo1 p3 22 Philosophie be now alderferst assailed in periles
Bo1 p3 23 by folk of wykkide maneris? Have I noght
Bo1 p3 24 stryven with ful greet strif in old tyme, byfor the
Bo1 p3 25 age of my Plato, ayens the foolhardynesse
Bo1 p3 26 of folye? And eek, the same Plato lyvynge, his
Bo1 p3 27 mayster Socrates desserved victorie of unryghtful
Bo1 p3 28 deth in my presence. The heritage of
Bo1 p3 29 the whiche Socrates (the heritage is to
Bo1 p3 30 seyn the doctryne of the whiche Socrates
Bo1 p3 31 in his opinyoun of felicite, that I clepe
Bo1 p3 32 welefulnesse) whan that the peple of Epycuriens
Bo1 p3 33 and Stoyciens and manye othere enforceden
Bo1 p3 34 hem to gon ravyssche everyche man for his part
Bo1 p3 35 (that is to seyn, that everych of hem wolde
Bo1 p3 36 drawen to the deffense of his opinyoun the
Bo1 p3 37 wordes of Socrates), they as in partye of hir
Bo1 p3 38 preye todrowen me, cryinge and debatyng
Bo1 p3 39 ther-ayens, and korven and torente my
Bo1 p3 40 clothes that I hadde woven with myn
Bo1 p3 41 handes; and with tho cloutes that thei
Bo1 p3 42 hadden arased out of my clothes thei wenten
Bo1 p3 43 awey wenynge that I hadde gon with hem every
Bo1 p3 44 del. In whiche Epycuriens and Stoyciens for as
Bo1 p3 45 myche as ther semede some traces or steppes of
Bo1 p3 46 myn abyte, the folie of men wenynge tho
Bo1 p3 47 Epycuryens and Stoyciens my familiers pervertede
Bo1 p3 48 some thurw the errour of the wikkide
Bo1 p3 49 or unkunnynge multitude of hem.
Bo1 p3 50 (This is to seyn, that for they semeden
Bo1 p3 51 philosophres thei weren pursuyed to the
Bo1 p3 52 deth and slayn.)
Bo1 p3 53 " So yif thou ne hast noght knowen the
Bo1 p3 54 exilynge of Anaxogore, ne the empoisonynge of
Bo1 p3 55 Socrates, ne the turmentz of Zeno, for they
Bo1 p3 56 weren straungiers, yit myghtestow han knowen
Bo1 p3 57 the Senecciens and the Canyos and the Soranas,
Bo1 p3 58 of whiche folk the renoun is neyther over-oold
Bo1 p3 59 ne unsollempne. The whiche men nothyng
Bo1 p3 60 elles ne broght hem to the deeth but oonly
Bo1 p3 61 for thei weren enformyd of myne maneris,
Bo1 p3 62 and semyde moost unlyk to the studies of
Bo1 p3 63 wykkid folk. And forthi thou oughtest noght to
Bo1 p3 64 wondren thoughe that I, in the byttere see of this
Bo1 p3 65 lif, be fordryven with tempestes blowynge
Bo1 p3 66 aboute, in the whiche this is my moste purpoos,
Bo1 p3 67 that is to seyn to displesen to wikkide men. Of
Bo1 p3 68 whiche schrewes al be the oost nevere so greet,
Bo1 p3 69 it es to despise; for it nys nat governyd with
Bo1 p3 70 no ledere (of resoun), but it es ravyssched
Bo1 p3 71 oonly by fleetynge errour folyly and
Bo1 p3 72 lyghtly; and yif they somtyme, makynge an oost
Bo1 p3 73 ayens us, assayle us as strengere, our ledere
Bo1 p3 74 draweth togidre his richesses into his tour, and
Bo1 p3 75 they ben ententyf aboute sarpleris or sachelis,
Bo1 p3 76 unprofitable for to taken. But we that ben heghe
Bo1 p3 77 above, syker fro alle tumolte and wood noyse,
Bo1 p3 78 warnstoryd and enclosed in swiche a palys
Bo1 p3 79 whider as that chaterynge or anoyinge
Bo1 p3 80 folye ne may nat atayne, we scorne swyche
Bo1 p3 81 ravyneres and henteres of fouleste thynges.
Bo1 m4 1 " Whoso it be that is cleer of vertue, sad and
Bo1 m4 2 wel ordynat of lyvynge, that hath put under
Bo1 m4 3 fote the proude wierdes, and loketh upryght
Bo1 m4 4 upon either fortune, he may holden his chere
Bo1 m4 5 undesconfited. The rage ne the manaces of the
Bo1 m4 6 see, commoevynge or chasynge upward hete
Bo1 m4 7 fro the botme, ne schal nat moeve that man.
Bo1 m4 8 Ne the unstable mowntaigne that highte Visevus,
Bo1 m4 9 that writhith out thurw his brokene
Bo1 m4 10 chemeneyes smokynge fieres, ne the wey of
Bo1 m4 11 thonderleit, that is wont to smyten hye
Bo1 m4 12 toures, ne schal nat moeve that man. Wharto
Bo1 m4 13 thanne, o wrecches, drede ye tirauntz that ben
Bo1 m4 14 wode and felenous withouten ony strengthe?
Bo1 m4 15 Hope aftir no thyng, ne drede nat; and so
Bo1 m4 16 schaltow desarmen the ire of thilke unmyghty
Bo1 m4 17 tiraunt. But whoso that, qwakynge, dredeth
Bo1 m4 18 or desireth thyng that nys noght stable of his
Bo1 m4 19 ryght, that man that so dooth hath cast
Bo1 m4 20 awey his scheeld, and is remoeved from
Bo1 m4 21 his place, and enlaceth hym in the cheyne
Bo1 m4 22 with whiche he mai ben drawen.
Bo1 p4 1 " Felistow, " quod sche, " thise thynges, and
Bo1 p4 2 entren thei aughte in thy corage? Artow like
Bo1 p4 3 an asse to the harpe? Why wepistow, why
Bo1 p4 4 spillestow teeris? Yif thou abidest after helpe
Bo1 p4 5 of thi leche, the byhoveth discovre thy
Bo1 p4 6 wownde. "
Bo1 p4 7 Tho I, that hadde gaderyd strengthe in my
Bo1 p4 8 corage, answeride and seide: " And nedeth it
Bo1 p4 9 yit, " quod I, " of rehersynge or of ammonicioun?
Bo1 p4 10 And scheweth it nat ynoghe by
Bo1 p4 11 hymselve the scharpnesse of Fortune, that
Bo1 p4 12 waxeth wood ayens me? Ne moeveth it nat
Bo1 p4 13 the to seen the face or the manere of this place?
Bo1 p4 14 Is this the librarye which that thou haddest
Bo1 p4 15 chosen for a ryght certein sege to the in myn
Bo1 p4 16 hous, there as thow disputedest ofte with me
Bo1 p4 17 of the sciences of thynges touchynge dyvinyte
Bo1 p4 18 and mankynde? Was thanne myn habit
Bo1 p4 19 swiche as it is now? Was my face or my
Bo1 p4 20 chere swyche as now whan I soghte with
Bo1 p4 21 the the secretis of nature, whan thow enformedest
Bo1 p4 22 my maneris and the resoun of al my
Bo1 p4 23 lif to the ensaumple of the ordre of hevene? Is
Bo1 p4 24 noght this the gerdouns that I referre to the, to
Bo1 p4 25 whom I have ben obeisaunt?
Bo1 p4 26 " Certes thou confermedest by the mouth of
Bo1 p4 27 Plato this sentence, that is to seyn that comune
Bo1 p4 28 thynges or comunalites weren blisful yif they
Bo1 p4 29 that hadden studied al fully to wysdom
Bo1 p4 30 governeden thilke thynges; or elles yif it so
Bo1 p4 31 befille that the governours of comunalites
Bo1 p4 32 studieden to geten wysdom. Thou seidest eek by
Bo1 p4 33 the mouth of the same Plato that it was a
Bo1 p4 34 necessarie cause wise men to taken and desire
Bo1 p4 35 the governance of comune thynges, for that the
Bo1 p4 36 governementz of cites, ilefte in the handes of
Bo1 p4 37 felonous turmentours citezeens, ne schulde
Bo1 p4 38 noght bryngen in pestilence ande destruccioun
Bo1 p4 39 to good folk. And therfore I, folwynge
Bo1 p4 40 thilke auctorite, desired to putten forth in
Bo1 p4 41 execucion and in acte of comune administracioun
Bo1 p4 42 thilk thynges that I hadde lernyd
Bo1 p4 43 of the among my secre restyng-whiles.
Bo1 p4 44 " Thow and God, that putte the in the
Bo1 p4 45 thoughtes of wise folk, ben knowynge with me
Bo1 p4 46 that nothyng ne brought me to maistrie or
Bo1 p4 47 dignyte but the comune studie of alle goodnesse.
Bo1 p4 48 And therof cometh it that bytwixen
Bo1 p4 49 wikkid folk and me han ben grevous
Bo1 p4 50 discordes, that ne myghte nat ben relessed
Bo1 p4 51 by preyeris; for this liberte hath the fredom
Bo1 p4 52 of conscience, that the wraththe of more myghty
Bo1 p4 53 folk hath alwey ben despised of me for savacioun
Bo1 p4 54 of right. How ofte have I resisted and withstonden
Bo1 p4 55 thilke man that highte Connigaste, that
Bo1 p4 56 made alwey assawtes ayens the propre fortunes
Bo1 p4 57 of pore feble folk! How ofte eek have I put of
Bo1 p4 58 or cast out hym Trygwille, provoste of the
Bo1 p4 59 kyngis hous, bothe of the wronges that he
Bo1 p4 60 hadde bygunne to doon, and ek fully
Bo1 p4 61 performed! How ofte have I covered and
Bo1 p4 62 defended by the auctorite of me put ayens perils
Bo1 p4 63 (that is to seyn, put myn auctorite in peril for)
Bo1 p4 64 the wrecche pore folk, that the covetise of
Bo1 p4 65 straungiers unpunyschid tormentyde alwey with
Bo1 p4 66 myseses and grevances out of nombre! Nevere
Bo1 p4 67 man ne drow me yit fro right to wrong. Whan
Bo1 p4 68 I say the fortunes and the richesses of the peple
Bo1 p4 69 of the provinces ben harmed or amenuced
Bo1 p4 70 outher be pryve ravynes or by comune
Bo1 p4 71 tributz or cariages, as sory was I as they
Bo1 p4 72 that suffriden the harm. (Glosa. Whan that
Bo1 p4 73 Theodoric, the kyng of Gothes, in a dere yeer,
Bo1 p4 74 hadde his gerneeris ful of corn, and comaundede
Bo1 p4 75 that no man schulde byen no coorn til
Bo1 p4 76 his corn were soold, and that at a grevous dere
Bo1 p4 77 prys, Boece withstood that ordenaunce and
Bo1 p4 78 overcome it, knowynge al this the kyng hymselve.
Bo1 p4 79 Coempcioun is to seyn comune
Bo1 p4 80 achat or beyinge togidre, that were establissed
Bo1 p4 81 upon the peple by swich a
Bo1 p4 82 manere imposicioun, as whoso boughte a
Bo1 p4 83 busschel corn, he most yyve the kyng the fyfte
Bo1 p4 84 part.) Textus. Whan it was in the sowre hungry
Bo1 p4 85 tyme, ther was establissed or cryed grevous and
Bo1 p4 86 unplitable coempcioun, that men sayen wel it
Bo1 p4 87 schulde gretly tormenten and endamagen al the
Bo1 p4 88 provynce of Campayne, I took stryf ayens the
Bo1 p4 89 provost of the pretorie for comune profit;
Bo1 p4 90 and, the kyng knowynge of it, Y overcom
Bo1 p4 91 it, so that the coempcioun ne was nat axid
Bo1 p4 92 ne took effect. Paulyn, a conseiller of Rome, the
Bo1 p4 93 richesses of the whiche Paulyn the howndes of
Bo1 p4 94 the paleys (that is to seyn, the officeres) wolden
Bo1 p4 95 han devoured by hope and covetyse, yit drowe
Bo1 p4 96 I hym out of the jowes of hem that gapeden. And
Bo1 p4 97 for as moche as the peyne of the accusacioun
Bo1 p4 98 ajugid byforn ne schulde noght sodeynli henten
Bo1 p4 99 ne punyssche wrongfully Albyn, a
Bo1 p4 100 conseiller of Rome, I putte me ayens the
Bo1 p4 101 hates and indignacions of the accusour
Bo1 p4 102 Cyprian. Is it nat thanne inoghe isene that I have
Bo1 p4 103 purchaced grete discordes ayens myself? But I
Bo1 p4 104 oughte be the more asseured ayens alle othere
Bo1 p4 105 folk, that for the love of rightwisnesse I ne
Bo1 p4 106 reservede nevere nothyng to myselve to hemward
Bo1 p4 107 of the kyngis halle, by whiche I were the
Bo1 p4 108 more syker. But thurw tho same accusours accusynge
Bo1 p4 109 I am condempned.
Bo1 p4 110 " Of the nombre of whiche accusours,
Bo1 p4 111 oon Basilius, that whilom was chased out of
Bo1 p4 112 the kyngis servyse, is now compelled in accusynge
Bo1 p4 113 of my name for nede of foreyne moneye.
Bo1 p4 114 Also Opilion and Gaudencius han accused me,
Bo1 p4 115 al be it so that the justise regal hadde whilom
Bo1 p4 116 demed hem bothe to gon into exil for hir trecheries
Bo1 p4 117 and frawdes withouten nombre, to whiche
Bo1 p4 118 juggement they nolden nat obeye, but defendeden
Bo1 p4 119 hem by the sikernesse of holi
Bo1 p4 120 houses (that is to seyn, fledden into
Bo1 p4 121 seyntewarie); and whan this was aperceyved
Bo1 p4 122 to the kyng, he comandide that, but they
Bo1 p4 123 voydide the cite of Ravenne by certeyn day
Bo1 p4 124 assigned, that men scholde marken hem on the
Bo1 p4 125 forheved with an hoot iren and chasen hem out
Bo1 p4 126 of towne. Now what thyng semyth myghte ben
Bo1 p4 127 likned to this cruelte? For certes thilke same day
Bo1 p4 128 was resceyved the accusynge of myn name by
Bo1 p4 129 thilke same accusours. What may ben seyd
Bo1 p4 130 herto? Hath my studie and my kunnynge
Bo1 p4 131 disserved thus? Or elles the forseyde
Bo1 p4 132 dampnacioun of me -- made that hem ryghtfulle
Bo1 p4 133 accusours or no? Was noght Fortune
Bo1 p4 134 aschamed of this? Certes, al hadde noght
Bo1 p4 135 Fortune ben aschamed that innocence was
Bo1 p4 136 accused, yit oughte sche han hadde schame of
Bo1 p4 137 the fylthe of myn accusours.
Bo1 p4 138 " But axestow in somme of what gylt I am
Bo1 p4 139 accused? Men seyn that I wolde saven
Bo1 p4 140 the companye of the senatours. And
Bo1 p4 141 desirestow to heren in what manere? I am
Bo1 p4 142 accused that I schulde han disturbed the
Bo1 p4 143 accusour to beren lettres, by whiche he scholde
Bo1 p4 144 han maked the senatours gylty ayens the kynges
Bo1 p4 145 real majeste. O Maystresse, what demestow of
Bo1 p4 146 this? Schal I forsake this blame, that Y ne be no
Bo1 p4 147 schame to the? Certes I have wolde it (that is to
Bo1 p4 148 seyn, the savacioun of the senat), ne I schal
Bo1 p4 149 nevere letten to wilne it. And that I
Bo1 p4 150 confesse and am aknowe; but the entente of
Bo1 p4 151 the accusour to ben distorbed schal cese.
Bo1 p4 152 For schal I clepe it thanne a felonye or a synne
Bo1 p4 153 that I have desired the savacioun of the ordre of
Bo1 p4 154 the senat? And certes yit hadde thilke same senat
Bo1 p4 155 don by me thurw hir decretz and hir jugementz
Bo1 p4 156 as thoughe it were a synne and a felonye (that
Bo1 p4 157 is to seyn, to wilne the savacioun of hem). But
Bo1 p4 158 folye, that lyeth alwey to hymselve, may noght
Bo1 p4 159 chaunge the merite of thynges, ne I trowe
Bo1 p4 160 nat by the jugement of Socrates that it were
Bo1 p4 161 leveful to me to hide the sothe ne assente
Bo1 p4 162 to lesynges.
Bo1 p4 163 " But certes, how so evere it be of this, I putte
Bo1 p4 164 it to gessen or prisen to the jugement of the and
Bo1 p4 165 of wys folk. Of whiche thyng al the ordenaunce
Bo1 p4 166 and the sothe, for as moche as folk that been to
Bo1 p4 167 comen aftir our dayes schullen knowen it, I have
Bo1 p4 168 put it in scripture and in remembraunce. For
Bo1 p4 169 touchynge the lettres falsly maked, by
Bo1 p4 170 whiche lettres I am accused to han hoped
Bo1 p4 171 the fredom of Rome, what aperteneth me
Bo1 p4 172 to speken therof? Of whiche lettres the fraude
Bo1 p4 173 hadde ben schewed apertely, yif I hadde had
Bo1 p4 174 liberte for to han used and ben at the confessioun
Bo1 p4 175 of myn accusours, the whiche thyng in
Bo1 p4 176 alle nedes hath greet strengthe. For what other
Bo1 p4 177 fredom mai men hopen? Certes I wolde that som
Bo1 p4 178 other fredom myghte ben hoped; I wolde
Bo1 p4 179 thanne han answeryd by the wordys of a
Bo1 p4 180 man that hyghte Canyus. For whan he was
Bo1 p4 181 accused by Gaius Cesar, Germaynes sone,
Bo1 p4 182 that he was knowynge and consentynge of a
Bo1 p4 183 conjuracioun ymaked ayens hym, this Canyus
Bo1 p4 184 answeride thus: `Yif I hadde wyst it, thou
Bo1 p4 185 haddest noght wyst it.'
Bo1 p4 186 " In whiche thyng sorwe hath noght so dullid
Bo1 p4 187 my wyt that I pleyne oonly that schrewed folk
Bo1 p4 188 apparailen felonyes ayens vertu; but I wondre
Bo1 p4 189 gretly how that thei may performe thynges
Bo1 p4 190 that thei han hoped for to doon. Forwhy to
Bo1 p4 191 wylne schrewydnesse -- that cometh peraventure
Bo1 p4 192 of our defaute; but it is lyk a monstre
Bo1 p4 193 and a merveyle how that, in the presente
Bo1 p4 194 sight of God, may ben acheved and performed
Bo1 p4 195 swiche thynges as every felonous man
Bo1 p4 196 hath conceyved in his thoght ayens innocentz.
Bo1 p4 197 For whiche thynge oon of thy familiers
Bo1 p4 198 noght unskilfully axed thus: `Yif God
Bo1 p4 199 is, whennes comen wikkide thyngis? And
Bo1 p4 200 yif God ne is, whennes comen gode
Bo1 p4 201 thynges?' But al hadde it ben leveful that
Bo1 p4 202 felonous folk, that now desiren the blood and
Bo1 p4 203 the deeth of alle gode men and ek of al the senat,
Bo1 p4 204 han wilned to gon destroyen me, whom they han
Bo1 p4 205 seyn alwey bataylen and defenden gode men
Bo1 p4 206 and eek al the senat, yit hadde I nought
Bo1 p4 207 disservyd of the faderes (that is to seyn, of
Bo1 p4 208 the senatours) that they schulden wilne my
Bo1 p4 209 destruccioun.
Bo1 p4 210 " Thow remembrest wel, as I gesse, that
Bo1 p4 211 whan I wolde doon or seyn any thyng,
Bo1 p4 212 thow thiselve alwey present reuledest me. [And]
Bo1 p4 213 [wel] [thow] [remembrest] at the cite of Verone,
Bo1 p4 214 whan that the kyng, gredy of comune slaughtre,
Bo1 p4 215 caste hym to transporten upon al the ordre of the
Bo1 p4 216 senat the gilt of his real majeste, of the whiche
Bo1 p4 217 gilt that Albyn was accused, with how gret
Bo1 p4 218 sykernesse of peril to me defended I al the senat!
Bo1 p4 219 Thow woost wel that I sey sooth, ne
Bo1 p4 220 I n' avawntede me nevere in preysynge
Bo1 p4 221 of myselve. For alwey whan any wyght
Bo1 p4 222 resceyveth precious renoun in avauntynge
Bo1 p4 223 hymselve of his werkes, he amenuseth the secre
Bo1 p4 224 of his conscience. But now thow mayst wel seen
Bo1 p4 225 to what eende I am comen for myn innocence;
Bo1 p4 226 I resceyve peyne of fals felonye for guerdoun of
Bo1 p4 227 verrai vertue. And what opene confessioun of
Bo1 p4 228 felonye hadde evere juges so accordaunt in
Bo1 p4 229 cruelte (that is to seyn, as myn accusynge
Bo1 p4 230 hath. that either errour of mannys wit, or
Bo1 p4 231 elles condicion of fortune, that is uncerteyn
Bo1 p4 232 to alle mortel folk, ne submyttede some of hem
Bo1 p4 233 (that is to seyn, that it ne enclynede som juge
Bo1 p4 234 to have pite or compassioun)? For althoughe I
Bo1 p4 235 hadde ben accused that I wolde brenne holi
Bo1 p4 236 houses and straungle preestis with wykkid
Bo1 p4 237 sweerd, or that I hadde greythed deth to alle
Bo1 p4 238 gode men, algates the sentence scholde han
Bo1 p4 239 punysshed me present, confessed or convict.
Bo1 p4 240 But now I am remuwed fro the cite of
Bo1 p4 241 Rome almest fyve hundred thowsand paas,
Bo1 p4 242 I am withoute deffense dampnyd to proscripcion
Bo1 p4 243 and to the deth for the studie and
Bo1 p4 244 bountes that I have doon to the senat. But, O,
Bo1 p4 245 wel ben thei wurthy of meryte (as who seith,
Bo1 p4 246 nay), ther myghte nevere yit noon of hem ben
Bo1 p4 247 convicte of swiche a blame as myn is. Of whiche
Bo1 p4 248 trespas myne accusours sayen ful wel the
Bo1 p4 249 dignete; the whiche dignyte, for thei
Bo1 p4 250 wolden derken it with medlynge of some
Bo1 p4 251 felonye, they bare me on hande and lieden
Bo1 p4 252 that I hadde pollut and defouled my conscience
Bo1 p4 253 with sacrilegie for covetise of dignyte. And
Bo1 p4 254 certes thou thiselve, that art plaunted in me,
Bo1 p4 255 chacedest out of the sege of my corage alle
Bo1 p4 256 covetise of mortel thynges, ne sacrilege ne
Bo1 p4 257 hadde no leve to han a place in me byforn
Bo1 p4 258 thyne eien. For thow droppiddest every day
Bo1 p4 259 in myn eris and in my thought thilke
Bo1 p4 260 comaundement of Pictagoras, that is to
Bo1 p4 261 seyn, men schal serven to God and noght
Bo1 p4 262 to goddes. Ne it was noght convenient ne no
Bo1 p4 263 nede to taken help of the fouleste spiritz -- I,
Bo1 p4 264 that thow hast ordeyned and set in swiche
Bo1 p4 265 excellence, that thou makedest me lyk to God.
Bo1 p4 266 And over this, the right clene secre chaumbre of
Bo1 p4 267 myn hous (that is to seyn, my wif), and the
Bo1 p4 268 companye of myne honeste freendes, and
Bo1 p4 269 my wyves fadir, as wel holi as worthy to
Bo1 p4 270 ben reverenced thurw his owene dedes,
Bo1 p4 271 defenden me fro alle suspecioun of swiche
Bo1 p4 272 blame. But O malice! For they that accusen me
Bo1 p4 273 taken of the, Philosophie, feith of so greet
Bo1 p4 274 blame, for they trowen that I have had affinyte
Bo1 p4 275 to malefice or enchauntement, bycause that I am
Bo1 p4 276 replenysshid and fulfild with thy techynges, and
Bo1 p4 277 enformed of thi maneris. And thus it suffiseth nat
Bo1 p4 278 oonly that thi reverence ne avayle me nat, but yif
Bo1 p4 279 that thow of thy free wil rather be
Bo1 p4 280 blemessched with myne offencioun.
Bo1 p4 281 " But certes, to the harmes that I have,
Bo1 p4 282 ther bytideth yit this encrees of harm, that the
Bo1 p4 283 gessynge and the jugement of moche folk ne
Bo1 p4 284 loken nothyng to the desertes of thynges, but
Bo1 p4 285 oonly to the aventure of fortune; and jugen
Bo1 p4 286 that oonly swiche thynges ben purveied of
Bo1 p4 287 God, whiche that temporel welefulnesse
Bo1 p4 288 commendeth. (Glose. As thus: that yif a
Bo1 p4 289 wyght have prosperite, he is a good man
Bo1 p4 290 and worthy to han that prosperite; and
Bo1 p4 291 whoso hath adversite, he is a wikkid
Bo1 p4 292 man, and God hath forsake hym, and he is
Bo1 p4 293 worthy to han that adversite. This is the
Bo1 p4 294 opinyoun of some folk.) Textus. And therof
Bo1 p4 295 cometh that good gessynge, first of alle thynge,
Bo1 p4 296 forsaketh wrecches. Certes it greveth me to
Bo1 p4 297 thynke ryght now the diverse sentences that the
Bo1 p4 298 peple seith of me. And thus moche I seie, that
Bo1 p4 299 the laste charge of contrarious fortune is
Bo1 p4 300 this: that whan eny blame is leid upon a
Bo1 p4 301 caytif, men wenen that he hath desservyd
Bo1 p4 302 that he suffreth. And I, that am put awey fro
Bo1 p4 303 gode men, and despoyled of dignytes, and
Bo1 p4 304 defouled of myn name by gessynge, have
Bo1 p4 305 suffride torment for my gode dedes. Certes me
Bo1 p4 306 semyth that I se the felonous covynes of wykkid
Bo1 p4 307 men habounden in joye and in gladnesse; and I
Bo1 p4 308 se that every lorel schapeth hym to fynde out
Bo1 p4 309 newe fraudes for to accuse good folk; and
Bo1 p4 310 I se that goode men [lien] overthrowen for
Bo1 p4 311 drede of my peril, and every luxurious
Bo1 p4 312 turmentour dar doon alle felonye unpunysschyd,
Bo1 p4 313 and ben excited therto by yiftes; and
Bo1 p4 314 innocentz ne ben noght oonly despoiled of
Bo1 p4 315 sikernesse, but of defense; and therfore me lyst manere:
Bo1 m5 1 " O thow makere of the wheel that bereth
Bo1 m5 2 the sterres, whiche that art festnyd to thi perdurable
Bo1 m5 3 chayer, and turnest the hevene with a
Bo1 m5 4 ravysschynge sweighe, and constreynest the
Bo1 m5 5 sterres to suffren thi lawe; so that the moone
Bo1 m5 6 somtyme, schynynge with hir fulle hornes metynge
Bo1 m5 7 with alle the beemes of the sonne hir
Bo1 m5 8 brothir, hideth the sterres that ben lasse; and
Bo1 m5 9 somtyme, whan the moone pale with hir
Bo1 m5 10 derke hornes aprocheth the sonne, leeseth
Bo1 m5 11 hir lyghtes; and that the eve sterre, Hesperus,
Bo1 m5 12 whiche that in the first tyme of the nyght
Bo1 m5 13 bryngeth forth hir colde arysynges, cometh eft
Bo1 m5 14 ayen hir used cours, and is pale by the morwe
Bo1 m5 15 at rysynge of the sonne, and is thanne clepid
Bo1 m5 16 Lucyfer! Thow restreynest the day by schortere
Bo1 m5 17 duellynge in the tyme of coold wynter that
Bo1 m5 18 maketh the leeves falle. Thow devydest the
Bo1 m5 19 swyfte tydes of the nyght, whan the hote
Bo1 m5 20 somer is comen. Thy myghte attempreth
Bo1 m5 21 the variauntz sesouns of the yer, so that
Bo1 m5 22 Zephirus, the debonere wynd, bryngeth ayen
Bo1 m5 23 in the first somer sesoun the leeves that the
Bo1 m5 24 wynd that hyghte Boreas hath reft awey in
Bo1 m5 25 autumpne (that is to seie, in the laste ende of
Bo1 m5 26 somer); and the seedes that the sterre that
Bo1 m5 27 highte Arcturus saugh ben waxen heye cornes
Bo1 m5 28 whan the sterre Syrius eschaufeth hem. Ther
Bo1 m5 29 nys no thyng unbounde from his olde lawe,
Bo1 m5 30 ne forleteth the werk of his propre estat.
Bo1 m5 31 " O thou governour, governynge alle
Bo1 m5 32 thynges by certein ende, whi refusestow oonly
Bo1 m5 33 to governe the werkes of men by duwe manere?
Bo1 m5 34 Why suffrestow that slydynge Fortune turneth
Bo1 m5 35 so grete enterchaungynges of thynges? So
Bo1 m5 36 that anoyous peyne, that scholde duweliche
Bo1 m5 37 punysche felons, punysscheth innocentz; and
Bo1 m5 38 folk of wikkide maneres sitten in heie chayeres;
Bo1 m5 39 and anoyinge folk treden, and that unrightfully,
Bo1 m5 40 on the nekkes of holi men; and
Bo1 m5 41 vertu, cleer and schynynge naturely, is
Bo1 m5 42 hidde in derke derknesses; and the rightful man
Bo1 m5 43 bereth the blame and the peyne of the feloun; ne
Bo1 m5 44 the forswerynge ne the fraude covered and
Bo1 m5 45 kembd with a false colour, ne anoieth nat to
Bo1 m5 46 schrewes? The whiche schrewes, whan hem list
Bo1 m5 47 to usen hir strengthe, they rejoyssen hem to
Bo1 m5 48 putten undir hem the sovereyne kynges, whiche
Bo1 m5 49 that peple withouten nombre dreden. O
Bo1 m5 50 thou, what so evere thou be that knyttest
Bo1 m5 51 alle boondes of thynges, loke on thise
Bo1 m5 52 wrecchide erthes. We men, that ben noght a foul
Bo1 m5 53 partie, but a fair partie of so greet a werk, we
Bo1 m5 54 ben turmented in this see of fortune. Thow
Bo1 m5 55 governour, withdraughe and restreyne the
Bo1 m5 56 ravysschynge flodes, and fastne and ferme thise
Bo1 m5 57 erthes stable with thilke boond by whiche thou
Bo1 m5 58 governest the hevene that is so large. "
Bo1 p5 1 Whan I hadde with a contynuel sorwe
Bo1 p5 2 sobbyd or borken out thise thynges, sche, with
Bo1 p5 3 hir cheere pesible and nothyng amoeved with
Bo1 p5 4 my compleyntes, seide thus: " Whan I saugh
Bo1 p5 5 the, " quod sche, " sorwful and wepynge, I
Bo1 p5 6 wiste anoon that thow were a wrecche and
Bo1 p5 7 exiled; but I wyste nevere how fer thyn exil
Bo1 p5 8 was yif thy tale ne hadde schewid it me. But
Bo1 p5 9 certes, al be thow fer fro thy cuntre, thou
Bo1 p5 10 n' art nat put out of it, but thow hast fayled
Bo1 p5 11 of thi weye and gon amys. And yif thou
Bo1 p5 12 hast levere for to wene that thow be put out
Bo1 p5 13 of thy cuntre, thanne hastow put out thyselve
Bo1 p5 14 rather than ony other wyght hath. For no
Bo1 p5 15 wyght but thyselve ne myghte nevere han doon
Bo1 p5 16 that to the. For yif thow remembre of what
Bo1 p5 17 cuntre thow art born, it nys nat governed by
Bo1 p5 18 emperoures, ne by governement of multitude,
Bo1 p5 19 as weren the cuntrees of hem of Atthenes;
Bo1 p5 20 but o lord and o kyng, and that is God, that
Bo1 p5 21 is lord of thi cuntre, whiche that rejoisseth
Bo1 p5 22 hym of the duellynge of his citezeens, and nat
Bo1 p5 23 for to putten hem in exil; of the whiche lord
Bo1 p5 24 it is a sovereyn fredom to ben governed by the
Bo1 p5 25 brydel of hym and obeye to his justice. Hastow
Bo1 p5 26 foryeten thilke ryghte oolde lawe of thi citee, in
Bo1 p5 27 the whiche cite it es ordeyned and establysschid
Bo1 p5 28 that what wyght that hath levere
Bo1 p5 29 founden therin his sete or his hous than
Bo1 p5 30 elleswhere, he may nat ben exiled by no
Bo1 p5 31 ryght fro that place? For whoso that is
Bo1 p5 32 contened inwith the palys and the clos of
Bo1 p5 33 thilke cite, ther nys no drede that he mai deserve
Bo1 p5 34 to ben exiled; but who that leteth the
Bo1 p5 35 wil for to enhabyten there, he forleteth also
Bo1 p5 36 to deserve to ben citezen of thilke cite. So that
Bo1 p5 37 I seie that the face of this place ne moeveth
Bo1 p5 38 me noght so mochel as thyn owene face, ne
Bo1 p5 39 I ne axe nat rather the walles of thy librarye,
Bo1 p5 40 apparayled and wrought with yvory
Bo1 p5 41 and with glas, than after the sete of thi
Bo1 p5 42 thought, in whiche I put noght whilom bookes,
Bo1 p5 43 but I putte that that maketh bokes wurthy
Bo1 p5 44 of prys or precyous, that is to seyn the sentence
Bo1 p5 45 of my bookes.
Bo1 p5 46 " And certeynly of thy dessertes bystowed in
Bo1 p5 47 comune good thow hast seyd soth, but after the
Bo1 p5 48 multitude of thy gode dedes thou hast seyd
Bo1 p5 49 fewe. And of the honestete or of the falsnesse
Bo1 p5 50 of thynges that ben opposed ayens
Bo1 p5 51 the, thow hast remembred thynges that ben
Bo1 p5 52 knowen to alle folk. And of the felonyes and
Bo1 p5 53 fraudes of thyn accusours, it semeth the have
Bo1 p5 54 touched it for sothe ryghtfully and schortly, al
Bo1 p5 55 myghten tho same thynges betere and more
Bo1 p5 56 plentevously ben couth in the mouth of the
Bo1 p5 57 peple that knoweth al this. Thow hast eek
Bo1 p5 58 blamed gretly and compleyned of the wrongdede
Bo1 p5 59 of the senat, and thow hast sorwyd
Bo1 p5 60 for my blame, and thow hast wepen for
Bo1 p5 61 the damage of thi renoun that is apayred;
Bo1 p5 62 and thi laste sorwe eschaufede ayens Fortune,
Bo1 p5 63 and compleyndest that guerdouns ne ben nat
Bo1 p5 64 eveneliche yolden to the dessertes of folk. And
Bo1 p5 65 in the lattre eende of thy wode muse, thow
Bo1 p5 66 preydest that thilke pees that governeth the
Bo1 p5 67 hevene schulde governe the erthe.
Bo1 p5 68 " But for that many [turbacions] of affeccions
Bo1 p5 69 han assailed the, and sorwe and ire and
Bo1 p5 70 wepynge todrawen the diversely, as thou
Bo1 p5 71 art now feble of thought, myghtyere remedies
Bo1 p5 72 ne schullen noght yit touchen the. For
Bo1 p5 73 wyche we wol usen somdel lyghtere medicynes,
Bo1 p5 74 so that thilke passiouns that ben waxen hard in
Bo1 p5 75 swellynge by perturbacions flowynge into thy
Bo1 p5 76 thought, mowen waxen esy and softe to resceyven
Bo1 p5 77 the strengthe of a more myghty and
Bo1 p5 78 more egre medicyne, by an esyere touchynge.
Bo1 m6 1 " Whan that the hevy sterre of the Cancre
Bo1 m6 2 eschaufeth by the bemes of Phebus (that is to
Bo1 m6 3 seyn, whan that Phebus the sonne is in the
Bo1 m6 4 sygne of the Cancre), whoso yeveth thanne
Bo1 m6 5 largely his seedes to the feeldes that refusen
Bo1 m6 6 to resceyven hem, lat hym gon, begiled of trust
Bo1 m6 7 that he hadde to his corn, to accornes of okes.
Bo1 m6 8 Yif thow wolt gadere vyolettes, ne go thow
Bo1 m6 9 nat to the purpre wode whan the feeld,
Bo1 m6 10 chirkynge, agryseth of cold by the felnesse
Bo1 m6 11 of the wynd that hyghte Aquilon. Yif thou
Bo1 m6 12 desirest or wolt usen grapes, ne seek thou nat
Bo1 m6 13 with a glotonos hand to streyne and presse the
Bo1 m6 14 stalkes of the vyne in the first somer sesoun;
Bo1 m6 15 for Bachus, the god of wyn, hath rather yyven
Bo1 m6 16 his yiftes to autumpne (the lattere ende of
Bo1 m6 17 somer). God tokneth and assigneth the tymes,
Bo1 m6 18 ablynge hem to hir propre offices, ne he ne suffreth
Bo1 m6 19 nat the stowndes whiche that hymself
Bo1 m6 20 hath devyded and constreyned to ben
Bo1 m6 21 imedled togidre. And forthy he that forleteth
Bo1 m6 22 certein ordenaunce of doynge by overthrowynge
Bo1 m6 23 wey, he hath no glad issue or ende of his
Bo1 m6 24 werkes.
Bo1 p6 1 " First wiltow suffre me to touche and assaye
Bo1 p6 2 th' estaat of thi thought by a fewe demaundes,
Bo1 p6 3 so that I may understande what be the manere
Bo1 p6 4 of thi curacioun? "
Bo1 p6 5 " Axe me, " quod I, " at thi wille what thou
Bo1 p6 6 wolt, and I schal answere. " Tho seyde sche
Bo1 p6 7 thus: " Whethir wenestow, " quod sche, " that
Bo1 p6 8 this world be governed by foolyssche happes
Bo1 p6 9 and fortunows, or elles wenestow that ther
Bo1 p6 10 be inne it ony governement of resoun? "
Bo1 p6 11 " Certes, " quod I, " I ne trowe nat in no
Bo1 p6 12 manere that so certeyn thynges schulden be
Bo1 p6 13 moeved by fortunows [folie]; but I woot wel
Bo1 p6 14 that God, makere and maister, is governour of
Bo1 p6 15 his werk, ne nevere nas yit day that myghte
Bo1 p6 16 putte me out of the sothnesse of that sentence. "
Bo1 p6 17 " So it is, " quod sche, " for the same thyng
Bo1 p6 18 songe thow a litil herebyforn, and bywayledest
Bo1 p6 19 and byweptest, that oonly men weren
Bo1 p6 20 put out of the cure of God; for of alle othere
Bo1 p6 21 thynges thou ne doutedest the nat that they
Bo1 p6 22 nere governed by resoun. But owgh! I wondre
Bo1 p6 23 gretly, certes, whi that thou art sik, syn that
Bo1 p6 24 thow art put in so holsome a sentence. But lat
Bo1 p6 25 us seken deppere; I conjecte that ther lakketh
Bo1 p6 26 Y not what. But sey me this: syn that thow
Bo1 p6 27 ne doutest noght that this world be governed
Bo1 p6 28 by God, with whiche governayles takestow
Bo1 p6 29 heede that it is governed? "
Bo1 p6 30 " Unnethes, " quod I, " knowe I the sentence
Bo1 p6 31 of thy questioun, so that I ne may
Bo1 p6 32 nat yit answeren to thy demandes. "
Bo1 p6 33 " I nas nat desseyved, " quod sche, " that ther
Bo1 p6 34 ne faileth somwhat, by whiche the maladye of
Bo1 p6 35 perturbacion is crept into thi thought, so as
Bo1 p6 36 [by] the strengthe of the palys chynynge
Bo1 p6 37 [and] open. But sey me this: remembrestow
Bo1 p6 38 what is the ende of thynges, and whider that
Bo1 p6 39 the entencion of alle kende tendeth? "
Bo1 p6 40 " I have herd tolde it somtyme, " quod I,
Bo1 p6 41 " but drerynesse hath dulled my memorie. "
Bo1 p6 42 " Certes, " quod sche, " thou wost wel whennes
Bo1 p6 43 that alle thynges bien comen and proceded? "
Bo1 p6 44 " I woot wel, " quod I, and answerede that
Bo1 p6 45 God is bygynnynge of al.
Bo1 p6 46 " And how may this be, " quod sche, " that,
Bo1 p6 47 syn thow knowest the bygynnynge of thynges,
Bo1 p6 48 that thow ne knowest nat what is the eende
Bo1 p6 49 of thynges? But swiche ben the customes
Bo1 p6 50 of perturbaciouns, and this power they han,
Bo1 p6 51 that they mai moeve a man from his place
Bo1 p6 52 (that is to seyn, fro the stabelnesse and perfeccion
Bo1 p6 53 of his knowynge); but certes, thei mai nat
Bo1 p6 54 al arrace hym, ne aliene hym in al. But I wolde
Bo1 p6 55 that thou woldest answere to this: Remembrestow
Bo1 p6 56 that thow art a man? "
Bo1 p6 57 Boece. " Whi schulde I nat remembren that? "
Bo1 p6 58 quod I.
Bo1 p6 59 Philosophie. " Maystow noght telle me
Bo1 p6 60 thanne, " quod sche, " what thyng is a man? "
Bo1 p6 61 " Axestow me nat, " quod I, " whethir
Bo1 p6 62 that I [woot wel that I] be a resonable mortel
Bo1 p6 63 beste? I woot wel, and I confesse wel that I am
Bo1 p6 64 it. "
Bo1 p6 65 " Wystestow nevere yit that thow were ony
Bo1 p6 66 othir thyng? " quod sche.
Bo1 p6 67 " No, " quod I.
Bo1 p6 68 " Now woot I, " quod sche, " other cause of thi
Bo1 p6 69 maladye, and that ryght greet: thow hast
Bo1 p6 70 left for to knowen thyselve what thou art.
Bo1 p6 71 Thurw whiche I have pleynly fownde the
Bo1 p6 72 cause of thi maladye, or elles the entree of
Bo1 p6 73 recoverynge of thyn hele. For-why, for thow art
Bo1 p6 74 confunded with foryetynge of thiself, forthi
Bo1 p6 75 sorwestow that thow art exiled [and] [despoyled]
Bo1 p6 76 of thy propre goodes; and for thow ne woost
Bo1 p6 77 what is the eende of thynges, forthy demestow
Bo1 p6 78 that felonus and wikkide men ben myghty and
Bo1 p6 79 weleful; and for thow hast foryeten by
Bo1 p6 80 whiche governementz the werld is governed,
Bo1 p6 81 forthy weenestow that thise mutacions
Bo1 p6 82 of fortunes fleten withouten governour.
Bo1 p6 83 Thise ben grete causes, noght oonly to
Bo1 p6 84 maladye, but certes gret causes to deth. But I
Bo1 p6 85 thanke the auctour and the makere of hele, that
Bo1 p6 86 nature hath nat al forleten the. I have gret
Bo1 p6 87 noryssynges of thyn hele, and that is, the sothe
Bo1 p6 88 sentence of governance of the werld, that thou
Bo1 p6 89 bylevest that the governynge of it nis nat
Bo1 p6 90 subgit ne underput to the folye of thise
Bo1 p6 91 happes aventurous, but to the resoun of
Bo1 p6 92 God. And therfore doute the nothing, for of this
Bo1 p6 93 litel spark thine heet of liif schal shine.
Bo1 p6 94 " But for as moche as it is nat tyme yet of
Bo1 p6 95 fastere remedies, and the nature of thoughtes
Bo1 p6 96 desceyved is this, that, as ofte as they casten awey
Bo1 p6 97 sothe opynyouns, they clothen hem in false
Bo1 p6 98 opynyouns, of the whiche false opynyouns the
Bo1 p6 99 derknesse of perturbacion waxeth up, that
Bo1 p6 100 confowndeth the verray insyghte -- [that]
Bo1 p6 101 derknesse schal I assaie somwhat to maken
Bo1 p6 102 thynne and wayk by lyghte and meneliche
Bo1 p6 103 remedies; so that, aftir that the derknesse of
Bo1 p6 104 desceyvynge desyrynges is doon away, thow
Bo1 p6 105 mowe knowe the schynynge of verraye light.
Bo1 m7 1 " The sterres, covred with blake cloudes, ne
Bo1 m7 2 owen yeten adoun no lyght. Yif the truble
Bo1 m7 3 wynd that hyghte Auster, turnynge and walwynge
Bo1 m7 4 the see, edleth the heete (that is to
Bo1 m7 5 seyn, the boylynge up fro the bote), the
Bo1 m7 6 wawes, that whilo weren clere as glas and
Bo1 m7 7 lyk to the fayre bryghte dayes, withstande
Bo1 m7 8 anon the syghtes of en by the filthe and
Bo1 m7 9 ordure that is resolved. And the fleetynge
Bo1 m7 10 stree, that royleth doun diversely fro heye
Bo1 m7 11 ontaygnes, is areestid and resisted ofte
Bo1 m7 12 tye by the encountrynge of a stoon that is
Bo1 m7 13 departed and fallen fro soe roche. And forthy,
Bo1 m7 14 yif thou wolt loken and deen soth with cleer
Bo1 m7 15 lyght, and hoolden the weye with a ryght path,
Bo1 m7 16 weyve thow joie, dryf fro the drede, flee thow
Bo1 m7 17 hope, ne lat no sorwe aproche (that is to seyn,
Bo1 m7 18 lat non of thise foure passiouns overcoen the
Bo1 m7 19 or blenden the). For cloudy and derk is
Bo1 m7 20 thilke thoght, and bownde with bridelis,
Bo1 m7 21 where as thise thynges reignen. "
Bo2 p1 1 Aftir this sche stynte a lytel; and after that
Bo2 p1 2 sche hadde ygadrede by atempre stillenesse myn
Bo2 p1 3 attencioun, she seyde thus (as who so myghte
Bo2 p1 4 seyn thus: after thise thynges sche stynte a
Bo2 p1 5 litil, and whan sche aperceyved by atempre
Bo2 p1 6 stillenesse that I was ententyf to herkne hire,
Bo2 p1 7 sche bygan to speke in this wyse): " If I, " quod
Bo2 p1 8 sche, " have undirstonden and knowen outrely
Bo2 p1 9 the causes and the habyt of thy maladye,
Bo2 p1 10 thow languyssest and art desfeted for desir
Bo2 p1 11 and talent of thi rather fortune. Sche (that
Bo2 p1 12 ilke Fortune) oonly, that is chaunged, as
Bo2 p1 13 thow feynest, to the-ward, hath perverted the
Bo2 p1 14 cleernesse and the estat of thi corage. I
Bo2 p1 15 undirstonde the felefolde colours and desceytes
Bo2 p1 16 of thilke merveylous monstre Fortune and how
Bo2 p1 17 sche useth ful flaterynge famylarite with hem
Bo2 p1 18 that sche enforceth to bygyle, so longe, til that
Bo2 p1 19 sche confounde with unsuffrable sorwe
Bo2 p1 20 hem that sche hath left in despeer unpurveied.
Bo2 p1 21 And yif thou remembrest wel the
Bo2 p1 22 kende, the maneris, and the desserte of thilke
Bo2 p1 23 Fortune, thou shalt wel knowe that, as in hir,
Bo2 p1 24 thow nevere ne haddest ne hast ylost any fair
Bo2 p1 25 thyng. But, as I trowe, I schal nat greetly
Bo2 p1 26 travailen to don the remembren on thise
Bo2 p1 27 thynges. For thow were wont to hurtlen and
Bo2 p1 28 despysen hir with manly woordes whan sche
Bo2 p1 29 was blaundyssching and present, and
Bo2 p1 30 pursuydest hir with sentences that weren
Bo2 p1 31 drawen out of myn entre (that is to seyn,
Bo2 p1 32 of myn enformacioun). But no sodeyn mutacioun
Bo2 p1 33 ne bytideth noght withouten a manere
Bo2 p1 34 chaungynge of corages; and so is it byfallen
Bo2 p1 35 that thou art a litil departed fro the pees of thi
Bo2 p1 36 thought.
Bo2 p1 37 " But now is tyme that thou drynke and ataste
Bo2 p1 38 some softe and delitable thynges, so that whanne
Bo2 p1 39 thei ben entred withynne the, it mowe
Bo2 p1 40 maken wey to strengere drynkes of medycines.
Bo2 p1 41 Com now forth, therfore, the
Bo2 p1 42 suasyoun of swetnesse rethorien, whiche that
Bo2 p1 43 goth oonly the righte wey while sche forsaketh
Bo2 p1 44 nat myn estatutz. And with Rethorice com forth
Bo2 p1 45 Musice, a damoysele of our hous, that syngeth
Bo2 p1 46 now lightere moedes or prolacions, now
Bo2 p1 47 hevyere. What eyleth the, man? What is it that
Bo2 p1 48 hath cast the into moornynge and into wepynge?
Bo2 p1 49 I trow that thou hast seyn some newe thyng
Bo2 p1 50 and unkouth. Thou wenest that Fortune be
Bo2 p1 51 chaunged ayens the; but thow wenest
Bo2 p1 52 wrong (yif thou that wene): alway tho ben hir
Bo2 p1 53 maneres. Sche hath rather kept, as to the-ward,
Bo2 p1 54 hir propre stablenesse in the chaungynge of
Bo2 p1 55 hirself. Ryght swiche was sche whan sche
Bo2 p1 56 flateryd the and desseyved the with unleful
Bo2 p1 57 lykynges of false welefulnesse. Thou hast now
Bo2 p1 58 knowen and ateynt the doutous or double visage
Bo2 p1 59 of thilke blynde goddesse Fortune. Sche,
Bo2 p1 60 that yit covereth and wympleth hir to other
Bo2 p1 61 folk, hath schewyd hir every del to the. Yif
Bo2 p1 62 thou approvest here (and thynkest that sche is
Bo2 p1 63 good), use hir maneris and pleyne the nat; and
Bo2 p1 64 yif thou agrisest hir false trecherie, despise and
Bo2 p1 65 cast awey hir that pleyeth so harmfully. For sche,
Bo2 p1 66 that is now cause of so mochel sorwe to the,
Bo2 p1 67 sholde ben cause to the of pees and of joye. Sche
Bo2 p1 68 hath forsaken the, forsothe, the whiche that
Bo2 p1 69 nevere man mai ben siker that sche ne schal
Bo2 p1 70 forsaken hym. (Glose. But natheles some
Bo2 p1 71 bookes han the texte thus: forsothe sche
Bo2 p1 72 hath forsaken the, ne ther nys no man siker
Bo2 p1 73 that sche ne hath nat forsake.) Holdestow
Bo2 p1 74 thanne thilke welefulnesse precious to the, that
Bo2 p1 75 schal passen? And is present Fortune dereworth
Bo2 p1 76 to the, whiche that nys nat feithful for to duelle,
Bo2 p1 77 and whan sche goth awey that sche bryngeth a
Bo2 p1 78 wyght in sorwe? For syn she may nat ben
Bo2 p1 79 withholden at a mannys wille, [and] sche
Bo2 p1 80 maketh hym a wrecche whan sche departeth
Bo2 p1 81 fro hym, what other thyng is
Bo2 p1 82 flyttynge Fortune but a maner schewynge of
Bo2 p1 83 wrecchidnesse that is to comen? Ne it suffiseth
Bo2 p1 84 nat oonly to loken on thyng that is present
Bo2 p1 85 byforn the eien of a man; but wisdom loketh and
Bo2 p1 86 mesureth the ende of thynges. And the same
Bo2 p1 87 chaungynge from oon into another (that is to
Bo2 p1 88 seyn, fro adversite into prosperite) maketh that
Bo2 p1 89 the manaces of Fortune ne ben nat for to
Bo2 p1 90 dreden, ne the flaterynges of hir to ben
Bo2 p1 91 desired. Thus, at the laste, it byhoveth the
Bo2 p1 92 to suffren wyth evene wil in pacience al that is
Bo2 p1 93 doon inwith the floor of Fortune (that is to seyn,
Bo2 p1 94 in this world), syn thou hast oonys put thy nekke
Bo2 p1 95 undir the yok of hir. For yif thow wilt writen a
Bo2 p1 96 lawe of wendynge and of duellynge to Fortune,
Bo2 p1 97 whiche that thow hast chosen frely to ben thi
Bo2 p1 98 lady, artow nat wrongful in that, and makest
Bo2 p1 99 Fortune wroth and aspre by thyn
Bo2 p1 100 inpacience? And yit thow mayst nat
Bo2 p1 101 chaungen hir. Yif thou committest and
Bo2 p1 102 betakest thi seyles to the wynd, thow schalt ben
Bo2 p1 103 shoven, nat thider that thow woldest, but whider
Bo2 p1 104 that the wynd schouveth the. Yif thow castest thi
Bo2 p1 105 seedes in the feeldes, thou sholdest han in
Bo2 p1 106 mynde that the yeres ben amonges, outherwhile
Bo2 p1 107 plentevous and outherwhile bareyne. Thow hast
Bo2 p1 108 bytaken thiself to the governaunce of Fortune
Bo2 p1 109 and forthi it byhoveth the to ben obeisaunt
Bo2 p1 110 to the maneris of thi lady. Enforcestow the
Bo2 p1 111 to aresten or withholden the swyftnesse
Bo2 p1 112 and the sweighe of hir turnynge wheel? O thow
Bo2 p1 113 fool of alle mortel foolis! Yif Fortune bygan to
Bo2 p1 114 duelle stable, she cessede thanne to ben Fortune.
Bo2 m1 1 " Whan Fortune with a proud ryght hand hath
Bo2 m1 2 turned hir chaungynge stowndes, sche fareth
Bo2 m1 3 lyke the maneres of the boylynge Eurippe.
Bo2 m1 4 (Glosa. Eurippe is an arm of the see that ebbeth
Bo2 m1 5 and floweth, and somtyme the streem is on
Bo2 m1 6 o side, and somtyme on the tothir.) Textus.
Bo2 m1 7 She, cruel Fortune, casteth adoun kynges that
Bo2 m1 8 whilom weren ydradd; and sche, desceyvable,
Bo2 m1 9 enhaunceth up the humble chere of hym
Bo2 m1 10 that is discounfited. Ne sche neither heereth
Bo2 m1 11 ne rekketh of wrecchide wepynges; and
Bo2 m1 12 she is so hard that sche leygheth and scorneth
Bo2 m1 13 the wepynges of hem, the whiche sche hath
Bo2 m1 14 maked wepe with hir free wille. Thus sche
Bo2 m1 15 pleyeth, and thus sche prooeveth hir strengthes,
Bo2 m1 16 and scheweth a greet wonder to alle hir servauntz
Bo2 m1 17 yif that a wyght is seyn weleful and
Bo2 m1 18 overthrowe in an houre.
Bo2 p2 1 " Certes I wolde pleten with the a fewe
Bo2 p2 2 thynges, usynge the woordes of Fortune. Tak
Bo2 p2 3 hede now thyselve, yif that sche asketh ryght:
Bo2 p2 4 `O thow man, wherfore makestow me gyltyf by
Bo2 p2 5 thyne every dayes pleynynges? What wrong
Bo2 p2 6 have I don the? What godes have I byreft the
Bo2 p2 7 that weren thyne? Stryf or pleet with me byforn
Bo2 p2 8 what juge that thow wolt of the possessioun
Bo2 p2 9 of rychesses or of dignytees; and yif
Bo2 p2 10 thou maist schewen me that ever any mortel
Bo2 p2 11 man hath resceyved ony of tho thynges
Bo2 p2 12 to ben hise in propre, thanne wil I graunte freely
Bo2 p2 13 that thilke thynges weren thyne whiche that
Bo2 p2 14 thow axest.
Bo2 p2 15 " Whan that nature brought the foorth out of
Bo2 p2 16 thi modir wombe, I resceyved the nakid and
Bo2 p2 17 nedy of alle thynges, and I norissched the with
Bo2 p2 18 my richesses, and was redy and ententyf thurwe
Bo2 p2 19 my favour to sustene the -- and that maketh
Bo2 p2 20 the now inpacient ayens me; and I
Bo2 p2 21 envyrounde the with al the habundaunce
Bo2 p2 22 and schynynge of alle goodes that ben in my
Bo2 p2 23 ryght. Now it liketh me to withdrawe myn
Bo2 p2 24 hand. Thow hast had grace as he that hath
Bo2 p2 25 used of foreyne goodes; thow hast no ryght to
Bo2 p2 26 pleyne the, as though thou haddest outrely
Bo2 p2 27 forlorn alle thy thynges. Why pleynestow
Bo2 p2 28 thanne? I have doon the no wrong. Richesses,
Bo2 p2 29 honours, and swiche othere thinges ben of
Bo2 p2 30 my right. My servauntz knowen me for
Bo2 p2 31 hir lady; they comen with me, and departen
Bo2 p2 32 whan I wende. I dar wel affermen hardely
Bo2 p2 33 that, yif tho thynges of whiche thow pleynest
Bo2 p2 34 that thou hast forlorn [hem] hadden ben
Bo2 p2 35 thyne, thow ne haddest nat lorn hem. Schal
Bo2 p2 36 I thanne, oonly, be defended to usen my ryght?
Bo2 p2 37 " Certes it is leveful to the hevene to maken
Bo2 p2 38 clere dayes, and after that to coveren tho same
Bo2 p2 39 dayes with dirke nyghtes. The yeer hath
Bo2 p2 40 eek leve to apparaylen the visage of the
Bo2 p2 41 erthe, now with floures, and now with
Bo2 p2 42 fruyt, and to confownden hem somtyme with
Bo2 p2 43 reynes and with coldes. The see hath eek his
Bo2 p2 44 ryght to ben somtyme calm and blaundysschyng
Bo2 p2 45 with smothe watir, and somtyme to ben
Bo2 p2 46 horrible with wawes and with tempestes. But
Bo2 p2 47 the covetise of men, that mai nat be stawnched
Bo2 p2 48 -- schal it bynde me to ben stedfast, syn that
Bo2 p2 49 stidfastnesse is uncouth to my maneris?
Bo2 p2 50 Swiche is my strengthe, and this pley
Bo2 p2 51 I pleye continuely. I torne the whirlynge
Bo2 p2 52 wheel with the turnynge sercle; I am glad to
Bo2 p2 53 chaungen the loweste to the heyeste, and the
Bo2 p2 54 heyeste to the loweste. Worth up yif thow
Bo2 p2 55 wolt, so it be by this lawe, that thow ne holde
Bo2 p2 56 nat that I do the wroong, though thow descende
Bo2 p2 57 adown whan the resoun of my pley axeth it.
Bo2 p2 58 Wystestow nat how Cresus, kyng of Lydyens,
Bo2 p2 59 of whiche kyng Cirus was ful sore agast a
Bo2 p2 60 lytil byforn -- that this rewliche Cresus
Bo2 p2 61 was caught of Cirus and lad to the fyer to
Bo2 p2 62 ben brend; but that a rayn descendede down
Bo2 p2 63 fro hevene that rescowyde hym? And is it out
Bo2 p2 64 of thy mynde how that Paulus, consul of Rome,
Bo2 p2 65 whan he had taken the kyng of Percyens, weep
Bo2 p2 66 pitously for the captivyte of the selve kyng?
Bo2 p2 67 What other thynge bywaylen the cryinges of
Bo2 p2 68 tragedyes but oonly the dedes of Fortune, that
Bo2 p2 69 with an unwar strook overturneth the
Bo2 p2 70 realmes of greet nobleye? (Glose. Tragedye
Bo2 p2 71 is to seyn a dite of a prosperite for a
Bo2 p2 72 tyme, that endeth in wrecchidnesse.) Lernedest
Bo2 p2 73 nat thow in Greek whan thow were yong, that
Bo2 p2 74 in the entre or in the seler of Juppiter ther ben
Bo2 p2 75 cowched two tonnes, the toon is ful of good,
Bo2 p2 76 and the tother is ful of harm? What ryght
Bo2 p2 77 hastow to pleyne, yif thou hast taken more
Bo2 p2 78 plentevously of the gode side (that is to seyn,
Bo2 p2 79 of my richesses and prosperites)? And
Bo2 p2 80 what ek yif Y ne be nat al departed fro
Bo2 p2 81 the? What eek yif my mutabilite yeveth
Bo2 p2 82 the ryghtful cause of hope to han yit bettere
Bo2 p2 83 thynges? Natheles dismaye the nat in thi
Bo2 p2 84 thought; and thow that art put in the comune
Bo2 p2 85 realme of alle, desire nat to lyven by thyn oonly
Bo2 p2 86 propre ryght.
Bo2 m2 1 " Though Plente that is goddesse of rychesses
Bo2 m2 2 hielde adoun with ful horn, and withdraweth
Bo2 m2 3 nat hir hand, as many richesses as the
Bo2 m2 4 see torneth upward sandes whan it is moeved
Bo2 m2 5 with ravysshynge blastes, or elles as manye
Bo2 m2 6 rychesses as ther schynen bryghte sterres in
Bo2 m2 7 hevene on the sterry nyghtes; yit, for al that,
Bo2 m2 8 mankende nolde nat cese to wepe wrecchide
Bo2 m2 9 pleyntes. And al be it so that God resceyveth
Bo2 m2 10 gladly hir preiers, and yyveth hem, as
Bo2 m2 11 fool-large, moche gold, and apparayleth
Bo2 m2 12 coveytous folk with noble or cleer honours;
Bo2 m2 13 yit semeth hem haven igeten nothyng, but
Bo2 m2 14 alwey hir cruel ravyne, devourynge al that
Bo2 m2 15 they han geten, scheweth othere gapynges (that
Bo2 m2 16 is to seyn, gapyn and desiren yit after mo rychesses).
Bo2 m2 17 What brydles myghte withholden to
Bo2 m2 18 any certeyn ende the disordene covetise of
Bo2 m2 19 men, whan evere the rather that it fletith
Bo2 m2 20 in large yiftes, the more ay brenneth in
Bo2 m2 21 hem the thurst of havynge? Certes he that
Bo2 m2 22 qwakynge and dredful weneth hymselven
Bo2 m2 23 nedy, he ne lyveth nevermo ryche.
Bo2 p3 1 " Therfore, yif that Fortune spake with the
Bo2 p3 2 for hirself in this manere, forsothe thow ne
Bo2 p3 3 haddest noght what thou myghtest answere.
Bo2 p3 4 And yif thow hast any thyng wherwith thow
Bo2 p3 5 mayst rightfully defenden thi compleynte, it
Bo2 p3 6 behoveth the to schewen it, and I wol yyve
Bo2 p3 7 the space to tellen it. "
Bo2 p3 8 " Serteynly, " quod I thanne, " thise ben faire
Bo2 p3 9 thynges and enoynted with hony swetnesse
Bo2 p3 10 of Rethorik and Musike; and oonly
Bo2 p3 11 whil thei ben herd thei ben delycious, but
Bo2 p3 12 to wrecches is a deppere felyng of harm
Bo2 p3 13 (this is to seyn, that wrecches felen the harmes
Bo2 p3 14 that thei suffren more grevously than the remedies
Bo2 p3 15 or the delites of thise wordes mowen gladen
Bo2 p3 16 or conforten hem). So that, whanne thise
Bo2 p3 17 thynges stynten for to soune in eris, the sorwe
Bo2 p3 18 that es inset greveth the thought. "
Bo2 p3 19 " Right so is it, " quod sche. " For thise ne
Bo2 p3 20 ben yit none remedies of thy maladye, but
Bo2 p3 21 they ben a maner norisschynges of thi
Bo2 p3 22 sorwe, yit rebel ayen thi curacioun. For whan
Bo2 p3 23 that tyme is, I schal moeve and ajuste swiche
Bo2 p3 24 thynges that percen hemselve depe. But natheles
Bo2 p3 25 that thow schalt noght wilne to leten thiself
Bo2 p3 26 a wrecche, hastow foryeten the nowmbre
Bo2 p3 27 and the maner of thi welefulnesse? I holde
Bo2 p3 28 me stille how that the sovereyn men of the
Bo2 p3 29 cite token the in cure and in kepynge,
Bo2 p3 30 whan thow were orphelyn of fadir and of
Bo2 p3 31 modir, and were chose in affynite of
Bo2 p3 32 prynces of the cite; and thow bygonne rather
Bo2 p3 33 to ben leef and deere than for to been a
Bo2 p3 34 neyghebour, the whiche thyng is the moste
Bo2 p3 35 precyous kende of any propinquyte or alliaunce
Bo2 p3 36 that mai ben. Who is it that ne seide tho that
Bo2 p3 37 thow neere right weleful, with so gret a nobleye
Bo2 p3 38 of thi fadres-in-lawe, and with the chastete
Bo2 p3 39 of thy wyf, and with the oportunyte
Bo2 p3 40 and noblesse of thyne masculyn children
Bo2 p3 41 (that is to seyn, thy sones)? And over al this
Bo2 p3 42 me list to passen of comune thynges, how
Bo2 p3 43 thow haddest in thy youthe dignytees that
Bo2 p3 44 weren wernd to oolde men; but it deliteth
Bo2 p3 45 me to comen now to the synguler uphepynge
Bo2 p3 46 of thi welefulnesse. Yif any fruyt of mortel
Bo2 p3 47 thynges mai han any weyghte or pris of welefulnesse,
Bo2 p3 48 myghtestow evere forgeten, for any
Bo2 p3 49 charge of harm that myghte byfalle the, remembraunce
Bo2 p3 50 of thilke day that thow seye
Bo2 p3 51 thi two sones maked conseileris and iladde
Bo2 p3 52 togidre fro thyn hous under so greet assemble
Bo2 p3 53 of senatours and under the blithnesse of peple,
Bo2 p3 54 and whan thow saye hem set in the court in
Bo2 p3 55 hir chayeres of dignytes? Thow, rethorien or
Bo2 p3 56 pronouncere of kynges preysynges, desservedest
Bo2 p3 57 glorie of wit and of eloquence whan thow, syttynge
Bo2 p3 58 bytwixen thi two sones conseylers, in the
Bo2 p3 59 place that highte Circo, fulfildest the abydynge
Bo2 p3 60 of the multitude of peple that was
Bo2 p3 61 sprad abouten the with so large preysynge
Bo2 p3 62 and laude as men syngen in victories. Tho
Bo2 p3 63 yave thow woordes to Fortune, as I trowe, (that
Bo2 p3 64 is to seyn, tho feffedestow Fortune with glosynge
Bo2 p3 65 wordes and desceyvedest hir) whan sche
Bo2 p3 66 accoyede the and norysside the as hir owne
Bo2 p3 67 delices. Thow bare awey of Fortune a yifte
Bo2 p3 68 (that is to seye, swich guerdoun) that sche
Bo2 p3 69 nevere yaf to prive man. Wiltow therfore
Bo2 p3 70 leye a reknynge with Fortune? Sche hath
Bo2 p3 71 now twynkled first upon the with a wikkid
Bo2 p3 72 eye. If thow considere the nowmbre and the
Bo2 p3 73 maner of thy blisses and of thy sorwes, thow
Bo2 p3 74 mayst noght forsaken that thow nart yit blisful.
Bo2 p3 75 For yif thou therfore wenest thiself nat
Bo2 p3 76 weleful, for thynges that tho semeden joyeful
Bo2 p3 77 ben passed, ther nys nat why thow sholdest
Bo2 p3 78 wene thiself a wrecche; for thynges that semen
Bo2 p3 79 now sory passen also. Artow now comen
Bo2 p3 80 first, a sodeyn gest, into the schadowe or
Bo2 p3 81 tabernacle of this lif? Or trowestow that
Bo2 p3 82 any stedfastnesse be in mannes thynges, whan
Bo2 p3 83 ofte a swyft hour dissolveth the same man (that
Bo2 p3 84 is to seyn, whan the soule departeth fro the
Bo2 p3 85 body)? For although that zelde is ther any
Bo2 p3 86 feith that fortunous thynges wollen dwellen,
Bo2 p3 87 yet natheles the laste day of a mannes lif is
Bo2 p3 88 a maner deth to Fortune, and also to thilke
Bo2 p3 89 that hath dwelt. And therfore what wenestow
Bo2 p3 90 dar rekke, yif thow forleete hir in
Bo2 p3 91 deyinge, or elles that sche, Fortune, forleete awey?
Bo2 m3 1 " Whan Phebus, the sonne, bygynneth to
Bo2 m3 2 spreden his clernesse with rosene chariettes,
Bo2 m3 3 thanne the sterre, ydymmed, paleth hir white
Bo2 m3 4 cheeres by the flambes of the sonne that overcometh
Bo2 m3 5 the sterre lyght. (This to seyn, whan
Bo2 m3 6 the sonne is rysen, the day-sterre waxeth pale,
Bo2 m3 7 and leeseth hir lyght for the grete bryghtnesse
Bo2 m3 8 of the sonne.) Whan the wode waxeth rody
Bo2 m3 9 of rosene floures in the fyrst somer sesoun
Bo2 m3 10 thurw the breeth of the wynd Zephirus that
Bo2 m3 11 waxeth warm, yif the cloudy wynd Auster
Bo2 m3 12 blowe felliche, than goth awey the fairnesse
Bo2 m3 13 of thornes. Ofte the see is cleer and calm
Bo2 m3 14 without moevynge flodes, and ofte the horrible
Bo2 m3 15 wynd Aquylon moeveth boylynge tempestes,
Bo2 m3 16 and overwhelveth the see. Yif the forme
Bo2 m3 17 of this world is so zeeld stable, and yif it torneth
Bo2 m3 18 by so manye entrechaungynges, wiltow
Bo2 m3 19 thanne trusten in the tumblenge fortunes of
Bo2 m3 20 men? Wiltow trowen on flyttynge goodes?
Bo2 m3 21 It is certeyn and establissched by lawe perdurable,
Bo2 m3 22 that nothyng that is engendred nys
Bo2 m3 23 stedfast ne stable. "
Bo2 p4 1 Thanne seide I thus: " O norysshe of alle vertues,
Bo2 p4 2 thou seist ful sooth; ne I mai noght forsake
Bo2 p4 3 the ryght swyfte cours of my prosperite
Bo2 p4 4 (that is to seyn, that prosperite ne be comen
Bo2 p4 5 to me wonder swyftli and sone); but this is a
Bo2 p4 6 thyng that greetly smerteth me whan it remembreth
Bo2 p4 7 me. For in alle adversites of fortune
Bo2 p4 8 the moost unzeely kynde of contrarious
Bo2 p4 9 fortune is to han ben weleful. "
Bo2 p4 10 " But that thow, " quod sche, " abyest thus
Bo2 p4 11 the torment of thi false opynioun, that
Bo2 p4 12 maistow nat ryghtfully blamen ne aretten to
Bo2 p4 13 thynges. (As who seith, for thow hast yit
Bo2 p4 14 manye habundances of thynges.) Textus. For
Bo2 p4 15 al be it so that the ydel name of aventuros
Bo2 p4 16 welefulnesse moeveth the now, it is leveful that
Bo2 p4 17 thow rekne with me of how many grete thynges
Bo2 p4 18 thow hast yit plente. And therfore yif that
Bo2 p4 19 thilke thyng that thow haddest for moost
Bo2 p4 20 precyous in al thy rychesse of fortune be
Bo2 p4 21 kept to the yit by the grace of God unwemmed
Bo2 p4 22 and undefouled, maistow thanne
Bo2 p4 23 pleyne ryghtfully upon the mescheef of Fortune,
Bo2 p4 24 syn thow hast yit thi beste thynges?
Bo2 p4 25 Certes yit lyveth in good poynt thilke precyous
Bo2 p4 26 honour of mankynde, Symacus, thi wyves fader,
Bo2 p4 27 whiche that is a man maked al of sapience and
Bo2 p4 28 of vertu, the whiche man thow woldest byen
Bo2 p4 29 redyly with the pris of thyn owene lif. He
Bo2 p4 30 bywayleth the wronges that men don to
Bo2 p4 31 the, and nat for hymself; for he lyveth in
Bo2 p4 32 sikernesse of anye sentences put ayens hym.
Bo2 p4 33 And yit lyveth thi wyf, that is atempre of wyt
Bo2 p4 34 and passynge othere wommen in clennesse of
Bo2 p4 35 chastete; and, for I wol closen schortly hir
Bo2 p4 36 bountes, sche is lyk to hir fadir. I telle the wel
Bo2 p4 37 that sche lyveth, loth of this lyf, and kepeth
Bo2 p4 38 to the oonly hir goost, and is al maat and overcomen
Bo2 p4 39 by wepynge and sorwe for desir of
Bo2 p4 40 the; in the whiche thyng oonly I moot
Bo2 p4 41 graunten that thi welefulnesse is amenused.
Bo2 p4 42 What schal I seyn eek of thi two sones conseylours,
Bo2 p4 43 of whiche, as of children of hir age,
Bo2 p4 44 ther shyneth the liknesse of the wit of hir fadir
Bo2 p4 45 or of hir eldefader! And syn the sovereyne
Bo2 p4 46 cure of al mortel folk is to saven hir owene
Bo2 p4 47 lyves, O how weleful artow, if thow knowe
Bo2 p4 48 thy goodes! For yit ben ther thynges dwelled
Bo2 p4 49 to the-ward that no man douteth that they
Bo2 p4 50 ne be more derworthe to the than thyn
Bo2 p4 51 owene lif. And forthy drye thi teeris, for
Bo2 p4 52 yit nys nat every fortune al hateful to theward,
Bo2 p4 53 ne overgreet tempest hath nat yit fallen
Bo2 p4 54 upon the, whan that thyne ancres clyven faste,
Bo2 p4 55 that neither wolen suffren the counfort of this
Bo2 p4 56 tyme present ne the hope of tyme comyng to
Bo2 p4 57 passen ne to faylen. "
Bo2 p4 58 " And I preie, " quod I, " that faste mote thei
Bo2 p4 59 halden; for, whiles that thei halden, how so
Bo2 p4 60 evere that thynges been, I shal wel fleetyn
Bo2 p4 61 forth and escapyn: but thou mayst wel seen
Bo2 p4 62 how grete apparailes and array that me lakketh,
Bo2 p4 63 that ben passed awey fro me. "
Bo2 p4 64 " I have somwhat avaunced and forthred
Bo2 p4 65 the, " quod sche, " yif that thow anoye nat, or
Bo2 p4 66 forthynke nat of al thy fortune. (As who seith,
Bo2 p4 67 I have somwhat conforted the, so that thou
Bo2 p4 68 tempeste the nat thus with al thy fortune, syn
Bo2 p4 69 thow hast yit thy beste thynges.) But I mai
Bo2 p4 70 nat suffren thi delices, that pleynest the so
Bo2 p4 71 wepynge and angwysschous for that ther
Bo2 p4 72 lakketh somwhat to thy welefulnesse. For what
Bo2 p4 73 man is so sad or of so parfite welefulnesse, that
Bo2 p4 74 he ne stryveth and pleyneth on some halfe
Bo2 p4 75 ayen the qualite of his estat? Forwhy ful anguysschous
Bo2 p4 76 thing is the condicioun of mannes
Bo2 p4 77 goodes; for eyther it cometh nat altogidre to
Bo2 p4 78 a wyght, or elles it ne last nat perpetuel. For
Bo2 p4 79 som man hath gret rychesse, but he is
Bo2 p4 80 aschamed of his ungentil lynage; and som
Bo2 p4 81 man is renomyd of noblesse of kynrede, but
Bo2 p4 82 he is enclosed in so greet angwyssche of nede
Bo2 p4 83 of thynges that hym were levere that he were
Bo2 p4 84 unknowe; and som man haboundeth bothe in
Bo2 p4 85 rychesse and noblesse, but yit he bewayleth his
Bo2 p4 86 chaste lyf, for he ne hath no wyf; and som man
Bo2 p4 87 is wel and zelily ymaried, but he hath no children,
Bo2 p4 88 and norissheth his rychesses to the eyres
Bo2 p4 89 of straunge folk; and som man is gladed
Bo2 p4 90 with children, but he wepeth ful sory for
Bo2 p4 91 the trespas of his sone or of his doughter.
Bo2 p4 92 And for this ther ne accordeth no wyght lyghtly
Bo2 p4 93 to the condicioun of his fortune; for alwey to
Bo2 p4 94 every man ther is in somwhat that, unassayed,
Bo2 p4 95 he ne woot nat, or elles he dredeth that he hath
Bo2 p4 96 assaied. And adde this also, that every weleful
Bo2 p4 97 man hath a ful delicaat feelynge; so that, but
Bo2 p4 98 yif alle thynges byfalle at his owene wil, for
Bo2 p4 99 he is inpacient or is nat used to have noon
Bo2 p4 100 adversite, anoon he is throwen adoun for
Bo2 p4 101 every litil thyng. And ful litel thynges ben
Bo2 p4 102 tho that withdrawen the somme or the perfeccioun
Bo2 p4 103 of blisfulnesse fro hem that been most
Bo2 p4 104 fortunat. How manye men trowestow wolde
Bo2 p4 105 demen hemself to ben almoste in hevene, yif
Bo2 p4 106 thei myghten atayne to the leste partye of the
Bo2 p4 107 remenaunt of thi fortune? This same place
Bo2 p4 108 that thow clepest exil is contre to hem that
Bo2 p4 109 enhabiten here, and forthi nothyng [is.
Bo2 p4 110 wrecchide but whan thou wenest it. (As
Bo2 p4 111 who seith, thow thiself ne no wyght elles
Bo2 p4 112 nis a wrecche but whanne he weneth hymself
Bo2 p4 113 a wrechche by reputacion of his corage.) And
Bo2 p4 114 ayenward, alle fortune is blisful to a man by
Bo2 p4 115 the aggreablete or by the egalyte of hym that
Bo2 p4 116 suffreth it. What man is that that is so weleful
Bo2 p4 117 that nolde chaunge his estat whan he hath lost
Bo2 p4 118 pacience? The swetnesse of mannes welefulnesse
Bo2 p4 119 is spraynd with many bitternesses;
Bo2 p4 120 the whiche welefulnesse although it seme
Bo2 p4 121 swete and joieful to hym that useth it, yit
Bo2 p4 122 mai it nat ben withholden that it ne goth awey
Bo2 p4 123 whan it wole. Thanne is it wele seene how
Bo2 p4 124 wrecchid is the blisfulnesse of mortel thynges,
Bo2 p4 125 that neyther it dureth perpetuel with hem that
Bo2 p4 126 every fortune resceyven agreablely or egaly, ne
Bo2 p4 127 it deliteth nat in al to hem that ben angwyssous.
Bo2 p4 128 " O ye mortel folk, what seeke ye thanne blisfulnesse
Bo2 p4 129 out of yourself whiche that is put
Bo2 p4 130 in yowrself? Errour and folie confoundeth
Bo2 p4 131 yow. I schal schewe the schortly the
Bo2 p4 132 poynt of soverayn blisfulnesse. Is there anythyng
Bo2 p4 133 more precyous to the than thiself? Thow
Bo2 p4 134 wolt answere, `nay.' Thanne, yif it so be that
Bo2 p4 135 thow art myghty over thyself (that is to seyn,
Bo2 p4 136 by tranquillite of thi soule), than hastow thyng
Bo2 p4 137 in thi powere that thow noldest nevere leesen,
Bo2 p4 138 ne Fortune may nat bynymen it the. And that
Bo2 p4 139 thow mayst knowe that blisfulnesse ne mai
Bo2 p4 140 nat standen in thynges that ben fortunous
Bo2 p4 141 and temporel, now undirstond and gadere
Bo2 p4 142 it togidre thus: yif blisfulnesse be the soverayn
Bo2 p4 143 good of nature that lyveth by resoun,
Bo2 p4 144 ne thilke thyng nys nat soverayn good that
Bo2 p4 145 may ben taken awey in any wise (for more
Bo2 p4 146 worthy thyng and more dygne is thilke thyng
Bo2 p4 147 that mai nat ben take awey); than scheweth
Bo2 p4 148 it wel that the unstablenesse of fortune may
Bo2 p4 149 nat atayne to resceyven verray blisfulnesse.
Bo2 p4 150 And yit more over, what man that this
Bo2 p4 151 towmblynge welefulnesse ledeth, eyther
Bo2 p4 152 he woot that it is chaungeable, or elles he woot
Bo2 p4 153 it nat. And yif he woot it nat, what blisful
Bo2 p4 154 fortune may ther ben in the blyndnesse of ignoraunce?
Bo2 p4 155 And yif he woot that it is chaungeable,
Bo2 p4 156 he mot alwey ben adrad that he ne lese
Bo2 p4 157 that thyng that he ne douteth nat but that he
Bo2 p4 158 may leesen it (as who seith he mot bien alwey
Bo2 p4 159 agast lest he lese that he woot wel he may
Bo2 p4 160 lese it); for whiche the contynuel drede that
Bo2 p4 161 he hath ne suffreth hym nat to ben weleful --
Bo2 p4 162 or elles yif he lese it he weneth to ben
Bo2 p4 163 despised and forleten. Certes eek that is a
Bo2 p4 164 ful litel good that is born with evene herte
Bo2 p4 165 whan it es lost (that is to seyn, that men do no
Bo2 p4 166 more force of the lost than of the havynge).
Bo2 p4 167 And for as moche as thow thiself art he to
Bo2 p4 168 whom it hath be [sewed] and proved by ful
Bo2 p4 169 many demonstracyons, as I woot wele that
Bo2 p4 170 the soules of men ne mowen nat deyen in
Bo2 p4 171 no wyse; and ek syn it es cleer and certeyn
Bo2 p4 172 that fortunous welefulnesse endeth by the deth
Bo2 p4 173 of the body; it mai nat be douted that, yif that
Bo2 p4 174 deth may take awey blisfulnesse, that al the
Bo2 p4 175 kynde of mortel thyng ne descendeth into
Bo2 p4 176 wrecchidnesse by the ende of the deth. And
Bo2 p4 177 syn we knowe wel that many a man hath
Bo2 p4 178 sought the fruyt of blysfulnesse, nat oonly with
Bo2 p4 179 suffrynge of deeth, but eek with suffrynge
Bo2 p4 180 of peynes and tormentz, how myghte
Bo2 p4 181 thanne this present lif make men blisful,
Bo2 p4 182 syn that whanne thilke selve lif es ended it
Bo2 p4 183 ne maketh folk no wrechches?
Bo2 m4 1 " What maner man stable and war, that wol
Bo2 m4 2 fownden hym a perdurable seete, and ne wol
Bo2 m4 3 noght ben cast doun with the lowde blastes of
Bo2 m4 4 the wynd Eurus, and wole despise the see
Bo2 m4 5 manasynge with flodes; lat hym eschuwen to
Bo2 m4 6 bilde on the cop of the mountaigne, or in the
Bo2 m4 7 moyste sandes; for the felle wynd Auster tormenteth
Bo2 m4 8 the cop of the mountaigne with alle
Bo2 m4 9 hise strengthes, and the lause sandes refusen
Bo2 m4 10 to beren the hevy weyghte. And
Bo2 m4 11 forthi, yif thow wolt fleen the perilous
Bo2 m4 12 aventure (that is to seyn, of the werld) have
Bo2 m4 13 mynde certeynly to fycchen thin hous of a
Bo2 m4 14 myrie sete in a low stoon. For although the
Bo2 m4 15 wynd troublynge the see thondre with overthrowynges,
Bo2 m4 16 thou, that art put in quiete and
Bo2 m4 17 weleful by strengthe of thi palys, schalt leden
Bo2 m4 18 a cler age, scornynge the woodnesses and the
Bo2 m4 19 ires of the eyr.
Bo2 p5 1 " But for as mochel as the norisschynges of
Bo2 p5 2 my resouns descenden now into the, I trowe it
Bo2 p5 3 were tyme to usen a litel strengere medicynes.
Bo2 p5 4 Now undirstand heere; al were it so that the
Bo2 p5 5 yiftes of Fortune ne were noght brutel ne transitorie,
Bo2 p5 6 what is ther in hem that mai be thyn
Bo2 p5 7 in any tyme, or elles that it nys fowl, yif that
Bo2 p5 8 it be considered and lookyd parfitely? Richesses
Bo2 p5 9 ben they preciouse by the nature of hemself,
Bo2 p5 10 or elles by the nature of the? What is
Bo2 p5 11 most worth of rychesses? Is it nat gold or
Bo2 p5 12 myght of moneye assembled? Certes thilke
Bo2 p5 13 gold and thilke moneye schyneth and yeveth
Bo2 p5 14 bettre renoun to hem that dispenden it than
Bo2 p5 15 to thilke folk that mokeren it; for avaryce maketh
Bo2 p5 16 alwey mokereres to ben hated, and largesse
Bo2 p5 17 maketh folk cleer of renoun. For, syn that
Bo2 p5 18 swiche thyng as is transferred fro o man to an
Bo2 p5 19 othir ne may nat duellen with no man,
Bo2 p5 20 certes thanne is thilke moneye precyous
Bo2 p5 21 whan it is translated into other folk and
Bo2 p5 22 stynteth to ben had by usage of large yyvynge
Bo2 p5 23 of hym that hath yeven it. And also yif al the
Bo2 p5 24 moneye that is overal in the world were gadryd
Bo2 p5 25 toward o man, it scholde make alle othere men
Bo2 p5 26 to be nedy as of that. And certes a voys al hool
Bo2 p5 27 (that is to seyn, withouten amenusynge) fulfilleth
Bo2 p5 28 togydre the herynge of moche folk. But
Bo2 p5 29 certes your rychesses ne mowen noght
Bo2 p5 30 passen unto moche folk withouten amenusynge;
Bo2 p5 31 and whan they ben apassed, nedes
Bo2 p5 32 they maken hem pore that forgoon tho rychesses.
Bo2 p5 33 O streyte and nedy clepe I this richesse,
Bo2 p5 34 syn that many folk ne mai nat han it al, ne al
Bo2 p5 35 mai it nat comen to o man withoute povert
Bo2 p5 36 of alle othere folk. And the schynynge of
Bo2 p5 37 gemmes (that I clepe precyous stones) draweth
Bo2 p5 38 it nat the eighen of folk to hem-ward (that
Bo2 p5 39 is to seyn, for the beautes)? But certes, yif
Bo2 p5 40 ther were beaute or bountee in the schynynge
Bo2 p5 41 of stones, thilke clernesse is of the
Bo2 p5 42 stones hemselve, and nat of men; for whiche I
Bo2 p5 43 wondre gretly that men merveylen on swiche
Bo2 p5 44 thynges. Forwhi what thyng is it that, yif it
Bo2 p5 45 wanteth moevynge and joynture of soule and
Bo2 p5 46 body, that by right myghte semen a fair creature
Bo2 p5 47 to hym that hath a soule of resoun? For
Bo2 p5 48 al be it so that gemmes drawen to hemself a
Bo2 p5 49 litel of the laste beaute of the world thurw
Bo2 p5 50 the entente of hir creatour and thurw the
Bo2 p5 51 distinccioun of hemself, yit, for as mochel
Bo2 p5 52 as thei ben put under yowr excellence, thei ne
Bo2 p5 53 han nat desserved by no way that ye schulde
Bo2 p5 54 merveylen on hem. And the beaute of feeldes,
Bo2 p5 55 deliteth it nat mochel unto yow? "
Bo2 p5 56 Boece. " Why schulde it nat deliten us, syn
Bo2 p5 57 that it is a [fayr] porcioun of the ryght fair
Bo2 p5 58 werk (that is to seyn, of this worlde)? And
Bo2 p5 59 right so ben we gladed somtyme of the
Bo2 p5 60 face of the see whan it es cleer; and also
Bo2 p5 61 merveylen we on the hevene, and on the
Bo2 p5 62 sterres, and on the sonne, and on the moone. "
Bo2 p5 63 Philosophie. " Aperteneth, " quod sche, " any
Bo2 p5 64 of thilke thynges to the? Why darstow glorifye
Bo2 p5 65 the in the shynynge of any swiche thynges?
Bo2 p5 66 Artow distyngwed and embelysed by the
Bo2 p5 67 spryngynge floures of the first somer sesoun,
Bo2 p5 68 or swelleth thi plente in fruites of somer? Whi
Bo2 p5 69 artow ravyssched with idel joies? Why enbracest
Bo2 p5 70 thow straunge goodes as they weren
Bo2 p5 71 thyne? Fortune ne schal nevere maken that
Bo2 p5 72 swiche thynges ben thyne that nature of thynges
Bo2 p5 73 hath maked foreyne fro the. Soth is that, withouten
Bo2 p5 74 doute, the fruites of the erthe owen to
Bo2 p5 75 be to the noryssynge of beestis; and yif thow
Bo2 p5 76 wilt fulfille thyn nede after that it suffiseth to
Bo2 p5 77 nature, thanne is it no nede that thow seke
Bo2 p5 78 aftir the superfluyte of fortune. For [with]
Bo2 p5 79 fewe thynges and with ful litel thynges nature
Bo2 p5 80 halt hir apayed; and yif thow wolt
Bo2 p5 81 achoken the fulfillynge of nature with superfluytees,
Bo2 p5 82 certes thilke thynges that thow
Bo2 p5 83 wolt thresten or powren into nature schulle
Bo2 p5 84 ben unjoyeful to the, or elles anoyous. Wenestow
Bo2 p5 85 eek that it be a fair thyng to schyne with
Bo2 p5 86 diverse clothynge? Of whiche clothynge yif the
Bo2 p5 87 beaute be aggreable to loken uppon, I wol
Bo2 p5 88 merveylen on the nature of the matiere of
Bo2 p5 89 thilke clothes, or elles on the werkman that
Bo2 p5 90 wroughte hem. But also a long route of
Bo2 p5 91 meyne, maketh that a blisful man? The
Bo2 p5 92 whiche servantz yif thei ben vicyous of condyciouns,
Bo2 p5 93 it is a gret charge and a destruccioun
Bo2 p5 94 to the hous, and a gret enemy to the lord hymself;
Bo2 p5 95 and yif they ben gode men, how schal
Bo2 p5 96 straunge or foreyne goodnesse ben put in the
Bo2 p5 97 nowmbre of thi richesse? So that by alle thise
Bo2 p5 98 forseide thynges it es cleerly schewed, that nevere
Bo2 p5 99 oon of thilke thynges that thou acountedest
Bo2 p5 100 for thyne goodes nas nat thi good.
Bo2 p5 101 " In the whiche thynges yif ther be no
Bo2 p5 102 beaute to ben desired, why scholdestow ben sory
Bo2 p5 103 yif thou leese hem, or whi scholdestow rejoysen
Bo2 p5 104 the for to holden hem? For yif thei ben faire
Bo2 p5 105 of hir owene kynde, what aperteneth that to
Bo2 p5 106 the? For al so wel scholde they han ben fayre
Bo2 p5 107 by hemselve, though thei were departed fro
Bo2 p5 108 alle thyne rychesses. Forwhy fair ne precyous
Bo2 p5 109 were thei nat for that thei comen among
Bo2 p5 110 thi rychesses; but for they semeden fair
Bo2 p5 111 and precyous, therfore thou haddest levere
Bo2 p5 112 rekne hem among thi rychesses. But what
Bo2 p5 113 desirestow of Fortune with so greet a noyse
Bo2 p5 114 and with so greet [affraie]? I trowe thou seeke
Bo2 p5 115 to dryve awey nede with habundaunce of
Bo2 p5 116 thynges, but certes it turneth to you al in the
Bo2 p5 117 contrarie. Forwhy certes it nedeth of ful manye
Bo2 p5 118 helpynges to kepyn the diversite of precious
Bo2 p5 119 ostelementz; and sooth it es that of many
Bo2 p5 120 thynges han they nede, that many thynges
Bo2 p5 121 han; and ayenward of litel nedeth hem
Bo2 p5 122 that mesuren hir fille after the nede of kynde,
Bo2 p5 123 and nat after the oultrage of covetyse.
Bo2 p5 124 " Is it thanne so, that ye men ne han no propre
Bo2 p5 125 good iset in yow, for whiche ye mooten seke
Bo2 p5 126 outward your goodes in foreyne and subgit
Bo2 p5 127 thynges? So is thanne the condicion of thynges
Bo2 p5 128 turned up-so-doun, that a man, that is a devyne
Bo2 p5 129 beest be meryte of his resoun, thynketh
Bo2 p5 130 that hymself nys neyther fair ne noble but
Bo2 p5 131 yif it be thurw possessioun of ostelementz
Bo2 p5 132 that ne han no soules. And certes alle othere
Bo2 p5 133 thynges ben apayed of hir owene beautes, but ye
Bo2 p5 134 men that ben semlable to God by yowr
Bo2 p5 135 resonable thought, desiren to apparailen your
Bo2 p5 136 excellent kynde of the loweste thynges; ne ye
Bo2 p5 137 undirstanden nat how greet a wrong ye don to
Bo2 p5 138 your creatour. For he wolde that mankynde
Bo2 p5 139 were moost wurthy and noble of any
Bo2 p5 140 othere erthly thynges, and ye thresten
Bo2 p5 141 adoun yowre dignytes bynethen the loweste
Bo2 p5 142 thynges. For yif that al the good of every
Bo2 p5 143 thyng be more precyous than is thilke thyng
Bo2 p5 144 whos that the good es, syn ye demen that the
Bo2 p5 145 fowleste thynges ben your goodes, thanne
Bo2 p5 146 submitten ye and putten yourselven undir the
Bo2 p5 147 fouleste thynges by your estimacioun; and certes
Bo2 p5 148 this betydeth nat withouten your desert. For
Bo2 p5 149 certes swiche is the condicioun of alle mankynde,
Bo2 p5 150 that oonly whan it hath knowynge
Bo2 p5 151 of itself, thanne passeth it in noblesse alle
Bo2 p5 152 othere thynges; and whan it forletith the
Bo2 p5 153 knowynge of itself, thanne is it brought
Bo2 p5 154 bynethen alle beestes. Forwhi alle othere lyvynge
Bo2 p5 155 beestes han of kynde to knowe nat hemself;
Bo2 p5 156 but whan that men leeten the knowynge
Bo2 p5 157 of hemself, it cometh hem of vice. But
Bo2 p5 158 how broode scheweth the errour and the folie of
Bo2 p5 159 yow men, that wenen that anythyng mai
Bo2 p5 160 ben apparailed with straunge apparailementz!
Bo2 p5 161 But forsothe that mai nat be done.
Bo2 p5 162 For yif a wyght schyneth with thynges that
Bo2 p5 163 ben put to hym (as thus, yif thilke thynges
Bo2 p5 164 schynen with whiche a man is aparayled),
Bo2 p5 165 certes thilke thynges ben comended and preysed
Bo2 p5 166 with whiche he is apparayled; but natheles, the
Bo2 p5 167 thyng that is covered and wrapped under that
Bo2 p5 168 duelleth in his felthe.
Bo2 p5 169 " And I denye that thilke thyng be good
Bo2 p5 170 that anoyeth hym that hath it. Gabbe I of
Bo2 p5 171 this? Thow wolt sey `nay.' Sertes rychesses
Bo2 p5 172 han anoyed ful ofte hem that han tho rychesses,
Bo2 p5 173 syn that every wikkide schrewe -- and for his
Bo2 p5 174 wikkidnesse the more gredy aftir othir folkes
Bo2 p5 175 rychesses, wher so evere it be in ony place, be
Bo2 p5 176 it gold or precyous stones -- [weneth. hym
Bo2 p5 177 oonly most worthy that hath hem. Thow thanne,
Bo2 p5 178 that so bysy dredest now the swerd and the
Bo2 p5 179 spere, yif thou haddest entred in the path
Bo2 p5 180 of this lif a voyde weyfarynge man, thanne
Bo2 p5 181 woldestow syngen byfor the theef. (As
Bo2 p5 182 who seith, a pore man that bereth no rychesse
Bo2 p5 183 on hym by the weie may boldely synge byforn
Bo2 p5 184 theves, for he hath nat whereof to be robbed.)
Bo2 p5 185 O precyous and ryght cleer is the blisfulnesse of
Bo2 p5 186 mortel rychesses, that, whan thow hast geten it,
Bo2 p5 187 thanne hastow lorn thi sekernesse!
Bo2 m5 1 " Blisful was the firste age of men. They
Bo2 m5 2 heelden hem apayed with the metes that the
Bo2 m5 3 trewe feeldes broughten forth. They ne destroyeden
Bo2 m5 4 ne desseyvede nat hemself with outrage.
Bo2 m5 5 They weren wont lyghtly to slaken hir
Bo2 m5 6 hungir at even with accornes of ookes. They
Bo2 m5 7 ne coude nat medle the yift of Bachus to the
Bo2 m5 8 cleer hony (that is to seyn, they coude make
Bo2 m5 9 no pyement or clarree), ne they coude nat
Bo2 m5 10 medle the bryghte fleezes of the contre of
Bo2 m5 11 Seryens with the venym of Tyrie (this
Bo2 m5 12 to seyn, thei coude nat deyen white fleezes
Bo2 m5 13 of Syrien contre with the blood of a maner
Bo2 m5 14 schellefyssche that men fynden in Tirie, with
Bo2 m5 15 whiche blood men deyen purpre). They
Bo2 m5 16 slepen holsome slepes uppon the gras, and
Bo2 m5 17 dronken of the rennynge watres, and layen
Bo2 m5 18 undir the schadwes of the heye pyn-trees. Ne
Bo2 m5 19 no gest ne straunger ne karf yit the heye
Bo2 m5 20 see with oores or with schipes; ne thei ne
Bo2 m5 21 hadden seyn yit none newe stroondes to
Bo2 m5 22 leden marchandise into diverse contrees. Tho
Bo2 m5 23 weren the cruele claryouns ful hust and ful
Bo2 m5 24 stille. Ne blood ischad by egre hate ne hadde
Bo2 m5 25 nat deyed yit armures. For wherto or which
Bo2 m5 26 woodnesse of enemys wolde first moeven
Bo2 m5 27 armes whan thei seyen cruele wowndes, ne
Bo2 m5 28 none medes be of blood ischad? I wolde that
Bo2 m5 29 our tymes sholde torne ayen to the oolde
Bo2 m5 30 maneris! But the anguysschous love of
Bo2 m5 31 havynge brenneth in folk more cruely than
Bo2 m5 32 the fyer of the mountaigne of Ethna that ay
Bo2 m5 33 brenneth. Allas! What was he that first dalf
Bo2 m5 34 up the gobbettes or the weyghtes of gold covered
Bo2 m5 35 undir erthe and the precyous stones that
Bo2 m5 36 wolden han be hydd? He dalf up precious
Bo2 m5 37 periles. (That is to seyn, that he that hem
Bo2 m5 38 firsst up dalf, he dalf up a precious peril;
Bo2 m5 39 for-why, for the preciousnesse of swich
Bo2 m5 40 thyng hath many man ben in peril.)
Bo2 p6 1 " But what schal I seye of dignytes and of
Bo2 p6 2 powers, the whiche ye men, that neither
Bo2 p6 3 knowen verray dignyte ne verray powere,
Bo2 p6 4 areysen hem as heyghe as the hevene? The
Bo2 p6 5 whiche dignytees and poweres yif thei comen
Bo2 p6 6 to any wikkid man, thei doon as greet damages
Bo2 p6 7 and destrucciouns as dooth. the flaumbe
Bo2 p6 8 of the mountaigne Ethna whan the flaumbe
Bo2 p6 9 walweth up, ne no deluge ne doth so cruele
Bo2 p6 10 harmes. Certes the remembreth wel, as I
Bo2 p6 11 trowe, that thilke dignyte that men clepyn
Bo2 p6 12 the imperie of consulers, the whiche that
Bo2 p6 13 whilom was begynnynge of fredom, yowr eldres
Bo2 p6 14 coveyteden to han don awey that dignyte for
Bo2 p6 15 the pride of the consulers. And ryght for the
Bo2 p6 16 same pride yowr eldres byforn that tyme hadden
Bo2 p6 17 doon awey out of the cite of Rome the
Bo2 p6 18 kynges name (that is to seyn, thei nolden han
Bo2 p6 19 no lengere no kyng).
Bo2 p6 20 " But now, if so be that dignytees and poweris
Bo2 p6 21 ben yyven to gode men, the whiche
Bo2 p6 22 thyng is ful zelde, what aggreable thynges is
Bo2 p6 23 ther in tho dignytees or powers but oonly the
Bo2 p6 24 goodnesse of folk that usen hem? And therfore
Bo2 p6 25 it is thus that honour ne cometh nat to
Bo2 p6 26 vertu for cause of dygnite, but, ayenward, honour
Bo2 p6 27 cometh to dignyte for cause of vertu. But
Bo2 p6 28 whiche is thilke your derworthe power that is
Bo2 p6 29 so cleer and so requerable? O, ye erthliche
Bo2 p6 30 bestes, considere ye nat over whiche thyng
Bo2 p6 31 that it semeth that ye han power? Now yif
Bo2 p6 32 thou saye a mows among othere mysz that chalanged
Bo2 p6 33 to hymself-ward ryght and power over
Bo2 p6 34 alle othere mysz, how gret scorn woldestow han
Bo2 p6 35 of it! (Glosa. So fareth it by men [that the
Bo2 p6 36 wikkid men have power over the wikkid men;
Bo2 p6 37 that is to seye], the body hath power over the
Bo2 p6 38 body.) For yif thou looke wel upon the body of
Bo2 p6 39 a wyght, what thyng schaltow fynde more
Bo2 p6 40 freele than is mankynde; the whiche men
Bo2 p6 41 ful ofte ben slayn with bytynge of smale
Bo2 p6 42 flyes, or elles with the entrynge of crepynge
Bo2 p6 43 wormes into the pryvetees of mannes body?
Bo2 p6 44 But wher schal men fynden any man that mai
Bo2 p6 45 exercen or haunten any ryght upon another
Bo2 p6 46 man, but oonly on his body, or elles upon
Bo2 p6 47 thynges that ben lowere than the body, the
Bo2 p6 48 whiche I clepe fortunous possessiouns? Maystow
Bo2 p6 49 evere have any comaundement over a free
Bo2 p6 50 corage? Maystowe remuwen fro the estat
Bo2 p6 51 of his propre reste a thought that is
Bo2 p6 52 clyvynge togidre in hymself by stedfast resoun?
Bo2 p6 53 As whilom a tyraunt wende to confownde a fre
Bo2 p6 54 man of corage, and wende to constreyne hym by
Bo2 p6 55 torment to maken hym discoveren and accusen
Bo2 p6 56 folk that wisten of a conjuracioun (which I clepe
Bo2 p6 57 a confederacye) that was cast ayens this tyraunt;
Bo2 p6 58 but this fre man boot of his owene tonge, and
Bo2 p6 59 caste it in the visage of thilk wode tyraunt.
Bo2 p6 60 So that the tormentz that this tyraunt
Bo2 p6 61 wende to han maked matere of cruelte, this
Bo2 p6 62 wise man maked it matere of vertu. But what
Bo2 p6 63 thing is it that a man may doon to an other man,
Bo2 p6 64 that he ne may resceyven the same thyng of
Bo2 p6 65 other folk in hymself? (Or thus: what may a
Bo2 p6 66 man don to folk, that folk ne may don hym
Bo2 p6 67 the same?) I have herd told of Busyrides, that
Bo2 p6 68 was wont to sleen his gestes that herberweden
Bo2 p6 69 in his hous, and he was slayn hymself of
Bo2 p6 70 Ercules that was his gest. Regulus hadde
Bo2 p6 71 taken in bataile manye men of Affryke
Bo2 p6 72 and cast hem into feteres, but sone after he
Bo2 p6 73 most yyve hise handes to ben bownde with
Bo2 p6 74 the cheynes of hem that he hadde whilom
Bo2 p6 75 overcomen. Wenestow thanne that he be
Bo2 p6 76 myghty that hath no power to doon a thyng that
Bo2 p6 77 othere ne mai doon in hym that he doth in
Bo2 p6 78 othere?
Bo2 p6 79 " And yit moreover, yif it so were that
Bo2 p6 80 thise dygnytes or poweris hadden any
Bo2 p6 81 propre or naturel goodnesse in hemself,
Bo2 p6 82 nevere nolde they comen to schrewes. For
Bo2 p6 83 contrarious thynges ne ben nat wont to ben
Bo2 p6 84 ifelaschiped togydre. Nature refuseth that contrarious
Bo2 p6 85 thynges ben ijoygned. And so, as I am
Bo2 p6 86 in certeyn that ryght wykkyd folk han
Bo2 p6 87 dignytees ofte tyme, thanne scheweth it wel that
Bo2 p6 88 dignytees and poweres ne ben nat gode of
Bo2 p6 89 hir owene kynde, syn that they suffren
Bo2 p6 90 hemselve to cleven or joynen hem to
Bo2 p6 91 schrewes. And certes the same thyng mai I
Bo2 p6 92 most digneliche juggen and seyn of alle the
Bo2 p6 93 yiftes of Fortune that most plentevously comen
Bo2 p6 94 to schrewes. Of the whiche yiftes I trowe that it
Bo2 p6 95 oughte ben considered, that no man douteth that
Bo2 p6 96 he ne is strong in whom he seeth strengthe; and
Bo2 p6 97 in whom that swyftnesse is, sooth it is that he
Bo2 p6 98 is swyft; also musyke maketh mucisyens, and
Bo2 p6 99 phisyk maketh phisicyeens, and rethoryke,
Bo2 p6 100 rethoriens. Forwhy the nature of every
Bo2 p6 101 thyng maketh his proprete, ne it is nat
Bo2 p6 102 entremedlyd with the effectz of contrarious
Bo2 p6 103 thynges, and as of wil it chaseth out thynges that
Bo2 p6 104 to it ben contrarie. But certes rychesse mai nat
Bo2 p6 105 restreyne avarice unstaunched; ne power ne
Bo2 p6 106 maketh nat a man myghty over hymselve,
Bo2 p6 107 whiche that vicyous lustes holden destreyned
Bo2 p6 108 with cheynes that ne mowen nat ben
Bo2 p6 109 unbownden. And dignytees that ben yyven
Bo2 p6 110 to schrewide folk nat oonly ne maketh hem
Bo2 p6 111 nat digne, but it scheweth rather al opynly
Bo2 p6 112 that they been unworthy and undigne. And whi
Bo2 p6 113 is it thus? Certes for ye han joie to clepen
Bo2 p6 114 thynges with false names, that beren hem al in
Bo2 p6 115 the contrarie; the whiche names ben ful [ethe]
Bo2 p6 116 reproved by the effect of the same thynges; so
Bo2 p6 117 that thise ilke rychesses ne oughten nat by ryghte
Bo2 p6 118 to ben cleped rychesses, ne swyche power ne
Bo2 p6 119 aughte nat ben clepyd power, ne swiche
Bo2 p6 120 dignyte ne aughte nat ben clepyd dignyte.
Bo2 p6 121 And at the laste, I may conclude the same
Bo2 p6 122 thyng of alle the yyftes of Fortune, in whiche
Bo2 p6 123 ther nys nothyng to ben desired, ne that hath in
Bo2 p6 124 hymselve naturel bownte, as it es ful wel yseene.
Bo2 p6 125 For neither thei ne joygnen hem nat alwey to
Bo2 p6 126 gode men, ne maken hem alwey gode to whom
Bo2 p6 127 they been ijoyned.
Bo2 m6 1 " We han wel knowen how many grete harmes
Bo2 m6 2 and destrucciouns weren idoon by the emperour
Bo2 m6 3 Nero. He leet brennen the cite of Rome,
Bo2 m6 4 and made sleen the senatours; and he cruel
Bo2 m6 5 whilom sloughe his brothir, and he was maked
Bo2 m6 6 moyst with the blood of his modir (that is to
Bo2 m6 7 seyn, he leet sleen and slitten the body of his
Bo2 m6 8 modir to seen wher he was conceyved); and he
Bo2 m6 9 lookede on every halve uppon hir cold
Bo2 m6 10 deed body, ne no teer ne wette his face,
Bo2 m6 11 but he was so hardherted that he myghte
Bo2 m6 12 ben domesman or juge of hir dede beaute. And
Bo2 m6 13 natheles yit governed this Nero by septre alle
Bo2 m6 14 the peples that Phebus, the sonne, may seen,
Bo2 m6 15 comynge fro his uttreste arysynge til he hide
Bo2 m6 16 his bemes undir the wawes. (That is to seyn
Bo2 m6 17 he governede al the peples by ceptre imperial
Bo2 m6 18 that the sonne goth aboute from est to west.)
Bo2 m6 19 And ek this Nero governyde by ceptre alle
Bo2 m6 20 the peples that ben undir the colde sterres
Bo2 m6 21 that highten the septemtryones. (This is
Bo2 m6 22 to seyn he governede alle the peples that ben
Bo2 m6 23 under the partye of the north.) And eek Nero
Bo2 m6 24 governede alle the peples that the vyolent
Bo2 m6 25 wynd Nothus scorklith, and baketh the brennynge
Bo2 m6 26 sandes by his drye heete (that is to seyn,
Bo2 m6 27 al the peples in the south). But yit ne myghte
Bo2 m6 28 nat al his heie power torne the woodnesse of
Bo2 m6 29 this wikkid Nero? Allas! It is grevous fortune
Bo2 m6 30 as ofte as wikkid sweerd is joyned to
Bo2 m6 31 cruel venym (that is to seyn, venymows
Bo2 m6 32 cruelte to lordschipe). "
Bo2 p7 1 Thanne seyde I thus: " Thow woost wel thiselve
Bo2 p7 2 that the covetise of mortel thynges ne
Bo2 p7 3 hadde nevere lordschipe of me, but I have wel
Bo2 p7 4 desired matere of thynges to done (as who
Bo2 p7 5 seith, I desirede to have matiere of governaunce
Bo2 p7 6 over comunalites), for vertue stille sholde nat
Bo2 p7 7 elden (that is to seyn, that list that or he
Bo2 p7 8 waxe oold, his vertu, that lay now ful stille, ne
Bo2 p7 9 schulde nat perysshe unexercised in
Bo2 p7 10 governaunce of comune, for whiche men
Bo2 p7 11 myghten speken or wryten of his gode
Bo2 p7 12 governement). "
Bo2 p7 13 Philosophie. " For sothe, " quod sche, " and
Bo2 p7 14 that is [o] thyng that mai drawen to governaunce
Bo2 p7 15 swiche hertes as ben worthy and noble of hir
Bo2 p7 16 nature, but natheles it may nat drawen or tollen
Bo2 p7 17 swiche hertes as ben ibrought to the ful perfeccioun
Bo2 p7 18 of vertue; that is to seyn, covetise of
Bo2 p7 19 glorie and renoun to han wel adminystred
Bo2 p7 20 the comune thynges, or doon gode desertes
Bo2 p7 21 to profyt of the comune. For see now
Bo2 p7 22 and considere how litel and how voyde of alle
Bo2 p7 23 prys is thylk glorye. Certeyn thyng es, as thou
Bo2 p7 24 hast leerned by the demonstracioun of astronomye,
Bo2 p7 25 that al the envyrounynge of the erthe
Bo2 p7 26 aboute ne halt but the resoun of a prykke at
Bo2 p7 27 regard of the gretnesse of hevene; that is to
Bo2 p7 28 seyn that, yif ther were maked comparysoun of
Bo2 p7 29 the erthe to the gretnesse of hevene, men
Bo2 p7 30 wolde juggen in al that the erthe ne heelde
Bo2 p7 31 no space. Of the whiche litel regioun of
Bo2 p7 32 this world, the ferthe partye is enhabited with
Bo2 p7 33 lyvynge beestes that we knowen, as thou hast
Bo2 p7 34 thyselve leerned by Tholome that proveth it.
Bo2 p7 35 And yif thow haddest withdrawen and abated
Bo2 p7 36 in thy thought fro thilke ferthe partie as moche
Bo2 p7 37 space as the see and the mareys contene and
Bo2 p7 38 overgoon, and as moche space as the regioun
Bo2 p7 39 of drowghte overstreccheth (that is to
Bo2 p7 40 seyn, sandes and desertes), wel unnethe
Bo2 p7 41 sholde ther duellen a ryght streyte place to the
Bo2 p7 42 habitacioun of men. And ye thanne, that ben
Bo2 p7 43 envyrouned and closed withynne the leeste
Bo2 p7 44 prykke of thilke prykke, thynken ye to manyfesten
Bo2 p7 45 or publisschen your renoun and doon
Bo2 p7 46 yowr name for to be born forth? But yowr
Bo2 p7 47 glorye that is so narwe and so streyt ithrungen
Bo2 p7 48 into so litel bowndes, how mochel conteneth it
Bo2 p7 49 in largesse and in greet doynge? And also
Bo2 p7 50 set this therto: that manye a nacioun, diverse
Bo2 p7 51 of tonge and of maneris and ek of resoun
Bo2 p7 52 of hir lyvynge, ben enhabited in the cloos
Bo2 p7 53 of thilke lytel habitacle; to the whiche nacyons,
Bo2 p7 54 what for difficulte of weyes, and what for diversite
Bo2 p7 55 of langages, and what for defaute of
Bo2 p7 56 unusage [of] entrecomunynge of marchandise,
Bo2 p7 57 nat oonly the names of synguler men ne may
Bo2 p7 58 nat strecchen, but eek the fame of citees ne
Bo2 p7 59 may nat strecchen. At the laste, certes, in
Bo2 p7 60 the tyme of Marcus Tulyus, as hymselve
Bo2 p7 61 writ in his book, that the renoun of the
Bo2 p7 62 comune of Rome ne hadde nat yit passid ne
Bo2 p7 63 clomben over the montaigne that highte Caucasus;
Bo2 p7 64 and yit was thilke tyme Rome wel waxen,
Bo2 p7 65 and greetly redouted of the Parthes and eek of
Bo2 p7 66 the othere folk enhabitynge aboute. Seestow
Bo2 p7 67 nat thanne how streyte and how compressid is
Bo2 p7 68 thilke glorie that ye travailen aboute to schewe
Bo2 p7 69 and to multeplye? May thanne the glorie
Bo2 p7 70 of a synguler Romeyn strecchen thider
Bo2 p7 71 as the fame of the name of Rome may nat
Bo2 p7 72 clymben ne passen? And ek seestow nat that the
Bo2 p7 73 maneris of diverse folk and ek hir lawes ben
Bo2 p7 74 discordaunt among hemselve, so that thilke
Bo2 p7 75 thyng that som men juggen worthy of preysynge,
Bo2 p7 76 other folk juggen that it is worthy of torment?
Bo2 p7 77 And therof comyth it that, though a
Bo2 p7 78 man delyte hym in preysynge of his renoun, he
Bo2 p7 79 ne mai nat in no wyse bryngen forthe ne
Bo2 p7 80 spreden his name to many manere peples.
Bo2 p7 81 And therfore every maner man aughte to
Bo2 p7 82 ben apayed of his glorie that is publysschid among
Bo2 p7 83 his owene neyghebours; and thilke noble renoun
Bo2 p7 84 schal ben restreyned withynne the boundes of
Bo2 p7 85 o manere folk.
Bo2 p7 86 " But how many a man, that was ful noble in
Bo2 p7 87 his tyme, hath the wrecchid and nedy foryetynge
Bo2 p7 88 of writeris put out of mynde and doon awey; al
Bo2 p7 89 be it so that, certes, thilke wrytynges
Bo2 p7 90 profiten litel, the whiche writynges long
Bo2 p7 91 and dirk eelde doth awey, bothe hem and
Bo2 p7 92 ek hir auctours! But yow men semeth to geten
Bo2 p7 93 yow a perdurablete, whan ye thynken that in
Bo2 p7 94 tyme comynge your fame schal lasten. But
Bo2 p7 95 natheles yif thow wolt maken comparysoun to
Bo2 p7 96 the endles spaces of eternyte, what thyng hastow
Bo2 p7 97 by whiche thow mayst rejoisen the of long
Bo2 p7 98 lastynge of thi name? For yif ther were makyd
Bo2 p7 99 comparysoun of the abydynge of a moment
Bo2 p7 100 to ten thowsand wynter, for as mochel as
Bo2 p7 101 bothe tho spaces ben endyd, [yit] hath the
Bo2 p7 102 moment som porcioun of it, although it litel be.
Bo2 p7 103 But natheles thilke selve nowmbre of yeeris, and
Bo2 p7 104 eek as many yeris as therto mai be multiplyed, ne
Bo2 p7 105 mai nat certes be comparysoned to the
Bo2 p7 106 perdurablete that is endlees; for of thinges that
Bo2 p7 107 han ende may ben maked comparysoun, but of
Bo2 p7 108 thynges that ben withouten ende to thynges that
Bo2 p7 109 han ende may be makid no comparysoun.
Bo2 p7 110 And forthi is it that, although renome, of as
Bo2 p7 111 longe tyme as evere the list to thynken,
Bo2 p7 112 were thought to the regard of eternyte, that is
Bo2 p7 113 unstaunchable and infynyt, it ne sholde nat only
Bo2 p7 114 semen litel, but pleynliche ryght noght.
Bo2 p7 115 " But ye men, certes, ne konne doon no thyng
Bo2 p7 116 aryght, but yif it be for the audience of peple and
Bo2 p7 117 for idel rumours; and ye forsaken the grete
Bo2 p7 118 worthynesse of conscience and of vertu, and ye
Bo2 p7 119 seeken yowr gerdouns of the smale wordes
Bo2 p7 120 of straunge folk. Have now here and
Bo2 p7 121 undirstand, in the lyghtnesse of swiche
Bo2 p7 122 pryde and veyne glorye, how a man scornede
Bo2 p7 123 festyvaly and myriely swich vanyte. Whilom ther
Bo2 p7 124 was a man that hadde [assaillede] with stryvynge
Bo2 p7 125 wordes another man, the whiche, nat for usage
Bo2 p7 126 of verray vertu but for proud veyn glorie, had
Bo2 p7 127 taken upon hym falsly the name of a philosophre.
Bo2 p7 128 This rather man that I spak of thoughte
Bo2 p7 129 he wolde assaie where he, thilke, were a
Bo2 p7 130 philosophre or no; that is to seyn, yif that
Bo2 p7 131 he wolde han suffride lyghtly in pacience
Bo2 p7 132 the wronges that weren doon unto hym. This
Bo2 p7 133 feynede philosophre took pacience a litel while;
Bo2 p7 134 and whan he hadde resceyved wordes of
Bo2 p7 135 outrage, he, as in stryvynge ayen and rejoysynge
Bo2 p7 136 of hymself, seide at the laste ryght thus: `undirstondistow
Bo2 p7 137 nat that I am a philosophre?' The
Bo2 p7 138 tother man answerede ayen ful bytyngely and
Bo2 p7 139 seyde: `I hadde wel undirstonden it yif thou
Bo2 p7 140 haddest holde thi tonge stille.'
Bo2 p7 141 " But what is it to thise noble worthy men
Bo2 p7 142 (for, certes, of swych folk speke I) that seken
Bo2 p7 143 glorie with vertue? What is it? " quod sche.
Bo2 p7 144 " What atteyneth fame to swiche folk, whan the
Bo2 p7 145 body is resolved by the deeth at the laste? For if
Bo2 p7 146 it so be that men dyen in all (that is to seyen,
Bo2 p7 147 body and soule), the whiche thing our reson
Bo2 p7 148 defendeth us to byleeven, thanne is ther no
Bo2 p7 149 glorie in no wyse; for what schulde thilke
Bo2 p7 150 glorie ben, whan he, of whom thilke glorie
Bo2 p7 151 is seyd to be, nys ryght naught in no wise?
Bo2 p7 152 And yif the soule, whiche that hath in itself
Bo2 p7 153 science of gode werkes, unbownden fro the
Bo2 p7 154 prysone of the erthe, weendeth frely to the
Bo2 p7 155 hevene, despiseth it nat thanne al erthly
Bo2 p7 156 ocupacioun; and [usynge] hevene rejoyseth that
Bo2 p7 157 it is exempt fro alle erthly thynges? (As who
Bo2 p7 158 seith, thanne rekketh the soule of no glorye of
Bo2 p7 159 renoun of this world.)
Bo2 m7 1 " Whoso that with overthrowynge thought
Bo2 m7 2 oonly seketh glorie of fame, and weneth that
Bo2 m7 3 it be sovereyn good, lat hym looke upon the
Bo2 m7 4 brode schewynge contrees of the hevene, and
Bo2 m7 5 upon the streyte sete of this erthe; and he schal
Bo2 m7 6 be asschamed of the encres of his name, that
Bo2 m7 7 mai nat fulfille the litel compas of the erthe.
Bo2 m7 8 O, what coveyten proude folk to lyften up hir
Bo2 m7 9 nekkes on idel in the dedly yok of this
Bo2 m7 10 world? For although that renoun ysprad,
Bo2 m7 11 passynge to ferne peples, goth by diverse
Bo2 m7 12 tonges; and although that greet houses or
Bo2 m7 13 kynredes shynen with cleer titles of honours;
Bo2 m7 14 yit natheles deth despiseth al heye glorie of
Bo2 m7 15 fame, and deth wrappeth togidre the heyghe
Bo2 m7 16 heved and the lowe, and maketh egal and
Bo2 m7 17 evene the heygheste to the loweste. Where
Bo2 m7 18 wonen now the bones of trewe Fabricius?
Bo2 m7 19 What is now Brutus or stierne Catoun? The
Bo2 m7 20 thynne fame yit lastynge of here idel names
Bo2 m7 21 is marked with a fewe lettres. But althoughe
Bo2 m7 22 that we han knowen the fayre wordes
Bo2 m7 23 of the fames of hem, it is nat yyven to knowen
Bo2 m7 24 hem that ben dede and consumpt. Liggeth
Bo2 m7 25 thanne stille, al outrely unknowable, ne fame
Bo2 m7 26 ne maketh yow nat knowe. And yif ye wene to
Bo2 m7 27 lyve the lengere for wynd of yowr mortel name
Bo2 m7 28 whan o cruel day schal ravyssche yow, than is
Bo2 m7 29 the seconde deth duellynge unto yow. "
Bo2 m7 30 (Glose. The first deeth he clepeth here departynge
Bo2 m7 31 of the body and the soule, and
Bo2 m7 32 the seconde deth he clepeth as here the styntynge
Bo2 m7 33 of the renoun of fame.)
Bo2 p8 1 " But for as mochel as thow schalt nat
Bo2 p8 2 wenen, " quod sche, " that I bere an untretable
Bo2 p8 3 batayle ayens Fortune, yit somtyme it byfalleth
Bo2 p8 4 that sche desceyvable desserveth to han ryght
Bo2 p8 5 good thank of men. And that is whan sche hirself
Bo2 p8 6 opneth, and whan sche discovereth hir
Bo2 p8 7 frownt and scheweth hir maneris. Peraventure
Bo2 p8 8 yit undirstandestow nat that I schal seie. It is
Bo2 p8 9 a wonder that I desire to telle, and forthi
Bo2 p8 10 unnethe may I unplyten my sentence with
Bo2 p8 11 wordes. For I deme that contrarious Fortune
Bo2 p8 12 profiteth more to men than Fortune debonayre.
Bo2 p8 13 For alwey, whan Fortune semeth debonayre,
Bo2 p8 14 thanne sche lieth, falsly byhetynge the
Bo2 p8 15 hope of welefulnesse; but forsothe contraryous
Bo2 p8 16 Fortune is alwey sothfast, whan sche scheweth
Bo2 p8 17 hirself unstable thurw hir chaungynge. The
Bo2 p8 18 amyable Fortune desceyveth folk; the contrarie
Bo2 p8 19 Fortune techeth. The amyable Fortune
Bo2 p8 20 byndeth with the beaute of false goodes
Bo2 p8 21 the hertes of folk that usen hem: the contrarye
Bo2 p8 22 Fortune unbyndeth hem by the knowynge
Bo2 p8 23 of freel welefulnesse. The amyable Fortune
Bo2 p8 24 maystow seen alwey wyndy and flowynge,
Bo2 p8 25 and evere mysknowynge of hirself; the contrarie
Bo2 p8 26 Fortune is atempre and restreyned and
Bo2 p8 27 wys thurw exercise of hir adversite. At the
Bo2 p8 28 laste, amyable Fortune with hir flaterynges
Bo2 p8 29 draweth myswandrynge men fro the sovereyne
Bo2 p8 30 good; the contrarious Fortune ledeth
Bo2 p8 31 ofte folk ayen to sothfast goodes, and
Bo2 p8 32 haleth hem ayen as with an hook. Wenestow
Bo2 p8 33 thanne that thow augghtest to leeten this a litel
Bo2 p8 34 thyng, that this aspre and horrible Fortune
Bo2 p8 35 hath discovered to the the thoughtes of thi
Bo2 p8 36 trewe freendes? Forwhy this ilke Fortune hath
Bo2 p8 37 departed and uncovered to the bothe the certein
Bo2 p8 38 visages and eek the doutous visages of thi
Bo2 p8 39 felawes. Whan she departed awey fro the,
Bo2 p8 40 she took awey hir freendes and lefte the
Bo2 p8 41 thyne freendes. Now whanne thow were
Bo2 p8 42 ryche and weleful, as the semede, with how
Bo2 p8 43 mochel woldestow han bought the fulle knowynge
Bo2 p8 44 of thys (that is to seyn, the knowynge of
Bo2 p8 45 thyne verray freendes)? Now pleyne the nat
Bo2 p8 46 thanne of rychesse ylorn, syn thow hast
Bo2 p8 47 fownden the moste precyous kynde of rychesses,
Bo2 p8 48 that is to seyn, thi verray freendes.
Bo2 m8 1 " That the world with stable feyth varieth
Bo2 m8 2 accordable chaungynges; that the contrarious
Bo2 m8 3 qualites of elementz holden among hemself
Bo2 m8 4 allyaunce perdurable; that Phebus, the sonne,
Bo2 m8 5 with his goldene chariet bryngeth forth the
Bo2 m8 6 rosene day; that the moone hath comaundement
Bo2 m8 7 over the nyghtes, whiche nyghtes Esperus,
Bo2 m8 8 the eve-sterre, hath brought; that the
Bo2 m8 9 see, gredy to flowen, constreyneth with a
Bo2 m8 10 certein eende his floodes, so that it is nat
Bo2 m8 11 leveful to strecche his brode termes or
Bo2 m8 12 bowndes uppon the erthes (that is to seyn, to
Bo2 m8 13 coveren al the erthe) -- al this accordaunce
Bo2 m8 14 [and] ordenaunce of thynges is bounde with
Bo2 m8 15 love, that governeth erthe and see, and hath also
Bo2 m8 16 comandement to the hevene. And yif this love
Bo2 m8 17 slakede the bridelis, alle thynges that now loven
Bo2 m8 18 hem togidres wolden make batayle contynuely,
Bo2 m8 19 and stryven to fordo the fassoun of this
Bo2 m8 20 world, the which they now leden in
Bo2 m8 21 accordable feith by fayre moevynges. This
Bo2 m8 22 love halt togidres peples joyned with an holy
Bo2 m8 23 boond, and knytteth sacrement of mariages of
Bo2 m8 24 chaste loves; and love enditeth lawes to trewe
Bo2 m8 25 felawes. O weleful were mankynde, yif thilke
Bo2 m8 26 love that governeth hevene governede yowr
Bo2 m8 27 corages. "
Bo3 p1 1 By this sche hadde ended hir song, whan the
Bo3 p1 2 swetnesse of here dite hadde thurw-perced me,
Bo3 p1 3 that was desyrous of herknynge, and I astoned
Bo3 p1 4 hadde yit streyghte myn eres (that is to seyn, to
Bo3 p1 5 herkne the bet what sche wolde seye). So that
Bo3 p1 6 a litel herafter I seide thus: " O thow that art
Bo3 p1 7 sovereyne confort of angwyssous corages, so
Bo3 p1 8 thow hast remounted and norysshed me with
Bo3 p1 9 the weyghte of thi sentences and with delyt
Bo3 p1 10 of thy syngynge; so that I trowe nat
Bo3 p1 11 nowe that I be unparygal to the strokes of
Bo3 p1 12 Fortune (as who seith, I dar wel now suffren
Bo3 p1 13 alle the assautes of Fortune and wel defende
Bo3 p1 14 me fro hir). And tho remedies whiche that
Bo3 p1 15 thou seydest herbyforn that weren ryght
Bo3 p1 16 scharpe, nat oonly that I ne am nat agrisen of
Bo3 p1 17 hem now, but I, desiros of herynge, axe gretly
Bo3 p1 18 to heren tho remedies. "
Bo3 p1 19 Thanne seyde sche thus: " That feeled I
Bo3 p1 20 ful wel, " quod sche, " whan that thow ententyf
Bo3 p1 21 and stille ravysschedest my wordes,
Bo3 p1 22 and I abood til that thou haddest swich habite
Bo3 p1 23 of thi thought as thou hast now, or elles til that
Bo3 p1 24 I myself hadde maked to the the same habite,
Bo3 p1 25 whiche that is a more verray thyng. And certes
Bo3 p1 26 the remenant of thynges that ben yet to seie
Bo3 p1 27 ben swiche that first whan men tasten hem they
Bo3 p1 28 ben bytynge; but whan they ben resceyved
Bo3 p1 29 withynne a wyght, thanne ben thei swete.
Bo3 p1 30 But for thou seyst that thow art so desyrous
Bo3 p1 31 to herkne hem, with how greet brennynge
Bo3 p1 32 woldestow glowen, yif thow wistest whider I
Bo3 p1 33 wol leden the! "
Bo3 p1 34 " Whider is that? " quod I.
Bo3 p1 35 " To thilke verraye welefulnesse, " quod sche,
Bo3 p1 36 " of whiche thyn herte dremeth. but forasmoche
Bo3 p1 37 as thi syghte is ocupyed and destourbed by
Bo3 p1 38 imagynacioun of erthly thynges, thow mayst
Bo3 p1 39 nat yit seen thilke selve welefulnesse. "
Bo3 p1 40 " Do, " quod I, " and schewe me what is
Bo3 p1 41 thilke verray welefulnesse, I preie the,
Bo3 p1 42 withoute taryinge. "
Bo3 p1 43 " That wol I gladly do, " quod sche, " for the
Bo3 p1 44 cause of the. But I wol first marken the by
Bo3 p1 45 woordes, and I wol enforcen me to enforme the,
Bo3 p1 46 thilke false cause of blisfulnesse that thou more
Bo3 p1 47 knowest; so that whanne thow hast fully byhoolden
Bo3 p1 48 thilke false goodes and torned thin
Bo3 p1 49 eighen to the tother syde, thow mowe
Bo3 p1 50 knowe the cleernesse of verray blisfulnesse.
Bo3 m1 1 " Whoso wole sowe a feld plentevous, let hym
Bo3 m1 2 first delyvren it of thornes, and kerve asondir
Bo3 m1 3 with his hook the bussches and the feern, so
Bo3 m1 4 that the corn may comen hevy of erys and of
Bo3 m1 5 greynes. Hony is the more swete, if mouthes
Bo3 m1 6 han first tasted savours that ben wykke. The
Bo3 m1 7 sterres schynen more aggreablely whan the
Bo3 m1 8 wynd Nothus leteth his plowngy blastes; and
Bo3 m1 9 aftir that Lucifer, the day-sterre, hath
Bo3 m1 10 chased awey the dirke nyght, the day the
Bo3 m1 11 fairere ledeth the rosene hors (of the
Bo3 m1 12 sonne). And ryght so thow, byhooldyng ferst the
Bo3 m1 13 false goodes, bygyn to withdrawe thy nekke
Bo3 m1 14 fro the yok (of erthely affeccions); and
Bo3 m1 15 afterward the verray goodes schullen entren into
Bo3 m1 16 thy corage. "
Bo3 p2 1 Tho fastnede sche a litel the syghte of hir
Bo3 p2 2 eyen, and withdrowghe hir ryght as it were into
Bo3 p2 3 the streyte seete of here thought, and bygan to
Bo3 p2 4 speke ryght thus: " Alle the cures, " quod sche,
Bo3 p2 5 " of mortel folk, whiche that travailen hem in
Bo3 p2 6 many manere studies, gon certes by diverse
Bo3 p2 7 weyes; but natheles thei enforcen hem alle to
Bo3 p2 8 comyn oonly to oon ende of blisfulnesse. And
Bo3 p2 9 blisfulnesse is swiche a good, that whoso
Bo3 p2 10 that hath geten it, he ne may over that
Bo3 p2 11 nothyng more desire. And this thyng forsothe
Bo3 p2 12 is the soverayn good that conteneth in
Bo3 p2 13 hymself alle maner goodes; to the whiche goode
Bo3 p2 14 if ther fayled any thyng, it myghte nat ben
Bo3 p2 15 sovereyn good, for thanne wer ther som good
Bo3 p2 16 out of thilke sovereyn good, that myghte ben
Bo3 p2 17 desired. Now is it cleer and certeyne thanne,
Bo3 p2 18 that blisfulnesse is a parfyt estat by the congregacioun
Bo3 p2 19 of alle goodes; the whiche blisfulnesse,
Bo3 p2 20 as I have seyd, alle mortel folk enforcen
Bo3 p2 21 hem to geten by diverse weyes.
Bo3 p2 22 Forwhy the covetise of verray good is naturely
Bo3 p2 23 iplauntyd in the hertes of men, but the myswandrynge
Bo3 p2 24 errour mysledeth hem into false
Bo3 p2 25 goodes. Of the whiche men, some of hem
Bo3 p2 26 wenen that sovereyn good be to lyven withoute
Bo3 p2 27 nede of any thyng, and travaylen hem to ben
Bo3 p2 28 habundaunt of rychesses. And some othere
Bo3 p2 29 men demen that sovereyn good be for to be
Bo3 p2 30 ryght digne of reverence, and enforcen
Bo3 p2 31 hem to ben reverenced among hir neyghbours
Bo3 p2 32 by the honours that thei han igeten. And
Bo3 p2 33 some folk ther ben that holden that ryght heye
Bo3 p2 34 power be sovereyn good, and enforcen hem for
Bo3 p2 35 to reignen or elles to joygnen hem to hem that
Bo3 p2 36 reignen. And it semeth to some other folk, that
Bo3 p2 37 noblesse of renoun be the sovereyn good, and
Bo3 p2 38 hasten hem to geten hem gloryouse name by the
Bo3 p2 39 artz of werre or of pees. And many folk
Bo3 p2 40 mesuren and gessen that the sovereyne
Bo3 p2 41 good be joye and gladnesse, and wenen
Bo3 p2 42 that it be ryght blisful thyng to plowngen hem
Bo3 p2 43 in voluptuous delyt. And ther ben folk that
Bo3 p2 44 entrechaungen the causes and the endes of
Bo3 p2 45 thyse forseyde goodes, as they that desiren
Bo3 p2 46 rychesses to han power and delitz, or elles they
Bo3 p2 47 desiren power for to have moneye or for cause
Bo3 p2 48 of renoun. In thise thynges and in swiche other
Bo3 p2 49 thynges is torned al the entencioun of desyrynges
Bo3 p2 50 and werkes of men; as thus:
Bo3 p2 51 noblesse and favour of peple, whiche that
Bo3 p2 52 yyveth to men, as it semeth hem, a maner
Bo3 p2 53 cleernesse of renoun; and wyf and children,
Bo3 p2 54 that men desiren for cause of delyt and myrynesse.
Bo3 p2 55 But forsothe freendes ne schulde nat ben
Bo3 p2 56 rekned among the goodes of fortune, but of
Bo3 p2 57 vertu, for it is a ful hooly maner thyng; alle
Bo3 p2 58 thise othere thinges forsothe ben taken for
Bo3 p2 59 cause of power or elles for cause of delyt.
Bo3 p2 60 Certes now am I redy to referren the
Bo3 p2 61 goodes of the body to thise forseide thynges
Bo3 p2 62 aboven; for it semeth that strengthe and gretnesse
Bo3 p2 63 of body yyven power and worthynesse,
Bo3 p2 64 and that beaute and swyftnesse yyven noblesse
Bo3 p2 65 and glorie of renoun; and heele of body semeth
Bo3 p2 66 yyven delyt. In alle thise thynges it semeth
Bo3 p2 67 oonly that blisfulnesse is desyred; forwhy thilk
Bo3 p2 68 thing that every man desireth moost over alle
Bo3 p2 69 thynges he demeth that it be the sovereyn
Bo3 p2 70 good; but I have diffyned that blisfulnesse
Bo3 p2 71 is the sovereyn good; for whiche every
Bo3 p2 72 wyght demeth that thilke estat that he desireth
Bo3 p2 73 over alle thynges, that it be blisfulnesse.
Bo3 p2 74 " Now hastow thanne byforn thyne eien almest
Bo3 p2 75 al the purposede forme of the welefulnesse
Bo3 p2 76 of mankynde: that is to seyn rychesses,
Bo3 p2 77 honours, power, glorie, and delitz. The whiche
Bo3 p2 78 delit oonly considered Epicurus, and juggid
Bo3 p2 79 and establissyde that delyt is the soverayn
Bo3 p2 80 good, for as moche as alle othere thynges,
Bo3 p2 81 as hym thoughte, byrefte awey joye and
Bo3 p2 82 myrthe from the herte. But I retorne ayen to
Bo3 p2 83 the studies of men, of whiche men the corage
Bo3 p2 84 alwey reherceth and seketh the sovereyne good,
Bo3 p2 85 al be it so that it be with a dyrkyd memorie;
Bo3 p2 86 but he not by whiche path, ryght as a dronke
Bo3 p2 87 man not nat by whiche path he may retourne
Bo3 p2 88 hom to his hous. Semeth it thanne that folk
Bo3 p2 89 foleyen and erren, that enforcen hem to
Bo3 p2 90 have nede of nothyng? Certes ther nys
Bo3 p2 91 noon other thyng that mai so wel performe
Bo3 p2 92 blisfulnesse, as an estat plentevous of alle godes,
Bo3 p2 93 that ne hath nede of noon other thyng, but
Bo3 p2 94 that it is suffisant of hymself unto hymself.
Bo3 p2 95 And foleyen swiche folk, thanne, that wenen
Bo3 p2 96 that thilk thyng that is ryght good, that it be
Bo3 p2 97 eek ryght worthy of honour and of reverence?
Bo3 p2 98 Certes, nay. For that thyng nis neither foul ne
Bo3 p2 99 worthy to ben despysed that wel neyghe al
Bo3 p2 100 the entencioun of mortel folk [travayleth.
Bo3 p2 101 for to geten it. And power, aughte nat that
Bo3 p2 102 ek to ben rekned amonge goodes? What elles?
Bo3 p2 103 For it nys nat to wene that thilke thyng that is
Bo3 p2 104 most worthy of alle thynges be feble and
Bo3 p2 105 withoute strengthe. And cleernesse of renoun,
Bo3 p2 106 aughte that to ben despysed? Certes ther may no
Bo3 p2 107 man forsake, that alle thyng that is right
Bo3 p2 108 excellent and noble, that it ne semeth to ben
Bo3 p2 109 ryght cleer and renomed. For certes it
Bo3 p2 110 nedeth nat to saie that blisfulnesse be
Bo3 p2 111 [n'] [angwyssous] ne drery, ne subgit to
Bo3 p2 112 grevaunces ne to sorwes; syn that in ryght litele
Bo3 p2 113 thynges folk seken to haven and to usen that may
Bo3 p2 114 delyten hem. Certes thise ben the thinges that
Bo3 p2 115 men wolen and desiren to geten, and for this
Bo3 p2 116 cause desiren they rychesses, dignytes, reignes,
Bo3 p2 117 glorie, and delices; for therby wenen they to
Bo3 p2 118 han suffysaunce, honour, power, renoun, and
Bo3 p2 119 gladnesse. Thanne is it good that men
Bo3 p2 120 seken thus, by so manye diverse studies; in
Bo3 p2 121 whiche desir it mai lyghtly be schewyd how
Bo3 p2 122 greet is the strengthe of nature. For how so that
Bo3 p2 123 men han diverse sentences and discordynge,
Bo3 p2 124 algates men accorden alle in lovynge the eende
Bo3 p2 125 of good.
Bo3 m2 1 " It liketh me to schewe by subtil soong, with
Bo3 m2 2 slakke and delytable sown of strenges, how
Bo3 m2 3 that Nature, myghty, enclyneth and flytteth the
Bo3 m2 4 governementz of thynges, and by whiche lawes
Bo3 m2 5 sche, purveiable, kepith the grete world; and
Bo3 m2 6 how sche, byndynge, restreyneth alle thynges
Bo3 m2 7 by a boond that may nat be unbownde. Al be
Bo3 m2 8 it so that the lyouns of the contre of Pene beren
Bo3 m2 9 the fayre chaynes, and taken metes of the
Bo3 m2 10 handes of folk that yeven it hem, and
Bo3 m2 11 dreden hir stourdy [maistre] of whiche thei
Bo3 m2 12 ben wont to suffre betynges; yif that hir horrible
Bo3 m2 13 mouthes ben bybled (that is to seyn, of
Bo3 m2 14 beestes devoured), hir corage of tyme passed,
Bo3 m2 15 that hath ben idel and rested, repeireth ayen,
Bo3 m2 16 and thei roren grevously, and remembren on
Bo3 m2 17 hir nature, and slaken hir nekkes from hir
Bo3 m2 18 cheynes unbownde; and hir mayster fyrst,
Bo3 m2 19 totorn with blody tooth, assaieth the wode
Bo3 m2 20 wratthes of hem (this to seyn, thei freten
Bo3 m2 21 hir maister). And the janglynge brid that
Bo3 m2 22 syngeth on the heghe braunches (that is to
Bo3 m2 23 seyn, in the wode), and after is enclosed in a
Bo3 m2 24 streyte cage, althoughe that the pleyinge bysynes
Bo3 m2 25 of men yeveth [hym] honyed drynkes and large
Bo3 m2 26 metes with swete studye, yit natheles yif thilke
Bo3 m2 27 bryd skippynge out of hir streyte cage seith the
Bo3 m2 28 agreables schadwes of the wodes, sche defouleth
Bo3 m2 29 with hir feet hir metes ischad, and seketh
Bo3 m2 30 mornynge oonly the wode, and twytereth
Bo3 m2 31 desyrynge the wode with hir swete voys.
Bo3 m2 32 The yerde of a tree, that is haled adoun by
Bo3 m2 33 myghty strengthe, boweth redily the crop
Bo3 m2 34 adown; but yif that the hand of hym that it bente
Bo3 m2 35 leet it goon ageyn, anoon the crop loketh upryght
Bo3 m2 36 to hevene. The sonne, Phebus, that falleth
Bo3 m2 37 at even in the westrene wawes, retorneth
Bo3 m2 38 ayen eftsones his cart, by a pryve path, there
Bo3 m2 39 as it is wont t' aryse. Alle thynges seken
Bo3 m2 40 ayen to hir propre cours, and alle thynges
Bo3 m2 41 rejoysen hem of hir retornynge ayen to
Bo3 m2 42 hir nature. Ne noon ordenaunce is bytaken to
Bo3 m2 43 thynges, but that that hath joyned the endynge
Bo3 m2 44 to the bygynnynge, and hath maked the cours
Bo3 m2 45 of itself stable (that it chaunge nat from his
Bo3 m2 46 propre kynde).
Bo3 p3 1 " Certes also ye men, that ben erthliche
Bo3 p3 2 beestes, dremen alwey your bygynnynge, althoughe
Bo3 p3 3 it be with a thynne ymaginacioun; and
Bo3 p3 4 by a maner thought, al be it nat clerly ne parfitely,
Bo3 p3 5 ye loken from afer to thilke verray fyn of
Bo3 p3 6 blisfulnesse. And therfore naturel entencioun
Bo3 p3 7 ledeth yow to thilke verray good, but many
Bo3 p3 8 maner errours mystorneth yow therfro. Considere
Bo3 p3 9 now yif that by thilke thynges by
Bo3 p3 10 whiche a man weneth to geten hym blisfulnesse,
Bo3 p3 11 yif that he mai comen to thilk ende
Bo3 p3 12 that he weneth to come by nature. For yif that
Bo3 p3 13 moneye, or honours, or thise othere forseyde
Bo3 p3 14 thynges, brynge to men swiche a thyng that no
Bo3 p3 15 good ne fayle hem ne semeth faile, certes
Bo3 p3 16 thanne wol I graunte that they ben maked blisful
Bo3 p3 17 by thilke thynges that thei han geten. But
Bo3 p3 18 yif so be that thilke thynges ne mowen nat performen
Bo3 p3 19 that they byheten, and that there
Bo3 p3 20 be defaute of manye goodis, scheweth it
Bo3 p3 21 nat thanne clerly that false beute of blysfulnesse
Bo3 p3 22 is knowen and ataynt in thilke thynges?
Bo3 p3 23 First and forward thow thiself, that haddest
Bo3 p3 24 haboundances of rychesses nat longe agoon, I
Bo3 p3 25 aske the yif that, in the habowndance of alle
Bo3 p3 26 thilke rychesses, thow were nevere angwysous
Bo3 p3 27 ne sory in thy corage of any wrong or grevance
Bo3 p3 28 that bytydde the on any side? "
Bo3 p3 29 " Certes, " quod I, " it ne remembreth me
Bo3 p3 30 nat that evere I was so fre of my thought
Bo3 p3 31 that I ne was alwey in angwyse of somwhat. "
Bo3 p3 33 " And was nat that, " quod sche, " for that the
Bo3 p3 34 lakkide somwhat that thow noldest nat han
Bo3 p3 35 lakkid, or elles thou haddest that thow noldest
Bo3 p3 36 nat han had? "
Bo3 p3 37 " Ryght so is it, " quod I.
Bo3 p3 38 " Than desiredest thow the presence of the
Bo3 p3 39 toon and the absence of the tothir? "
Bo3 p3 40 " I graunte wel, " quod I.
Bo3 p3 41 " Forsothe, " quod sche, " thanne nedeth
Bo3 p3 42 ther somwhat that every man desireth? "
Bo3 p3 43 " Yee, ther nedeth, " quod I.
Bo3 p3 44 " Certes, " quod sche, " and he that hath lak or
Bo3 p3 45 nede of aught nys nat in every wey suffisant to
Bo3 p3 46 hymself? "
Bo3 p3 47 " No, " quod I.
Bo3 p3 48 " And thow, " quod sche, " in al the plente of
Bo3 p3 49 thy richesses haddest thilke lakke of suffisaunce? "
Bo3 p3 51 " What elles? " quod I.
Bo3 p3 52 " Thanne mai nat richesses maken that a man
Bo3 p3 53 nys nedy, ne that he be suffisaunt to hymself;
Bo3 p3 54 and yit that was it that thei byhighten, as it
Bo3 p3 55 semeth. And eek certes I trow that this be
Bo3 p3 56 gretly to considere, that moneye ne hath nat in
Bo3 p3 57 his owene kynde that it ne mai ben bynomen
Bo3 p3 58 of hem that han it, maugre hem. "
Bo3 p3 59 " I byknowe it wel, " quod I.
Bo3 p3 60 " Whi sholdestow nat byknowen it, "
Bo3 p3 61 quod sche, " whan every day the strengere
Bo3 p3 62 folk bynymen it fro the feblere maugre hem?
Bo3 p3 63 For whennes comen elles alle thise [forense]
Bo3 p3 64 compleyntes or quereles of pledynges but
Bo3 p3 65 for that men axen ayen hir moneye that hath
Bo3 p3 66 ben bynomen hem by force or by gyle, and
Bo3 p3 67 alwey maugre hem? "
Bo3 p3 68 " Right so is it, " quod I.
Bo3 p3 69 " Than, " quod sche, " hath a man nede to
Bo3 p3 70 seken hym foreyne help by whiche he may
Bo3 p3 71 defenden his moneye? "
Bo3 p3 72 " Who mai seie nay? " quod I.
Bo3 p3 73 " Certes, " quod sche, " and hym nedide noon
Bo3 p3 74 help yif he ne hadde no moneye that he myghte
Bo3 p3 75 leese. "
Bo3 p3 76 " That is douteles, " quod I.
Bo3 p3 77 " Than is this thyng torned into the contrarie, "
Bo3 p3 78 quod sche; " for rychesses, that men
Bo3 p3 79 wenen scholde maken suffisaunce, they
Bo3 p3 80 maken a man rather have nede of foreyne
Bo3 p3 81 help. Whiche is the maner or the gyse, "
Bo3 p3 82 quod sche, " that rychesse mai dryve awey
Bo3 p3 83 nede? Riche folk, mai they neyther han hungir
Bo3 p3 84 ne thurst? Thise riche men, may they fele no
Bo3 p3 85 cold on hir lymes in wynter? But thow wolt
Bo3 p3 86 answeren that ryche men han inoghe wherwith
Bo3 p3 87 thei mai staunchen hir hungir, and slaken hir
Bo3 p3 88 thurst, and don awey cold. In this wise mai
Bo3 p3 89 nede be conforted by richesses, but certes
Bo3 p3 90 nede ne mai nat al outrely be doon awey;
Bo3 p3 91 for thoughe this nede that is alwey gapynge
Bo3 p3 92 and gredy, be fulfild with richesses, and axe any
Bo3 p3 93 thyng, yit duelleth thanne a nede that myghte be
Bo3 p3 94 fulfild. I holde me stille and telle nat how that
Bo3 p3 95 litel thyng suffiseth to nature; but certes to
Bo3 p3 96 avarice inowghe ne suffiseth nothyng. For syn
Bo3 p3 97 that rychesse ne mai nat al doon awey nede, but
Bo3 p3 98 richesses maken nede, what mai it thanne be that
Bo3 p3 99 ye wenen that richesses mowen yyven yow
Bo3 p3 100 suffisaunce?
Bo3 m3 1 " Al weere it so that a riche coveytous man
Bo3 m3 2 hadde a ryver or a goter fletynge al of gold, yit
Bo3 m3 3 sholde it nevere staunchen his covetise; and
Bo3 m3 4 thoughe he hadde his nekke charged with precyous
Bo3 m3 5 stones of the Rede See, and thoughe he
Bo3 m3 6 do ere his feeldes plentevous with an hundred
Bo3 m3 7 oxen, nevere ne schal his bytynge bysynesse
Bo3 m3 8 forleeten hym whil he lyveth, ne the lyghte
Bo3 m3 9 richesses ne schal nat beren hym companye
Bo3 m3 10 whan he is deed.
Bo3 p4 1 " But dignytees, to whom thei ben comen,
Bo3 p4 2 make they hym honourable and reverent? Han
Bo3 p4 3 thei nat so gret strengthe that thei mai putten
Bo3 p4 4 vertus in the hertes of folk that usen the lordschipes
Bo3 p4 5 of hem, or elles may they don awey the
Bo3 p4 6 vices? Certes thei ben nat wont to don awey
Bo3 p4 7 wikkidnesse, but thei ben wont rather to
Bo3 p4 8 schewen wykkydnesse. And therof cometh it
Bo3 p4 9 that Y have right gret disdayn that dignytes
Bo3 p4 10 ben yyven ofte to wikkide men. For
Bo3 p4 11 which thyng Catullus clepid a consul of
Bo3 p4 12 Rome that hyghte Nonyus `postum' or `boch'
Bo3 p4 13 (as who seith, he clepid hym a congregacioun
Bo3 p4 14 of vices in his brest, as a postum is ful of corrupcioun),
Bo3 p4 15 al were this Nonyus set in chayere
Bo3 p4 16 of dygnite. Sestow nat thanne how grete
Bo3 p4 17 vylenye dignytes don to wikkide men? Certes
Bo3 p4 18 unworthynesse of wikkide men schulde ben the
Bo3 p4 19 lesse isene if thei neere renomed of none
Bo3 p4 20 honours. Certes thou thiself ne myghtest
Bo3 p4 21 nat ben broght, with as many perils as
Bo3 p4 22 thow myghtest suffren, that thow woldest beren
Bo3 p4 23 the magistrat with Decorat (that is to seyn,
Bo3 p4 24 that for no peril that myghte byfallen the by
Bo3 p4 25 offence of the kyng Theodorik, thou noldest nat
Bo3 p4 26 be felawe in governaunce with Decorat), whan
Bo3 p4 27 thow seye that he hadde wikkide corage of a
Bo3 p4 28 likerous schrewe and of an accusour. Ne I ne
Bo3 p4 29 mai nat for swiche honours juggen hem
Bo3 p4 30 worthy of reverence that I deme and holde
Bo3 p4 31 unworthy to han thilke same honours.
Bo3 p4 32 Now yif thow seie a man that were fulfild of
Bo3 p4 33 wysdom, certes thou ne myghtest nat deme
Bo3 p4 34 that he were unworthy to the honour or elles
Bo3 p4 35 to the wisdom of whiche he is fulfild? "
Bo3 p4 36 " No, " quod I.
Bo3 p4 37 " Certes dignytees, " quod sche, " aperteignen
Bo3 p4 38 properly to vertu, and vertu transporteth dignyte
Bo3 p4 39 anoon to thilke man to whiche sche
Bo3 p4 40 hirself is conjoigned. And for as moche as
Bo3 p4 41 honours of peple ne mai nat maken folk
Bo3 p4 42 digne of honour, it is wel seyn cleerly that thei
Bo3 p4 43 ne han no propre beaute of dignyte. And yet
Bo3 p4 44 men aughten taken more heede in this. For yif
Bo3 p4 45 a wykkyd wyght be in so mochel the fowlere
Bo3 p4 46 and the more outcast that he is despysed of
Bo3 p4 47 moost folk, so as dignyte ne mai nat maken
Bo3 p4 48 schrewes worthy of no reverence, the whiche
Bo3 p4 49 schrewes dignyte scheweth to moche folk;
Bo3 p4 50 than maketh dignyte schrewes rather so
Bo3 p4 51 much more despised than preysed, and
Bo3 p4 52 forsothe nat unpunyssched (that is for to seyn
Bo3 p4 53 that schrewes revengen hem ayenward uppon
Bo3 p4 54 dignytes), for thei yelden ayen to dignytees
Bo3 p4 55 as greet gerdoun, whan they byspotten and
Bo3 p4 56 defoulen dignytes with hir vylenye. And for as
Bo3 p4 57 mochel as thou now knowe that thilke verray
Bo3 p4 58 reverence ne mai nat comen by thise schadwy
Bo3 p4 59 transitorie dignytes, undirstond now thus:
Bo3 p4 60 yif that a man hadde used and had manye
Bo3 p4 61 maner dignytees of consules, and weere
Bo3 p4 62 comen peraventure among straunge nacions,
Bo3 p4 63 scholde thilke honour maken hym worschipful
Bo3 p4 64 and redouted of straunge folk? Certes yif
Bo3 p4 65 that honour of peple were a natureel yifte to
Bo3 p4 66 dignytes, it ne myghte nevere cesen nowhere
Bo3 p4 67 amonges no maner folk to don his office; right
Bo3 p4 68 as fyer in every contre ne stynteth nat to
Bo3 p4 69 eschaufen and to ben hoot. But for as
Bo3 p4 70 mochel as for to be holden honurable or
Bo3 p4 71 reverent ne cometh nat to folk of hir
Bo3 p4 72 propre strengthe of nature, but oonly of the false
Bo3 p4 73 opynyoun of folk (that is to seyn, that weenen
Bo3 p4 74 that dignytees maken folk digne of honour),
Bo3 p4 75 anoon therfore, whan that thei comen there as
Bo3 p4 76 folk ne knowen nat thilke dignytees, hir honours
Bo3 p4 77 vanysschen away, and that anoon. But that is
Bo3 p4 78 amonges straunge folk, maystow seyn. Ne
Bo3 p4 79 amonges hem ther thei weren born, ne
Bo3 p4 80 duren nat thilke dignytes alwey? Certes the
Bo3 p4 81 dignyte of the provostrye of Rome was
Bo3 p4 82 whilom a greet power; now nys it no thyng but
Bo3 p4 83 an idel name, and the rente of the senatorie a
Bo3 p4 84 greet charge; and yif a wyght whilom hadde the
Bo3 p4 85 office to taken heede to the vitayles of the peple,
Bo3 p4 86 as of corn and othere thynges, he was holden
Bo3 p4 87 amonges grete; but what thyng is now more
Bo3 p4 88 outcast than thilke provostrye? And, as I have
Bo3 p4 89 seyd a litel herebyforn, that thilke thyng
Bo3 p4 90 that hath no propre beute of hymself
Bo3 p4 91 resceyveth somtyme prys and schynynge,
Bo3 p4 92 and somtyme leeseth it, by the opinyoun of
Bo3 p4 93 usaunces. Now yif that dignytes thanne ne
Bo3 p4 94 mowen nat make folk digne of reverence, and if
Bo3 p4 95 that dignytees waxen foule of hir wil by the
Bo3 p4 96 filthe of schrewes, and yif dignytees leesen hir
Bo3 p4 97 schynynge by chaungynge of tymes, and yif thei
Bo3 p4 98 waxen fowle by estimacion of peple, what is it
Bo3 p4 99 that they han in hemself of beaute that
Bo3 p4 100 oughte ben desired? (As who seith noon;
Bo3 p4 101 thanne ne mowen they yeven no beute of
Bo3 p4 102 dignyte to noone othere.)
Bo3 m4 1 " Al be it so that the proude Nero, with al his
Bo3 m4 2 wode luxure, kembde hym and apparayled
Bo3 m4 3 hym with faire purpres of Tyrie and with white
Bo3 m4 4 peerles, algates yit throf he haatful to alle folk
Bo3 m4 5 (this is to seyn that, al was he byhated of alle
Bo3 m4 6 folk, yit this wikkide Nero hadde gret lordschipe),
Bo3 m4 7 and yaf whilom to the reverentz senatours
Bo3 m4 8 the unworschipful seetis of dignytees.
Bo3 m4 9 (Unworschipful seetes he clepeth here, for that
Bo3 m4 10 Nero, that was so wikkide, yaf tho dignytees.)
Bo3 m4 11 Who wolde thanne resonably
Bo3 m4 12 wenen that blisfulnesse were in swiche honours
Bo3 m4 13 as ben yyven by vycious schrewes?
Bo3 p5 1 " But regnes, and familiarites of kynges, mai
Bo3 p5 2 thei maken a man to ben myghti? How elles,
Bo3 p5 3 whan hir blisfulnesse dureth perpetuely? But
Bo3 p5 4 certes the olde age of tyme passed, and ek the
Bo3 p5 5 present tyme now, is ful of ensaumples how
Bo3 p5 6 that kynges han chaungyd into wrecchidnesse
Bo3 p5 7 out of hir welefulnesse. O, a noble thyng and
Bo3 p5 8 a cleer thyng is power, that is nat fownden
Bo3 p5 9 myghty to kepe itself! And yif that power
Bo3 p5 10 of remes be auctour and makere of blisfulnesse,
Bo3 p5 11 yif thilke power lakketh on any syde,
Bo3 p5 12 amenuseth it nat thilke blisfulnesse and bryngeth
Bo3 p5 13 in wrecchidnesse? But yit, al be it so that
Bo3 p5 14 the remes of mankynde strecchen broode, yit
Bo3 p5 15 moot ther nede ben moche folk over whiche
Bo3 p5 16 that every kyng ne hath no lordschipe ne
Bo3 p5 17 comaundement. And certes uppon thilke syde
Bo3 p5 18 that power fayleth, whiche that maketh folk blisful,
Bo3 p5 19 ryght on that same syde noun-power
Bo3 p5 20 entreth undirnethe, that maketh hem
Bo3 p5 21 wrecches. In this manere thanne moten
Bo3 p5 22 kynges han more porcioun of wrecchidnesse
Bo3 p5 23 than of welefulnesse. A tyraunt, that was kyng
Bo3 p5 24 of Sysile, that hadde assayed the peril of his
Bo3 p5 25 estat, schewede by simylitude the dredes of
Bo3 p5 26 remes by gastnesse of a swerd that heng over
Bo3 p5 27 the heved of his familyer. What thyng is
Bo3 p5 28 thanne this power, that mai nat done awey the
Bo3 p5 29 bytynges of bysynesse, ne eschewe the
Bo3 p5 30 prykkes of drede? And certes yit wolde
Bo3 p5 31 thei lyven in sykernesse, but thei may nat,
Bo3 p5 32 and yit they glorifien hem in hir power. Holdestow
Bo3 p5 33 thanne that thilke man be mighty, that
Bo3 p5 34 thow seest that he wolde doon that he may nat
Bo3 p5 35 done? And holdestow thanne hym a myghti
Bo3 p5 36 man, that hath envyrowned his sydes with men
Bo3 p5 37 of armes or sergeantz, and dredeth more hem
Bo3 p5 38 that he maketh agast thanne thei dreden hym,
Bo3 p5 39 and that is put in the handes of hise servauntz
Bo3 p5 40 for he scholde seme myghty? But of
Bo3 p5 41 familiers or servantz of kynges, what
Bo3 p5 42 scholde I telle the any thyng, syn that I myself
Bo3 p5 43 have schewyd the that rewmes hemself ben
Bo3 p5 44 ful of greet feblesse? The whiche famylieres,
Bo3 p5 45 certes, the real power of kynges, in hool estat
Bo3 p5 46 and in estaat abated, ful ofte throweth adoun.
Bo3 p5 47 Nero constreynede Senek, his familyer and his
Bo3 p5 48 mayster, to chesen on what deeth he wolde
Bo3 p5 49 deye. Antonyus comaundede that knyghtes
Bo3 p5 50 slowen with here swerdes Papynian (his
Bo3 p5 51 famylier) [whiche] that had ben long
Bo3 p5 52 tyme ful myghty amonges hem of the court.
Bo3 p5 53 And yet certes thei wolden bothe han renounced
Bo3 p5 54 hir power; of whiche two Senek enforcede
Bo3 p5 55 hym to yeven to Nero his richesses, and
Bo3 p5 56 also to han gon into solitarie exil. But whan the
Bo3 p5 57 grete weyghte (that is to seyn, of lordes power
Bo3 p5 58 or of fortune) draweth hem that schullen falle,
Bo3 p5 59 neither of hem ne myghte don that he
Bo3 p5 60 wolde. What thyng is thanne thilke powere,
Bo3 p5 61 that though men han it, yit thei ben agast;
Bo3 p5 62 and whanne thow woldest han it, thou nart nat
Bo3 p5 63 siker; and yif thou woldest forleeten it, thow
Bo3 p5 64 mayst nat eschuen it? But whethir swiche men
Bo3 p5 65 ben freendes at nede, as ben [consyled] by fortune
Bo3 p5 66 and nat be vertu? Certes swiche folk as
Bo3 p5 67 weleful fortune maketh frendes, contraryous
Bo3 p5 68 fortune maketh hem enemys. And what pestilence
Bo3 p5 69 is more myghty for to anoye a wyght
Bo3 p5 70 than a famylier enemy?
Bo3 m5 1 " Whoso wol ben myghti he moot daunten his
Bo3 m5 2 cruel corages, ne putte nat his nekke, overcomen,
Bo3 m5 3 undir the foule reynes of leccherie. For
Bo3 m5 4 al be it so that thi lordschipe strecche so fer
Bo3 m5 5 that the contre of Ynde quaketh at thy comaundementz
Bo3 m5 6 or at thi lawes, and that the laste
Bo3 m5 7 ile in the see that highte Tyle be thral to the,
Bo3 m5 8 yit yif thou maist nat putten awey thi foule
Bo3 m5 9 dirke desires, and dryven out fro the
Bo3 m5 10 wrecchide compleyntes, certes it nys no
Bo3 m5 11 power that thow hast.
Bo3 p6 1 " But glorie, how deceyvable and how foul is
Bo3 p6 2 it ofte! For which thyng nat unskilfully a tragedien
Bo3 p6 3 (that is to seyn, a makere of dytees that
Bo3 p6 4 highten tragedies) cride and seide: `O glorie,
Bo3 p6 5 glorie,' quod he, `thow nart nothyng elles to
Bo3 p6 6 thousandes of folk but a greet swellere of eres!'
Bo3 p6 7 For manye han had ful greet renoun by the
Bo3 p6 8 false opinyoun of the peple, and what thyng
Bo3 p6 9 mai ben thought foulere than swiche preysynge?
Bo3 p6 10 For thilke folk that ben preysed
Bo3 p6 11 falsly, they mote nedes han schame of hire
Bo3 p6 12 preysynges. And yif that folk han geten hem
Bo3 p6 13 thonk or preysynge by here dissertes, what
Bo3 p6 14 thyng hath thilke pris echid or encresed to the
Bo3 p6 15 conscience of wise folk, that mesuren hir good,
Bo3 p6 16 nat by the rumour of the peple, but by the
Bo3 p6 17 sothfastnesse of conscience? And yif it seme a
Bo3 p6 18 fair thyng a man to han encreced and sprad his
Bo3 p6 19 name, thanne folweth it that it is demed to
Bo3 p6 20 ben a foul thyng yif it ne be yspradde and
Bo3 p6 21 encreced. But, as I seide a litil herebyforn,
Bo3 p6 22 that syn ther moot nedes ben many folk to
Bo3 p6 23 whiche folk the renoun of [o] man ne mai nat
Bo3 p6 24 comen, it byfalleth that he that thow wenest be
Bo3 p6 25 glorious and renomed semeth in the nexte
Bo3 p6 26 partie of the erthes to ben withouten glorie and
Bo3 p6 27 withouten renoun. And certes amonges thise
Bo3 p6 28 thynges I ne trowe nat that the pris and the
Bo3 p6 29 grace of the peple nys neyther worthi to
Bo3 p6 30 ben remembred, ne cometh of wys jugement,
Bo3 p6 31 ne is ferme perdurably.
Bo3 p6 32 " But now of this name of gentilesse, what
Bo3 p6 33 man is it that ne may wele seen how veyn and
Bo3 p6 34 how flyttynge a thyng it es? For yif the name
Bo3 p6 35 of gentilesse be referred to renoun and cleernesse
Bo3 p6 36 of lynage, thanne is gentil name but a
Bo3 p6 37 foreyne thyng (that is to seyn, to hem that gloryfien
Bo3 p6 38 hem of hir lynage.) For it semeth that
Bo3 p6 39 gentilesse be a maner preisynge that cometh
Bo3 p6 40 of the dessertes of auncestres; and yif
Bo3 p6 41 preisynge make gentilesse, thanne mote
Bo3 p6 42 they nedes ben gentil that been preysed. For
Bo3 p6 43 whiche thing it folweth that yif thou ne have no
Bo3 p6 44 gentilesse of thiself (that is to seyn, prys that
Bo3 p6 45 cometh of thy deserte), foreyne gentilesse ne
Bo3 p6 46 maketh the nat gentil. But certes yif ther be
Bo3 p6 47 ony good in gentilesse, I trowe it be al only
Bo3 p6 48 this, that it semeth as that a maner necessite
Bo3 p6 49 be imposed to gentil men for that thei ne
Bo3 p6 50 schulde nat owtrayen or forlynen fro the
Bo3 p6 51 vertus of hir noble kynrede.
Bo3 m6 1 " Alle the lynage of men that ben in erthe ben
Bo3 m6 2 of semblable byrthe. On allone is fadir of
Bo3 m6 3 thynges; on allone mynystreth alle thynges.
Bo3 m6 4 He yaf to the sonne his bemes, he yaf to the
Bo3 m6 5 moone hir hornes, he yaf the men to the erthe,
Bo3 m6 6 he yaf the sterres to the hevene. He encloseth
Bo3 m6 7 with membres the soules that comen from his
Bo3 m6 8 heye sete. Thanne comen alle mortel folk of
Bo3 m6 9 noble seed. Why noysen ye or bosten of
Bo3 m6 10 your eldres? For yif thow loke youre bygynnyng,
Bo3 m6 11 and God your auctour and yowr
Bo3 m6 12 makere, thanne nis ther none forlyned wyght or
Bo3 m6 13 ongentil, but if he noryssche his corage unto
Bo3 m6 14 vices and forlete his propre byrthe.
Bo3 p7 1 " But what schal I seye of delyces of body, of
Bo3 p7 2 whiche delices the desirynges ben ful of anguyssch,
Bo3 p7 3 and the fulfillynges of hem ben ful of
Bo3 p7 4 penance? How grete seknesses and how grete
Bo3 p7 5 sorwes unsuffrable, ryght as a maner fruyt
Bo3 p7 6 of wykkidnesse, ben thilke delices wont to
Bo3 p7 7 bryngen to the bodyes of folk that usen hem!
Bo3 p7 8 Of whiche delices I not what joie mai ben had
Bo3 p7 9 of here moevynge, but this woot I wel, that
Bo3 p7 10 whosoevere wol remembren hym of hise
Bo3 p7 11 luxures, he schal wel undirstonden that the
Bo3 p7 12 issues of delices ben sorweful and sorye. And
Bo3 p7 13 yif thilke delices mowen maken folk blisful,
Bo3 p7 14 thanne by the same cause moten thise beestis
Bo3 p7 15 ben clepid blisful, of whiche beestis al the entencioun
Bo3 p7 16 hasteth to fulfille here bodily jolyte.
Bo3 p7 17 And the gladnesse of wyf and children were an
Bo3 p7 18 honest thyng, but it hath ben seyd that it is
Bo3 p7 19 overmochel ayens kynde that children han
Bo3 p7 20 ben fownden tormentours to here fadris, I
Bo3 p7 21 not how manye; of whiche children how
Bo3 p7 22 bytynge is every condicioun, it nedeth nat to
Bo3 p7 23 tellen it the that hast er this tyme assayed it,
Bo3 p7 24 and art yit now angwysshous. In this approve
Bo3 p7 25 I the sentence of my disciple Euripidis, that
Bo3 p7 26 seide that he that hath no children is weleful
Bo3 p7 27 by infortune.
Bo3 m7 1 " Every delit hath this, that it angwisscheth
Bo3 m7 2 hem with prykkes that usen it. It resembleth
Bo3 m7 3 to thise flyenge flyes that we clepen ben; that,
Bo3 m7 4 aftir that the be hath sched hise agreable honyes,
Bo3 m7 5 he fleeth awey, and styngeth the hertes of hem
Bo3 m7 6 that ben ysmyte, with bytynge overlonge holdynge.
Bo3 p8 1 " Now is it no doute thanne that thise weyes
Bo3 p8 2 ne ben a maner mysledynges to blisfulnesse, ne
Bo3 p8 3 that they ne mowen nat leden folk thider as
Bo3 p8 4 thei byheeten to leden hem. But with how grete
Bo3 p8 5 harmes thise forseide weyes ben enlaced, I
Bo3 p8 6 schal schewe the shortly. Forwhy yif thou enforcest
Bo3 p8 7 the to assemble moneye, thow must byreven
Bo3 p8 8 hym his moneye that hath it; and yif
Bo3 p8 9 thow wolt schynen with dignytees, thow
Bo3 p8 10 must bysechen and supplyen hem that
Bo3 p8 11 yyven tho dignytees; and yif thow coveytest
Bo3 p8 12 be honour to gon byfore othere folk, thow
Bo3 p8 13 schalt defoule thiself thurw humblesse of axynge.
Bo3 p8 14 Yif thou desirest power, thow schalt, be
Bo3 p8 15 awaytes of thy subgetis, anoyously ben cast undir
Bo3 p8 16 by manye periles. Axestow glorye? Thow
Bo3 p8 17 schalt so bien distract by aspere thynges that
Bo3 p8 18 thow schalt forgon sykernesse. And yif thow
Bo3 p8 19 wolt leden thi lif in delyces, every wyght
Bo3 p8 20 schal despysen the and forleeten the, as
Bo3 p8 21 thow that art thral to thyng that is right
Bo3 p8 22 foul and brutyl (that is to seyn, servaunt to thi
Bo3 p8 23 body). Now is it thanne wel yseyn how litil
Bo3 p8 24 and how brotel possessioun thei coveyten that
Bo3 p8 25 putten the goodes of the body aboven hir
Bo3 p8 26 owene resoun. For maystow surmounten thise
Bo3 p8 27 olifauntes in gretnesse or weighte of body? Or
Bo3 p8 28 maistow ben strengere than the bole? Maystow
Bo3 p8 29 ben swyftere than the tigre? Byhoold the
Bo3 p8 30 spaces and the stablenesse and the swyft
Bo3 p8 31 cours of the hevene, and stynt somtyme to
Bo3 p8 32 wondren on foule thynges. The whiche hevene
Bo3 p8 33 certes nys nat rathere for thise thynges to ben
Bo3 p8 34 wondryd upon, than for the resoun by whiche it
Bo3 p8 35 is governed. But the schynynge of thi forme
Bo3 p8 36 (that is to seyn, the beute of thi body), how
Bo3 p8 37 swyftly passynge is it, and how transitorie!
Bo3 p8 38 " Certes it es more flyttynge than the mutabilite
Bo3 p8 39 of floures of the somer sesoun. For so as
Bo3 p8 40 Aristotle telleth, that if that men hadden
Bo3 p8 41 eyghen of a beeste that highte lynx, so that
Bo3 p8 42 the lokynge of folk myghte percen thurw the
Bo3 p8 43 thynges that withstonden it, whoso lokide
Bo3 p8 44 thanne in the entrayles of the body of Alcibiades,
Bo3 p8 45 that was ful fair in the superfice withoute,
Bo3 p8 46 it schulde seme ryght foul. And forthi yif
Bo3 p8 47 thow semest fair, thy nature ne maketh nat
Bo3 p8 48 that, but the deceyvaunce or the feblesse of the
Bo3 p8 49 eighen that loken. But preise the goodes of
Bo3 p8 50 the body as mochil as evere the lyst, so that
Bo3 p8 51 thow knowe algatis that, whatso it be (that
Bo3 p8 52 is to seyn, of the godes of the body) whiche that
Bo3 p8 53 thou wondrist uppon, mai ben destroied or dissolvid
Bo3 p8 54 by the heete of a fevere of thre dayes.
Bo3 p8 55 Of alle whiche forseide thynges Y mai reducen
Bo3 p8 56 this schortly in a somme: that thise worldly
Bo3 p8 57 goodes, whiche that ne mowen nat yeven that
Bo3 p8 58 they byheeten, ne ben nat parfite by the congregacioun
Bo3 p8 59 of alle goodis, that they ne ben
Bo3 p8 60 nat weyes ne pathes that bryngen men to
Bo3 p8 61 blisfulnesse, ne maken men to ben blisful.
Bo3 m8 1 " Allas! Whiche folie and whiche ignorance
Bo3 m8 2 mysledeth wandrynge wrecchis fro the path of
Bo3 m8 3 verray good! Certes ye ne seke no gold in
Bo3 m8 4 grene trees, ne ye gadere nat precyous stones in
Bo3 m8 5 the vynes, ne ye ne hiden nat yowre gynnes in
Bo3 m8 6 heye mountaignes to kacchen fyssche of whiche
Bo3 m8 7 ye mai maken riche festes. And if yow liketh
Bo3 m8 8 to hunte to roos, ye ne gon nat to the foordes
Bo3 m8 9 of the watir that highte Tyrene. And over
Bo3 m8 10 this, men knowen wel the krikes and the
Bo3 m8 11 cavernes of the see yhidde in the flodes,
Bo3 m8 12 and knowen ek whiche watir is moost plentevous
Bo3 m8 13 of white peerlis, and knowen whiche watir
Bo3 m8 14 haboundeth moost of reed purpre (that is to
Bo3 m8 15 seyn, of a maner schellefyssche with whiche men
Bo3 m8 16 deien purpre), and knowen whiche strondes
Bo3 m8 17 habounden most of tendre fysches, or of scharpe
Bo3 m8 18 fyssches that hyghten echynnys. But folk suffren
Bo3 m8 19 hemselve to ben so blynde, that hem
Bo3 m8 20 ne reccheth nat to knowe where thilke
Bo3 m8 21 goodes ben yhud whiche that thei coveyten,
Bo3 m8 22 but ploungen hem in erthe, and seken
Bo3 m8 23 there thilke good that surmounteth the hevene
Bo3 m8 24 that bereth the sterris. What preyere mai I
Bo3 m8 25 make, that be digne to the nyce thoughtes of
Bo3 m8 26 men? But I preie that thei coveyten rychesses
Bo3 m8 27 and honours, so that, whanne thei han geten
Bo3 m8 28 tho false goodes with greet travaile, that therby
Bo3 m8 29 they mowen knowen the verray goodes.
Bo3 p9 1 " It suffiseth that I have schewyd hiderto the
Bo3 p9 2 forme of fals welefulnesse, so that yif thou loke
Bo3 p9 3 now cleerly, the ordre of myn entencioun requireth
Bo3 p9 4 from hennes forth to schewe the verray
Bo3 p9 5 welefulnesse. "
Bo3 p9 6 " Forsothe, " quod I, " I se wel now that suffisaunce
Bo3 p9 7 may nat comen by rychesse, ne power
Bo3 p9 8 by remes, ne reverence by dignites, ne gentilesse
Bo3 p9 9 by glorie, ne joie be delices. "
Bo3 p9 10 " And hastow wel knowen the causes, "
Bo3 p9 11 quod sche, " whi it es? "
Bo3 p9 12 " Certes me semeth, " quod I, " that Y see hem
Bo3 p9 13 ryght as thoughe it were thurw a litil clyfte, but
Bo3 p9 14 me were levere knowen hem more opynly of
Bo3 p9 15 the. "
Bo3 p9 16 " Certes, " quod sche, " the resoun is al redy.
Bo3 p9 17 For thilke thyng that symply is o thyng withouten
Bo3 p9 18 ony devysioun, the errour and folie of
Bo3 p9 19 mankynde departeth and divideth it, and
Bo3 p9 20 mysledeth it and transporteth from verray
Bo3 p9 21 and parfit good to godes that ben false and
Bo3 p9 22 inparfit. But seye me this. Wenestow that he
Bo3 p9 23 that hath nede of power, that hym ne lakketh
Bo3 p9 24 nothyng? "
Bo3 p9 25 " Nay, " quod I.
Bo3 p9 26 " Certes, " quod sche, " thou seyst aryght; for
Bo3 p9 27 if so be that ther is a thyng that in ony partie
Bo3 p9 28 be feblere of power, certes, as in that, it moot
Bo3 p9 29 nedes be nedy of foreyne help. "
Bo3 p9 30 " Ryght so is it, " quod I.
Bo3 p9 31 " Suffisaunce and power ben thanne of
Bo3 p9 32 o kynde? "
Bo3 p9 33 " So semeth it, " quod I.
Bo3 p9 34 " And demestow, " quod sche, " that a thyng
Bo3 p9 35 that is of this manere (that is to seyn, suffisaunt
Bo3 p9 36 and myghty) oughte ben despised, or ellis that
Bo3 p9 37 it be right digne of reverence aboven alle
Bo3 p9 38 thynges? "
Bo3 p9 39 " Certes, " quod I, " it nys no doute that it
Bo3 p9 40 nys right worthy to ben reverenced. "
Bo3 p9 41 " Lat us, " quod sche, " adden thanne reverence
Bo3 p9 42 to suffisaunce and to power, so that we
Bo3 p9 43 demen that thise thre thynges be al o thyng. "
Bo3 p9 44 " Certes, " quod I, " lat us adden it, yif we
Bo3 p9 45 wiln graunten the sothe. "
Bo3 p9 46 " What demestow thanne, " quod sche, " is
Bo3 p9 47 that a dirk thyng and nat noble that is suffisaunt,
Bo3 p9 48 reverent, and myghty; or elles that it is
Bo3 p9 49 ryght noble and ryght cleer by celebrete of
Bo3 p9 50 renoun? Considere thanne, " quod sche, " as
Bo3 p9 51 we han grauntide hirbyfore that he that ne
Bo3 p9 52 hath nede of no thyng and is moost myghty
Bo3 p9 53 and moost digne of honour, if hym nedeth ony
Bo3 p9 54 cleernesse of renoun, whiche clernesse he myght
Bo3 p9 55 nat graunten of hymself; so that for lak of
Bo3 p9 56 thilke cleernesse he myghte seme the feblere
Bo3 p9 57 on any side, or the more outcast. " (Glose. This
Bo3 p9 58 to seyn, nay; for whoso that is suffisaunt,
Bo3 p9 59 myghty, and reverent, clernesse of renoun
Bo3 p9 60 folweth of the forseyde thynges; he hath it
Bo3 p9 61 al redy of his suffysaunce.)
Bo3 p9 62 Boece. " I mai nat, " quod I, " denye it, but I
Bo3 p9 63 moot granten, as it is, that this thyng be ryght
Bo3 p9 64 celebrable by clernesse of renoun and noblesse. "
Bo3 p9 65 " Thanne folweth it, " quod sche, " that we
Bo3 p9 66 adden clernesse of renoun to the thre forseyde
Bo3 p9 67 thynges, so that there ne be amonges hem no
Bo3 p9 68 difference. "
Bo3 p9 69 " This a consequence, " quod I.
Bo3 p9 70 " This thyng thanne, " quod sche, " that ne
Bo3 p9 71 hath nede of no foreyne thyng, and that
Bo3 p9 72 may don alle thynges by hise strengthis, and
Bo3 p9 73 that is noble and honourable, nys nat that a
Bo3 p9 74 myry thyng and a joyful? "
Bo3 p9 75 Boece. " But whennes, " quod I, " that any sorwe
Bo3 p9 76 myghte comen to this thyng that is swiche,
Bo3 p9 77 certes I mai nat thynke. "
Bo3 p9 78 Philosophie. " Thanne mote we graunten, "
Bo3 p9 79 quod sche, " that this thing be ful of gladnesse,
Bo3 p9 80 if the forseide thynges ben sothe;
Bo3 p9 81 and certes also mote we graunten that suffisaunce,
Bo3 p9 82 power, noblesse, reverence, and gladnesse
Bo3 p9 83 be oonly diverse by names, but hir substaunce
Bo3 p9 84 hath no diversite. "
Bo3 p9 85 Boece. " It moot nedly ben so, " quod I.
Bo3 p9 86 Philosophie. " Thilke thyng thanne, " quod
Bo3 p9 87 sche, " that is oon and symple in his nature, the
Bo3 p9 88 wikkidnesse of men departeth it and divideth
Bo3 p9 89 it; and whanne thei enforcen hem to gete
Bo3 p9 90 partie of a thyng that ne hath no part, thei
Bo3 p9 91 ne geten hem neyther thilke partie that nis
Bo3 p9 92 noon, ne the thyng al hool that thei ne desire
Bo3 p9 93 nat. "
Bo3 p9 94 Boece. " In whiche manere? " quod I.
Bo3 p9 95 Philosophie. " Thilke man, " quod sche, " that
Bo3 p9 96 seketh richesse to fleen poverte, he ne travaileth
Bo3 p9 97 hym nat for to geten power, for he hath
Bo3 p9 98 lever ben dirk and vyl; and eek withdraweth
Bo3 p9 99 from hymself manye naturel delites, for he
Bo3 p9 100 nolde leese the moneie that he hath assembled.
Bo3 p9 101 But certes in this manere he ne
Bo3 p9 102 geteth hym nat suffisance, that power forleteth,
Bo3 p9 103 and that moleste prikketh, and that filthe maketh
Bo3 p9 104 outcaste, and that dirknesse hideth. And
Bo3 p9 105 certes he that desireth oonly power, he wasteth
Bo3 p9 106 and scatereth rychesse, and despyseth delices
Bo3 p9 107 and eek honour that is withoute power, ne he
Bo3 p9 108 ne preiseth glorie nothyng. Certes thus seestow
Bo3 p9 109 wel that manye thynges failen to hym, for
Bo3 p9 110 he hath som tyme defaute of manye necessites,
Bo3 p9 111 and manye anguysshes byten hym;
Bo3 p9 112 and whan he ne mai nat do tho defautes awey,
Bo3 p9 113 he forletith to ben myghty, and that is the
Bo3 p9 114 thyng that he moost desireth. And ryght thus
Bo3 p9 115 mai I make semblable resouns of honours, and
Bo3 p9 116 of glorie, and of delyces; for so as every of
Bo3 p9 117 thise forseide thinges is the same that thise
Bo3 p9 118 othere thynges ben (that is to seyn, al oon
Bo3 p9 119 thyng), whoso that evere seketh to geten
Bo3 p9 120 the toon of thise, and nat the tothir, he ne
Bo3 p9 121 geteth nat that he desireth. "
Bo3 p9 122 Boece. " What seystow thanne, yif that a
Bo3 p9 123 man coveyte to geten alle thise thynges togidre? "
Bo3 p9 125 Philosophie. " Certes, " quod sche, " I wolde
Bo3 p9 126 seye that he wolde geten hym sovereyn blisfulnesse;
Bo3 p9 127 but that schal he nat fynde in tho
Bo3 p9 128 thynges that I have schewed that ne mowen
Bo3 p9 129 nat yeven that thei byheeten? "
Bo3 p9 130 Boece. " Certes no, " quod I.
Bo3 p9 131 " Thanne, " quod sche, " ne sholde men
Bo3 p9 132 nat by no weye seken blisfulnesse in siche
Bo3 p9 133 thynges as men wenen that they ne mowen
Bo3 p9 134 yeven but o thyng sengly of al that men
Bo3 p9 135 seken. "
Bo3 p9 136 Boece. " I graunte wel, " quod I, " ne no
Bo3 p9 137 sothere thyng ne may be seyd. "
Bo3 p9 138 Philosophie. " Now hastow thanne, " quod
Bo3 p9 139 sche, " the forme and the causes of fals
Bo3 p9 140 welefulnesse. Now torne and flytte the
Bo3 p9 141 eighen of thi thought, for ther shaltow
Bo3 p9 142 seen anoon thilke verray blisfulnesse that I
Bo3 p9 143 have behyght the. "
Bo3 p9 144 Boece. " Certes, " quod I, " it is cler and opene,
Bo3 p9 145 theyghe it were to a blynd man; and that
Bo3 p9 146 schewedestow me ful wel a litel herbyforn,
Bo3 p9 147 whan thow enforcedest the to schewe me the
Bo3 p9 148 causes of the fals blisfulnesse. For, but if I be
Bo3 p9 149 begiled, thanne is thilke the verray parfit
Bo3 p9 150 blisfulnesse that parfitly maketh a man suffisaunt,
Bo3 p9 151 myghty, honourable, noble, and
Bo3 p9 152 ful of gladnesse. And for thow schalt wel
Bo3 p9 153 knowe that I have wel undirstonden thise
Bo3 p9 154 thinges withynne myn herte, I knowe wel that
Bo3 p9 155 thilke blisfulnesse that may verrayly yeven on
Bo3 p9 156 of the forseyde thynges, syn thei ben alle oon
Bo3 p9 157 -- I knowe dowtelees that thilke thyng is the
Bo3 p9 158 ful blysfulnesse. "
Bo3 p9 159 Philosophie. " O my nory, " quod sche,
Bo3 p9 160 " by this opynyoun I seie that thow art
Bo3 p9 161 blisful, yif thow putte this therto that I
Bo3 p9 162 schal seyn. "
Bo3 p9 163 " What is that? " quod I.
Bo3 p9 164 " Trowestow that ther be any thyng in this
Bo3 p9 165 erthly, mortel, toumblynge thynges that may
Bo3 p9 166 brynge this estat? "
Bo3 p9 167 " Certes, " quod I, " Y trowe it nought; and
Bo3 p9 168 thow hast schewyd me wel that over thilke good
Bo3 p9 169 ther nys no thyng more to ben desired. "
Bo3 p9 170 Philosophie. " Thise thynges thanne, "
Bo3 p9 171 quod sche (that is to seyn, erthly
Bo3 p9 172 suffysaunce and power and swiche thynges),
Bo3 p9 173 " outher thei semen lyknesses of verray good, or
Bo3 p9 174 elles it semeth that thei yeve to mortel folk a
Bo3 p9 175 maner of goodes that ne be nat parfyt. But thilke
Bo3 p9 176 good that is verray and parfyt, that mai thei nat
Bo3 p9 177 yeven. "
Bo3 p9 178 Boece. " I accorde me wel, " quod I.
Bo3 p9 179 Philosophie. " Thanne, " quod sche, " for as
Bo3 p9 180 moche as thou hast knowen whiche is thilke
Bo3 p9 181 verray blisfulnesse, and eek whiche thilke
Bo3 p9 182 thynges ben that lyen falsly blisfulnesse (that is
Bo3 p9 183 to seyn, that be deceyte semen verray goodes),
Bo3 p9 184 now byhoveth the to knowe, whennes and
Bo3 p9 185 where thow mowe seke thilke verrai blisfulnesse. "
Bo3 p9 187 " Certes, " quod I " that desire I gretly and
Bo3 p9 188 have abyden longe tyme to herkne it. "
Bo3 p9 189 " But for as moche, " quod sche, " as it
Bo3 p9 190 liketh to my disciple Plato, in his book of
Bo3 p9 191 In Thymeo, that in ryght litel thynges men
Bo3 p9 192 schulde byseche the help of God, what juggestow
Bo3 p9 193 that be now to done, so that we may
Bo3 p9 194 desserve to fynde the seete of thilk sovereyn
Bo3 p9 195 good? "
Bo3 p9 196 Boece. " Certes, " quod I, " Y deme that we
Bo3 p9 197 schul clepe to the Fadir of alle [thyng], for
Bo3 p9 198 withouten hym nis ther no [begynnyng] founded
Bo3 p9 199 aryght. "
Bo3 p9 200 " Thow seyst aryght, " quod sche, and
Bo3 p9 201 bygan anoon to syngen right thus:
Bo3 m9 1 " O thow Fadir, soowere and creatour of
Bo3 m9 2 hevene and of erthes, that governest this world
Bo3 m9 3 by perdurable resoun, that comaundest the
Bo3 m9 4 tymes to gon from syn that age hadde bygynnynge;
Bo3 m9 5 thow that duellest thiselve ay stedefast
Bo3 m9 6 and stable, and yevest alle othere thynges to
Bo3 m9 7 ben meved, ne foreyne causes necesseden the
Bo3 m9 8 nevere to compoune werk of floterynge matere,
Bo3 m9 9 but oonly the forme of sovereyn good iset
Bo3 m9 10 within the withoute envye, that moevede
Bo3 m9 11 the frely. Thow, that art althir-fayrest,
Bo3 m9 12 berynge the faire world in thy thought, formedest
Bo3 m9 13 this world to the lyknesse semblable of
Bo3 m9 14 that faire world in thy thought. Thou drawest
Bo3 m9 15 alle thyng of thy sovereyn ensaumpler and
Bo3 m9 16 comaundest that this world, parfytely ymakid,
Bo3 m9 17 have frely and absolut hise parfyte parties.
Bo3 m9 18 Thow byndest the elementis by nombres proporcionables,
Bo3 m9 19 that the coolde thinges
Bo3 m9 20 mowen accorde with the hote thinges, and
Bo3 m9 21 the drye thinges with the moyste; that the
Bo3 m9 22 fuyer, that is purest, ne fle nat over-heye, ne that
Bo3 m9 23 the hevynesse ne drawe nat adoun over-lowe the
Bo3 m9 24 erthes that ben ploungid in the watris. Thow
Bo3 m9 25 knyttest togidere the mene soule of treble
Bo3 m9 26 kynde moevynge alle thingis, and divydest it
Bo3 m9 27 by membrys accordynge; and whan it es thus
Bo3 m9 28 divyded [and] hath assembled a moevynge
Bo3 m9 29 into two rowndes, it gooth to torne ayen
Bo3 m9 30 to hymself, and envyrouneth a ful deep
Bo3 m9 31 thought and turneth the hevene by semblable
Bo3 m9 32 ymage. Thow by evene-lyke causes enhauncest
Bo3 m9 33 the soules and the lasse lyves; and,
Bo3 m9 34 ablynge hem heye by lyghte waynes or cartes,
Bo3 m9 35 thow sowest hem into hevene and into erthe.
Bo3 m9 36 And whan thei ben convertyd to the by thi
Bo3 m9 37 benygne lawe, thow makest hem retourne ayen
Bo3 m9 38 to the by ayen-ledynge fyer. O Fadir, yyve
Bo3 m9 39 thou to the thought to steyen up into the
Bo3 m9 40 streyte seete; and graunte hym to enviroune
Bo3 m9 41 the welle of good; and, the lyght
Bo3 m9 42 ifounde, graunte hym to fycchen the clere
Bo3 m9 43 syghtes of his corage in the; and skatere thou
Bo3 m9 44 and tobreke the weyghtes and the cloudes of
Bo3 m9 45 erthly hevynesse; and schyn thou by thi bryghtnesse,
Bo3 m9 46 for thou art cleernesse, thow art pesible
Bo3 m9 47 reste to debonayre folk; thow thiself art bygynnynge,
Bo3 m9 48 berere, ledere, path, and terme; to looke
Bo3 m9 49 on the, that is our ende.
Bo3 p10 1 " For as moche thanne as thow hast seyn
Bo3 p10 2 whiche is the fourme of good that nys nat parfit,
Bo3 p10 3 and whiche is the forme of good that is parfit,
Bo3 p10 4 now trowe I that it were good to schewe in
Bo3 p10 5 what this perfeccioun of blisfulnesse is set.
Bo3 p10 6 And in this thing I trowe that we schulde first
Bo3 p10 7 enquere for to witen, yf that any swich maner
Bo3 p10 8 good as thilke good that thow hast dyffinysshed
Bo3 p10 9 a litel herebyforn (that is to seyn, sovereyn
Bo3 p10 10 good) may be founde in the nature of
Bo3 p10 11 thinges, for that veyn ymagynacioun of
Bo3 p10 12 thought ne desceyve us nat, and put us out of
Bo3 p10 13 the sothfastnesse of thilke thing that is summytted
Bo3 p10 14 to us. But it may nat be denyed that
Bo3 p10 15 thilke good ne is, and that it nys ryght as a
Bo3 p10 16 welle of alle goodes. For alle thing that is
Bo3 p10 17 cleped inparfyt is proevid inparfit be the
Bo3 p10 18 amenusynge of perfeccioun or of thing that is
Bo3 p10 19 parfit. And herof cometh it that in every
Bo3 p10 20 thing general, yif that men seen any thing
Bo3 p10 21 that is inparfit, certes in thilke general ther
Bo3 p10 22 moot ben som thing that is parfit. For yif so be
Bo3 p10 23 that perfeccioun is don awey, men may nat
Bo3 p10 24 thinke ne say fro whennes thilke thing is that
Bo3 p10 25 is cleped inparfyt. For the nature of thinges ne
Bo3 p10 26 took nat hir begynnynge of thinges amenused
Bo3 p10 27 and inparfit, but it procedith of thinges that
Bo3 p10 28 ben alle hole and absolut, and descendith so
Bo3 p10 29 doun into uttereste thinges and into thinges
Bo3 p10 30 empty and withouten fruyt. But, as I have
Bo3 p10 31 schewid a litel herebyforn that yif ther be
Bo3 p10 32 a blisfulnesse that be freel and veyn and inparfyt,
Bo3 p10 33 ther may no man doute that ther nys
Bo3 p10 34 som blisfulnesse that is sad, stedefast, and
Bo3 p10 35 parfyt. "
Bo3 p10 36 Boece. " This is concluded, " quod I, " feermely
Bo3 p10 37 and soothfastly. "
Bo3 p10 38 Philosophie. " But considere also, " quod sche,
Bo3 p10 39 " in whom this blissefulnes enhabiteth. The
Bo3 p10 40 comune accordaunce and conceyt of the
Bo3 p10 41 corages of men proveth and graunteth that
Bo3 p10 42 God, prince of alle thinges, is good. For, so as
Bo3 p10 43 nothyng mai ben thought betere than God, it
Bo3 p10 44 mai nat ben douted thanne that he that no
Bo3 p10 45 thinge nys betere, that he nys good. Certes resoun
Bo3 p10 46 scheweth that God is so good that it
Bo3 p10 47 proeveth by verray force that parfyt good is in
Bo3 p10 48 hym. For yif God nys swyche, he ne mai nat be
Bo3 p10 49 prince of alle thinges; for certes somthing
Bo3 p10 50 possessyng in itself parfyt good schulde be
Bo3 p10 51 more worthy than God, and it scholde
Bo3 p10 52 semen that thilke thing were first and eldere than
Bo3 p10 53 God. For we han schewyd apertely that alle
Bo3 p10 54 thinges that ben parfyt ben first er thynges that
Bo3 p10 55 ben inparfit; and forthy, for as moche as that
Bo3 p10 56 my resoun or my proces ne go nat awey withouten
Bo3 p10 57 an ende, we owe to graunte that the
Bo3 p10 58 sovereyn God is ryght ful of sovereyn parfit
Bo3 p10 59 good. And we han establissched that the
Bo3 p10 60 sovereyne good is verray blisfulnesse.
Bo3 p10 61 Thanne moot it nedis be that verray blisfulnesse
Bo3 p10 62 is set in sovereyn God. "
Bo3 p10 63 Boece. " This take I wel, " quod I, " ne this
Bo3 p10 64 ne mai nat be withseid in no manere. "
Bo3 p10 65 " But I preye the, " quod sche, " see now how
Bo3 p10 66 thou mayst proeven holily and withoute corrupcioun
Bo3 p10 67 this that I have seid, that the sovereyn
Bo3 p10 68 God is ryght ful of sovereyne good. "
Bo3 p10 69 " In whiche manere? " quod I.
Bo3 p10 70 " Wenestow aught, " quod sche, " that this
Bo3 p10 71 prince of alle thynges have itake thilke sovereyne
Bo3 p10 72 good anywher out of hymself, of whiche
Bo3 p10 73 sovereyne good men proeveth that he is ful;
Bo3 p10 74 ryght as thou myghtest thenken that God, that
Bo3 p10 75 hath blisfulnesse in hymself, and thilke blisfulnesse
Bo3 p10 76 that is in hym, were divers in substaunce?
Bo3 p10 77 For yif thow wene that God have resseyved
Bo3 p10 78 thilke good out of hymself, thow mayst wene
Bo3 p10 79 that he that yaf thilke good to God be more
Bo3 p10 80 worth than is God. But I am beknowe and
Bo3 p10 81 confesse, and that ryght dignely, that God
Bo3 p10 82 is ryght worthy aboven alle thinges. And yif
Bo3 p10 83 so be that this good be in hym by nature, but
Bo3 p10 84 that it is dyvers from hym by wenynge resoun,
Bo3 p10 85 syn we speke of God prynce of alle thynges,
Bo3 p10 86 feyne who so feyne mai who was he that
Bo3 p10 87 hath conjoyned thise divers thynges togidre.
Bo3 p10 88 And eek at the laste se wel that a thing that is
Bo3 p10 89 divers from any thing, that thilke thing nys
Bo3 p10 90 nat that same thing fro whiche it es undirstonden
Bo3 p10 91 to be diverse. Thanne folweth it
Bo3 p10 92 that thilke thing that be his nature is divers
Bo3 p10 93 from sovereyn good, that that thyng nys nat
Bo3 p10 94 sovereyn good; but certes it were a felenous
Bo3 p10 95 cursydnesse to thinken that of hym that no
Bo3 p10 96 thing nys more worth. For alwey, of alle
Bo3 p10 97 thinges, the nature of hem ne may nat ben betere
Bo3 p10 98 thanne hir begynnynge. For whiche I mai concluden
Bo3 p10 99 by ryght verray resoun that thilke
Bo3 p10 100 that is begynnynge of alle thinges, thilke
Bo3 p10 101 same thing is sovereyn good in his substaunce. "
Bo3 p10 103 Boece. " Thow hast seyd ryghtfully, " quod I.
Bo3 p10 104 Philosophie. " But we han graunted, " quod
Bo3 p10 105 sche, " that the sovereyn good is blisfulnesse. "
Bo3 p10 106 " That is sooth, " quod I.
Bo3 p10 107 " Thanne, " quod sche, " moten we nedes
Bo3 p10 108 granten and confessen that thilke same sovereyn
Bo3 p10 109 good be God. "
Bo3 p10 110 " Certes, " quod I, " Y ne may nat denye
Bo3 p10 111 ne withstonde the resouns purposed; and
Bo3 p10 112 I se wel that it folweth by strengthe of the
Bo3 p10 113 premisses. "
Bo3 p10 114 " Loke now, " quod sche, " yif this be proevid
Bo3 p10 115 yet more fermely thus, that there ne mowen not
Bo3 p10 116 ben two sovereyn goodis that ben divers among
Bo3 p10 117 hemself. For certes the goodis that ben divers
Bo3 p10 118 among hemself, the toon is nat that that the
Bo3 p10 119 tothir is. thanne ne mowen neither of hem
Bo3 p10 120 ben parfit, so as eyther of hem lakketh to
Bo3 p10 121 othir. But that that nys nat parfit, men
Bo3 p10 122 mai seen apertely that it nys not sovereyn. The
Bo3 p10 123 thinges thanne that ben sovereynly gode ne
Bo3 p10 124 mowe by no weie be divers. But I have wel
Bo3 p10 125 concluded that blisfulnesse and God ben the
Bo3 p10 126 sovereyn good; for whiche it mote nedes be that
Bo3 p10 127 sovereyne blisfulnesse is sovereyn devynite. "
Bo3 p10 128 " No thing, " quod I, " nys more sothfaste than
Bo3 p10 129 this, ne more ferme by resoun, ne a more
Bo3 p10 130 worthy thing than God mai not ben concluded. "
Bo3 p10 132 Philosophie. " Upon thise thynges thanne, " quod
Bo3 p10 133 sche, " ryght as thise geometriens whan thei han
Bo3 p10 134 schewed her proposicions ben wont to bryngen
Bo3 p10 135 yn thinges that thei clepen porismes or declaracions
Bo3 p10 136 of forseide thinges, right so wol I yeve
Bo3 p10 137 the here as a corolarie or a meede of coroune.
Bo3 p10 138 Forwhy, for as moche as by the getynge of blisfulnesse
Bo3 p10 139 men ben makid blisful, and blisfulnesse
Bo3 p10 140 is dyvinite, than is it manifest and
Bo3 p10 141 opene that by the getynge of dyvinite men
Bo3 p10 142 ben makid blisful. Right as by the getynge of
Bo3 p10 143 justise [men ben maked just], and be the getynge
Bo3 p10 144 of sapience thei ben maked wise, ryght so
Bo3 p10 145 nedes by the semblable resoun, whan they han
Bo3 p10 146 geten dyvinite thei ben maked goddes. Thanne
Bo3 p10 147 is every blisful man God. But certes by nature
Bo3 p10 148 ther nys but o God; but by the participacioun
Bo3 p10 149 of dyvinite ther ne let ne distourbeth nothyng
Bo3 p10 150 that ther ne ben many goddis. "
Bo3 p10 151 " This ys, " quod I, " a fair thing and a
Bo3 p10 152 precious, clepe it as thou wilt, be it corolarie, or
Bo3 p10 153 porisme, or mede of coroune, or declarynges. "
Bo3 p10 154 " Certes, " quod sche, " nothing nys fairere
Bo3 p10 155 than is the thing that by resoun schulde ben
Bo3 p10 156 addide to thise forseide thinges. "
Bo3 p10 157 " What thing? " quod I.
Bo3 p10 158 " So, " quod sche, " as it semeth that blisfulnesse
Bo3 p10 159 conteneth many thinges, it weere for
Bo3 p10 160 to witen whether that alle thise thinges
Bo3 p10 161 maken or conjoynen as a maner body of
Bo3 p10 162 blisfulnesse by diversite of parties or membres,
Bo3 p10 163 or elles yif ony of alle thilke thinges be swich
Bo3 p10 164 that it acomplise by hymself the substaunce of
Bo3 p10 165 blisfulnesse, so that alle thise othere thynges
Bo3 p10 166 ben referrid and brought to blisfulnesse (that
Bo3 p10 167 is to seyn, as to the cheef of hem). "
Bo3 p10 168 " I wolde, " quod I, " that thow madest me
Bo3 p10 169 clerly to undirstonde what thou seist, and
Bo3 p10 170 that thou recordidest me the forseide
Bo3 p10 171 thinges. "
Bo3 p10 172 " Have I not jugged, " quod sche, " that blisfulnesse
Bo3 p10 173 is good? "
Bo3 p10 174 " Yys for sothe, " quod I, " and that sovereyn
Bo3 p10 175 good. "
Bo3 p10 176 " Adde thanne, " quod sche, " thilke good that
Bo3 p10 177 is maked blisfulnesse to alle the forseide
Bo3 p10 178 thinges. For thilke same blisfulnesse [is.
Bo3 p10 179 demed to ben sovereyn suffisaunce, thilke
Bo3 p10 180 selve is sovereyn power, sovereyn reverence,
Bo3 p10 181 sovereyn clernesse or noblesse, and
Bo3 p10 182 sovereyn delyt. What seistow thanne of alle
Bo3 p10 183 thise thinges, that is to seyn, suffisaunce, power,
Bo3 p10 184 and thise othere thinges, -- ben thei thanne as
Bo3 p10 185 membris of blisfulnesse, or ben they reffered
Bo3 p10 186 and brought to sovereyne good ryght as alle
Bo3 p10 187 thinges [ben] brought to the cheef of hem? "
Bo3 p10 188 Boece. " I undirstonde wel, " quod I, " what
Bo3 p10 189 thou purposest to seke, but I desire for
Bo3 p10 190 to herkne that thow schew it me. "
Bo3 p10 191 Philosophie. " Tak now thus the discrecioun
Bo3 p10 192 of this questioun, " quod sche; " yif alle thise
Bo3 p10 193 thinges, " quod sche, " weren membris to felicite,
Bo3 p10 194 thanne weren thei dyverse that on fro that
Bo3 p10 195 othir. And swich is the nature of parties or of
Bo3 p10 196 membres, that diverse membris compounen a
Bo3 p10 197 body. "
Bo3 p10 198 " Certes, " quod I, " it hath wel ben schewyd
Bo3 p10 199 herebyforn that alle thise thinges ben
Bo3 p10 200 al o thyng. "
Bo3 p10 201 " Thanne ben thei none membres, " quod
Bo3 p10 202 sche, " for elles it schulde seme that blisfulnesse
Bo3 p10 203 were conjoyned al of o membre allone;
Bo3 p10 204 but that is a thing that mai not ben don. "
Bo3 p10 205 " This thing, " quod I, " nys not doutous; but
Bo3 p10 206 I abide to herknen the remenaunt of the question. "
Bo3 p10 208 " This is opene and cler, " quod sche, " that
Bo3 p10 209 alle othere thinges ben referrid and
Bo3 p10 210 brought to good. For therfore is suffisaunce
Bo3 p10 211 requerid, for it is demyd to ben
Bo3 p10 212 good; and forthy is power requirid, for men
Bo3 p10 213 trowen also that it be good; and this same thing
Bo3 p10 214 mowen we thinken and conjecten of reverence,
Bo3 p10 215 and of noblesse, and of delyt. Thanne is sovereyn
Bo3 p10 216 good the somme and the cause of al that
Bo3 p10 217 oughte ben desired; forwhy thilke thing that
Bo3 p10 218 withholdeth no good in itselve, ne semblance
Bo3 p10 219 of good, it ne mai not wel in no
Bo3 p10 220 manere be desired ne requerid. And the
Bo3 p10 221 contrarie; for thoughe that thinges by here
Bo3 p10 222 nature ne ben not gode, algates yif men wene
Bo3 p10 223 that thei ben gode, yet ben thei desired as
Bo3 p10 224 theigh that thei were verrayliche gode; and
Bo3 p10 225 therefore is it that men oughte to wene by ryghte
Bo3 p10 226 that bounte be the sovereyn fyn and the cause
Bo3 p10 227 of alle the thinges that ben to requiren. But
Bo3 p10 228 certes thilke that is cause for whiche men
Bo3 p10 229 requiren any thing, it semeth that thilke
Bo3 p10 230 same thing be moost desired. As thus: yf
Bo3 p10 231 that a wyght wolde ryden for cause of hele,
Bo3 p10 232 he ne desireth not so mochel the moevyng to
Bo3 p10 233 ryden, as the effect of his hele. Now thanne,
Bo3 p10 234 syn that alle thynges ben required for the grace
Bo3 p10 235 of good, thei ne ben not desired of alle folk
Bo3 p10 236 more than the same good. But we han grauntide
Bo3 p10 237 that blisfulnesse is that thing for whiche that
Bo3 p10 238 alle thise othere thinges ben desired; thanne
Bo3 p10 239 is it thus that certes oonly blysfulnesse is
Bo3 p10 240 requered and desired. By whiche thing it
Bo3 p10 241 scheweth cleerly that of good and of blisfulnesse
Bo3 p10 242 is al on and the same substaunce. "
Bo3 p10 243 " I se nat, " quod I, " wherfore that men
Bo3 p10 244 myghten discorden in this. "
Bo3 p10 245 " And we han schewed that God and verray
Bo3 p10 246 blisfulnesse is al o thing. "
Bo3 p10 247 " That is sooth, " quod I.
Bo3 p10 248 " Thanne mowen we concluden sykerly, that
Bo3 p10 249 the substaunce of God is set in thilke same
Bo3 p10 250 good, and in noon other place.
Bo3 m10 1 " Cometh alle to-gidre now, ye that ben
Bo3 m10 2 ykaught and ybounde with wikkide cheynes by
Bo3 m10 3 the desceyvable delyt of erthly thynges enhabitynge
Bo3 m10 4 in yowr thought! Her schal ben the
Bo3 m10 5 reste of your labours, her is the havene stable
Bo3 m10 6 in pesible quiete; this allone is the open refut
Bo3 m10 7 to wreches. (Glose. This to seyn, that ye that
Bo3 m10 8 ben combryd and disseyvid with worldly
Bo3 m10 9 affeccions, cometh now to this sovereyn
Bo3 m10 10 good, that is God, that is refut to hem
Bo3 m10 11 that wolen come to hym.) Textus. Alle the
Bo3 m10 12 thinges that the ryver Tagus yyveth yow with
Bo3 m10 13 his goldene gravelis, or elles alle the thinges
Bo3 m10 14 that the ryver Hermus yeveth with his rede
Bo3 m10 15 brinke, or that Indus yyveth, that is next the
Bo3 m10 16 hote partie of the world, that medleth the grene
Bo3 m10 17 stones with the white, ne scholden not cleren
Bo3 m10 18 the lookynge of your thought, but hiden rather
Bo3 m10 19 your blynde corages withynne here derknesse.
Bo3 m10 20 Al that liketh yow here, and exciteth
Bo3 m10 21 and moeveth your thoughtes, the
Bo3 m10 22 erthe hath norysschid it in his lowe caves. But
Bo3 m10 23 the schynynge by whiche the hevene is governed
Bo3 m10 24 and whennes that it hath his strengthe, that
Bo3 m10 25 eschueth the derke overthrowynge of the soule;
Bo3 m10 26 and whosoevere may knowen thilke light (of
Bo3 m10 27 blisfulnesse), he schal wel seyn that the white
Bo3 m10 28 beemes of the sonne ne ben nat cleer. "
Bo3 p11 1 Boece. " I assente me, " quod I, " for alle thise
Bo3 p11 2 thinges ben strongly bounden with ryght ferme
Bo3 p11 3 resouns. "
Bo3 p11 4 " How mychel wiltow preysen it, " quod sche,
Bo3 p11 5 " yif that thow knowe what thilke good is? "
Bo3 p11 6 " I wol preyse it, " quod I, " be pris withouten
Bo3 p11 7 ende, yif it schal betyde me to knowe also togidre
Bo3 p11 8 God that is good. "
Bo3 p11 9 " Certes, " quod sche, " that schal I [undo]
Bo3 p11 10 the be verray resoun, yif that tho
Bo3 p11 11 thinges that I have concluded a litel herebyforn
Bo3 p11 12 duellen only in hir first grauntynge. "
Bo3 p11 13 Boece. " Thei dwellen graunted to the, " quod
Bo3 p11 14 I. (This to seyn as who seith, " I graunte thi
Bo3 p11 15 forseide conclusyouns. " )
Bo3 p11 16 " Have I nat schewed the, " quod sche, " that
Bo3 p11 17 the thinges that ben required of many folk ne
Bo3 p11 18 ben not verray goodis ne parfite, for thei ben
Bo3 p11 19 divers that on fro that othir; and so as iche
Bo3 p11 20 of hem is lakkynge to othir, thei ne han no
Bo3 p11 21 power to bryngen a good that is ful and
Bo3 p11 22 absolut; but thanne at erste ben thei verraye
Bo3 p11 23 good, whan thei ben gadred togidre [als] into o
Bo3 p11 24 forme and into oon werkynge, so that thilke
Bo3 p11 25 thing that is suffisaunce, thilke same be power,
Bo3 p11 26 and reverence, and noblesse, and myrthe; and
Bo3 p11 27 for sothe, but yif alle thise thinges ben alle o
Bo3 p11 28 same thing, thei ne han not wherby that thei
Bo3 p11 29 mowen be put in the nombre of thinges
Bo3 p11 30 that oughten ben required or desired? "
Bo3 p11 31 Boece. " It is schewyd, " quod I, " ne herof
Bo3 p11 32 mai ther no man douten. "
Bo3 p11 33 Philosophie. " The thinges thanne, " quod sche,
Bo3 p11 34 " that ne ben none goodis whan thei ben diverse,
Bo3 p11 35 and whanne thei bygynnen to ben al o thing,
Bo3 p11 36 thanne ben thei goodes -- ne cometh it hem nat
Bo3 p11 37 thanne be the getynge of unyte that thei ben
Bo3 p11 38 maked goodes? "
Bo3 p11 39 Boece. " So it semeth, " quod I.
Bo3 p11 40 " But alle thing that is good, " quod sche,
Bo3 p11 41 " grauntestow that it be good by the participacioun
Bo3 p11 42 of good, or no? "
Bo3 p11 43 " I graunte it, " quod I.
Bo3 p11 44 " Thanne mustow graunten, " quod sche, " by
Bo3 p11 45 semblable resoun that oon and good be o same
Bo3 p11 46 thing; for of thinges of whiche that the effect nys
Bo3 p11 47 nat naturely divers, nedes the substaunce moot
Bo3 p11 48 be oo same thing. "
Bo3 p11 49 " I ne may nat denye it, " quod I.
Bo3 p11 50 " Hastow nat knowen wel, " quod sche,
Bo3 p11 51 " that alle thing that is hath so longe his
Bo3 p11 52 duellynge and his substaunce as longe as it es
Bo3 p11 53 oon, but whanne it forletith to be oon, it moot
Bo3 p11 54 nedys deien and corrumpen togidres? "
Bo3 p11 55 " In whiche manere? " quod I.
Bo3 p11 56 " Ryght as in beestes, " quod sche, " whanne
Bo3 p11 57 the soule and the body ben conjoyned in oon
Bo3 p11 58 and dwellen togidre, it es cleped a beeste; and
Bo3 p11 59 whanne her unyte is destroyed be the
Bo3 p11 60 disseveraunce the toon fro the tothir,
Bo3 p11 61 thanne scheweth it wel that it is a deed
Bo3 p11 62 thing, and that it nys no lengere no beeste. And
Bo3 p11 63 the body of a wyght, while it duelleth in oo
Bo3 p11 64 fourme be conjunccion of membris, it is wel
Bo3 p11 65 seyn that it is a figure of mankynde; and yif
Bo3 p11 66 the parties of the body ben so devyded and
Bo3 p11 67 disseverid the ton fro the tother that thei destroyen
Bo3 p11 68 unite, the body forletith to ben that it was
Bo3 p11 69 beforn. And whoso wolde renne in the
Bo3 p11 70 same manere be alle thinges, he scholde
Bo3 p11 71 seen that withouten doute every thing is in
Bo3 p11 72 his substaunce as longe as it is oon; and whanne
Bo3 p11 73 it forletith to ben oon, it dyeth and peryssheth. "
Bo3 p11 74 Boece. " Whanne I considere, " quod I, " manye
Bo3 p11 75 thinges, I se noon other. "
Bo3 p11 76 " Is ther any thing thanne, " quod sche, " that,
Bo3 p11 77 in as moche as it lyveth naturely, that forletith
Bo3 p11 78 the talent or the appetyt of his beynge and
Bo3 p11 79 desireth to come to deth and to corrupcioun? "
Bo3 p11 81 " Yif I considere, " quod I, " the beestes
Bo3 p11 82 that han any maner nature of wyllynge and of
Bo3 p11 83 nyllynge, I ne fynde no beeste, but if it be
Bo3 p11 84 constreyned fro withoute-forth, that forletith or
Bo3 p11 85 despiseth the entencion to lyven and to duren;
Bo3 p11 86 or that wole, his thankes, hasten hym to dyen.
Bo3 p11 87 For every beest travaileth hym to defende and
Bo3 p11 88 kepe the savacion of his lif, and eschueth deeth
Bo3 p11 89 and destruccioun. But certes I doute me of
Bo3 p11 90 herbes and of trees [and] I am in a doute
Bo3 p11 91 of swiche thinges [as] ne han no felyng
Bo3 p11 92 soules (ne no naturel werkynges servynge to
Bo3 p11 93 appetites as beestes han, whether thei han
Bo3 p11 94 appetyt to duellen and to duren).
Bo3 p11 95 " Certes, " quod sche, " ne therof thar the nat
Bo3 p11 96 doute. Now looke upon thise herbes and thise
Bo3 p11 97 trees. They wexen first in suche places as ben
Bo3 p11 98 covenable to hem, in whiche places thei mowen
Bo3 p11 99 nat sone deye ne dryen, as longe as hir
Bo3 p11 100 nature mai defenden hem. For some of
Bo3 p11 101 hem waxen in feeldis, and some in mountaynes,
Bo3 p11 102 and othere waxen in mareys, and
Bo3 p11 103 othre cleven on roches, and some wexen
Bo3 p11 104 plentyvous in soondes; and yif any wyght
Bo3 p11 105 enforce hym to bere hem into other places, thei
Bo3 p11 106 wexen drye. For nature yeveth to every thing
Bo3 p11 107 that that is convenient to hym, and travailleth
Bo3 p11 108 that they ne deie nat, as longe as thei han power
Bo3 p11 109 to duellen and to lyven. What wiltow seyn
Bo3 p11 110 of this, that thei drawen alle here
Bo3 p11 111 norysschynges by here rootes, ryght as thei
Bo3 p11 112 hadden here mouthes yplounged withynne the
Bo3 p11 113 erthes, and sheden be hir maryes hir wode and
Bo3 p11 114 hir bark? And what wyltow seyn of this, that
Bo3 p11 115 thilke thing that is ryght softe, as the marie is,
Bo3 p11 116 that it is alwey hyd in the seete al withinne, and
Bo3 p11 117 that it is defended fro withoute by the
Bo3 p11 118 stedfastnesse of wode, and that the outreste bark
Bo3 p11 119 is put ayens the distemperaunce of the
Bo3 p11 120 hevene as a deffendour myghty to suffren
Bo3 p11 121 harm? And thus certes maistow wel seen
Bo3 p11 122 how greet is the diligence of nature; for alle
Bo3 p11 123 thinges renovelen and publysschen hem with
Bo3 p11 124 seed ymultiplied, ne ther nys no man that ne
Bo3 p11 125 woot wel that they ne ben ryght as a foundement
Bo3 p11 126 and edifice for to duren, noght oonly for a tyme,
Bo3 p11 127 but ryght as for to dure perdurably by
Bo3 p11 128 generacion.
Bo3 p11 129 " And the thinges eek that men wenen ne
Bo3 p11 130 haven none soules, ne desire thei nat, iche
Bo3 p11 131 of hem, by semblable resoun to kepyn that
Bo3 p11 132 that is hirs (that is to seyn, that is accordynge
Bo3 p11 133 to hir nature in conservacioun of hir beynge
Bo3 p11 134 and endurynge)? For wherfore ellis bereth
Bo3 p11 135 lightnesse the flaumbes up, and the weyghte
Bo3 p11 136 presseth the erthe adoun, but for as moche as
Bo3 p11 137 thilke places and thilke moevynges ben covenable
Bo3 p11 138 to everyche of hem? And forsothe every
Bo3 p11 139 thing kepeth thilke that is accordynge
Bo3 p11 140 and propre to hym, ryght as thinges that
Bo3 p11 141 ben contrarious and enemys corrumpen
Bo3 p11 142 hem. And yet the harde thinges, as stones,
Bo3 p11 143 clyven and holden here parties togidere ryght
Bo3 p11 144 faste and harde, and defenden hem in
Bo3 p11 145 withstondynge that thei ne departe nat lyghtly
Bo3 p11 146 atwynne. And the thinges that ben softe and
Bo3 p11 147 fletynge, as is watir and eyr, thei departen
Bo3 p11 148 lyghtly and yeven place to hem that breken or
Bo3 p11 149 divyden hem; but natheles they retorne
Bo3 p11 150 sone ageyn into the same thinges fro
Bo3 p11 151 whennes thei ben arraced; but fyer fleeth
Bo3 p11 152 and refuseth alle dyvisioun.
Bo3 p11 153 " Ne I ne trete not here now of willeful
Bo3 p11 154 moevynges of the soule that is knowyng, but of
Bo3 p11 155 the naturel entencioun of thinges, as thus: ryght
Bo3 p11 156 as we swolwen the mete that we resseyven and
Bo3 p11 157 ne thinke nat on it, and as we drawen our breeth
Bo3 p11 158 in slepynge that we witen it nat while we slepyn.
Bo3 p11 159 For certes in the beestis the love of hire
Bo3 p11 160 lyvynges ne of hire beynges ne cometh
Bo3 p11 161 not of the wilnynges of the soule, but of
Bo3 p11 162 the bygynnynges of nature. For certes, thurw
Bo3 p11 163 constreynynge causes, wil desireth and embraceth
Bo3 p11 164 ful ofte tyme the deeth that nature
Bo3 p11 165 dredeth. (That is to seyn as thus: that a man
Bo3 p11 166 may be constreyned so, by som cause, that his
Bo3 p11 167 wille desireth and taketh the deeth whiche
Bo3 p11 168 that nature hateth and dredeth ful sore.) And
Bo3 p11 169 somtyme we seen the contrarye, as thus:
Bo3 p11 170 that the wil of a wyght distourbeth and
Bo3 p11 171 constreyneth that that nature desireth and
Bo3 p11 172 requirith alwey, that is to seyn the werk of
Bo3 p11 173 generacioun, by whiche generacioun only
Bo3 p11 174 duelleth and is susteyned the longe durablete of
Bo3 p11 175 mortel thinges. And thus this charite and this
Bo3 p11 176 love, that every thing hath to hymself, ne
Bo3 p11 177 cometh not of the moevynge of the soule, but of
Bo3 p11 178 the entencioun of nature. For the purveaunce of
Bo3 p11 179 God hath yeven to thinges that ben creat of
Bo3 p11 180 hym this, that is a ful grete cause to lyven
Bo3 p11 181 and to duren, for whiche they desiren
Bo3 p11 182 naturely here lif as longe as evere thei mowen.
Bo3 p11 183 For which thou mayst not drede be no manere
Bo3 p11 184 that alle the thinges that ben anywhere, that thei
Bo3 p11 185 ne requiren naturely the ferme stablenesse of
Bo3 p11 186 perdurable duellynge, and eek the eschuynge of
Bo3 p11 187 destruccioun. "
Bo3 p11 188 Boece. " Now confesse I wel, " quod I, " that Y
Bo3 p11 189 see wel now certeynly withouten doutes
Bo3 p11 190 the thinges that whilom semeden uncerteyn
Bo3 p11 191 to me. "
Bo3 p11 192 Philosophie. " But, " quod sche, " thilke thing
Bo3 p11 193 that desireth to be and to duelle perdurably, he
Bo3 p11 194 desireth to ben oon. For yif that oon were
Bo3 p11 195 destroyed, certes, beynge schulde ther noon
Bo3 p11 196 duellen to no wyght. "
Bo3 p11 197 " That is sooth, " quod I.
Bo3 p11 198 " Thanne, " quod sche, " desiren alle thinges
Bo3 p11 199 oon. "
Bo3 p11 200 " I assente, " quod I.
Bo3 p11 201 " And I have schewed, " quod sche, " that
Bo3 p11 202 thilke same oon is thilke that is good. "
Bo3 p11 203 Boece. " Ye, forsothe, " quod I.
Bo3 p11 204 " Alle thinges thanne, " quod sche, " requiren
Bo3 p11 205 good; and thilke good thow mayst descryven
Bo3 p11 206 ryght thus: good is thilk thing that every wyght
Bo3 p11 207 desireth. "
Bo3 p11 208 " Ther ne may be thought, " quod I, " no more
Bo3 p11 209 verraye thing. For eyther alle thinges ben
Bo3 p11 210 referrid and brought to noght, and floteren
Bo3 p11 211 withouten governour, despoyled of oon as
Bo3 p11 212 of hire propre heved; or elles, yif ther be any
Bo3 p11 213 thing to whiche that alle thinges tenden and
Bo3 p11 214 hyen to, that thing muste ben the sovereyn good
Bo3 p11 215 of alle goodes. "
Bo3 p11 216 Philosophie. Thanne seide sche thus: " O my
Bo3 p11 217 nory, " quod sche, " I have greet gladnesse of
Bo3 p11 218 the, for thow hast fycched in thyn herte the
Bo3 p11 219 [marke] [of] [the] myddel sothfastnesse, (that
Bo3 p11 220 is to seyn, the prykke). But [in] this thing
Bo3 p11 221 hath ben discoveryd to the [that] thow
Bo3 p11 222 seydest that thow wistest not a litel herbyforn. "
Bo3 p11 223 " What was that? " quod I.
Bo3 p11 224 " That thou ne wistest noght, " quod sche,
Bo3 p11 225 " whiche was the ende of thinges. And certes that
Bo3 p11 226 is the thyng that every wyght desireth. and for
Bo3 p11 227 as mochel as we han gadrid and comprehendid
Bo3 p11 228 that good is thilke thing that is desired of alle,
Bo3 p11 229 thanne mote we nedys confessen that good
Bo3 p11 230 is the fyn of alle thinges.
Bo3 m11 1 " Whoso that seketh sooth by a deep thought,
Bo3 m11 2 and coveyteth not to ben disseyvid by no mysweyes,
Bo3 m11 3 lat hym rollen and trenden withynne
Bo3 m11 4 hymself the lyght of his ynwarde sighte; and
Bo3 m11 5 let hym gaderyn ayein, enclynynge into a compas,
Bo3 m11 6 the longe moevynges of his thoughtes; and
Bo3 m11 7 let hym techyn his corage that he hath enclosid
Bo3 m11 8 and hid in his tresors al that he compasseth or
Bo3 m11 9 secheth fro withoute. And thanne thilke
Bo3 m11 10 thing that the blake cloude of errour
Bo3 m11 11 whilom hadde ycovered schal lighte more
Bo3 m11 12 clerly than Phebus hymself ne schyneth.
Bo3 m11 13 (Glosa. Whoso wol seke the depe ground of
Bo3 m11 14 soth in his thought, and wil nat ben disseyvid
Bo3 m11 15 by false proposiciouns that goon amys fro the
Bo3 m11 16 trouthe, lat hym wel examine and rolle withynne
Bo3 m11 17 hymself the nature and the propretes of
Bo3 m11 18 the thing; and let hym yet eftsones examinen
Bo3 m11 19 and rollen his thoughtes by good deliberacioun
Bo3 m11 20 or that he deme, and lat hym techyn
Bo3 m11 21 his soule that it hath, by naturel principles
Bo3 m11 22 kyndeliche yhud withynne itself, al the trouthe
Bo3 m11 23 the whiche he ymagineth to ben in thinges
Bo3 m11 24 withoute. And thanne al the derknesse of his
Bo3 m11 25 mysknowynge shall [schewen] more evydently
Bo3 m11 26 to the sighte of his undirstondynge then the
Bo3 m11 27 sonne ne semeth to the sighte withoute-forth.)
Bo3 m11 28 For certes the body, bryngynge the weighte of
Bo3 m11 29 foryetynge, ne hath nat chased out of your
Bo3 m11 30 thought al the cleernesse of your knowyng;
Bo3 m11 31 for certeynli the seed of soth haldeth and
Bo3 m11 32 clyveth within yowr corage, and it is awaked
Bo3 m11 33 and excited by the wynde and by the blastes
Bo3 m11 34 of doctrine. For wherfore elles demen ye of
Bo3 m11 35 your owene wil the ryghtes, whan ye ben axid,
Bo3 m11 36 but if so were that the norysschynges of resoun
Bo3 m11 37 ne lyvede yplounged in the depe of your herte?
Bo3 m11 38 (This to seyn, how schulde men deme the sothe
Bo3 m11 39 of any thing that were axid, yif ther nere a
Bo3 m11 40 rote of sothfastnesse that were yploungid
Bo3 m11 41 and hyd in the naturel principles, the
Bo3 m11 42 whiche sothfastnesse lyvede within the depnesse
Bo3 m11 43 of the thought?) And if so be that the
Bo3 m11 44 Muse and the doctrine of Plato syngeth soth,
Bo3 m11 45 al that every wyght leerneth, he ne doth no
Bo3 m11 46 thing elles thanne but recordeth, as men recorden
Bo3 m11 47 thinges that ben foryeten. "
Bo3 p12 1 Thanne seide I thus: " I accorde me gretly to
Bo3 p12 2 Plato, for thou recordist and remembrist me
Bo3 p12 3 thise thinges yet the seconde tyme; that is to
Bo3 p12 4 seye, first whan I loste my memorie be the contagious
Bo3 p12 5 conjunccioun of the body with the
Bo3 p12 6 soule, and eftsones aftirward, whan Y lost it
Bo3 p12 7 confounded by the charge and be the burdene
Bo3 p12 8 of my sorwe. "
Bo3 p12 9 And thanne seide sche thus: " Yif thow
Bo3 p12 10 loke, " quod sche, " first the thynges that
Bo3 p12 11 thou hast graunted, it ne schal nat ben
Bo3 p12 12 ryght fer that thow ne schalt remembren thilke
Bo3 p12 13 thing that thou seidest that thou nystist nat. "
Bo3 p12 14 " What thing? " quod I.
Bo3 p12 15 " By whiche governement, " quod sche, " that
Bo3 p12 16 this world is governed. "
Bo3 p12 17 " Me remembreth it wel, " quod I; " and I confesse
Bo3 p12 18 wel that I ne wyste it nat. But al be it so
Bo3 p12 19 that I see now from afer what thou purposist,
Bo3 p12 20 algates I desire yit to herknen it of
Bo3 p12 21 the more pleynly. "
Bo3 p12 22 " Thou ne wendest nat, " quod sche, " a litel
Bo3 p12 23 herebyforn, that men schulde doute that this
Bo3 p12 24 world nys governed by God. "
Bo3 p12 25 " Certes, " quod I, " ne yet ne doute I it
Bo3 p12 26 naught, ne I nyl nevere wene that it were to
Bo3 p12 27 doute " (as who seith, " but I woot wel that God
Bo3 p12 28 governeth this world " ); " and I schal schortly
Bo3 p12 29 answeren the be what resouns I
Bo3 p12 30 am brought to this. This world, " quod I,
Bo3 p12 31 " of so manye diverse and contraryous
Bo3 p12 32 parties, ne myghte nevere han ben assembled
Bo3 p12 33 in o forme, but yif ther ne were oon that conjoyned
Bo3 p12 34 so manye diverse thinges; and the same
Bo3 p12 35 diversite of here natures, that so discorden the
Bo3 p12 36 ton fro that other, most departen and unjoynen
Bo3 p12 37 the thinges that ben conjoynid, yif ther ne were
Bo3 p12 38 oon that contenyde that he hath conjoynid and
Bo3 p12 39 ybounden. Ne the certein ordre of nature ne
Bo3 p12 40 schulde not brynge forth so ordene moevynges
Bo3 p12 41 by places, by tymes, by doynges, by
Bo3 p12 42 spaces, by qualites, yif ther ne were on, that
Bo3 p12 43 were ay stedfaste duellynge, that ordeynide and
Bo3 p12 44 disponyde thise diversites of moevynges. And
Bo3 p12 45 thilke thing, whatsoevere it be, by whiche that
Bo3 p12 46 alle things ben ymaked and ilad, Y clepe hym
Bo3 p12 47 `God,' that is a word that is used to alle folk. "
Bo3 p12 48 Thanne seide sche: " Syn thou feelist thus
Bo3 p12 49 thise thinges, " quod sche, " I trowe that I
Bo3 p12 50 have litel more to done that thou, myghty
Bo3 p12 51 of welefulnesse, hool and sound, ne see
Bo3 p12 52 eftsones thi contre. But let us loken the thinges
Bo3 p12 53 that we han purposed herebyforn. Have I nat
Bo3 p12 54 nombrid and seid, " quod sche, " that suffisaunce
Bo3 p12 55 is in blisfulnesse, and we han accorded that
Bo3 p12 56 God is thilke same blisfulnesse? "
Bo3 p12 57 " Yis, forsothe, " quod I.
Bo3 p12 58 " And that to governen this world, " quod
Bo3 p12 59 sche, " ne schal he nevere han nede of noon
Bo3 p12 60 help fro withoute? For elles, yif he hadde
Bo3 p12 61 nede of any help, he ne schulde nat have
Bo3 p12 62 no ful suffisaunce? "
Bo3 p12 63 " Yys, thus it moot nedes be, " quod I.
Bo3 p12 64 " Thanne ordeyneth he be hymself alone alle
Bo3 p12 65 thinges? " quod sche.
Bo3 p12 66 " That may noght ben denyed, " quod I.
Bo3 p12 67 " And I have schewyd that God is the same
Bo3 p12 68 good? "
Bo3 p12 69 " It remembreth me wel, " quod I.
Bo3 p12 70 " Thanne ordeigneth he alle thinges by
Bo3 p12 71 thilke good, " quod sche, " syn he, whiche
Bo3 p12 72 that we han accordid to ben good, governeth
Bo3 p12 73 alle thinges by hymself; and he is as a keye and
Bo3 p12 74 a styere, by whiche that the edifice of this world
Bo3 p12 75 is kept stable and withouten corrumpynge. "
Bo3 p12 76 " I accorde me greetly, " quod I. " And I
Bo3 p12 77 aperceyvede a litil herebyforn that thow woldest
Bo3 p12 78 seyn thus, al be it so that it were by a
Bo3 p12 79 thynne suspecioun. "
Bo3 p12 80 " I trowe it wel, " quod sche; " for, as I
Bo3 p12 81 trowe, thou ledist now more ententyfliche
Bo3 p12 82 thyn eyen to loken the verray goodes. But natheles
Bo3 p12 83 the thing that I schal telle the yet ne
Bo3 p12 84 scheweth not lesse to loken. "
Bo3 p12 85 " What is that? " quod I.
Bo3 p12 86 " So as men trowen, " quod sche, " and that
Bo3 p12 87 ryghtfully, that God governeth alle thinges by
Bo3 p12 88 the keye of his goodnesse, and alle thise same
Bo3 p12 89 thinges, as I have taught the, hasten hem
Bo3 p12 90 by naturel entencioun to come to good,
Bo3 p12 91 ther may no man douten that thei ne
Bo3 p12 92 ben governed voluntariely, and that they ne
Bo3 p12 93 converten hem of here owene wil to the wil of
Bo3 p12 94 here ordeynour, as thei that ben accordynge
Bo3 p12 95 and enclynynge to here governour and here
Bo3 p12 96 kyng. "
Bo3 p12 97 " It moot nedes be so, " quod I, " for the reume
Bo3 p12 98 ne schulde nat seme blisful yif ther were a yok
Bo3 p12 99 of mysdrawynges in diverse parties, ne the
Bo3 p12 100 savynge of obedient thynges ne scholde
Bo3 p12 101 nat be. "
Bo3 p12 102 " Thanne is ther nothyng, " quod sche, " that
Bo3 p12 103 kepith his nature, that enforceth hym to gon
Bo3 p12 104 ayen God. "
Bo3 p12 105 " No, " quod I.
Bo3 p12 106 " And yif that any thing enforcede hym to
Bo3 p12 107 withstonde God, myghte it avayle at the laste
Bo3 p12 108 ayens hym that we han graunted to ben almyghty
Bo3 p12 109 by the ryght of blisfulnesse? "
Bo3 p12 110 " Certes, " quod I, " al outrely it ne
Bo3 p12 111 myghte nat avaylen hym. "
Bo3 p12 112 " Thanne is ther nothing, " quod she, " that
Bo3 p12 113 either mai or wole withstonden to this sovereyn
Bo3 p12 114 good. "
Bo3 p12 115 " I trowe nat, " quod I.
Bo3 p12 116 " Thanne is thilke the sovereyn good, " quod
Bo3 p12 117 sche, " that alle thinges governeth strongly
Bo3 p12 118 and ordeyneth hem softly? "
Bo3 p12 119 Thanne seide I thus: " I delite me, "
Bo3 p12 120 quod I, " nat oonly in the eendes or in the
Bo3 p12 121 somme of the resouns that thou hast concluded
Bo3 p12 122 and proved, but thilke woordes that
Bo3 p12 123 thou usest deliten me moche more. So that, at
Bo3 p12 124 the laste, foolis that somtyme reenden grete
Bo3 p12 125 thinges oughten ben asschamid of hemself
Bo3 p12 126 (that is to seyn, that we foolis that reprehenden
Bo3 p12 127 wikkidly the thinges that touchen Godis
Bo3 p12 128 governaunce, we aughten ben asschamid of
Bo3 p12 129 ourself), as I, that seide that God refuseth
Bo3 p12 130 oonly the werkis of men and ne entremettith
Bo3 p12 131 nat of it. "
Bo3 p12 132 Philosophie. " Thow hast wel herd, " quod
Bo3 p12 133 sche, " the fables of the poetis, how the geauntis
Bo3 p12 134 assaileden hevene with the goddis, but forsothe
Bo3 p12 135 the debonayre force of God disposide hem as it
Bo3 p12 136 was worthy (that is to sey, destroyed the
Bo3 p12 137 geauntes, as it was worthy). But wiltow that
Bo3 p12 138 we joynen togidres thilke same resouns, for
Bo3 p12 139 paraventure of swiche conjunccioun may
Bo3 p12 140 sterten up som fair sparcle of soth? "
Bo3 p12 141 " Do, " quod I, " as the list. "
Bo3 p12 142 " Wenestow, " quod sche, " that God ne be
Bo3 p12 143 almyghty? No man is in doute of it. "
Bo3 p12 144 " Certes, " quod I, " no wyght ne douteth it,
Bo3 p12 145 yif he be in his mynde. "
Bo3 p12 146 " But he, " quod sche, " that is almyghti, ther
Bo3 p12 147 nys no thyng that he ne may? "
Bo3 p12 148 " That is sooth, " quod I.
Bo3 p12 149 " May God don evel? " quod sche.
Bo3 p12 150 " Nay, forsothe, " quod I.
Bo3 p12 151 " Thanne is evel nothing, " quod sche,
Bo3 p12 152 " syn that he ne may not don evel, that mai
Bo3 p12 153 doon alle thinges. "
Bo3 p12 154 " Scornestow me, " quod I, " or elles, pleyestow
Bo3 p12 155 or disseyvistow me, that hast so woven
Bo3 p12 156 me with thi resouns the hous of Didalus,
Bo3 p12 157 so entrelaced that it is unable to ben unlaced,
Bo3 p12 158 thow that otherwhile entrist ther thow issist,
Bo3 p12 159 and other while issist ther thow entrest?
Bo3 p12 160 Ne fooldist thou nat togidre by replicacioun
Bo3 p12 161 of wordes a manere wondirful sercle
Bo3 p12 162 or envirounynge of the simplicite devyne?
Bo3 p12 163 For certes a litel herebyforne, whanne thou bygunne
Bo3 p12 164 at blisfulnesse, thou seidest that it is
Bo3 p12 165 sovereyn good, and seidest that it is set in sovereyn
Bo3 p12 166 God; and seidest that God hymself is
Bo3 p12 167 sovereyn good, and that God is the ful blisfulnesse;
Bo3 p12 168 for whiche thou yave me as a covenable
Bo3 p12 169 yifte, that is to seyn, that no wyght nis
Bo3 p12 170 blisful, but yif he be God also therwith.
Bo3 p12 171 And seidest eke that the forme of good is
Bo3 p12 172 the substaunce of God and of blisfulnesse; and
Bo3 p12 173 seidest that thilke same oon is thilke same good
Bo3 p12 174 that is required and desired of al the kynde of
Bo3 p12 175 thinges. And thou provedest in disputynge that
Bo3 p12 176 God governeth alle the thinges of the world by
Bo3 p12 177 the governementis of bounte, and seidest that
Bo3 p12 178 alle thinges wolen obeyen to hym, and seidest
Bo3 p12 179 that the nature of yvel nys no thing. And
Bo3 p12 180 thise thinges ne schewedest thou naught
Bo3 p12 181 with noone resouns ytaken fro withouten,
Bo3 p12 182 but by proeves in cercles and homliche knowen,
Bo3 p12 183 the whiche proeves drawen to hemself heer
Bo3 p12 184 feyth and here accord everiche of hem of othir. "
Bo3 p12 185 Thanne seide sche thus: " I ne scorne the nat,
Bo3 p12 186 ne pleie, ne disceyve the; but I have schewed
Bo3 p12 187 the the thing that is grettest over alle thinges,
Bo3 p12 188 by the yifte of God that we whelome prayeden.
Bo3 p12 189 For this is the forme of the devyne substaunce,
Bo3 p12 190 that is swiche that it ne slideth nat
Bo3 p12 191 into uttreste foreyne thinges, ne ne resceyveth
Bo3 p12 192 noone straunge thinges in hym; but
Bo3 p12 193 ryght as Parmanydes seide in Grees of thilke
Bo3 p12 194 devyne substaunce -- he seide thus: that thilke
Bo3 p12 195 devyne substaunce tornith the world and the
Bo3 p12 196 moevable sercle of thinges, while thilke devyne
Bo3 p12 197 substaunce kepith itself withouten moevynge
Bo3 p12 198 (that is to seyn, that it ne moeveth nevere mo,
Bo3 p12 199 and yet it moeveth alle othere thinges).
Bo3 p12 200 But natheles, yif I have styred resouns
Bo3 p12 201 that ne ben nat taken from withouten the compas
Bo3 p12 202 of the thing of whiche we treten, but resouns
Bo3 p12 203 that ben bystowyd withinne that compas,
Bo3 p12 204 ther nys nat why that thou schuldest merveillen,
Bo3 p12 205 sith thow hast lernyd by the sentence
Bo3 p12 206 of Plato that nedes the wordis moot be cosynes
Bo3 p12 207 to the thinges of whiche thei speken.
Bo3 m12 1 " Blisful is that man that may seen the clere
Bo3 m12 2 welle of good! Blisful is he that mai unbynden
Bo3 m12 3 hym fro the boondes of the hevy erthe! The
Bo3 m12 4 poete of Trace, Orpheus, that whilome hadde
Bo3 m12 5 ryght greet sorwe for the deth of his wyf, aftir
Bo3 m12 6 that he hadde makid by his weeply songes the
Bo3 m12 7 wodes moevable to renne, and hadde makid
Bo3 m12 8 the ryveris to stonden stille, and hadde maked
Bo3 m12 9 the hertes and the hyndes to joynen dreedles
Bo3 m12 10 here sydes to cruel lyouns for to herknen
Bo3 m12 11 his song, and hadde maked that the
Bo3 m12 12 hare was nat agast of the hound, whiche was
Bo3 m12 13 plesed by his song; so, whanne the moste ardaunt
Bo3 m12 14 love of his wif brende the entrayles of his
Bo3 m12 15 breest, ne the songes that hadden overcomen
Bo3 m12 16 alle thinges ne mighten nat asswagen hir lord
Bo3 m12 17 Orpheus, he pleynid hym of the hevene
Bo3 m12 18 goddis that weren cruel to hym.
Bo3 m12 19 " He wente hym to the houses of helle,
Bo3 m12 20 and ther he tempride his blaundysschinge
Bo3 m12 21 songes by resounynge strenges, and spak
Bo3 m12 22 and song in wepynge al that evere he hadde
Bo3 m12 23 resceyved and lavyd out of the noble welles of
Bo3 m12 24 his modir Callyope the goddesse. And he sang
Bo3 m12 25 with as mochel as he myghte of wepynge, and
Bo3 m12 26 with as moche as love that doublide his sorwe
Bo3 m12 27 myghte yeve hym and teche hym, and he
Bo3 m12 28 commoevde the helle, and requyred and bysoughte
Bo3 m12 29 by swete preyere the lordes of
Bo3 m12 30 soules in helle of relessynge, that is to seyn,
Bo3 m12 31 to yelden hym his wyf. Cerberus, the porter
Bo3 m12 32 of helle, with hise thre hevedes, was caught and
Bo3 m12 33 al abasschid of the newe song. And the thre
Bo3 m12 34 goddesses, furiis and vengeresses of felonyes,
Bo3 m12 35 that tormenten and agasten the soules by anoy,
Bo3 m12 36 woxen sorweful and sory, and wepyn teeris for
Bo3 m12 37 pite. Tho was nat the heved of Yxion ytormented
Bo3 m12 38 by the overthrowynge wheel. And Tantalus, that
Bo3 m12 39 was destroied by the woodnesse of long
Bo3 m12 40 thurst, despyseth the floodes to drynken.
Bo3 m12 41 The foul that highte voltor, that etith the
Bo3 m12 42 stomak or the gyser of Tycius, is so fulfild of
Bo3 m12 43 his song that it nil eten ne tiren no more. At the
Bo3 m12 44 laste the lord and juge of soules was moevid to
Bo3 m12 45 misericordes, and cryede: `We ben overcomen,'
Bo3 m12 46 quod he; `yyve we to Orpheus his wif to beren
Bo3 m12 47 hym compaignye; he hath wel ybought hire by
Bo3 m12 48 his faire song and his ditee. But we wolen putten
Bo3 m12 49 a lawe in this and covenaunt in the yifte;
Bo3 m12 50 that is to seyn that, til he be out of helle, yif
Bo3 m12 51 he loke byhynde hym, that his wyf schal
Bo3 m12 52 comen ageyn unto us.' But what is he that may
Bo3 m12 53 yeven a lawe to loverys? Love is a grettere lawe
Bo3 m12 54 and a strengere to hymself thanne any lawe that
Bo3 m12 55 men mai yyven. Allas! Whanne Orpheus and his
Bo3 m12 56 wif weren almest at the termes of the nyght
Bo3 m12 57 (that is to seyn, at the laste boundes of helle),
Bo3 m12 58 Orpheus lokede abakward on Erudyce his wif,
Bo3 m12 59 and lost hire, and was deed.
Bo3 m12 60 " This fable apertenith to yow alle, whosoevere
Bo3 m12 61 desireth or seketh to lede his
Bo3 m12 62 thought into the sovereyn day, that is to seyn, to
Bo3 m12 63 cleernesse of sovereyn good. For whoso that
Bo3 m12 64 evere be so overcomen that he ficche his eien
Bo3 m12 65 into the put of helle, that is to seyn, whoso sette
Bo3 m12 66 his thoughtes in erthly thinges, al that evere he
Bo3 m12 67 hath drawen of the noble good celestial he lesith
Bo3 m12 68 it, whanne he looketh the helles, that is to seyn,
Bo3 m12 69 into lowe thinges of the erthe. "
Bo4 p1 1 Whanne Philosophie hadde songen softly
Bo4 p1 2 and delitably the forseide thinges, kepynge the
Bo4 p1 3 dignyte of hir cheere and the weyghte of hir
Bo4 p1 4 wordes, I, thanne, that ne hadde nat al outrely
Bo4 p1 5 foryeten the wepynge and the moornynge that
Bo4 p1 6 was set in myn herte, forbrak the entencioun of
Bo4 p1 7 hir that entendede yit to seyn some othere
Bo4 p1 8 thinges. " O, " quod I, " thou that art gyderesse
Bo4 p1 9 of verray light, the thinges that thou hast
Bo4 p1 10 seid me hidirto ben to me so cleer and so
Bo4 p1 11 schewynge by the devyne lookynge of hem,
Bo4 p1 12 and by thy resouns, that they ne mowen nat
Bo4 p1 13 ben overcomen. And thilke thinges that thou
Bo4 p1 14 toldest me, al be it so that I hadde whilom foryeten
Bo4 p1 15 hem for the sorwe of the wrong that hath
Bo4 p1 16 ben don to me, yet nathales thei ne weren not
Bo4 p1 17 al outrely unknowen to me. But this same is
Bo4 p1 18 namely a ryght gret cause of my sorwe: that so
Bo4 p1 19 as the governour of thinges is good, yif
Bo4 p1 20 that eveles mowen ben by any weyes,
Bo4 p1 21 or elles yif that evelis passen withouten
Bo4 p1 22 punysschynge. The whiche thing oonly, how
Bo4 p1 23 worthy it es to ben wondrid uppon, thou considerest
Bo4 p1 24 it wel thiselve certeynly. But yit to this
Bo4 p1 25 thing ther is yit another thing ijoyned more to
Bo4 p1 26 ben wondrid uppon: for felonye is emperisse,
Bo4 p1 27 and floureth ful of richesses, and vertu nis nat al
Bo4 p1 28 oonly withouten meedes, but it is cast undir
Bo4 p1 29 and fortroden undir the feet of felenous
Bo4 p1 30 folk, and it abyeth the tormentz in stede of
Bo4 p1 31 wikkide felouns. Of alle whiche thinges
Bo4 p1 32 ther nys no wyght that may merveillen ynowghe
Bo4 p1 33 ne compleyne that swiche thinges ben don in
Bo4 p1 34 the reigne of God, that alle things woot and
Bo4 p1 35 alle thinges may and ne wole nat but only
Bo4 p1 36 gode thinges. "
Bo4 p1 37 Thanne seide sche thus: " Certes, " quod sche,
Bo4 p1 38 " that were a greet merveille and an abaysschinge
Bo4 p1 39 withouten ende, and wel more horrible than
Bo4 p1 40 alle monstres, yif it were as thou wenest;
Bo4 p1 41 that is to seyn, that in the ryght ordene
Bo4 p1 42 hous of so mochel a fadir and an ordeynour of
Bo4 p1 43 meyne, that the vesselis that ben foule and vyl
Bo4 p1 44 schulden ben honoured and heryed, and the
Bo4 p1 45 precious vesselis schulden ben defouled and
Bo4 p1 46 vyl. But it nys nat so. For yif the thinges that
Bo4 p1 47 I have concluded a litel herebyforn ben kept
Bo4 p1 48 hoole and unaraced, thou schalt wel knowe by
Bo4 p1 49 the auctorite of God, of the whos reigne I
Bo4 p1 50 speke, that certes the gode folk ben alwey
Bo4 p1 51 myghty and schrewes ben alwey outcast
Bo4 p1 52 and feble; ne the vices ben neveremo withouten
Bo4 p1 53 peyne, ne the vertus ne ben nat withouten
Bo4 p1 54 mede; and that blisfulnesses comen alwey
Bo4 p1 55 to good folk, and infortune comith alwey to
Bo4 p1 56 wykkide folk. And thou schalt wel knowe
Bo4 p1 57 manye thinges of this kynde, that schullen
Bo4 p1 58 cesen thi pleyntis and strengthen the with stedfaste
Bo4 p1 59 sadnesse. And for thou hast seyn the
Bo4 p1 60 forme of the verray blisfulnesse by me that
Bo4 p1 61 have whilom yschewid it the, and thow
Bo4 p1 62 hast knowen in whom blisfulnesse is yset, alle
Bo4 p1 63 thingis ytreted that I trowe ben necessarie to
Bo4 p1 64 putten forth, I schal schewe the the weye that
Bo4 p1 65 schal bryngen the ayen unto thyn hous; and I
Bo4 p1 66 schal fycchen fetheris in thi thought, by whiche
Bo4 p1 67 it mai arisen in heighte; so that, alle tribulacioun
Bo4 p1 68 idon awey, thow, by my gyding and by
Bo4 p1 69 my path and by my sledys, shalt mowen
Bo4 p1 70 retourne hool and sownd into thi contree.
Bo4 m1 1 " I have, forthi, swifte fetheris that surmounten
Bo4 m1 2 the heighte of the hevene. Whanne
Bo4 m1 3 the swift thoght hath clothid itself in tho
Bo4 m1 4 fetheris, it despiseth the hateful erthes, and surmounteth
Bo4 m1 5 the rowndenesse of the gret ayr; and
Bo4 m1 6 it seth the clowdes byhynde his bak, and passeth
Bo4 m1 7 the heighte of the regioun of the fir, that
Bo4 m1 8 eschaufeth by the swifte moevynge of the firmament,
Bo4 m1 9 til that he areyseth hym into the
Bo4 m1 10 houses that beren the sterres, and joyneth
Bo4 m1 11 his weies with the sonne, Phebus, and
Bo4 m1 12 felawschipeth the weie of the olde colde Saturnus;
Bo4 m1 13 and he, imaked a knyght of the clere
Bo4 m1 14 sterre (that is to seyn, whan the thought is
Bo4 m1 15 makid Godis knyght by the sekynge of
Bo4 m1 16 trouthe to comen to the verray knowleche of
Bo4 m1 17 God) -- and thilke soule renneth by the cercle
Bo4 m1 18 of the sterres in alle the places there as the
Bo4 m1 19 schynynge nyght is ypainted (that is to
Bo4 m1 20 sey, the nyght that is cloudeles; for on
Bo4 m1 21 nyghtes that ben cloudeles it semeth as
Bo4 m1 22 the hevene were peynted with diverse ymages
Bo4 m1 23 of sterres). And whan [that] he hath gon there
Bo4 m1 24 inoghe, he schal forleten the laste point of the
Bo4 m1 25 hevene, and he schal pressen and wenden on
Bo4 m1 26 the bak of the swifte firmament, and he schal
Bo4 m1 27 be makid parfit of the worschipful lyght [or]
Bo4 m1 28 dredefulle clerenesse of God. There halt the
Bo4 m1 29 lord of kynges the septre of his myght and
Bo4 m1 30 atemprith the governementz of the world,
Bo4 m1 31 and the schynynge juge of thinges, stable in
Bo4 m1 32 hymself, governeth the swifte cart or wayn (that
Bo4 m1 33 is to seyn, the circuler moevynge of the sonne).
Bo4 m1 34 And yif thi wey ledeth the ayein so that thou be
Bo4 m1 35 brought thider, thanne wiltow seye now that
Bo4 m1 36 that is the contre that thou requerist, of whiche
Bo4 m1 37 thow ne haddest no mynde -- `but now it
Bo4 m1 38 remembreth me wel, here was I born, her wol
Bo4 m1 39 I fastne my degree, here wol I duelle.' But
Bo4 m1 40 yif the liketh thanne to looken on the
Bo4 m1 41 derknesse of the erthe that thou hast
Bo4 m1 42 forleten, thanne shaltow seen that these felonus
Bo4 m1 43 tirantz, that the wrecchide peple dredeth now,
Bo4 m1 44 schullen ben exiled fro thilke faire contre. "
Bo4 p2 1 Thanne seide I thus: " Owh! I wondre me
Bo4 p2 2 that thow byhetist me so grete thinges. Ne I
Bo4 p2 3 ne doute nat that thou ne maist wel parforme
Bo4 p2 4 that thow behetist; but I preie the oonly this,
Bo4 p2 5 that thow ne tarie nat to telle me thilke thinges
Bo4 p2 6 that thou hast moevid. "
Bo4 p2 7 " First, " quod sche, " thow most nedes knowen
Bo4 p2 8 that good folk ben alwey strong and myghti,
Bo4 p2 9 and the schrewes ben feble and desert and
Bo4 p2 10 naked of alle strengthes. And of thise
Bo4 p2 11 thinges, certes, everiche of hem is declared
Bo4 p2 12 and schewed by other. For so as good and
Bo4 p2 13 yvel ben two contraries, yif so be that good be
Bo4 p2 14 stedfast, thanne scheweth the feblesse of yvel
Bo4 p2 15 al opynly; and yif thow knowe clerly the freelnesse
Bo4 p2 16 of yvel, the stedfastnesse of good is
Bo4 p2 17 knowen. But for as moche as the fey of my
Bo4 p2 18 sentence schal ben the more ferme and haboundant,
Bo4 p2 19 I wil gon by the to weye and by the
Bo4 p2 20 tothir, and I wil conferme the thinges that
Bo4 p2 21 ben purposed, now on this side and now on
Bo4 p2 22 that side.
Bo4 p2 23 " Two thinges ther ben in whiche the effect of
Bo4 p2 24 alle the dedes of mankynde standeth (that is to
Bo4 p2 25 seyn, wil and power); and yif that oon of thise
Bo4 p2 26 two faileth, ther nys nothing that may be doon.
Bo4 p2 27 For yif that wille lakketh, ther nys no wyght that
Bo4 p2 28 undirtaketh to done that he wol nat doon; and
Bo4 p2 29 yif power faileth, the wil nys but in idel and
Bo4 p2 30 stant for naught. And therof cometh it that
Bo4 p2 31 yif thou see a wyght that wolde geten that
Bo4 p2 32 he mai not geten, thow maist nat douten that
Bo4 p2 33 power ne faileth hym to have that he wolde. "
Bo4 p2 34 " This is open and cler, " quod I, " ne it ne mai
Bo4 p2 35 nat be denyed in no manere. "
Bo4 p2 36 " And yif thou se a wyght, " quod sche, " that
Bo4 p2 37 hath doon that he wolde doon, thow nilt nat
Bo4 p2 38 douten that he ne hath had power to doon it? "
Bo4 p2 39 " No, " quod I.
Bo4 p2 40 " And in that that every wyght may, in
Bo4 p2 41 that men may holden hym myghti. (As
Bo4 p2 42 who seith, in so moche as a man is myghty to
Bo4 p2 43 doon a thing, in so mochel men halt hym
Bo4 p2 44 myghti.) And in that that he ne mai, in that men
Bo4 p2 45 demen hym to ben feble. "
Bo4 p2 46 " I confesse it wel, " quod I.
Bo4 p2 47 " Remembreth the, " quod sche, " that I have
Bo4 p2 48 gaderid and ischewid by forseide resouns that al
Bo4 p2 49 the entencioun of the wil of mankynde,
Bo4 p2 50 whiche that is lad by diverse studies,
Bo4 p2 51 hasteth to comen to blisfulnesse. "
Bo4 p2 52 " It remembreth me wel, " quod I, " that it hath
Bo4 p2 53 ben schewed. "
Bo4 p2 54 " And recordeth the nat thanne, " quod sche,
Bo4 p2 55 " that blisfulnesse is thilke same good that men
Bo4 p2 56 requiren, so that whanne that blisfulnesse is
Bo4 p2 57 required of alle, that good also is required and
Bo4 p2 58 desired of alle? "
Bo4 p2 59 " It ne recordeth me noght, " quod I, " for
Bo4 p2 60 I have it gretly alwey ficched in my memorie. "
Bo4 p2 62 " Alle folk thanne, " quod sche, " goode and
Bo4 p2 63 eek badde, enforcen hem withoute difference of
Bo4 p2 64 entencioun to comen to good. "
Bo4 p2 65 " This is a verray consequence, " quod I.
Bo4 p2 66 " And certein is, " quod sche, " that by the
Bo4 p2 67 getynge of good ben men ymakid gode. "
Bo4 p2 68 " This is certein, " quod I.
Bo4 p2 69 " Thanne geten gode men that thei desiren? "
Bo4 p2 71 " So semeth it, " quod I.
Bo4 p2 72 " But wikkide folk, " quod sche, " yif thei geten
Bo4 p2 73 the good that thei desiren, thei ne mowe nat
Bo4 p2 74 ben wikkid. "
Bo4 p2 75 " So is it, " quod I.
Bo4 p2 76 " Than so as the ton and the tothir, " quod
Bo4 p2 77 sche, " desiren good, and the gode folk geten
Bo4 p2 78 good and not the wikkide folk, than is it no
Bo4 p2 79 doute that the gode folk ne ben myghty
Bo4 p2 80 and wikkid folk ben feble. "
Bo4 p2 81 " Whoso that evere, " quod I, " douteth
Bo4 p2 82 of this, he ne mai nat considere the nature of
Bo4 p2 83 thinges ne the consequence of resouns. "
Bo4 p2 84 " And over this, " quod sche, " if that ther ben
Bo4 p2 85 two thinges that han o same purpos by kynde,
Bo4 p2 86 and that oon of hem pursuweth and performeth
Bo4 p2 87 thilke same thing by naturel office, and the
Bo4 p2 88 tother mai nat doon thilke naturel office, but
Bo4 p2 89 folweth, by other manere than is covenable
Bo4 p2 90 to nature, hym that acomplisseth his purpos
Bo4 p2 91 kyndely, and yit he ne acomplisseth
Bo4 p2 92 nat his owene purpos -- whethir of thise two
Bo4 p2 93 demestow for more myghti? "
Bo4 p2 94 " Yif that I conjecte, " quod I, " that thou wilt
Bo4 p2 95 seie, algates yit I desire to herkne it more
Bo4 p2 96 pleynly of the. "
Bo4 p2 97 " Thou nilt nat thanne denye, " quod sche,
Bo4 p2 98 " that the moevement of goynge nys in men by
Bo4 p2 99 kynde? "
Bo4 p2 100 " No, forsothe, " quod I.
Bo4 p2 101 " Ne thou ne doutest nat, " quod sche,
Bo4 p2 102 " that thilke naturel office of goinge ne be the
Bo4 p2 103 office of feet? "
Bo4 p2 104 " I ne doute it nat, " quod I.
Bo4 p2 105 " Thanne, " quod sche, " yif that a wight be
Bo4 p2 106 myghti to moeve, and goth uppon hise feet, and
Bo4 p2 107 another, to whom thilke naturel office of feet
Bo4 p2 108 lakketh, enforceth hym to gone crepinge uppon
Bo4 p2 109 his handes, whiche of thise two oughte to
Bo4 p2 110 ben holden the more myghty by right? "
Bo4 p2 111 " Knyt forth the remenaunt, " quod I,
Bo4 p2 112 " for no wight ne douteth that he that mai gon
Bo4 p2 113 by naturel office of feet ne be more myghti than
Bo4 p2 114 he that ne may nat. "
Bo4 p2 115 " But the soverein good, " quod sche, " that is
Bo4 p2 116 eveneliche purposed to the good folk and to
Bo4 p2 117 badde, the gode folk seken it by naturel office of
Bo4 p2 118 vertus, and the schrewes enforcen hem to getin
Bo4 p2 119 it by diverse coveytise of erthly thinges,
Bo4 p2 120 whiche that nys noon naturel office to gete
Bo4 p2 121 thilke same soverein good. Trowestow that
Bo4 p2 122 it be any other wise? "
Bo4 p2 123 " Nai, " quod I, " for the consequence is opene
Bo4 p2 124 and schewynge of thinges that I have graunted,
Bo4 p2 125 that nedes good folk moten be myghty, and
Bo4 p2 126 schrewes feble and unmyghti. "
Bo4 p2 127 " Thou rennist aryght byforn me, " quod sche,
Bo4 p2 128 " and this is the jugement (that is to sein, I juge
Bo4 p2 129 of the), ryght as thise leches ben wont to
Bo4 p2 130 hopin of sike folk, whan thei aperceyven
Bo4 p2 131 that nature is redressed and withstondeth
Bo4 p2 132 to the maladye. But for I se the now al redy to
Bo4 p2 133 the undirstondynge, I schal schewe the more
Bo4 p2 134 thikke and contynuel resouns. For loke now,
Bo4 p2 135 how greetly scheweth the feblesse and infirmite
Bo4 p2 136 of wikkid folk, that ne mowen nat comen to that
Bo4 p2 137 hir naturel entencioun ledeth hem; and yit
Bo4 p2 138 almest thilke naturel entencioun constreyneth
Bo4 p2 139 hem. And what were to demen thanne of
Bo4 p2 140 schrewes, yif thilk naturel help hadde
Bo4 p2 141 forleten hem, the whiche naturel help of
Bo4 p2 142 entencioun goth alwey byforn hem and is so gret
Bo4 p2 143 that unnethe it mai ben overcome? Considere
Bo4 p2 144 thanne how gret defaute of power and how gret
Bo4 p2 145 feblesse ther is in wikkide felonous folke. (As
Bo4 p2 146 who seith, the grettere thing that is coveyted
Bo4 p2 147 and the desir nat acomplissed, of the lasse
Bo4 p2 148 myght is he that coveyteth it and mai nat
Bo4 p2 149 acomplisse; and forthi Philosophie seith
Bo4 p2 150 thus be sovereyn good.) Ne schrewes ne
Bo4 p2 151 requeren not lighte meedes ne veyne
Bo4 p2 152 games, whiche thei ne mai nat folwen ne holden;
Bo4 p2 153 but thei failen of thilke somme and of the
Bo4 p2 154 heighte of thinges (that is to seyn, soverein
Bo4 p2 155 good). Ne these wrecches ne comen nat to the
Bo4 p2 156 effect of sovereyn good, the whiche thei enforcen
Bo4 p2 157 hem oonly to geten by nyghtes and by
Bo4 p2 158 dayes. In the getyng of whiche good the
Bo4 p2 159 strengthe of good folk is ful wel yseene.
Bo4 p2 160 For ryght so as thou myghtest demen hym
Bo4 p2 161 myghty of goinge that goth on his feet til
Bo4 p2 162 he myghte comen to thilke place fro the whiche
Bo4 p2 163 place ther ne laye no weie forthere to be gon,
Bo4 p2 164 ryght so mostow nedes demen hym for ryght
Bo4 p2 165 myghty, that geteth and atteyneth to the ende of
Bo4 p2 166 alle thinges that ben to desire, byyonde the
Bo4 p2 167 whiche ende ther nys no thing to desire. Of the
Bo4 p2 168 whiche power of good folk men mai conclude
Bo4 p2 169 that the wikkide men semen to be bareyne
Bo4 p2 170 and naked of alle strengthe.
Bo4 p2 171 " For whi forleten thei vertus and folwen
Bo4 p2 172 vices? Nys it nat for that thei ne knowen nat the
Bo4 p2 173 godes? But what thing is more feble and more
Bo4 p2 174 caytif than is the blyndnesse of ignorance? Or
Bo4 p2 175 elles thei knowen ful wel whiche thinges that
Bo4 p2 176 thei oughten folwe, but lecherie and covetise
Bo4 p2 177 overthroweth hem mystorned. And certes so
Bo4 p2 178 doth distempraunce to feble men, that ne
Bo4 p2 179 mowen nat wrastlen ayen the vices. Ne
Bo4 p2 180 knowen thei nat thanne wel that thei
Bo4 p2 181 forleten the good wilfully, and turnen hem
Bo4 p2 182 wilfully to vices?
Bo4 p2 183 " And in this wise thei ne forleten nat oonly to
Bo4 p2 184 ben myghti, but thei forleten al outrely in any
Bo4 p2 185 wise for to been. For thei that forleten the
Bo4 p2 186 comune fyn of alle thinges that ben, thei forleten
Bo4 p2 187 also therwithal for to been. And peraventure
Bo4 p2 188 it scholde seme to som folk that this were
Bo4 p2 189 a merveile to seien, that schrewes, whiche
Bo4 p2 190 that contenen the more partie of men, ne
Bo4 p2 191 ben nat ne han no beynge; but natheles it
Bo4 p2 192 is so, and thus stant this thing. For thei that Bo4 p2 ben
Bo4 p2 193 schrewes I denye nat that they ben schrewes, but
Bo4 p2 194 I denye and seie simply and pleynly that thei ne
Bo4 p2 195 ben nat, ne han no beynge. For right as thou
Bo4 p2 196 myghtest seyn of the careyne of a man, that it
Bo4 p2 197 were a deed man, but thou ne myghtest nat
Bo4 p2 198 symply callen it a man; so graunte I wel forsothe
Bo4 p2 199 that vicyous folk ben wikkid, but I ne may
Bo4 p2 200 nat graunten absolutly and symply that thei
Bo4 p2 201 ben. For thilke thing that withholdeth
Bo4 p2 202 ordre and kepeth nature, thilke thing es, and
Bo4 p2 203 hath beinge; but what thing that faileth of
Bo4 p2 204 that (that is to seyn, he that forleteth naturel
Bo4 p2 205 ordre), he forleteth thilke beinge that is set in his
Bo4 p2 206 nature.
Bo4 p2 207 " But thow wolt seyn that schrewes mowen.
Bo4 p2 208 Certes, that ne denye I nat; but certes hir
Bo4 p2 209 power ne desscendeth nat of strengthe,
Bo4 p2 210 but of feblesse. For thei mowen don
Bo4 p2 211 wikkydnesses, the whiche thei ne myghten
Bo4 p2 212 nat don yif thei myghten duellen in the forme
Bo4 p2 213 and in the doynge of good folk. And thilke
Bo4 p2 214 power scheweth ful evidently that they ne
Bo4 p2 215 mowen ryght nat. For so as I have gadrid
Bo4 p2 216 and proevid a litil herebyforn that evel is
Bo4 p2 217 nawght, and so as schrewes mowen oonly but
Bo4 p2 218 schrewednesses, this conclusion is al cler, that
Bo4 p2 219 schrewes ne mowen ryght nat, ne han no
Bo4 p2 220 power.
Bo4 p2 221 " And for as moche as thou undirstonde
Bo4 p2 222 which is the strengthe of this power of schrewes,
Bo4 p2 223 I have diffinysched a litil herbyforn that no thing
Bo4 p2 224 is so myghti as sovereyn good. "
Bo4 p2 225 " That is soth, " quod I.
Bo4 p2 226 " And thilke same sovereyn good may don
Bo4 p2 227 noon yvel? "
Bo4 p2 228 " Certes, no, " quod I.
Bo4 p2 229 " Is ther any wyght thanne, " quod sche,
Bo4 p2 230 " that weneth that men mowen don alle
Bo4 p2 231 thinges? "
Bo4 p2 232 " No man, " quod I, " but yif he be out of his
Bo4 p2 233 wyt. "
Bo4 p2 234 " But certes schrewes mowen don evel? " quod
Bo4 p2 235 sche.
Bo4 p2 236 " Ye. Wolde God, " quod I, " that thei ne
Bo4 p2 237 myghten don noon! "
Bo4 p2 238 " Thanne, " quod sche, " so as he that is myghty
Bo4 p2 239 to doon oonly but goode thinges mai doon
Bo4 p2 240 alle thinges, and thei that ben myghti to
Bo4 p2 241 doon yvele thinges ne mowen nat alle
Bo4 p2 242 thinges, thanne is it open thing and manyfest
Bo4 p2 243 that thei that mowen doon yvele ben of lasse
Bo4 p2 244 power.
Bo4 p2 245 " And yit to proeve this conclusioun ther
Bo4 p2 246 helpeth me this, that I have schewed herebyforn,
Bo4 p2 247 that alle power is to be noumbred among
Bo4 p2 248 thinges that men oughten requere; and I have
Bo4 p2 249 schewed that alle thinges that oughten ben
Bo4 p2 250 desired ben referred to good, ryght as to a
Bo4 p2 251 maner heighte of hir nature. But for to
Bo4 p2 252 mowen don yvel and felonye ne mai nat ben
Bo4 p2 253 referrid to good; thanne nys nat yvel of the
Bo4 p2 254 nombre of thinges that oughten ben desired.
Bo4 p2 255 But alle power aughte ben desired and requerid;
Bo4 p2 256 thanne is it open and cler that the power ne the
Bo4 p2 257 mowynge of schrewes nis no power.
Bo4 p2 258 " And of alle thise thinges it scheweth wel that
Bo4 p2 259 the gode folk ben certeinli myghty, and the
Bo4 p2 260 schrewes doutelees ben unmyghty. And
Bo4 p2 261 it is cler and opene that thilke sentence
Bo4 p2 262 of Plato is verray and soth, that seith that
Bo4 p2 263 oonly wise men may doon that thei desiren,
Bo4 p2 264 and schrewes mowen haunten that hem liketh,
Bo4 p2 265 but that thei desiren (that is to seyn, to come
Bo4 p2 266 to sovereyn good), thei ne han no power to
Bo4 p2 267 acomplissen that. For schrewes don that hem lyst
Bo4 p2 268 whan, by tho thinges in whiche thei deliten, thei
Bo4 p2 269 wenen to ateynen to thilke good that thei
Bo4 p2 270 desiren; but thei ne geten ne ateyne nat
Bo4 p2 271 therto, for vices ne comen nat to blisfulnesse.
Bo4 m2 1 " Whoso that the coverturis of hir veyn apparailes
Bo4 m2 2 myghte strepen of thise proude kynges,
Bo4 m2 3 that thow seest sitten an hye in here chayeres,
Bo4 m2 4 gliterynge in schynynge purpre, envyrowned
Bo4 m2 5 with sorwful armures, manasyng with cruel
Bo4 m2 6 mowth, blowynge by woodnesse of herte, he
Bo4 m2 7 schulde seen thanne that thilke lordis berin
Bo4 m2 8 withynne hir corages ful streyte cheynes. For
Bo4 m2 9 lecherye tormenteth hem on that o side
Bo4 m2 10 with gredy venymes; and trowblable ire,
Bo4 m2 11 that areyseth in hem the floodes of trowblynges,
Bo4 m2 12 tormenteth upon that othir side hir
Bo4 m2 13 thought; or sorwe halt hem wery and icawght,
Bo4 m2 14 or slidynge and desceyvynge hope turmenteth
Bo4 m2 15 hem. And therfore, syn thow seest on heved
Bo4 m2 16 (that is to seyn, o tiraunt) beren so manye
Bo4 m2 17 tyranyes, than ne doth thilke tyraunt nat that he
Bo4 m2 18 desireth, syn he is cast doun with so manye
Bo4 m2 19 wikkide lordes (that is to seyn, with so
Bo4 m2 20 manye vices that han so wikkidly lordschipes
Bo4 m2 21 over hym).
Bo4 p3 1 " Seestow nat thanne in how greet filthe thise
Bo4 p3 2 schrewes been iwrapped, and with which clernesse
Bo4 p3 3 thise gode folk schynen? In this scheweth
Bo4 p3 4 it wel that to good folk ne lakketh neveremo
Bo4 p3 5 hir meedes, ne schrewes ne lakken neveremo
Bo4 p3 6 turmentes. For of alle thinges that ben idoon,
Bo4 p3 7 thilke thing for which any thing is doon, it
Bo4 p3 8 semeth as by ryght that thilke thing be the
Bo4 p3 9 mede of that; as thus, yif a man renneth in
Bo4 p3 10 the stadye or in the forlonge for the
Bo4 p3 11 corone, thanne lith the mede in the coroune
Bo4 p3 12 for whiche he renneth. And I have schewed
Bo4 p3 13 that blisfulnesse is thilke same good for whiche
Bo4 p3 14 that alle thinges ben doon; thanne is thilke
Bo4 p3 15 same good purposed to the werkes of mankynde
Bo4 p3 16 right as a comune mede, which mede ne
Bo4 p3 17 may nat ben disseveryd fro good folk. For no
Bo4 p3 18 wight as by ryght, fro thennesforth that hym
Bo4 p3 19 lakketh goodnesse, ne schal ben cleped
Bo4 p3 20 good. For whiche thing folk of gode maneres,
Bo4 p3 21 hir medes ne forsaken hem neveremo.
Bo4 p3 22 For al be it so that schrewes waxen as wode
Bo4 p3 23 as hem lyst ayein good folk, yit natheles the
Bo4 p3 24 coroune of wise men ne schal nat fallen ne
Bo4 p3 25 faden; for foreyne schrewednesse ne bynemeth
Bo4 p3 26 nat fro the corages of good folk hir propre
Bo4 p3 27 honour. But yif that any wyght rejoysede hym
Bo4 p3 28 of goodnesse that he hadde taken fro withoute
Bo4 p3 29 (as who seith, yif any man hadde his goodnesse
Bo4 p3 30 of any other man than of hymself),
Bo4 p3 31 certes he that yaf hym thilke goodnesse, or
Bo4 p3 32 elles som other wyght, myghte benymen it
Bo4 p3 33 hym. But for as moche as to every wyght his
Bo4 p3 34 owene propre bounte yeveth hym his mede,
Bo4 p3 35 thanne at erste schal he failen of mede whan
Bo4 p3 36 he forletith to ben good. And at the laste, so
Bo4 p3 37 as alle medes ben requerid for men wenen that
Bo4 p3 38 thei ben gode, who is he that nolde deme that
Bo4 p3 39 he that is ryght myghti of good were partlees
Bo4 p3 40 of the mede? And of what mede schal
Bo4 p3 41 he ben gerdoned? Certes of ryght fair
Bo4 p3 42 mede and ryght greet aboven alle medes. Remembre
Bo4 p3 43 the of thilke noble corrolarie that I
Bo4 p3 44 yaf the a litel herebyforn, and gadre it togidre
Bo4 p3 45 in this manere: so as good [hytself] is blisfulnesse,
Bo4 p3 46 thanne is it cler and certein that alle
Bo4 p3 47 gode folk ben imaked blisful for thei ben gode;
Bo4 p3 48 and thilke folk that ben blisful it accordeth and
Bo4 p3 49 is covenable to ben goddes. Thanne is the
Bo4 p3 50 mede of good folk swych that no day ne
Bo4 p3 51 schal empeiren it, ne no wikkidnesse schal
Bo4 p3 52 derkne it, ne power of no wyght ne schal nat
Bo4 p3 53 amenusen it; that is to seyn, to ben maked
Bo4 p3 54 goddes. And syn it is thus (that gode men ne
Bo4 p3 55 failen neveremo of hir mede), certes no wise man
Bo4 p3 56 ne may doute of the undepartable peyne of
Bo4 p3 57 schrewes (that is to seyn, that the peyne of
Bo4 p3 58 schrewes ne departeth nat from hemself neveremo).
Bo4 p3 59 For so as good and yvel, and peyne and
Bo4 p3 60 medes, ben contrarie, it moot nedes ben
Bo4 p3 61 that, ryght as we seen betyden in guerdoun
Bo4 p3 62 of gode, that also moot the peyne of yvel answere
Bo4 p3 63 by the contrarie partie to schrewes. Now
Bo4 p3 64 thanne, so as bounte and pruesse ben the mede
Bo4 p3 65 to good folk, also is schrewidnesse itself torment
Bo4 p3 66 to schrewes. Thanne whoso that evere is
Bo4 p3 67 entecchid or defouled with peyne, he ne douteth
Bo4 p3 68 nat that he nys entecchid and defouled
Bo4 p3 69 with yvel. Yif schrewes thanne wol preysen
Bo4 p3 70 hemself, may it semen to hem that thei ben
Bo4 p3 71 withouten parti of torment, syn thei ben
Bo4 p3 72 swiche that the uttreste wikkidnesse (that is to
Bo4 p3 73 seyn, wikkide thewes, which that is the uttereste
Bo4 p3 74 and the worst kynde of schrewednesse)
Bo4 p3 75 ne defouleth ne enteccheth nat hem oonly, but
Bo4 p3 76 enfecteth and envenymeth hem greetly? And
Bo4 p3 77 also loke on schrewes, that ben the contrarie
Bo4 p3 78 partie of gode men, how gret peyne felawschipith
Bo4 p3 79 and folweth hem! For thou hast
Bo4 p3 80 lerned a litil herebyforn that alle thing that
Bo4 p3 81 is and hath beynge is oon, and thilke same
Bo4 p3 82 oon is good: than is this the consequence, that
Bo4 p3 83 it semeth wel that al that is and hath beynge
Bo4 p3 84 is good. (This is to seyn, as who seith that
Bo4 p3 85 beinge and unite and goodnesse is al oon.)
Bo4 p3 86 And in this manere it folweth thanne that alle
Bo4 p3 87 thing that fayleth to ben good, it stynteth for
Bo4 p3 88 to be and for to han any beynge. Wherfore it
Bo4 p3 89 es that schrewes stynten for to ben that
Bo4 p3 90 thei weeren. But thilke othir forme [of] [the]
Bo4 p3 91 [body] of mankynde (that is to seyn, the
Bo4 p3 92 [forme] withowte) scheweth yit that thise
Bo4 p3 93 schrewes weren whilom men. Wherfore, whan
Bo4 p3 94 thei ben perverted and turned into malice,
Bo4 p3 95 certes, thanne have thei forlorn the nature of
Bo4 p3 96 mankynde. But so as oonly bownte and prowesse
Bo4 p3 97 may enhawnsen every man over othere
Bo4 p3 98 men, than moot it nedes be that schrewes,
Bo4 p3 99 whiche that schrewednesse hath cast out of
Bo4 p3 100 the condicion of mankynde, ben put undir
Bo4 p3 101 the merit and the dissert of men. Than
Bo4 p3 102 betidith it that, yif thou seest a wyght that be
Bo4 p3 103 transformed into vices, thow ne mayst nat wene
Bo4 p3 104 that he be a man. For if he be ardaunt in avaryce,
Bo4 p3 105 and that he be a ravynour by violence of foreyne
Bo4 p3 106 richesse, thou schalt seyn that he is lik to the
Bo4 p3 107 wolf; and if he be felonows and withoute reste,
Bo4 p3 108 and exercise his tonge to chidynges, thow schalt
Bo4 p3 109 likne hym to the hownd; and if he be a
Bo4 p3 110 pryve awaytour yhid, and rejoiseth hym to
Bo4 p3 111 ravyssche be wiles, thow schalt seyn hym
Bo4 p3 112 lik to the fox whelpes; and yif he be distempre,
Bo4 p3 113 and quakith for ire, men schal wene that he
Bo4 p3 114 bereth the corage of a lyoun; and yif he be
Bo4 p3 115 dredful and fleynge, and dredith thinges that ne
Bo4 p3 116 aughte nat to ben dredd, men schal holden hym
Bo4 p3 117 lik to the hert; and yf he be slow, and astonyd,
Bo4 p3 118 and lache, he lyveth as an asse; yif he be lyght
Bo4 p3 119 and unstedfast of corage and chaungith ay
Bo4 p3 120 his studies, he is likned to briddes; and if he
Bo4 p3 121 be ploungid in fowle and unclene luxuris,
Bo4 p3 122 he is withholden in the foule delices of the fowle
Bo4 p3 123 sowe. Than folweth it that he that forleteth
Bo4 p3 124 bounte and prowesse, he forletith to ben a man;
Bo4 p3 125 syn he ne may nat passe into the condicion of
Bo4 p3 126 God, he is torned into a beeste.
Bo4 m3 1 " Eurus, the wynd, aryved the sayles of Ulixes,
Bo4 m3 2 duc of the cuntre of Narice, and his wandrynge
Bo4 m3 3 shippes by the see, into the ile theras
Bo4 m3 4 Cerces, the faire goddesse, dowhter of the
Bo4 m3 5 sonne, duelleth, that medleth to hir newe
Bo4 m3 6 gestes drynkes that ben touchid and makid
Bo4 m3 7 with enchauntementz. And aftir that hir hand,
Bo4 m3 8 myghti over the erbes, hadde chaunged hir
Bo4 m3 9 gestes into diverse maneres, that oon of
Bo4 m3 10 hem is coverid his face with forme of a
Bo4 m3 11 boor; the tother is chaungid into a lyoun
Bo4 m3 12 of the contre of Marmoryke, and his nayles and
Bo4 m3 13 his teth waxen; that oother of hem is newliche
Bo4 m3 14 chaunged into a wolf, and howleth whan he
Bo4 m3 15 wolde wepe; that other goth debonayrely in
Bo4 m3 16 the hows as a tigre of Inde. But al be it so
Bo4 m3 17 that the godhede of Mercurie, that is cleped
Bo4 m3 18 the bridde of Arcadye, hath had merci of the
Bo4 m3 19 duc Ulixes, bysegid with diverse yveles,
Bo4 m3 20 and hath unbownden hym fro the pestilence
Bo4 m3 21 of his oostesse, algates the rowerys
Bo4 m3 22 and the maryneres hadden by this idrawen into
Bo4 m3 23 hir mouthes and dronken the wikkide drynkes.
Bo4 m3 24 Thei that weren woxen swyn hadden by this
Bo4 m3 25 ichaunged hir mete of breed for to eten akkornes
Bo4 m3 26 of ookes. Noon of hir lymes ne duelleth
Bo4 m3 27 with hem hool, but thei han lost the voys
Bo4 m3 28 and the body; oonly hir thought duelleth with
Bo4 m3 29 hem stable, that wepeth and bywayleth the
Bo4 m3 30 monstruous chaungynge that thei suffren.
Bo4 m3 31 O overlyght hand! (As who seith. O
Bo4 m3 32 feble and light is the hand of Circes the enchaunteresse,
Bo4 m3 33 that chaungith the bodyes of
Bo4 m3 34 folk into beestes, to regard and to comparysoun
Bo4 m3 35 of mutacioun that is makid by vices!)
Bo4 m3 36 Ne the herbes of Circes ne ben nat myghty.
Bo4 m3 37 For al be it so that thei mai chaungen the
Bo4 m3 38 lymes of the body, algates yit thei may nat
Bo4 m3 39 chaungen the hertes. For withinne is ihidd
Bo4 m3 40 the strengthe and the vygour of men, in the
Bo4 m3 41 secre tour of hir hertes, (that is to seyn, the
Bo4 m3 42 strengthe of resoun); but thilke venyms of vices
Bo4 m3 43 todrawen a man to hem more myghtely than
Bo4 m3 44 the venym of Circes. For vices ben so cruel
Bo4 m3 45 that they percen and thurw-passen the corage
Bo4 m3 46 withinne; and, thoughe thei ne anoye nat the
Bo4 m3 47 body, yit vices woden to destroyen men by
Bo4 m3 48 wounde of thought. "
Bo4 p4 1 Thanne seide I thus: " I confesse and am
Bo4 p4 2 aknowe it, " quod I, " ne I ne se nat that men
Bo4 p4 3 may seyn as by ryght that schrewes ne ben
Bo4 p4 4 chaunged into beestes by the qualite of hir
Bo4 p4 5 soules, al be it so that thei kepin yit the forme
Bo4 p4 6 of the body of mankynde. But I nolde nat of
Bo4 p4 7 schrewes, of whiche the thought crwel woodeth
Bo4 p4 8 alwey into destruccion of gode men, that
Bo4 p4 9 it were leveful to hem to don that. "
Bo4 p4 10 " Certes, " quod sche, " ne it is nat leveful
Bo4 p4 11 to hem, as I schal wel schewen the in covenable
Bo4 p4 12 place. But natheles, yif so were that
Bo4 p4 13 thilke that men wenen ben leveful to schrewes
Bo4 p4 14 were bynomyn hem, so that they ne myghte
Bo4 p4 15 nat anoyen or doon harm to gode men, certes
Bo4 p4 16 a gret partie of the peyne to schrewes scholde
Bo4 p4 17 ben alegged and releved. For al be it so that
Bo4 p4 18 this ne seme nat credible thing peraventure to
Bo4 p4 19 some folk, yit moot it nedes be that
Bo4 p4 20 schrewes ben more wrecches and unsely
Bo4 p4 21 whan thei mai doon and parforme that
Bo4 p4 22 thei coveyten, than yif thei ne myghte nat
Bo4 p4 23 acomplissen that thei coveiten. For yif so
Bo4 p4 24 be that it be wrecchidnesse to wilne to doon
Bo4 p4 25 yvel, thanne is it more wrecchidnesse to mowe
Bo4 p4 26 don yvel, withoute whiche mowynge the wrecchid
Bo4 p4 27 wil scholde langwisse withouten effect.
Bo4 p4 28 Thanne syn that everiche of thise thinges hath his
Bo4 p4 29 wrecchidnesse (that is to seyn, wil to don
Bo4 p4 30 ivel and mowynge to don yvel), it moot
Bo4 p4 31 nedes be that schrewes ben constreyned by
Bo4 p4 32 thre unselynesses, that wolen, and mowen, and
Bo4 p4 33 parformen felonyes and schrewednesses. "
Bo4 p4 34 " I acorde me, " quod I; " but I desire gretly
Bo4 p4 35 that schrewes losten sone thilke unselynesses,
Bo4 p4 36 that is to seyn, that schrewes weren despoyled
Bo4 p4 37 of mowynge to don yvel. "
Bo4 p4 38 " So schollen thei, " quod sche, " sonnere peraventure
Bo4 p4 39 than thou woldest, or sonnere
Bo4 p4 40 than they hemselve wene. For ther nis
Bo4 p4 41 nothing so late, in so schorte bowndes of
Bo4 p4 42 this lif, that is long to abyde, nameliche to a corage
Bo4 p4 43 immortel. Of whiche schrewes the grete
Bo4 p4 44 hope and the heye compassynges of schrewednesses
Bo4 p4 45 is ofte destroyed by a sodeyn ende, or
Bo4 p4 46 thei ben war; and that thing establisseth to
Bo4 p4 47 schrewes the ende of hir schrewednesse. For
Bo4 p4 48 yf that schrewednesse makith wrecches, than
Bo4 p4 49 mot he nedes ben moost wrecchide that
Bo4 p4 50 lengest is a schrewe. The whiche wikkide
Bo4 p4 51 schrewes wolde I demen althermost unsely
Bo4 p4 52 and kaytifs, yif that hir schrewednesse ne were
Bo4 p4 53 fynissched at the leste weye by the owtreste
Bo4 p4 54 deth; for yif I have concluded soth of the unselynesse
Bo4 p4 55 of schrewednesse, thanne schewith it
Bo4 p4 56 clerly that thilke wrecchidnesse is withouten
Bo4 p4 57 ende the whiche is certein to ben perdurable. "
Bo4 p4 58 " Certes, " quod I, " this conclusioun is hard and
Bo4 p4 59 wondirful to graunte; but I knowe wel
Bo4 p4 60 that it accordeth moche to the thinges that
Bo4 p4 61 I have grauntid herebiforn. "
Bo4 p4 62 " Thou hast, " quod sche, " the ryght estimacion
Bo4 p4 63 of this. But whosoevere wene that it be
Bo4 p4 64 an hard thing to accorde hym to a conclusioun,
Bo4 p4 65 it is ryght that he schewe that some
Bo4 p4 66 of the premysses ben false, or elles he mot
Bo4 p4 67 schewe that the collacioun of proposicions
Bo4 p4 68 nis nat spedful to a necessarie conclusioun;
Bo4 p4 69 and yif it ne be nat so, but that the premisses
Bo4 p4 70 ben ygraunted, ther nys nat why he
Bo4 p4 71 scholde blame the argument. For this thing
Bo4 p4 72 that I schal telle the now ne schal nat seme
Bo4 p4 73 lesse wondirful, but of the thingis that ben
Bo4 p4 74 taken also it is necessarie. " (As who seith, it
Bo4 p4 75 folweth of that which that is purposed byforn.)
Bo4 p4 77 " What is that? " quod I.
Bo4 p4 78 " Certes, " quod sche, " that is that thise wikkid
Bo4 p4 79 schrewes ben more blisful, or elles
Bo4 p4 80 lasse wrecches, that abyen the tormentz
Bo4 p4 81 that thei han desservid, than if no peyne of
Bo4 p4 82 justise ne chastisede hem. Ne this ne seie I
Bo4 p4 83 nat now for that any man myghte thinke that
Bo4 p4 84 the maneris of schrewes ben coriged and chastised
Bo4 p4 85 by vengeaunce and that thei ben brought
Bo4 p4 86 to the ryghte weye by the drede of the torment,
Bo4 p4 87 ne for that they yeven to other folk ensaumple
Bo4 p4 88 to fleen fro vices; but I undirstonde yit in another
Bo4 p4 89 manere that schrewes ben more unsely
Bo4 p4 90 whan thei ne ben nat punyssched, al
Bo4 p4 91 be it so that ther ne be hadde no resoun or
Bo4 p4 92 lawe of correccioun, ne noon ensample of
Bo4 p4 93 lokynge. "
Bo4 p4 94 " And what manere schal that be, " quod I,
Bo4 p4 95 " other than hath ben told herbyforn? "
Bo4 p4 96 " Have we nat thanne graunted, " quod sche,
Bo4 p4 97 " that good folk ben blisful and schrewes ben
Bo4 p4 98 wrecches? "
Bo4 p4 99 " Yis, " quod I.
Bo4 p4 100 " Thanne, " quod sche, " yif that any good
Bo4 p4 101 were added to the wrecchidnesse of any
Bo4 p4 102 wyght, nis he nat more blisful than he that
Bo4 p4 103 ne hath no medlynge of good in his solitarie
Bo4 p4 104 wrecchidnesse? "
Bo4 p4 105 " So semeth it, " quod I.
Bo4 p4 106 " And what seistow thanne, " quod sche, " of
Bo4 p4 107 thilke wrecche that lakketh alle goodes so that
Bo4 p4 108 no good nys medlyd in his wrecchidnesse,
Bo4 p4 109 and yit over al his wikkidnesse, for which
Bo4 p4 110 he is a wrecche, that ther be yit another
Bo4 p4 111 yvel anexed and knyt to hym -- schal nat
Bo4 p4 112 men demen hym more unsely thanne thilke
Bo4 p4 113 wrecche of whiche the unselynesse is relevid by
Bo4 p4 114 the participacioun of som good? "
Bo4 p4 115 " Why sholde he nat? " quod I.
Bo4 p4 116 " Thanne certes, " quod sche, " han schrewes,
Bo4 p4 117 whan thei ben punyschid, somwhat of good
Bo4 p4 118 anexid to hir wrecchidnesse (that is to seyn, the
Bo4 p4 119 same peyne that thei suffren, which that is
Bo4 p4 120 good by the resoun of justice); and whanne
Bo4 p4 121 thilke same schrewes ascapen withouten
Bo4 p4 122 torment, than han they somwhat more of yvel
Bo4 p4 123 yit over the wikkidnesse that thei han don, that
Bo4 p4 124 is to seyn, defaute of peyne, whiche defaute of
Bo4 p4 125 peyne thou hast grauntid is yvel for the disserte
Bo4 p4 126 of felonye? "
Bo4 p4 127 " I ne may nat denye it, " quod I.
Bo4 p4 128 " Moche more thanne, " quod sche, " ben
Bo4 p4 129 schrewes unsely whan thei ben wrongfully
Bo4 p4 130 delivred fro peyne, thanne whan thei
Bo4 p4 131 ben punyschid by ryghtful vengeaunce.
Bo4 p4 132 But this is opene thing and cleer, that it is ryght
Bo4 p4 133 that schrewes ben punyschid, and it is wikkidnesse
Bo4 p4 134 and wrong that thei escapen unpunyschid. "
Bo4 p4 136 " Who myghte denye that? " quod I.
Bo4 p4 137 " But, " quod sche, " may any man denye that
Bo4 p4 138 al that is ryght nis good, and also the contrarie,
Bo4 p4 139 that al that is wrong is wikke? "
Bo4 p4 140 " Certes, " quod I, " thise thinges ben
Bo4 p4 141 clere ynowe, and [folwen that] that we han
Bo4 p4 142 concluded a lytel herebyforn. But I preye the
Bo4 p4 143 that thow telle me, yif thow accordest to leten
Bo4 p4 144 no torment to the soules aftir that the body is
Bo4 p4 145 ended by the deeth? " (This to seyn, " Undirstondestow
Bo4 p4 146 aught that soules han any
Bo4 p4 147 torment aftir the deeth of the body? " )
Bo4 p4 148 " Certes, " quod sche, " ye, and that ryght
Bo4 p4 149 greet. Of whiche soules, " quod sche, " I
Bo4 p4 150 trowe that some ben tormented by asprenesse
Bo4 p4 151 of peyne, and some soules I trowe
Bo4 p4 152 ben excercised by a purgynge mekenesse; but
Bo4 p4 153 my conseil nys nat to determyne of thise peynes.
Bo4 p4 154 " But I have travailed and told yit hiderto for
Bo4 p4 155 thou scholdest knowe that the mowynge of
Bo4 p4 156 schrewes, whiche mowynge the semeth to ben
Bo4 p4 157 unworthy, nis no mowynge; and ek of schrewes,
Bo4 p4 158 of whiche thou pleynedest that they ne were nat
Bo4 p4 159 punysschid, that thow woldest seen that
Bo4 p4 160 thei ne were neveremo withouten the
Bo4 p4 161 tormentz of hir wikkidnesse; and of the
Bo4 p4 162 licence of mowynge to don yvel that thou
Bo4 p4 163 preyedest that it myghte sone ben ended, and
Bo4 p4 164 that thou woldest fayn lernen that it ne sholde
Bo4 p4 165 nat longe endure, and that schrewes ben more
Bo4 p4 166 unsely yif thei were of lengere durynge, and
Bo4 p4 167 most unsely yif thei weren perdurable. And aftir
Bo4 p4 168 this I have schewyd the that more unsely ben
Bo4 p4 169 schrewes whan thei escapen withouten hir
Bo4 p4 170 ryghtful peyne thanne whan thei ben
Bo4 p4 171 punyschid by ryghtful venjaunce; and of
Bo4 p4 172 this sentence folweth it that thanne ben schrewes
Bo4 p4 173 constreyned at the laste with most grevous
Bo4 p4 174 torment, whan men wene that thei ne ben nat
Bo4 p4 175 punyssched. "
Bo4 p4 176 " Whan I considere thi resouns, " quod I, " I ne
Bo4 p4 177 trowe nat that men seyn any thing more
Bo4 p4 178 verrayly. And yif I turne ayein to the studies of
Bo4 p4 179 men, who is he to whom it sholde seme that
Bo4 p4 180 he ne scholde nat oonly leven thise thinges,
Bo4 p4 181 but ek gladly herkne hem? "
Bo4 p4 182 " Certes, " quod sche, " so it es -- but men may
Bo4 p4 183 nat. For they have hir eien so wont to the
Bo4 p4 184 derknesse of erthly thinges that they ne may nat
Bo4 p4 185 lyften hem up to the light of cler sothfastnesse,
Bo4 p4 186 but thei ben lyk to briddes of whiche the nyght
Bo4 p4 187 lightneth hir lokynge and the day blendith hem.
Bo4 p4 188 For whan men loke nat the ordre of thinges, but
Bo4 p4 189 hir lustes and talentz, they wene that either
Bo4 p4 190 the leve or the mowynge to don wikkidnesse,
Bo4 p4 191 or elles the scapynge withouten
Bo4 p4 192 peyne be weleful.
Bo4 p4 193 " But considere the jugement of the perdurable
Bo4 p4 194 lawe. For yif thou conferme thi corage to the
Bo4 p4 195 beste thinges, thow ne hast noon nede of no juge
Bo4 p4 196 to yeven the prys or mede; for thow hast joyned
Bo4 p4 197 thiself to the most excellent thing. And yif thow
Bo4 p4 198 have enclyned thi studies to the wikkide thinges,
Bo4 p4 199 ne seek no foreyne wrekere out of thiself;
Bo4 p4 200 for thow thiself hast thrist thiself into wikke
Bo4 p4 201 thinges, ryght as thow myghtest loken by
Bo4 p4 202 diverse tymes the fowle erthe and the hevene,
Bo4 p4 203 and that alle othere thinges stynten fro withoute,
Bo4 p4 204 so that thow nere neyther in [hevene] ne in
Bo4 p4 205 erthe, ne saye no thyng more; thanne scholde it
Bo4 p4 206 semen to the as by oonly resoun of lokynge that
Bo4 p4 207 thow were now in the sterres, and now in the
Bo4 p4 208 erthe. But the peple ne loketh nat on these
Bo4 p4 209 thinges. What thanne? Schal we thanne
Bo4 p4 210 approchen us to hem that I have schewed
Bo4 p4 211 that thei ben lyke to beestes? And what
Bo4 p4 212 wyltow seyn of this: yif that a man hadde al
Bo4 p4 213 forlorn his syghte, and hadde foryeten that he
Bo4 p4 214 evere sawhe, and wende that no thing ne faylede
Bo4 p4 215 hym of perfeccioun of mankynde; now we that
Bo4 p4 216 myghten sen the same thinges -- wolde we nat
Bo4 p4 217 wene that he were blynd? Ne also ne accordeth
Bo4 p4 218 nat the peple to that I schal seyn, the whiche
Bo4 p4 219 thing is sustenyd by as stronge foundementz
Bo4 p4 220 of resouns, that is to seyn, that
Bo4 p4 221 more unsely ben they that doon wrong to
Bo4 p4 222 othere folk, than they that the wrong suffren. "
Bo4 p4 223 " I wolde here thilke same resouns, " quod I.
Bo4 p4 224 " Denyestow, " quod sche, " that alle schrewes
Bo4 p4 225 ne ben worthy to han torment? "
Bo4 p4 226 " Nay, " quod I.
Bo4 p4 227 " But, " quod sche, " I am certein by many
Bo4 p4 228 resouns that schrewes ben unsely. "
Bo4 p4 229 " It accordeth, " quod I.
Bo4 p4 230 " Thanne ne dowtestow nat, " quod sche,
Bo4 p4 231 " that thilke folk that ben worthy of
Bo4 p4 232 torment, that they ne ben wrecches? "
Bo4 p4 233 " It accordeth wel, " quod I.
Bo4 p4 234 " Yif thou were thanne iset a juge or a
Bo4 p4 235 knowere of thinges, whethir trowestow that men
Bo4 p4 236 scholden tormenten, hym that hath don the
Bo4 p4 237 wrong or elles hym that hath suffred the
Bo4 p4 238 wrong? "
Bo4 p4 239 " I ne doute nat, " quod I, " that I nolde
Bo4 p4 240 doon suffisaunt satisfaccioun to hym that
Bo4 p4 241 hadde suffrid the wrong, by the sorwe of
Bo4 p4 242 hym that hadde doon the wrong. "
Bo4 p4 243 " Thanne semeth it, " quod sche, " that the
Bo4 p4 244 doere of wrong is more wrecche than he that
Bo4 p4 245 hath suffride wrong? "
Bo4 p4 246 " That folweth wel, " quod I.
Bo4 p4 247 " Than, " quod sche, " by thise causes and by
Bo4 p4 248 othere causes that ben enforced by the same
Bo4 p4 249 roote, that filthe [of] synne be the propre
Bo4 p4 250 nature of it maketh men wrecches, [it]
Bo4 p4 251 scheweth wel that the wrong that men
Bo4 p4 252 doon nis nat the wrecchidnesse of hym that
Bo4 p4 253 resceyveth the wrong, but the wrecchidnesse of
Bo4 p4 254 hym that dooth the wrong. But certes, " quod
Bo4 p4 255 sche, " thise oratours or advocattes don al the
Bo4 p4 256 contrarie; for thei enforcen hem to commoeve
Bo4 p4 257 the juges to han pite of hem that han suffrid
Bo4 p4 258 and resceyved the thinges that ben grevous
Bo4 p4 259 and aspre, and yit men scholden more
Bo4 p4 260 ryghtfully han pite of hem that doon the
Bo4 p4 261 grevances and the wronges: the whiche
Bo4 p4 262 schrewes it were a more covenable thing that the
Bo4 p4 263 accusours or advocattes, nat wrooth but pytous
Bo4 p4 264 and debonayre, ledden tho schrewes that han
Bo4 p4 265 don wrong to the jugement ryght as men leden
Bo4 p4 266 syke folk to the leche, for that thei sholden seken
Bo4 p4 267 out the maladyes of synne by torment. And
Bo4 p4 268 by this covenant, eyther the entent of the
Bo4 p4 269 deffendours or advocatz sholde fayle and
Bo4 p4 270 cesen in al, or elles, yif the office of
Bo4 p4 271 advocatz wolde betre profiten to men, it
Bo4 p4 272 sholde be torned into the habyte of accusacioun.
Bo4 p4 273 (That is to seyn, thei scholden accuse
Bo4 p4 274 schrewes, and nat excusen hem.) And eek the
Bo4 p4 275 schrewes hemself, yif it were leveful to hem to
Bo4 p4 276 seen at any clifte the vertu that thei han forleten,
Bo4 p4 277 and sawen that they scholden putten adoun the
Bo4 p4 278 filthes of hir vices by the tormentz of peynes,
Bo4 p4 279 they ne aughten nat, ryght for the
Bo4 p4 280 recompensacioun for to geten hem bounte
Bo4 p4 281 and prowesse whiche that thei han lost,
Bo4 p4 282 demen ne holden that thilke peynes weren
Bo4 p4 283 tormentz to hem; and eek thei wolden refuse the
Bo4 p4 284 attendaunce of hir advocattz, and taken hemself
Bo4 p4 285 to hir juges and to hir accusours. For whiche it
Bo4 p4 286 betydeth that, as to the wise folk, ther nis no
Bo4 p4 287 place yleten to hate (that is to seyn, that hate
Bo4 p4 288 ne hath no place among wise men); for no
Bo4 p4 289 wyght nil haten gode men, but yif he were
Bo4 p4 290 overmochel a fool, and for to haten
Bo4 p4 291 schrewes it nis no resoun. For ryght so as
Bo4 p4 292 langwissynge is maladye of body, ryght so ben
Bo4 p4 293 vices and synne maladye of corage; and so as we
Bo4 p4 294 ne deme nat that they that ben sike of hir body
Bo4 p4 295 ben worthy to ben hated, but rather worthy of
Bo4 p4 296 pite; wel more worthy nat to ben hated, but
Bo4 p4 297 for to ben had in pite, ben thei of whiche
Bo4 p4 298 the thoughtes ben constreyned by felonous
Bo4 p4 299 wikkidnesse, that is more crwel than any
Bo4 p4 300 langwissynge of body.
Bo4 m4 1 " What deliteth yow to exciten so grete moevynges
Bo4 m4 2 of hatredes, and to hasten and bysien
Bo4 m4 3 the fatal disposicioun of your deth with your
Bo4 m4 4 propre handes (that is to seyn, by batayles or
Bo4 m4 5 contek)? For yif ye axen the deth, it hasteth
Bo4 m4 6 hym of his owene wil, ne deth ne taryeth nat
Bo4 m4 7 his swifte hors. And the men that the serpent,
Bo4 m4 8 and the lyoun, and the tigre, and the
Bo4 m4 9 bere, and the boor, seken to sleen with hir
Bo4 m4 10 teeth, yit thilke same men seken to sleen
Bo4 m4 11 everiche of hem oothir with swerd. Lo, for
Bo4 m4 12 hir maneres ben diverse and discordaunt, thei
Bo4 m4 13 moeven unryghtful oostes and cruel batayles,
Bo4 m4 14 and wilnen to perise by entrechaungynge of
Bo4 m4 15 dartes! But the resoun of cruelte nis nat inowhe
Bo4 m4 16 ryghtful. Wiltow thanne yelden a covenable
Bo4 m4 17 gerdoun to the dissertes of men? Love ryghtfully
Bo4 m4 18 good folk, and have pite on schrewes. "
Bo4 p5 1 " Thus se I wel, " quod I, " eyther what blisfulnesse
Bo4 p5 2 or elles what unselynesse is establisshid
Bo4 p5 3 in the dissertes of gode men and of
Bo4 p5 4 schrewes. But in this ilke fortune of peple I
Bo4 p5 5 se somwhat of good and somwhat of yvel. For
Bo4 p5 6 no wise man hath nat levere ben exiled, pore
Bo4 p5 7 and nedy and nameles, thanne for to duellen
Bo4 p5 8 in his cyte, and flouren of rychesses, and be
Bo4 p5 9 redowtable by honour and strong of power.
Bo4 p5 10 For in this wise more clerly and more witnesfully
Bo4 p5 11 is the office of wise men ytreted,
Bo4 p5 12 whanne the blisfulnesse and the pouste of
Bo4 p5 13 gouvernours is, as it ware, ischadde among peples
Bo4 p5 14 that ben neyghbors and subgitz; syn that
Bo4 p5 15 namely prisown, lawe, and thise othere tormentz
Bo4 p5 16 of laweful peynes ben rather owed to
Bo4 p5 17 felonus citezeins, for the whiche felonus citezeens
Bo4 p5 18 tho peynes ben establisschid than for
Bo4 p5 19 good folk.
Bo4 p5 20 " Thanne I merveile me gretly, " quod I,
Bo4 p5 21 " why that the thinges ben so mysentrechaunged
Bo4 p5 22 that tormentz of felonyes pressen and
Bo4 p5 23 confounden good folk, and schrewes ravysschen
Bo4 p5 24 medes of vertu and ben in honours
Bo4 p5 25 and in grete estatz; and I desire eek for to
Bo4 p5 26 witen of the what semeth the to be the resoun
Bo4 p5 27 of this so wrongful a confusioun; for I wolde
Bo4 p5 28 wondre wel the lasse, yif I trowede that alle
Bo4 p5 29 thise thinges weren medled by fortunows
Bo4 p5 30 hap. But now hepith and encreseth myn
Bo4 p5 31 astonyenge God, governour of thinges,
Bo4 p5 32 that, so as God yyveth ofte tymes to gode men
Bo4 p5 33 godes and myrthes, and to schrewes yvelis and
Bo4 p5 34 aspre thinges, and yeveth ayeinward to good
Bo4 p5 35 folk hardnesses, and to schrewes he graunteth
Bo4 p5 36 hem hir wil and that they desiren -- what difference
Bo4 p5 37 thanne may ther be bytwixen that that
Bo4 p5 38 God doth and the hap of fortune, yif men ne
Bo4 p5 39 knowe nat the cause why that it is? "
Bo4 p5 40 " Ne it nis no merveile, " quod sche,
Bo4 p5 41 " thowh that men wenen that ther be somwhat
Bo4 p5 42 foolisshe and confus, whan the resoun of
Bo4 p5 43 the ordre is unknowe. But although that thou
Bo4 p5 44 ne knowe nat the cause of so gret a disposicioun,
Bo4 p5 45 natheles for as moche as God, the gode
Bo4 p5 46 governour, atempreth and governeth the world,
Bo4 p5 47 ne doute the nat that alle thinges ne ben don
Bo4 p5 48 aryght.
Bo4 m5 1 " Whoso that ne knowe nat the sterres of
Bo4 m5 2 Arctour, ytorned neyghe to the sovereyne centre
Bo4 m5 3 or poynt (that is to seyn, ytorned neyghe to
Bo4 m5 4 the sovereyne pool of the firmament), and wot
Bo4 m5 5 nat why the sterre Boetes passeth or gadreth
Bo4 m5 6 his waynes and drencheth his late flaumbes in
Bo4 m5 7 the see; and whi that Boetes, the sterre, unfooldeth
Bo4 m5 8 hise overswifte arysynges, thanne schal
Bo4 m5 9 he wondryn of the lawe of the heie eyr.
Bo4 m5 10 And eek yif that he ne knowe nat why that
Bo4 m5 11 the hornes of the fulle mone waxen pale
Bo4 m5 12 and infect by bowndes of the derk nyght, and
Bo4 m5 13 how the mone derk and confus discovereth the
Bo4 m5 14 sterres that sche hadde covered by hir clere
Bo4 m5 15 vysage. The comune errour moeveth folk, and
Bo4 m5 16 [the Coribantes maken hir tabours sounen and
Bo4 m5 17 maken] weery hir basyns of bras by thikke
Bo4 m5 18 strokes. (That is to seyn, that ther is a maner
Bo4 m5 19 peple that hyghte Coribantes, that wenen
Bo4 m5 20 that whan the mone is in the eclips that
Bo4 m5 21 it be enchaunted, and therfore for to
Bo4 m5 22 rescowe the mone thei betyn hir basyns with
Bo4 m5 23 thikke strokes.) Ne no man ne wondreth
Bo4 m5 24 whanne the blastes of the wynd Chorus beten
Bo4 m5 25 the strondes of the see by quakynge floodes; ne
Bo4 m5 26 no man ne wondrith whan the weighte of the
Bo4 m5 27 snowh, ihardid by the cold, is resolvyd by the
Bo4 m5 28 brennynge hete of Phebus, the sonne; for her
Bo4 m5 29 seen men redily the causes. But [ther] the
Bo4 m5 30 causes yhidd (that is to seyn, in hevene)
Bo4 m5 31 trowblen the brestes of men. The
Bo4 m5 32 moevable peple is astoned of alle thinges that
Bo4 m5 33 comen seelde and sodeynly in our age; but yif
Bo4 m5 34 the trubly errour of our ignoraunce departed fro
Bo4 m5 35 us, so that we wisten the causes why that swiche
Bo4 m5 36 thinges bytyden, certes thei scholde cesen to
Bo4 m5 37 seme wondres. "
Bo4 p6 1 " Thus is it, " quod I. " But so as thou hast
Bo4 p6 2 yeven or byhyght me to unwrappen the hidde
Bo4 p6 3 causes of thinges, and to discovere me the
Bo4 p6 4 resouns covered with derknes, I preie the that
Bo4 p6 5 thou devyse and juge me of this matere, and
Bo4 p6 6 that thou do me to undirstonden it. For this
Bo4 p6 7 miracle or this wonder trowbleth me ryght
Bo4 p6 8 gretly. "
Bo4 p6 9 And thanne sche, a litelwhat smylinge,
Bo4 p6 10 seide: " Thou clepist me, " quod sche, " to
Bo4 p6 11 telle thing that is gretteste of alle thingis
Bo4 p6 12 that mowen ben axed, and to the whiche questioun
Bo4 p6 13 unethes is ther aught inowh to laven
Bo4 p6 14 it. (As who seith, unnethes is ther suffisauntly
Bo4 p6 15 any thing to answeren parfitly to thy questioun.)
Bo4 p6 16 For the matere of it is swich, that
Bo4 p6 17 whan o doute is determined and kut awey, ther
Bo4 p6 18 waxen othere doutes withoute nombre, ryght
Bo4 p6 19 as the hevedes wexen of Idre, the serpent
Bo4 p6 20 that Hercules slowh. Ne ther ne were no
Bo4 p6 21 manere ne noon ende, but if that a wyght
Bo4 p6 22 constreynede tho doutes by a ryght lifly and
Bo4 p6 23 quyk fir of thought (that is to seyn, by vigour
Bo4 p6 24 and strengthe of wit). For in this matere
Bo4 p6 25 men weren wont to maken questiouns of the
Bo4 p6 26 symplicite of the purveaunce of God, and of
Bo4 p6 27 the ordre of destyne, and of sodeyn hap, and
Bo4 p6 28 of the knowynge and predestinacioun devyne,
Bo4 p6 29 and of the liberte of fre wil; the whiche
Bo4 p6 30 thinges thou thiself aperceyvest wel of
Bo4 p6 31 what weighte thei ben. But for as moche
Bo4 p6 32 as the knowynge of thise thinges is a maner
Bo4 p6 33 porcioun of the medycyne to the, al be it so
Bo4 p6 34 that I have litil tyme to doon it, yit natheles
Bo4 p6 35 Y wol enforcen me to schewe somwhat of it.
Bo4 p6 36 But although the noryssynges of dite of musyk
Bo4 p6 37 deliteth the, thou most suffren and forberen a
Bo4 p6 38 litel of thilke delit, whil that I weve to the resouns
Bo4 p6 39 yknyt by ordre. "
Bo4 p6 40 " As it liketh to the, " quod I, " so do. "
Bo4 p6 41 Tho spak sche ryght as by another bygynnynge,
Bo4 p6 42 and seide thus: " The engendrynge
Bo4 p6 43 of alle thinges, " quod sche, " and alle the progressiouns
Bo4 p6 44 of muable nature, and al that moeveth
Bo4 p6 45 in any manere, taketh hise causes, his ordre,
Bo4 p6 46 and his formes, of the stablenesse of the devyne
Bo4 p6 47 thought. And thilke devyne thought that
Bo4 p6 48 is iset and put in the tour (that is to seyn, in
Bo4 p6 49 the heighte) of the simplicite of God, stablissith
Bo4 p6 50 many maner gises to thinges that ben
Bo4 p6 51 to done; the whiche manere whan that
Bo4 p6 52 men looken it in thilke pure clennesse of the
Bo4 p6 53 devyne intelligence, it is ycleped purveaunce;
Bo4 p6 54 but whanne thilke manere is referred by men
Bo4 p6 55 to thinges that it moeveth and disponyth, than
Bo4 p6 56 of olde men it was clepyd destyne. The whiche
Bo4 p6 57 thinges yif that any wyght loketh wel in his
Bo4 p6 58 thought the strengthe of that oon and of that
Bo4 p6 59 oothir, he schal lyghtly mowen seen that
Bo4 p6 60 thise two thinges ben dyvers. For purveaunce
Bo4 p6 61 is thilke devyne resoun that is establissed
Bo4 p6 62 in the sovereyn prince of thinges, the
Bo4 p6 63 whiche purveaunce disponith alle thinges; but,
Bo4 p6 64 certes, destyne is the disposicioun and ordenance
Bo4 p6 65 clyvynge to moevable thinges, by the
Bo4 p6 66 whiche disposicion the purveaunce knytteth
Bo4 p6 67 alle thingis in hir ordres; for purveaunce enbraceth
Bo4 p6 68 alle thinges to-hepe, althoghe that thei
Bo4 p6 69 ben diverse and although thei ben infinit.
Bo4 p6 70 But destyne, certes, departeth and ordeyneth
Bo4 p6 71 alle thinges singulerly and devyded in
Bo4 p6 72 moevynges in places, in formes, in tymes, as
Bo4 p6 73 thus: lat the unfoldynge of temporel ordenaunce,
Bo4 p6 74 assembled and oonyd in the lokynge
Bo4 p6 75 of the devyne thought, be cleped purveaunce,
Bo4 p6 76 and thilke same assemblynge and oonynge, devyded
Bo4 p6 77 and unfolden by tymes, lat that ben
Bo4 p6 78 called destyne.
Bo4 p6 79 " And al be it so that thise thinges ben
Bo4 p6 80 diverse, yit natheles hangeth that oon of
Bo4 p6 81 that oother; forwhi the ordre destynal
Bo4 p6 82 procedith of the simplicite of purveaunce. For
Bo4 p6 83 ryght as a werkman that aperceyveth in his
Bo4 p6 84 thought the forme of the thing that he wol make,
Bo4 p6 85 and moeveth the effect of the werk, and ledith
Bo4 p6 86 that he hadde lookid byforn in his thought
Bo4 p6 87 symplely and presently by temporel ordenaunce;
Bo4 p6 88 certes, ryght so God disponith in his
Bo4 p6 89 purveaunce singulerly and stablely the
Bo4 p6 90 thinges that ben to doone; but he
Bo4 p6 91 amynistreth in many maneris and in diverse
Bo4 p6 92 tymes by destyne thilke same thinges that he
Bo4 p6 93 hath disponyd. Thanne, whethir that destyne be
Bo4 p6 94 exercised outhir by some devyne spiritz,
Bo4 p6 95 servantz to the devyne purveaunce, or elles by
Bo4 p6 96 some soule, or elles by alle nature servynge to
Bo4 p6 97 God, or elles by the celestial moevynges of
Bo4 p6 98 sterres, or ellis by vertu of aungelis, or elles by
Bo4 p6 99 divers subtilite of develis, or elles by any of
Bo4 p6 100 hem, or elles by hem alle the destinal
Bo4 p6 101 ordenaunce is ywoven and acomplissid,
Bo4 p6 102 certes, it es opene thing that the purveaunce is
Bo4 p6 103 an unmoevable and symple forme of thinges
Bo4 p6 104 to doone, and the moevable bond and the
Bo4 p6 105 temporel ordenaunce of thinges whiche that the
Bo4 p6 106 devyne symplicite of purveaunce hath ordeyned
Bo4 p6 107 to doone, that is destyne.
Bo4 p6 108 " For whiche it is that alle thinges that ben
Bo4 p6 109 put undir destyne ben certes subgitz to
Bo4 p6 110 purveaunce, to whiche purveaunce destyne
Bo4 p6 111 itself is subgit and under. But some thinges
Bo4 p6 112 ben put undir purveaunce, that sourmounten
Bo4 p6 113 the ordenance of destyne; and tho ben thilke
Bo4 p6 114 that stablely ben ifycchid neyghe to the first
Bo4 p6 115 godhede. They surmounten the ordre of
Bo4 p6 116 destynal moevablete. For ryght as of cerklis that
Bo4 p6 117 tornen aboute a same centre or aboute a poynt,
Bo4 p6 118 thilke cerkle that is innerest or most withinne
Bo4 p6 119 joyneth to the symplesse of the myddle,
Bo4 p6 120 and is, as it were, a centre or a poynt to the
Bo4 p6 121 tothere cerklis that tornen abouten hym;
Bo4 p6 122 and thilke that is utterest, compased by a largere
Bo4 p6 123 envyrownynge, is unfolden by largere spaces in
Bo4 p6 124 so moche as it is ferthest fro the myddel
Bo4 p6 125 symplicite of the poynt; and yif ther be any thing
Bo4 p6 126 that knytteth and felawschipeth hymself to thilke
Bo4 p6 127 myddel poynt, it is constreyned into simplicite
Bo4 p6 128 (that is to seyn, into unmoevablete), and it
Bo4 p6 129 ceseth to ben schad and to fleten diversely;
Bo4 p6 130 ryght so, by semblable reson, thilke thing
Bo4 p6 131 that departeth ferrest fro the firste thought
Bo4 p6 132 of God, it is unfolden and summittid to grettere
Bo4 p6 133 bondes of destyne; and in so moche is the thing
Bo4 p6 134 more fre and laus fro destyne, as it axeth and
Bo4 p6 135 hooldeth hym neer to thilke centre of thinges
Bo4 p6 136 (that is to seyn, to God); and yif the thing
Bo4 p6 137 clyveth to the stedfastnesse of the thought of
Bo4 p6 138 God and be withoute moevynge, certes it
Bo4 p6 139 surmounteth the necessite of destyne.
Bo4 p6 140 Thanne ryght swich comparysoun as is of
Bo4 p6 141 skillynge to undirstondyng, and of thing
Bo4 p6 142 that ys engendrid to thing that is, and of tyme to
Bo4 p6 143 eternite, and of the cercle to the centre; ryght so
Bo4 p6 144 is the ordre of moevable destyne to the stable
Bo4 p6 145 symplicite of purveaunce.
Bo4 p6 146 " Thilke ordenaunce moveth the hevene and
Bo4 p6 147 the sterres, and atemprith the elementz togidre
Bo4 p6 148 amonges hemself, and transformeth hem by
Bo4 p6 149 entrechaungeable mutacioun. And thilke
Bo4 p6 150 same ordre neweth ayein alle thinges
Bo4 p6 151 growynge and fallynge adoun, by semblable
Bo4 p6 152 progressions of sedes and of sexes (that
Bo4 p6 153 is to seyn, male and femele). And this ilke
Bo4 p6 154 ordre constreyneth the fortunes and the dedes of
Bo4 p6 155 men by a bond of causes nat able to ben
Bo4 p6 156 unbownde; the whiche destynal causes, whan
Bo4 p6 157 thei passen out fro the bygynnynges of the
Bo4 p6 158 unmoevable purveaunce, it moot nedes be that
Bo4 p6 159 thei ne be nat mutable. And thus ben the
Bo4 p6 160 thinges ful wel igoverned yif that the
Bo4 p6 161 symplicite duellynge in the devyne thoght
Bo4 p6 162 scheweth forth the ordre of causes unable to ben
Bo4 p6 163 ibowed. And this ordre constreyneth by his
Bo4 p6 164 propre stablete the moevable thingis, or elles
Bo4 p6 165 thei scholden fleten folyly.
Bo4 p6 166 " For whiche it es that alle thingis semen to
Bo4 p6 167 ben confus and trouble to us men, for we ne
Bo4 p6 168 mowen nat considere thilke ordenaunce.
Bo4 p6 169 Natheles the propre maner of every thing,
Bo4 p6 170 dressynge hem to gode, disponith hem alle,
Bo4 p6 171 for ther nys no thing doon for cause of yvel,
Bo4 p6 172 ne thilk thing that is doon by wikkid folk nys nat
Bo4 p6 173 doon for yvel, the whiche schrewes, as I have
Bo4 p6 174 schewed ful plentyvously, seken good, but
Bo4 p6 175 wikkid errour mystorneth hem; ne the ordre
Bo4 p6 176 comynge fro the poynt of sovereyn good ne
Bo4 p6 177 declyneth nat fro his bygynnynge.
Bo4 p6 178 " But thou mayst seyn, `What unreste may ben
Bo4 p6 179 a worse confusioun than that gode men
Bo4 p6 180 han somtyme adversite and somtyme
Bo4 p6 181 prosperite, and schrewes also han now
Bo4 p6 182 thingis that they desiren and now thinges that
Bo4 p6 183 thei haten?' Whethir men lyven now in swich
Bo4 p6 184 holnesse of thought (as who seith, ben men now
Bo4 p6 185 so wyse) that swiche folk as thei demen to ben
Bo4 p6 186 gode folk or schrewes, that it moste nedes ben
Bo4 p6 187 that folk ben swiche as thei wenen? But in this
Bo4 p6 188 manere the domes of men discorden, that thilke
Bo4 p6 189 men that som folk demen worthy of mede,
Bo4 p6 190 other folk demen hem worthy of torment.
Bo4 p6 191 But lat us graunten, I pose, that som man
Bo4 p6 192 may wel demen or knowen the good folk and
Bo4 p6 193 the badde; may he thanne knowen and seen
Bo4 p6 194 thilke innereste atempraunce of corages as it
Bo4 p6 195 hath ben wont to ben seyd of bodyes? (As who
Bo4 p6 196 seith, may a man speken and determinen of
Bo4 p6 197 atempraunce in corages, as men were wont to
Bo4 p6 198 demen or speken of complexions and atempraunces
Bo4 p6 199 of bodies?) Ne it ne is nat an
Bo4 p6 200 unlike miracle to hem that ne knowen it nat
Bo4 p6 201 (as who seith, but it is lik a mervayle or
Bo4 p6 202 miracle to hem that ne knowen it nat) whi
Bo4 p6 203 that swete thinges ben covenable to some bodies
Bo4 p6 204 that ben hole, and to some bodies byttere
Bo4 p6 205 thinges ben covenable; and also why that some
Bo4 p6 206 syk folk ben holpen with lyghte medicynes, and
Bo4 p6 207 some folk ben holpen with sharpe medicynes.
Bo4 p6 208 But natheles the leche, that knoweth the manere
Bo4 p6 209 and the atempraunce of hele and of
Bo4 p6 210 maladye, ne merveyleth of it nothyng. But
Bo4 p6 211 what othir thing semeth hele of corages but
Bo4 p6 212 bounte and prowesse? And what othir thing
Bo4 p6 213 semeth maladye of corages but vices? Who is
Bo4 p6 214 elles kepere of good or dryvere awey of yvel but
Bo4 p6 215 God, governour and lechere of thoughtes? The
Bo4 p6 216 whiche God, whan he hath byholden from the
Bo4 p6 217 hye tour of his purveaunce, he knoweth what is
Bo4 p6 218 covenable to every wight, and lenyth hem that
Bo4 p6 219 he woot that is covenable to hem. Lo, herof
Bo4 p6 220 comyth and herof is don this noble miracle
Bo4 p6 221 of the ordre destynal, whan God, that al
Bo4 p6 222 knoweth, dooth swiche thing, of whiche thing
Bo4 p6 223 unknowynge folk ben astonyd.
Bo4 p6 224 " But for to constreyne (as who seith, but for
Bo4 p6 225 to comprehende and to telle) a fewe thingis of
Bo4 p6 226 the devyne depnesse the whiche that mannys
Bo4 p6 227 resoun may undirstonde, thilke man that thow
Bo4 p6 228 wenest to ben ryght just and ryght kepynge of
Bo4 p6 229 equite, the contrarie of that semeth to the
Bo4 p6 230 devyne purveaunce, that al woot. And
Bo4 p6 231 Lucan, my famylier, telleth that the
Bo4 p6 232 victorious cause likide to the goddes, and the
Bo4 p6 233 cause overcomen likide to Catoun. Thanne
Bo4 p6 234 whatsoevere thou mayst seen that is doon in this
Bo4 p6 235 world unhopid or unwened, certes it es the
Bo4 p6 236 ryghte ordre of thinges, but as to thi wikkid
Bo4 p6 237 opynioun it is a confusioun. But I suppose that
Bo4 p6 238 som man be so wel ithewed that the devyne
Bo4 p6 239 jugement and the jugement of mankynde
Bo4 p6 240 accorden hem togidre of hym; but he is so
Bo4 p6 241 unstidfast of corage that, yif any adversite
Bo4 p6 242 come to hym, he wol forleten peraventure to
Bo4 p6 243 continue innocence by the whiche he ne may
Bo4 p6 244 nat withholden fortune. Thanne the wise
Bo4 p6 245 dispensacion of God sparith hym, the whiche
Bo4 p6 246 man adversite myghte enpeyren; for that God
Bo4 p6 247 wol nat suffren hym to travaile to whom that
Bo4 p6 248 travaile nis nat covenable. Anothir man is parfit
Bo4 p6 249 in alle vertus, and is an holi man and neigh
Bo4 p6 250 to God, so that the purveaunce of God
Bo4 p6 251 wolde deme that it were a felonie that he
Bo4 p6 252 were touched with any adversites; so that he wol
Bo4 p6 253 nat suffre that swich a man be moeved with any
Bo4 p6 254 bodily maladye. But so as seyde a philosophre,
Bo4 p6 255 the more excellent by me -- he seyde in Grec
Bo4 p6 256 that `vertues han edified the body of the holi
Bo4 p6 257 man.'
Bo4 p6 258 " And ofte tyme it betydeth that the somme of
Bo4 p6 259 thingis that ben to done is taken to governe
Bo4 p6 260 to good folk, for that the malice
Bo4 p6 261 haboundaunt of schrewes scholde ben
Bo4 p6 262 abated. And God yeveth and departeth to other
Bo4 p6 263 folk prosperites and adversites imedled to-hepe
Bo4 p6 264 aftir the qualite of hir corages, and remordith
Bo4 p6 265 some folk by adversite, for thei ne scholden nat
Bo4 p6 266 waxen proude by long welefulnesse; and other
Bo4 p6 267 folk he suffreth to ben travailed with harde
Bo4 p6 268 thinges for that thei scholden confermen the
Bo4 p6 269 vertues of corage by the usage and the
Bo4 p6 270 exercitacioun of pacience. And other folk
Bo4 p6 271 dreden more than thei oughten the whiche
Bo4 p6 272 thei myghte wel beren, and thilke folk God
Bo4 p6 273 ledeth into experience of hemself by aspre and
Bo4 p6 274 sorweful thingis. And many other folk han
Bo4 p6 275 bought honourable renoun of this world by the
Bo4 p6 276 prys of glorious deth; and som men, that ne
Bo4 p6 277 mowen nat ben overcomen by torment, han
Bo4 p6 278 yeven ensample to other folk that vertu mai nat
Bo4 p6 279 ben overcomyn by adversites. And of alle
Bo4 p6 280 thise thinges ther nis no doute that thei ne
Bo4 p6 281 ben doon ryghtfully and ordeynly, to the
Bo4 p6 282 profit of hem to whom we seen thise thingis
Bo4 p6 283 betyde.
Bo4 p6 284 " For certes, that adversite cometh somtyme to
Bo4 p6 285 schrewes and somtyme that that they desiren, it
Bo4 p6 286 comith of thise forseyde causes. And of sorweful
Bo4 p6 287 thinges that betyden to schrewes, certes, no man
Bo4 p6 288 ne wondreth. for alle men wenen that thei han
Bo4 p6 289 wel desservid it, and that thei ben of wykkid
Bo4 p6 290 meryt. Of whiche schrewes the torment
Bo4 p6 291 somtyme agasteth othere to don felonyes,
Bo4 p6 292 and somtyme it amendeth hem that suffren the
Bo4 p6 293 tormentz; and the prosperite that is yeven to
Bo4 p6 294 schrewes scheweth a gret argument to good
Bo4 p6 295 folk what thing thei scholde demen of thilke
Bo4 p6 296 welefulnesse, the whiche prosperite men seen
Bo4 p6 297 ofte serven to schrewes. In the whiche thing I
Bo4 p6 298 trowe that God dispenseth. For peraventure the
Bo4 p6 299 nature of som man is so overthrowynge to
Bo4 p6 300 yvel, and so uncovenable, that the nedy
Bo4 p6 301 poverte of his houshold myghte rather
Bo4 p6 302 egren hym to don felonyes; and to the maladye
Bo4 p6 303 of hym God putteth remedye to yeven hym
Bo4 p6 304 rychesses. And som othir man byholdeth his
Bo4 p6 305 conscience defouled with synnes, and makith
Bo4 p6 306 comparysoun of his fortune and of hymself, and
Bo4 p6 307 dredith peraventure that his blisfulnesse, of
Bo4 p6 308 whiche the usage is joyeful to hym, that the
Bo4 p6 309 lesynge of thilke blisfulnesse ne be nat
Bo4 p6 310 sorwful to hym; and therfore he wol
Bo4 p6 311 chaunge his maneris, and, for he dredith to
Bo4 p6 312 lesen his fortune, he forletith his wikkidnesse.
Bo4 p6 313 To other folke is welefulnesse iyeven unworthely,
Bo4 p6 314 the whiche overthroweth hem into
Bo4 p6 315 destruccioun, that thei han disservid; and to som
Bo4 p6 316 othir folk is yeven power to punysshen, for
Bo4 p6 317 that it schal be cause of contynuacioun and
Bo4 p6 318 exercisynge to good folk, and cause of torment
Bo4 p6 319 to schrewes. For so as ther nis noon
Bo4 p6 320 alliaunce bytwixe good folk and schrewes,
Bo4 p6 321 ne schrewes ne mowen nat acorden among
Bo4 p6 322 hemself. And whi nat? For schrewes discorden
Bo4 p6 323 of hemself by hir vices, the whiche vices al
Bo4 p6 324 toreenden her consciences, and doon ofte time
Bo4 p6 325 thinges the whiche thingis, whan thei han doon
Bo4 p6 326 hem, they demen that tho thinges ne scholden
Bo4 p6 327 nat han ben doon.
Bo4 p6 328 " For whiche thing thilke sovereyne purveaunce
Bo4 p6 329 hath makid ofte tyme fair
Bo4 p6 330 myracle, so that schrewes han makid
Bo4 p6 331 schrewes to ben gode men. For whan that
Bo4 p6 332 some schrewes seen that they suffren wrongfully
Bo4 p6 333 felonyes of othere schrewes, they wexen
Bo4 p6 334 eschaufed into hate of hem that anoyed hem,
Bo4 p6 335 and retornen to the fruyt of vertu, whan thei
Bo4 p6 336 studien to ben unlyke to hem that thei han hated.
Bo4 p6 337 Certis oonly this is the devyne myght to the
Bo4 p6 338 whiche myghte yvelis ben thanne gode whan it
Bo4 p6 339 useth the yvelis covenably and draweth out
Bo4 p6 340 the effect of any good. (As who seith that
Bo4 p6 341 yvel is good only to the myghte of God, for
Bo4 p6 342 the myght of God ordeyneth thilke yvel to
Bo4 p6 343 good.)
Bo4 p6 344 " For oon ordre enbraseth alle thinges, so that
Bo4 p6 345 what wyght that departeth fro the resoun of
Bo4 p6 346 thilke ordre whiche that is assigned to hym,
Bo4 p6 347 algatis yit he slideth into an othir ordre; so that
Bo4 p6 348 no thing nis leveful to folye in the reaume of the
Bo4 p6 349 devyne purveaunce (as who seith, no
Bo4 p6 350 thing nis withouten ordenaunce in the
Bo4 p6 351 reame of the devyne purveaunce), syn that
Bo4 p6 352 the ryght strong God governeth alle thinges in
Bo4 p6 353 this world. For it nis nat leveful to man to
Bo4 p6 354 comprehenden by wit, ne unfolden by word,
Bo4 p6 355 alle the subtil ordenaunces and disposiciounis of
Bo4 p6 356 the devyne entente. For oonly it owghte suffise
Bo4 p6 357 to han lokid that God hymself, makere of alle
Bo4 p6 358 natures, ordeineth and dresseth alle thingis to
Bo4 p6 359 gode; whil that he hasteth to withholden
Bo4 p6 360 the thingis that he hath makid into his
Bo4 p6 361 semblaunce (that is to seyn, for to withholden
Bo4 p6 362 thingis into gode, for he hymself is
Bo4 p6 363 good), he chasith out alle yvel fro the boundes
Bo4 p6 364 of his comynalite by the ordre of necessite
Bo4 p6 365 destinable. For whiche it folweth that, yif thou
Bo4 p6 366 loke the purveaunce ordeynynge the thinges
Bo4 p6 367 that men wenen ben outraious or haboundaunt
Bo4 p6 368 in erthis, thou ne schalt nat seen in no place no
Bo4 p6 369 thing of yvel.
Bo4 p6 370 " But I se now that thou art charged with
Bo4 p6 371 the weyghte of the questioun, and wery
Bo4 p6 372 with the lengthe of my resoun, and that thou
Bo4 p6 373 abydest som swetnesse of songe. Tak thanne this
Bo4 p6 374 drawght, and, whanne thou art wel reffressched
Bo4 p6 375 and refect, thou schalt be more stedfast to stye
Bo4 p6 376 into heyere questions or thinges.
Bo4 m6 1 " Yif thou, wys, wilt demen in thi pure thought
Bo4 m6 2 the ryghtes or the lawes of the heye thondrere
Bo4 m6 3 (that is to seyn, of God), loke thou and byhoold
Bo4 m6 4 the heightes of the sovereyn hevene.
Bo4 m6 5 Ther kepin the sterres, be ryghtful alliaunce of
Bo4 m6 6 thinges, hir oolde pees. The sonne, imoevid by
Bo4 m6 7 his rody fyr, ne distorbeth nat the colde cercle
Bo4 m6 8 of the mone. Ne the sterre yclepid the Bere,
Bo4 m6 9 that enclyneth his ravysschynge coursis
Bo4 m6 10 abowte the sovereyn heighte of the world
Bo4 m6 11 -- ne the same sterre Ursa nis nevere mo
Bo4 m6 12 wasschen in the depe westrene see, ne coveyteth
Bo4 m6 13 nat to deeyen his flaumbes in the see
Bo4 m6 14 of the Occian, although it see othere sterres
Bo4 m6 15 iplowngid in the see. And Hesperus the sterre
Bo4 m6 16 bodith and telleth alwey the late nyghtes, and
Bo4 m6 17 Lucyfer the sterre bryngeth ayein the clere
Bo4 m6 18 day.
Bo4 m6 19 " And thus maketh Love entrechaungeable
Bo4 m6 20 the perdurable courses; and thus is discordable
Bo4 m6 21 bataile yput out of the contre of
Bo4 m6 22 the sterres. This accordaunce atempryth by evenelyke
Bo4 m6 23 maneres the elementz, that the moiste
Bo4 m6 24 thingis, stryvynge with the drye thingis, yeven
Bo4 m6 25 place by stoundes; and that the colde thingis
Bo4 m6 26 joynen hem by feyth to the hote thingis; and
Bo4 m6 27 that the lyghte fyr ariseth into heighte, and
Bo4 m6 28 the hevy erthes avalen by her weyghtes. By
Bo4 m6 29 thise same causes the floury yer yeldeth
Bo4 m6 30 swote smelles in the first somer sesoun
Bo4 m6 31 warmynge; and the hote somer dryeth the
Bo4 m6 32 cornes; and autumpne comith ayein hevy of
Bo4 m6 33 apples; and the fletyng reyn bydeweth the
Bo4 m6 34 wynter. This atempraunce norysscheth and
Bo4 m6 35 bryngeth forth alle thinges that brethith lif
Bo4 m6 36 in this world; and thilke same attempraunce,
Bo4 m6 37 ravysschynge, hideth and bynymeth, and
Bo4 m6 38 drencheth undir the laste deth, alle thinges
Bo4 m6 39 iborn.
Bo4 m6 40 " Among thise thinges sitteth the heye
Bo4 m6 41 makere, kyng and lord, welle and bygynnynge,
Bo4 m6 42 lawe and wys juge to don equite, and
Bo4 m6 43 governeth and enclyneth the brydles of thinges.
Bo4 m6 44 And tho thinges that he stireth to gon by
Bo4 m6 45 moevynge, he withdraweth and aresteth, and
Bo4 m6 46 affermeth the moevable or wandrynge thinges.
Bo4 m6 47 For yif that he ne clepide nat ayein the ryght
Bo4 m6 48 goynge of thinges, and yif that he ne constreynede
Bo4 m6 49 hem nat eftsones into roundnesses
Bo4 m6 50 enclyned, the thinges that ben now
Bo4 m6 51 contynued by stable ordenaunce, thei scholden
Bo4 m6 52 departen from hir welle (that is to seyn,
Bo4 m6 53 from hir bygynnynge), and failen (that is to
Bo4 m6 54 seyn, tornen into noght). This is the comune
Bo4 m6 55 love to alle thingis, and alle thinges axen to ben
Bo4 m6 56 holden by the fyn of good. For elles ne
Bo4 m6 57 myghten they nat lasten yif thei ne comen nat
Bo4 m6 58 eftsones ayein, by love retorned, to the cause
Bo4 m6 59 that hath yeven hem beinge (that is to
Bo4 m6 60 seyn, to God).
Bo4 p7 1 " Sestow nat thanne what thing folweth alle
Bo4 p7 2 the thingis that I have seyd? "
Bo4 p7 3 " What thing? " quod I.
Bo4 p7 4 " Certes, " quod sche, " al outrely that alle fortune
Bo4 p7 5 is good. "
Bo4 p7 6 " And how may that be? " quod I.
Bo4 p7 7 " Now undirstand, " quod sche. " So as al fortune,
Bo4 p7 8 whethir so it be joyeful fortune or aspre
Bo4 p7 9 fortune, is yeven eyther by cause of gerdonynge
Bo4 p7 10 or elles of exercisynge of good
Bo4 p7 11 folk or elles by cause to punysschen or elles
Bo4 p7 12 chastisen schrewes; thanne is alle fortune good,
Bo4 p7 13 the whiche fortune is certeyn that it be either
Bo4 p7 14 ryghtful or elles profitable. "
Bo4 p7 15 " Forsothe this is a ful verray resoun, " quod
Bo4 p7 16 I; " and yif I considere the purveaunce and the
Bo4 p7 17 destyne that thou taughtest me a litel herebyforn
Bo4 p7 18 this sentence is sustenyd by stedfast
Bo4 p7 19 resouns. But yif it like unto the, lat us
Bo4 p7 20 nombren [hyt] amonges thilke thingis, of
Bo4 p7 21 whiche thow seydest a litel herebyforn that
Bo4 p7 22 thei ne were nat able to ben wened to the
Bo4 p7 23 peple. "
Bo4 p7 24 " Why so? " quod sche.
Bo4 p7 25 " For that the comune word of men, " quod I,
Bo4 p7 26 " mysuseth this manere speche of fortune, and
Bo4 p7 27 seyn ofte tymes that the fortune of som wyght
Bo4 p7 28 is wikkid. "
Bo4 p7 29 " Woltow thanne, " quod sche, " that I approche
Bo4 p7 30 a litil to the wordis of the peple,
Bo4 p7 31 so that it seme nat to hem that I be overmoche
Bo4 p7 32 departed as fro the usage of mankynde? "
Bo4 p7 33 " As thou wilt, " quod I.
Bo4 p7 34 " Demestow nat, " quod sche, " that alle thing
Bo4 p7 35 that profiteth is good? "
Bo4 p7 36 " Yis, " quod I.
Bo4 p7 37 " And certes thilke thing that exerciseth or
Bo4 p7 38 corrigith profitith? "
Bo4 p7 39 " I confesse it wel, " quod I.
Bo4 p7 40 " Thanne is it good, " quod sche.
Bo4 p7 41 " Why nat? " quod I.
Bo4 p7 42 " But this is the fortune, " quod sche, " of hem
Bo4 p7 43 that eyther ben put in vertu and batayllen
Bo4 p7 44 ayein aspre thingis, or elles of hem that eschuen
Bo4 p7 45 and declynen fro vices and taken the
Bo4 p7 46 weye of vertu. "
Bo4 p7 47 " This ne mai I nat denye, " quod I.
Bo4 p7 48 " But what seistow of the merye fortune that
Bo4 p7 49 is yeven to good folk in gerdoun -- demeth
Bo4 p7 50 aught the peple that it is wikkid? "
Bo4 p7 51 " Nay forsothe, " quod I; " but thei
Bo4 p7 52 demen, as it soth is, that it is ryght good. "
Bo4 p7 53 " And what seistow of that othir fortune, "
Bo4 p7 54 quod sche, " that, although it be aspre and
Bo4 p7 55 restreyneth the schrewes by ryghtful torment,
Bo4 p7 56 weneth aught the peple that it be good? "
Bo4 p7 57 " Nay, " quod I, " but the peple demeth that
Bo4 p7 58 it is moost wrecchid of alle thingis that mai
Bo4 p7 59 ben thought. "
Bo4 p7 60 " War now and loke wel, " quod sche,
Bo4 p7 61 " lest that we, in folwynge the opynioun of
Bo4 p7 62 the peple, have confessid and concluded thing
Bo4 p7 63 that is unable to be wened to the peple. "
Bo4 p7 64 " What is that? " quod I.
Bo4 p7 65 " Certis, " quod sche, " it folweth or comith of
Bo4 p7 66 thingis that ben grauntid that alle fortune, what
Bo4 p7 67 so evere it be, of hem that ben eyther in possessioun
Bo4 p7 68 of vertu, or in the encres of vertu, or
Bo4 p7 69 elles in the purchasynge of vertu, that thilke
Bo4 p7 70 fortune is good; and that alle fortune is
Bo4 p7 71 ryght wikkid to hem that duellen in
Bo4 p7 72 schrewidnesse. " (As who seith. " And thus
Bo4 p7 73 weneth nat the peple. " )
Bo4 p7 74 " That is soth, " quod I, " al be it so that no
Bo4 p7 75 man dar confessen it ne byknowen it. "
Bo4 p7 76 " Whi so? " quod sche; " for ryght as the
Bo4 p7 77 stronge man ne semeth nat to abaissen or disdaignen
Bo4 p7 78 as ofte tyme as he herith the noyse
Bo4 p7 79 of the bataile, ne also it ne semeth nat to
Bo4 p7 80 the wise man to beren it grevously as ofte
Bo4 p7 81 as he is lad into the stryf of fortune. For,
Bo4 p7 82 bothe to the to man and eek to the tothir thilke
Bo4 p7 83 difficulte is the matere, to the to man of encres
Bo4 p7 84 of his glorious renoun, and to the tothir man
Bo4 p7 85 to confermen his sapience (that is to seyn, to the
Bo4 p7 86 asprenesse of his estat). For therfore it is
Bo4 p7 87 called `vertu,' for that it sustenith and enforceth
Bo4 p7 88 by hise strengthes that it nis nat overcomen by
Bo4 p7 89 adversites. Ne certes thou, that art put in
Bo4 p7 90 the encres or in the heyghte of vertu, ne
Bo4 p7 91 hast nat comen to fleten with delices, and
Bo4 p7 92 for to welken in bodily lust; thou sowest or
Bo4 p7 93 plawntest a ful egre bataile in thy corage ayeins
Bo4 p7 94 every fortune, for that the sorwful fortune ne
Bo4 p7 95 confownde the nat, ne that the myrie fortune
Bo4 p7 96 ne corrumpe the nat. Ocupye the mene by stidefast
Bo4 p7 97 strengthes; for al that evere is undir the
Bo4 p7 98 mene, or elles al that overpasseth the mene,
Bo4 p7 99 despyseth welefulnesse (as who seith, it
Bo4 p7 100 is vycious), and ne hath no mede of his
Bo4 p7 101 travaile. For it is set in your hand (as who
Bo4 p7 102 seith, it lyth in your power) what fortune yow
Bo4 p7 103 is levest (that is to seyn, good or yvel). For
Bo4 p7 104 alle fortune that semeth scharp or aspre, yif it
Bo4 p7 105 ne exercise nat the good folk ne chastiseth the
Bo4 p7 106 wikkide folk, it punysseth.
Bo4 m7 1 " The wrekere Attrides (that is to seyn, Agamenon),
Bo4 m7 2 that wrought and contynued the batailes
Bo4 m7 3 by ten yer, recovered and purgide in
Bo4 m7 4 wrekynge, by the destruccioun of Troye, the
Bo4 m7 5 loste chaumbris of mariage of his brothir.
Bo4 m7 6 (That is to seyn, that he, Agamenon, wan ayein
Bo4 m7 7 Eleyne that was Menelaus wif his brothir.)
Bo4 m7 8 In the mene while that thilke Agamenon desirede
Bo4 m7 9 to yeven sayles to the Grykkyssche
Bo4 m7 10 naveye, and boughte ayein the wyndes by
Bo4 m7 11 blood, he unclothide hym of pite of fadir;
Bo4 m7 12 and the sory preest yeveth in sacrifyenge the
Bo4 m7 13 wrecchide kuttynge of throte of the doughter.
Bo4 m7 14 (That is to seyn that Agamenon leet kutten the
Bo4 m7 15 throte of his doughter by the preest, to maken
Bo4 m7 16 alliaunce with his goddes and for to han wynd
Bo4 m7 17 with whiche he myghte wenden to Troye.)
Bo4 m7 18 " Ytakus (that is to seyn, Ulixes) bywepte his
Bo4 m7 19 felawes ilorne, the whiche felawes the
Bo4 m7 20 fyerse Poliphemus, ligginge in his grete cave,
Bo4 m7 21 had fretyn and dreynt in his empty wombe.
Bo4 m7 22 But natheles Poliphemus, wood for his blynde
Bo4 m7 23 visage, yald to Ulixes joye by his sorwful
Bo4 m7 24 teres. (This to seyn, that Ulixes smoot out the
Bo4 m7 25 eye of Poliphemus, that stood in his forheed,
Bo4 m7 26 for whiche Ulixes hadde joye whan he say Poliphemus
Bo4 m7 27 wepynge and blynd).
Bo4 m7 28 " Hercules is celebrable for his harde travailes.
Bo4 m7 29 He dawntide the proude Centauris (half
Bo4 m7 30 hors, half man), and he byrafte the dispoilynge
Bo4 m7 31 fro the cruel lyoun (that is to seyn, he
Bo4 m7 32 slouhe the lyoun and rafte hym his skyn); he
Bo4 m7 33 smot the briddes that hyghten Arpiis with certein
Bo4 m7 34 arwes; he ravysschide applis fro the wakynge
Bo4 m7 35 dragoun, and his hand was the more hevy
Bo4 m7 36 for the goldene metal; he drowh Cerberus, the
Bo4 m7 37 hound of helle, by his treble cheyne; he, overcomer,
Bo4 m7 38 as it is seyd, hath put an unmeke lord
Bo4 m7 39 foddre to his crwel hors (this to seyn, that
Bo4 m7 40 Hercules slowh Diomedes, and made his
Bo4 m7 41 hors to freten hym); and he, Hercules,
Bo4 m7 42 slowh Idra the serpent, and brende the venym;
Bo4 m7 43 and Acheleous the flod, defowled in his forheed,
Bo4 m7 44 dreynte his schamefast visage in his
Bo4 m7 45 strondes (that is to seyn, that Achaleous coude
Bo4 m7 46 transfiguren hymself into diverse liknesse, and,
Bo4 m7 47 as he faughte with Hercules, at the laste he
Bo4 m7 48 torned hym into a bole, and Hercules brak of
Bo4 m7 49 oon of his hornes, and he for schame hidde
Bo4 m7 50 hym in his ryver); and he, Hercules, caste
Bo4 m7 51 adoun Antheus the geaunt in the [sondes]
Bo4 m7 52 of Libye; and Kacus apaysede the wratthes of
Bo4 m7 53 Evander (this to seyn, that Hercules slouh the
Bo4 m7 54 monstre Kacus, and apaysed with that deth the
Bo4 m7 55 wratthe of Evander); and the bristilede boor
Bo4 m7 56 markide with scomes the scholdres of Hercules,
Bo4 m7 57 the whiche scholdres the heye cercle of
Bo4 m7 58 hevene sholde thriste; and the laste of his labours
Bo4 m7 59 was that he susteynede the hevene
Bo4 m7 60 uppon his nekke unbowed; and he disservide
Bo4 m7 61 eftsones the hevene to ben the pris
Bo4 m7 62 of his laste travaile.
Bo4 m7 63 " Goth now thanne, ye stronge men, ther as
Bo4 m7 64 the heye wey of the greet ensaumple ledith
Bo4 m7 65 yow. O nyce men! why nake ye your bakkes?
Bo4 m7 66 (As who seith, " O ye slowe and delicat men!
Bo4 m7 67 whi flee ye adversites, and ne fyghte nat ayeins
Bo4 m7 68 hem by vertu, to wynnen the mede of the hevene? " )
Bo4 m7 69 For the erthe overcomen yeveth the
Bo4 m7 70 sterres. " (This to seyn, that whan that
Bo4 m7 71 erthly lust is overcomyn, a man is makid
Bo4 m7 72 worthy to the hevene.)
Bo5 p1 1 Sche hadde seyd, and torned the cours of
Bo5 p1 2 hir resoun to some othere thingis to ben treted
Bo5 p1 3 and to ben ispedd. Thanne seide I, " Certes
Bo5 p1 4 ryghtful is thin amonestynge and ful digne by
Bo5 p1 5 auctorite. But that thou seydest whilom that
Bo5 p1 6 the questioun of the devyne purveaunce is enlaced
Bo5 p1 7 with many othere questiouns, I undirstande
Bo5 p1 8 wel and prove it by the same thing.
Bo5 p1 9 But I axe yif that thou wenest that hap be
Bo5 p1 10 anything in any weys; and yif thou wenest
Bo5 p1 11 that hap be anything, what is it? "
Bo5 p1 12 Thanne quod sche, " I haste me to yelden
Bo5 p1 13 and assoilen to the the dette of my byheste, and
Bo5 p1 14 to schewen and openen the the
Bo5 p1 15 wey, by whiche wey thou maist comen ayein to thi contre. But
Bo5 p1 16 al be it so that the thingis whiche that thou axest
Bo5 p1 17 ben ryght profitable to knowe, yit ben thei
Bo5 p1 18 divers somwhat fro the path of my purpos; and
Bo5 p1 19 it is to douten that thou ne be makid weery
Bo5 p1 20 by mysweyes, so that thou ne maist nat
Bo5 p1 21 suffise to mesuren the ryghte weie. "
Bo5 p1 22 " Ne doute the therof nothing, " quod I; " for
Bo5 p1 23 for to knowen thilke thingis togidre, in the
Bo5 p1 24 whiche thinges I delite me gretly -- that schal
Bo5 p1 25 ben to me in stede of reste, syn it nis nat to
Bo5 p1 26 douten of the thingis folwynge, whan every syde
Bo5 p1 27 of thi disputesoun schal han ben stedfast to me
Bo5 p1 28 by undoutous feyth. "
Bo5 p1 29 " Thanne, " seide sche, " that manere wol
Bo5 p1 30 I don the, " and bygan to speken ryght thus:
Bo5 p1 31 " Certes, " quod sche, " yif any wyght
Bo5 p1 32 diffynisse hap in this manere, that is to seyn that
Bo5 p1 33 `hap is bytydynge ibrought forth by foolisshe
Bo5 p1 34 moevynge and by no knyttynge of causes,' I
Bo5 p1 35 conferme that hap nis ryght naught in no wise;
Bo5 p1 36 and I deme al outrely that hap nis but an idel
Bo5 p1 37 voys (as who seith, but an idel word), withouten
Bo5 p1 38 any significacioun of thing summitted
Bo5 p1 39 to that voys. For what place myght ben
Bo5 p1 40 left or duellynge to folie and to disordenaunce,
Bo5 p1 41 syn that God ledeth and
Bo5 p1 42 constreyneth alle thingis by ordre? For this
Bo5 p1 43 sentence is verray and soth, that `no thing hath
Bo5 p1 44 his beynge of naught,' to the whiche sentence
Bo5 p1 45 noon of thise oolde folk ne withseide nevere; al
Bo5 p1 46 be it so that they ne undirstoden ne meneden it
Bo5 p1 47 nat by God, prince and bygynnere of wirkynge,
Bo5 p1 48 but thei casten as a maner foundement of subject
Bo5 p1 49 material (that is to seyn, of the nature of
Bo5 p1 50 alle resouns). And yif that any thing is
Bo5 p1 51 woxen or comen of no causes, thanne schal
Bo5 p1 52 it seme that thilke thing is comen or woxen of
Bo5 p1 53 nawght; but yif this ne mai nat ben don, thanne
Bo5 p1 54 is it nat possible that hap be any swich thing as
Bo5 p1 55 I have diffynysschid a litil herebyforn. "
Bo5 p1 56 " How schal it thanne be? " quod I. " Nys ther
Bo5 p1 57 thanne nothing that by right may ben clepid
Bo5 p1 58 other hap or elles aventure of fortune; or is ther
Bo5 p1 59 awght, al be it so that it is hidd fro the
Bo5 p1 60 peple, to whiche thing thise wordes ben
Bo5 p1 61 covenable? "
Bo5 p1 62 " Myn Aristotle, " quod sche, " in the book of
Bo5 p1 63 his Phisic diffynysseth this thing by schort
Bo5 p1 64 resoun, and nyghe to the sothe. "
Bo5 p1 65 " In whiche manere? " quod I.
Bo5 p1 66 " As ofte, quod sche, " as men don any thing
Bo5 p1 67 for grace of any other thing, and another thing
Bo5 p1 68 than thilke thing that men entenden to don
Bo5 p1 69 bytideth by some causes, it is clepid hap.
Bo5 p1 70 Ryght as a man dalf the erthe bycause of
Bo5 p1 71 tylyinge of the feld, and founde ther a
Bo5 p1 72 gobet of gold bydolven; thanne wenen folk
Bo5 p1 73 that it is byfalle by fortunous bytydynge. But
Bo5 p1 74 forsothe it nis nat of naught, for it hath his
Bo5 p1 75 propre causes, of whiche causes the cours unforseyn
Bo5 p1 76 and unwar semeth to han makid hap.
Bo5 p1 77 For yif the tiliere of the feeld ne dulve nat in the
Bo5 p1 78 erthe, and yif the hidere of the gold ne hadde
Bo5 p1 79 hyd the gold in thilke place, the gold ne
Bo5 p1 80 hadde nat ben founde. Thise ben thanne
Bo5 p1 81 the causes of the abregginge of fortuit hap,
Bo5 p1 82 the whiche abreggynge of fortuit hap cometh of
Bo5 p1 83 causes encontrynge and flowynge togidere to
Bo5 p1 84 hemself, and nat by the entencioun of the doere.
Bo5 p1 85 For neither the hidere of the gold ne the delvere
Bo5 p1 86 of the feeld ne undirstoden nat that the gold
Bo5 p1 87 sholde han ben founde; but, as I seide, it bytidde
Bo5 p1 88 and ran togidre that he dalf thare as that oothir
Bo5 p1 89 had hid the gold. Now mai I thus diffinysshen
Bo5 p1 90 hap: hap is an unwar betydinge
Bo5 p1 91 of causes assembled in thingis that ben
Bo5 p1 92 doon for som oothir thing; but thilke ordre,
Bo5 p1 93 procedinge by an uneschuable byndinge togidre,
Bo5 p1 94 whiche that descendeth fro the welle of
Bo5 p1 95 purveaunce that ordeyneth alle thingis in hir
Bo5 p1 96 places and in hir tymes, makith that the causes
Bo5 p1 97 rennen and assemblen togidre.
Bo5 m1 1 " Tigrys and Eufrates resolven and springen
Bo5 m1 2 of o welle in the cragges of the roche of the
Bo5 m1 3 contre of Achemenye, ther as the fleinge bataile
Bo5 m1 4 ficcheth hir dartes retorned in the breestis
Bo5 m1 5 of hem that folwen hem. And sone aftir the
Bo5 m1 6 same ryverys, Tigris and Eufrates, unjoignen
Bo5 m1 7 and departen hir watres. And if thei comen togidre
Bo5 m1 8 and ben assemblid and clepid togidre
Bo5 m1 9 into o cours, thanne moten thilke thingis
Bo5 m1 10 fleten togidre whiche that the watir of
Bo5 m1 11 the entrechaungynge flood bryngeth. The
Bo5 m1 12 schippes and the stokkes araced with the flood
Bo5 m1 13 moten assemblen; and the watris imedled
Bo5 m1 14 wrappeth or emplieth many fortunel happes
Bo5 m1 15 or maneris; the whiche wandrynge happes
Bo5 m1 16 natheles thilke enclynynge lowenesse of the
Bo5 m1 17 erthe and the flowinge ordre of the slydinge
Bo5 m1 18 watir governeth. Right so fortune, that semeth
Bo5 m1 19 as it fletith with slakid or ungoverned
Bo5 m1 20 bridles, it suffreth bridelis (that is to seyn,
Bo5 m1 21 to ben governed), and passeth by thilke
Bo5 m1 22 lawe (that is to seyn, by the devyne ordenaunce). "
Bo5 p2 1 " This undirstonde I wel, " quod I, " and I accorde
Bo5 p2 2 me that it is ryght as thou seist. But I
Bo5 p2 3 axe yif ther be any liberte of fre wille in this
Bo5 p2 4 ordre of causes that clyven thus togidre in
Bo5 p2 5 hemself, or elles I wolde witen yif that the
Bo5 p2 6 destinal cheyne constrenith the moevynges of
Bo5 p2 7 the corages of men. "
Bo5 p2 8 " Yis, " quod sche, " ther is liberte of fre wil,
Bo5 p2 9 ne ther ne was nevere no nature of resoun
Bo5 p2 10 that it ne hadde liberte of fre wil. For every
Bo5 p2 11 thing that may naturely usen resoun,
Bo5 p2 12 it hath doom by whiche it discernith and demeth
Bo5 p2 13 every thing; thanne knoweth it by itself
Bo5 p2 14 thinges that ben to fleen and thinges that ben
Bo5 p2 15 to desiren. And thilke thing that any wight
Bo5 p2 16 demeth to ben desired, that axeth or desireth
Bo5 p2 17 he; and fleeth thilke thing that he troweth be
Bo5 p2 18 to fleen. Wherfore in alle thingis that resoun
Bo5 p2 19 is, in hem also is liberte of willynge and of
Bo5 p2 20 nillynge. But I ne ordeyne nat (as who
Bo5 p2 21 seith, I ne graunte nat) that this liberte be
Bo5 p2 22 evenelyk in alle thinges. Forwhy in the sovereynes
Bo5 p2 23 devynes substaunces (that is to seyn,
Bo5 p2 24 in spiritz) jugement is more cleer, and wil nat
Bo5 p2 25 icorrumped, and myght redy to speden thinges
Bo5 p2 26 that ben desired. But the soules of men moten
Bo5 p2 27 nedes be more fre whan thei loken hem in the
Bo5 p2 28 speculacioun or lokynge of the devyne thought;
Bo5 p2 29 and lasse fre whan thei slyden into the bodyes;
Bo5 p2 30 and yit lasse fre whan thei ben gadrid
Bo5 p2 31 togidre and comprehended in erthli
Bo5 p2 32 membres; but the laste servage is whan that
Bo5 p2 33 thei ben yeven to vices and han ifalle fro the
Bo5 p2 34 possessioun of hir propre resoun. For aftir that
Bo5 p2 35 thei han cast awey hir eyghen fro the lyght
Bo5 p2 36 of the sovereyn sothfastnesse to lowe thingis
Bo5 p2 37 and derke, anon thei derken by the cloude of
Bo5 p2 38 ignoraunce and ben troubled by felonous talentz;
Bo5 p2 39 to the whiche talentz whan thei approchen
Bo5 p2 40 and assenten, thei helpen and
Bo5 p2 41 encrecen the servage whiche thei han
Bo5 p2 42 joyned to hemself; and in this manere thei ben
Bo5 p2 43 caytifs fro hir propre liberte. The whiche thingis
Bo5 p2 44 natheles the lokynge of the devyne purveaunce
Bo5 p2 45 seth, that alle thingis byholdeth and seeth fro
Bo5 p2 46 eterne, and ordeyneth hem everiche in here
Bo5 p2 47 merites as thei ben predestinat; and it is seid in
Bo5 p2 48 Greke that `alle thinges he seeth and alle thinges
Bo5 p2 49 he herith.'
Bo5 m2 1 " Homer with the hony mouth (that is to seyn,
Bo5 m2 2 Homer with the swete ditees) singeth that the
Bo5 m2 3 sonne is cler by pure light; natheles yit ne
Bo5 m2 4 mai it nat, by the infirme light of his bemes,
Bo5 m2 5 breken or percen the inward entrayles of the
Bo5 m2 6 erthe or elles of the see. So ne seth nat God,
Bo5 m2 7 makere of the grete werld. To hym, that loketh
Bo5 m2 8 alle thinges from an hey, ne withstondeth
Bo5 m2 9 no thinges by hevynesse of erthe, ne the
Bo5 m2 10 nyght ne withstondeth nat to hym by the
Bo5 m2 11 blake cloudes. Thilke God seeth in o strok
Bo5 m2 12 of thought alle thinges that ben, or weren, or
Bo5 m2 13 schollen comen; and thilke God, for he loketh
Bo5 m2 14 and seeth alle thingis alone, thou maist seyn
Bo5 m2 15 that he is the verrai sonne. "
Bo5 p3 1 Thanne seide I, " Now am I confowndide by
Bo5 p3 2 a more hard doute than I was. "
Bo5 p3 3 " What doute is that? " quod sche, " for certes I
Bo5 p3 4 conjecte now by whiche thingis thou art trubled. "
Bo5 p3 5 " It semeth, " quod I, " to repugnen and to
Bo5 p3 6 contrarien gretly, that God knoweth byforn alle
Bo5 p3 7 thinges and that ther is any fredom of liberte.
Bo5 p3 8 For yif so be that God loketh alle thinges
Bo5 p3 9 byforn, ne God ne mai nat ben desceyved
Bo5 p3 10 in no manere, thanne moot it nedes ben that
Bo5 p3 11 alle thinges betyden the whiche that the
Bo5 p3 12 purveaunce of God hath seyn byforn to comen.
Bo5 p3 13 For whiche, yif that God knoweth byforn nat
Bo5 p3 14 oonly the werkes of men, but also hir conseilles
Bo5 p3 15 and hir willes, thanne ne schal ther be no liberte
Bo5 p3 16 of arbitrie; ne certes ther ne may be noon
Bo5 p3 17 othir dede, ne no wil, but thilke whiche that the
Bo5 p3 18 devyne purveaunce, that ne mai nat ben disseyved,
Bo5 p3 19 hath felid byforn. For yif that thei
Bo5 p3 20 myghten writhen awey in othere manere
Bo5 p3 21 than thei ben purveyed, thanne ne sholde
Bo5 p3 22 ther be no stedefast prescience of thing to
Bo5 p3 23 comen, but rather an uncerteyn opynioun; the
Bo5 p3 24 whiche thing to trowen of God, I deme it felonye
Bo5 p3 25 and unleveful.
Bo5 p3 26 " Ne I ne proeve nat thilke same resoun (as who
Bo5 p3 27 seith, I ne allowe nat, or I ne preyse nat, thilke
Bo5 p3 28 same resoun) by whiche that som men wenen
Bo5 p3 29 that thei mowe assoilen and unknytten the
Bo5 p3 30 knotte of this questioun. For certes thei
Bo5 p3 31 seyn that thing nis nat to comen for that the
Bo5 p3 32 purveaunce of God hath seyn byforn that it is to
Bo5 p3 33 comen, but rathir the contrarie; and that is this:
Bo5 p3 34 that, for that the thing is to comen, that therfore
Bo5 p3 35 ne mai it nat ben hidd fro the purveaunce of
Bo5 p3 36 God; and in this manere this necessite slideth
Bo5 p3 37 ayein into the contrarie partie: ne it ne byhoveth
Bo5 p3 38 nat nedes that thinges betiden that ben
Bo5 p3 39 ipurveied, but it byhoveth nedes that thinges
Bo5 p3 40 that ben to comen ben ipurveied -- but as
Bo5 p3 41 it were Y travailed (as who seith, that
Bo5 p3 42 thilke answere procedith ryght as though men
Bo5 p3 43 travaileden or weren besy) to enqueren the
Bo5 p3 44 whiche thing is cause of the whiche thing, as
Bo5 p3 45 whethir the prescience is cause of the necessite
Bo5 p3 46 of thinges to comen, or elles that the necessite of
Bo5 p3 47 thinges to comen is cause of the purveaunce. But
Bo5 p3 48 I ne enforce me nat now to schewen it, that
Bo5 p3 49 the bytidynge of thingis iwyst byforn is
Bo5 p3 50 necessarie, how so or in what manere that
Bo5 p3 51 the ordre of causes hath itself; although
Bo5 p3 52 that it ne seme naught that the prescience bringe
Bo5 p3 53 in necessite of bytydinge to thinges to comen.
Bo5 p3 54 " For certes yif that any wyght sitteth, it byhoveth
Bo5 p3 55 by necessite that the opynioun be soth of
Bo5 p3 56 hym that conjecteth that he sitteth. and
Bo5 p3 57 ayeinward also is it of the contrarie: yif the
Bo5 p3 58 opinioun be soth of any wyght for that he sitteth,
Bo5 p3 59 it byhoveth by necessite that he sitte.
Bo5 p3 60 Thanne is here necessite in the toon and in
Bo5 p3 61 the tothir; for in the toon is necessite of
Bo5 p3 62 syttynge, and certes in the tothir is necessite of
Bo5 p3 63 soth. But therfore ne sitteth nat a wyght for that
Bo5 p3 64 the opynioun of the sittynge is soth, but the
Bo5 p3 65 opinioun is rather soth for that a wyght sitteth
Bo5 p3 66 byforn. And thus, althoughe that the cause of the
Bo5 p3 67 soth cometh of that other side (as who seith,
Bo5 p3 68 that althoughe the cause of soth cometh of the
Bo5 p3 69 sittynge, and nat of the trewe opinioun),
Bo5 p3 70 algatis yit is ther comune necessite in that
Bo5 p3 71 oon and in that othir. Thus scheweth it that
Bo5 p3 72 Y may make semblable skiles of the purveaunce
Bo5 p3 73 of God and of thingis to comen. For althoughe
Bo5 p3 74 that for that thingis ben to comen therfore ben
Bo5 p3 75 thei purveied, and nat certes for thei be purveied
Bo5 p3 76 therfore ne bytide thei nat; yit natheles byhoveth
Bo5 p3 77 it by necessite that eyther the thinges to comen
Bo5 p3 78 ben ipurveied of God, or elles that the thinges
Bo5 p3 79 that ben ipurveyed of God betyden. And
Bo5 p3 80 this thing oonly suffiseth inow to destroien
Bo5 p3 81 the fredom of oure arbitre (that is to seyn,
Bo5 p3 82 of our fre wil).
Bo5 p3 83 " But certes now schewith it wel how fer fro
Bo5 p3 84 the sothe and how up-so-doun is this thing that
Bo5 p3 85 we seyn, that the betydynge of temporel thingis
Bo5 p3 86 is cause of the eterne prescience. But for to
Bo5 p3 87 wenen that God purveieth the thinges to comen
Bo5 p3 88 for thei ben to comen -- what oothir thing is it
Bo5 p3 89 but for to wene that thilke thinges that
Bo5 p3 90 bytidden whilom ben cause of thilke
Bo5 p3 91 soverein purveaunce that is in God? And
Bo5 p3 92 herto I adde yit this thing: that ryght as whanne
Bo5 p3 93 that I woot that a thing is, it byhoveth by
Bo5 p3 94 necessite that thilke selve thing be; and eek
Bo5 p3 95 whan I have knowen that any thing schal
Bo5 p3 96 betyden; so byhovith it by necessite that thilke
Bo5 p3 97 same thing betide; so folweth it thanne that the
Bo5 p3 98 betydynge of the thing iwyste byforn ne may nat
Bo5 p3 99 ben eschued. And at the laste, yif that any
Bo5 p3 100 wyght wene a thing to ben oothir weyes
Bo5 p3 101 than it is, it nis nat oonly unscience, but it
Bo5 p3 102 is desceyvable opynioun ful divers and fer fro
Bo5 p3 103 the sothe of science. Wherfore, yif any thing be
Bo5 p3 104 so to comen that the betidynge of it ne be nat
Bo5 p3 105 certein ne necessarie, who mai witen byforn that
Bo5 p3 106 thilke thing is to comen? For ryght as science ne
Bo5 p3 107 may nat ben medled with falsnesse (as who
Bo5 p3 108 seith, that yif I woot a thing, it ne mai nat
Bo5 p3 109 ben fals that I ne woot it), ryght so thilke
Bo5 p3 110 thing that is conceyved by science ne may
Bo5 p3 111 nat ben noon other weies than as it is
Bo5 p3 112 conceyved. For that is the cause why that science
Bo5 p3 113 wanteth lesynge (as who seith, why that
Bo5 p3 114 wytynge ne resceyveth nat lesynge of that it
Bo5 p3 115 woot); for it byhoveth by necessite that every
Bo5 p3 116 thing be ryght as science comprehendeth it
Bo5 p3 117 to be.
Bo5 p3 118 " What schal I thanne seyn? In whiche manere
Bo5 p3 119 knoweth God byforn the thinges to comen,
Bo5 p3 120 yif thei ne ben nat certein? For yif that he
Bo5 p3 121 deme that thei ben to comen uneschewably,
Bo5 p3 122 and so may be that it is possible that thei
Bo5 p3 123 ne schollen nat comen, God is disseyved. But
Bo5 p3 124 not oonly to trowe that God is disseyved, but for
Bo5 p3 125 to speke it with mouthe, it is a felonous synne.
Bo5 p3 126 But yif that God woot that ryght so as thinges
Bo5 p3 127 ben to comen, so schollen they comen, so that he
Bo5 p3 128 wite egaly (as who seith, indifferently) that
Bo5 p3 129 thingis mowen ben doon or elles nat
Bo5 p3 130 idoon, what is thilke prescience that ne
Bo5 p3 131 comprehendeth no certein thing ne stable?
Bo5 p3 132 Or elles what difference is ther bytwixe the
Bo5 p3 133 prescience and thilke japeworthi devynynge of
Bo5 p3 134 Tyresie the divynour, that seide, `Al that I seie,'
Bo5 p3 135 quod he, `either it schal be or elles it ne schal nat
Bo5 p3 136 be?' Or elles how mochel is worth the devyne
Bo5 p3 137 prescience more than the opinioun of mankynde,
Bo5 p3 138 yif so be that it demeth the thinges
Bo5 p3 139 uncertayn, as men doon, of the whiche
Bo5 p3 140 domes of men the betydinge nis nat
Bo5 p3 141 certein? But yif so be that noon uncertein
Bo5 p3 142 thing ne mai ben in hym that is right certeyn
Bo5 p3 143 welle of alle thingis, than is the betydinge
Bo5 p3 144 certein of thilke thingis whiche he hath wist
Bo5 p3 145 byforn fermely to comen. For whiche it folweth
Bo5 p3 146 that the fredom of the conseiles and of the
Bo5 p3 147 werkis of mankynde nis noon, syn that the
Bo5 p3 148 thought of God, that seeth alle thinges withouten
Bo5 p3 149 errour of falsnesse, byndeth and
Bo5 p3 150 constreyneth hem to o bytidynge by
Bo5 p3 151 necessite.
Bo5 p3 152 " And yif this thing be oonys igrauntid and
Bo5 p3 153 resceyved (that is to seyn, that ther nis no fre
Bo5 p3 154 wil), thanne scheweth it wel how gret destruccioun
Bo5 p3 155 and how gret damages ther folwen of
Bo5 p3 156 thingis of mankynde. For in idel ben ther thanne
Bo5 p3 157 purposed and byhyght medes to good folk, and
Bo5 p3 158 peynes to badde folk, syn that no moevynge of
Bo5 p3 159 fre corage and voluntarie ne hath nat
Bo5 p3 160 disservid hem (that is to seyn, neither
Bo5 p3 161 mede ne peyne). And it scholde seme
Bo5 p3 162 thanne that thilke thing is alther-worst whiche
Bo5 p3 163 that is now demed for alther-moost just
Bo5 p3 164 and moost ryghtful, that is to seyn that schrewes ben
Bo5 p3 165 punysschid or elles that good folk ben
Bo5 p3 166 igerdoned, the whiche folk syn that hir propre
Bo5 p3 167 wil ne sent hem nat to the toon ne to that othir
Bo5 p3 168 (that is to seyn, neither to good ne to harm), but
Bo5 p3 169 constreyneth hem certein necessite of
Bo5 p3 170 thingis to comen. Thanne ne schulle ther
Bo5 p3 171 nevere be, ne nevere were, vice ne vertu,
Bo5 p3 172 but it scholde rather ben confusion of alle
Bo5 p3 173 dissertes medlid withouten discrecioun. And yit
Bo5 p3 174 ther folweth anothir inconvenient, of the whiche
Bo5 p3 175 ther ne mai be thought no more felonous ne
Bo5 p3 176 more wikke, and that is this: that, so as the ordre
Bo5 p3 177 of thingis is iled and cometh of the purveaunce
Bo5 p3 178 of God, ne that nothing is leveful to the
Bo5 p3 179 conseiles of mankynde (as who seith that
Bo5 p3 180 men han no power to don nothing ne wilne
Bo5 p3 181 nothing), thanne folweth it that oure vices
Bo5 p3 182 ben referrid to the makere of alle good
Bo5 p3 183 (as who seith, thanne folweth it that God
Bo5 p3 184 oughte han the blame of our vices), syn he
Bo5 p3 185 constreyneth us by necessite to doon vices.
Bo5 p3 186 " Than nis ther no resoun to han hope in God,
Bo5 p3 187 ne for to preien to God. For what scholde any
Bo5 p3 188 wyght hopen to God, or why scholde he preien
Bo5 p3 189 to God, syn that the ordenance of destyne
Bo5 p3 190 whiche that mai nat ben enclyned knytteth
Bo5 p3 191 and streyneth alle thingis that men mai
Bo5 p3 192 desiren? Thanne scholde ther be don awey
Bo5 p3 193 thilke oonly alliaunce bytwixen God and men
Bo5 p3 194 (that is to seyn, to hopen and to preien). But
Bo5 p3 195 by the pris of ryghtwisnesse and of verray
Bo5 p3 196 mekenesse we disserven the gerdon of the
Bo5 p3 197 devyne grace whiche that is inestimable (that is
Bo5 p3 198 to seyn, that it is so greet that it ne mai nat ben
Bo5 p3 199 ful ipreysed). And this is oonly the manere
Bo5 p3 200 (that is to seyn, hope and preieris) for
Bo5 p3 201 whiche it semeth that men mowen spekyn
Bo5 p3 202 with God, and by resoun of supplicacion be
Bo5 p3 203 conjoyned to thilke cleernesse that nis nat
Bo5 p3 204 aprochid no rather or that men byseken it and
Bo5 p3 205 impetren it. And yif men ne wene nat that hope
Bo5 p3 206 ne preieris ne han no strengthis by the necessite
Bo5 p3 207 of thingis to comen iresceyved, what thing
Bo5 p3 208 is ther thanne by whiche we mowen ben
Bo5 p3 209 conjoyned and clyven to thilke sovereyne
Bo5 p3 210 prince of thingis? For whiche it byhoveth
Bo5 p3 211 by necessite that the lynage of mankynde,
Bo5 p3 212 as thou songe a litil herebyforn, be departed and
Bo5 p3 213 unjoyned from his welle, and failen of his
Bo5 p3 214 bygynnynge (that is to seyn, God).
Bo5 m3 1 " What discordable cause hath torent and unjoyned
Bo5 m3 2 the byndynge or the alliaunce of thingis
Bo5 m3 3 (that is to seyn, the conjunccions of God and
Bo5 m3 4 of man)? Whiche god hath establisschid so
Bo5 m3 5 gret bataile bytwixen these two sothfast or
Bo5 m3 6 verreie thinges (that is to seyn, bytwyxen the
Bo5 m3 7 purveaunce of God and fre wil) that thei ben
Bo5 m3 8 singuler and dyvided, ne that they ne wole
Bo5 m3 9 nat ben medled ne couplid togidre? But
Bo5 m3 10 ther nis no discord to the verray thinges,
Bo5 m3 11 but thei clyven alwey certein to hemself;
Bo5 m3 12 but the thought of man, confownded and over-throwen
Bo5 m3 13 by the derke membres of the body,
Bo5 m3 14 ne mai nat be fyr of his derked lookynge (that
Bo5 m3 15 is to seyn, by the vigour of his insyghte while
Bo5 m3 16 the soule is in the body) knowen the thynne
Bo5 m3 17 sutile knyttynges of thinges. But wherfore
Bo5 m3 18 eschaufeth it so by so gret love to fynden
Bo5 m3 19 thilke notes of soth icovered? (That is to
Bo5 m3 20 seyn, wherfore eschaufeth the thought of
Bo5 m3 21 man by so gret desir to knowen thilke notificaciouns
Bo5 m3 22 that ben ihid undir the covertures of
Bo5 m3 23 soth?) Woot it aught thilke thing that it angwisshous
Bo5 m3 24 desireth to knowe? (As who seith,
Bo5 m3 25 nay; for no man ne travaileth for to witen
Bo5 m3 26 thingis that he wot. And therfore the texte
Bo5 m3 27 seith thus:) But who travaileth to wite thingis
Bo5 m3 28 iknowe? And yif that he ne knoweth hem nat,
Bo5 m3 29 what sekith thilke blynde thoght? What is
Bo5 m3 30 he that desireth any thyng of which he wot
Bo5 m3 31 right naught? (As who seith, whoso desireth
Bo5 m3 32 any thing, nedes somwhat he knoweth of it,
Bo5 m3 33 or elles he ne coude nat desiren it.) Or who may
Bo5 m3 34 folwen thinges that ne ben nat iwist? And
Bo5 m3 35 thoughe that he seke tho thingis, wher schal
Bo5 m3 36 he fynde hem? What wyght that is al unkunnynge
Bo5 m3 37 and ignoraunt may knowe the forme
Bo5 m3 38 that is ifounde? But whanne the soule byholdeth
Bo5 m3 39 and seeth the heye thought (that is to
Bo5 m3 40 seyn, God), thanne knoweth it togidre the
Bo5 m3 41 somme and the singularites (that is to seyn,
Bo5 m3 42 the principles and everyche by hymself)? But
Bo5 m3 43 now, while the soule is hidd in the cloude and
Bo5 m3 44 in the derknesse of the membres of the body,
Bo5 m3 45 it ne hath nat al foryeten itself, but it withholdeth
Bo5 m3 46 the somme of thinges and lesith the
Bo5 m3 47 singularites. Thanne who so that sekith sothnesse,
Bo5 m3 48 he nis in neyther nother habite, for he
Bo5 m3 49 not nat al, ne he ne hath nat al foryeten;
Bo5 m3 50 but yit hym remembreth the somme of
Bo5 m3 51 thinges that he withholdeth, and axeth conseile,
Bo5 m3 52 and retretith deepliche thinges iseyn byforne
Bo5 m3 53 (that is to seyn, the grete somme in his
Bo5 m3 54 mynde) so that he mowe adden the parties
Bo5 m3 55 that he hath foryeten to thilke that he hath
Bo5 m3 56 withholden. "
Bo5 p4 1 Than seide sche, " This is, " quod sche, " the
Bo5 p4 2 olde questioun of the purveaunce of God. And
Bo5 p4 3 Marcus Tullius, whan he devyded the divynaciouns
Bo5 p4 4 (that is to seyn, in his book that he wrot
Bo5 p4 5 of dyvynaciouns), he moevede gretly this questioun;
Bo5 p4 6 and thou thiself hast ysought it mochel
Bo5 p4 7 and outrely and longe. But yit ne hath it nat
Bo5 p4 8 ben determined ne isped fermely and diligently
Bo5 p4 9 of any of yow. And the cause of this dirknesse
Bo5 p4 10 and of this difficulte is, for that the
Bo5 p4 11 moevynge of the resoun of mankynde ne
Bo5 p4 12 may nat moeven to (that is to seyn, applien
Bo5 p4 13 or joignen to) the simplicite of the devyne prescience;
Bo5 p4 14 the whiche symplicite of the devyne
Bo5 p4 15 prescience, yif that men myghte thinken it
Bo5 p4 16 in any manere (that is to seyn, that yif
Bo5 p4 17 men myghten thinken and comprehenden the
Bo5 p4 18 thinges as God seeth hem), thanne ne scholde
Bo5 p4 19 ther duelle outrely no doute. The whiche
Bo5 p4 20 resoun and cause of difficulte I schal assaye
Bo5 p4 21 at the laste to schewe and to speden, whan
Bo5 p4 22 I have first ispendid and answerd to the resouns
Bo5 p4 23 by whiche thou art ymoeved.
Bo5 p4 24 " For I axe whi thou wenest that thilke resoun
Bo5 p4 25 of hem that assoilen this questioun ne be
Bo5 p4 26 nat speedful inow ne sufficient; the whiche solucioun,
Bo5 p4 27 or the whiche resoun, for that it demeth
Bo5 p4 28 that the prescience nis nat cause of necessite
Bo5 p4 29 to thinges to comen, than ne weneth it
Bo5 p4 30 nat that fredom of wil be distorbed or
Bo5 p4 31 ylet be prescience. For ne drawestow nat
Bo5 p4 32 argumentz fro elleswhere of the necessite of
Bo5 p4 33 thingis to comen (as who seith, any oothir wey
Bo5 p4 34 than thus) but that thilke thinges that the
Bo5 p4 35 prescience woot byforn ne mowen nat unbetyde
Bo5 p4 36 (that is to seyn, that thei moten betide)?
Bo5 p4 37 But thanne, yif that prescience ne putteth
Bo5 p4 38 no necessite to thingis to comen, as thou thiself
Bo5 p4 39 hast confessed it and byknowen a litel
Bo5 p4 40 herebyforn, what cause or what is it (as
Bo5 p4 41 who seith, ther may no cause be) by
Bo5 p4 42 whiche that the endes voluntarie of thinges
Bo5 p4 43 myghten be constreyned to certein bytydynge?
Bo5 p4 44 For by grace of posicioun, so that thou mowe the
Bo5 p4 45 betere undirstonde this that folweth, I pose that
Bo5 p4 46 ther ne be no prescience. Thanne axe I, " quod
Bo5 p4 47 sche, " in as moche as aperteneth to that,
Bo5 p4 48 scholden thanne thingis that comen of fre wil
Bo5 p4 49 ben constreyned to bytiden by necessite? "
Bo5 p4 50 Boecius. " Nay, " quod I.
Bo5 p4 51 " Thanne ayeinward, " quod sche, " I
Bo5 p4 52 suppose that ther be prescience, but that it ne
Bo5 p4 53 putteth no necessite to thingis; thanne trowe I
Bo5 p4 54 that thilke selve fredom of wil schal duellen al
Bo5 p4 55 hool and absolut and unbounden. But thou wolt
Bo5 p4 56 seyn that, al be it so that prescience nis nat cause
Bo5 p4 57 of the necessite of bytydynge to thingis to
Bo5 p4 58 comen, algatis yit it is a signe that the thingis ben
Bo5 p4 59 to bytyden by necessite. By this manere
Bo5 p4 60 thanne, althoughe the prescience ne hadde
Bo5 p4 61 nevere iben, yit algate, or at the leste wey,
Bo5 p4 62 it is certein thing that the endes and bytydinges
Bo5 p4 63 of thingis to comen scholden ben necessarie. For
Bo5 p4 64 every signe scheweth and signifieth oonly what
Bo5 p4 65 the thing is, but it ne makith nat the thing that
Bo5 p4 66 it signifieth. For whiche it byhoveth first to
Bo5 p4 67 schewen that nothing ne bytideth that it ne
Bo5 p4 68 betideth by necessite, so that it mai apiere that
Bo5 p4 69 the prescience is signe of this necessite; or
Bo5 p4 70 elles, yif ther nere no necessite, certes
Bo5 p4 71 thilke prescience ne myghte nat ben signe
Bo5 p4 72 of thing that nis nat. But certes, it is now certein
Bo5 p4 73 that the proeve of this, isusteyned by stedfast
Bo5 p4 74 resoun, ne schal nat ben lad ne proeved by
Bo5 p4 75 signes, ne by argumentz itaken fro withoute, but
Bo5 p4 76 by causes covenable and necessarie.
Bo5 p4 77 " But thou mayst seyn, `How may it be that the
Bo5 p4 78 thingis ne betyden nat that ben ipurveied to
Bo5 p4 79 comen? But certes, ryght as we troweden
Bo5 p4 80 that tho thingis whiche that the purveaunce
Bo5 p4 81 woot byforn to comen, ne ben nat to
Bo5 p4 82 bytiden!' But that ne scholde we nat demen; but
Bo5 p4 83 rathir, althoughe that thei schal betyden, yit ne
Bo5 p4 84 have thei no necessite of hir kynde to betyden.
Bo5 p4 85 And this maystow lyghtly aperceyven by this
Bo5 p4 86 that I schal seyn. For we seen many thingis whan
Bo5 p4 87 thei ben done byforn oure eyen, ryght as men
Bo5 p4 88 seen the cartere worken in the tornynge and in
Bo5 p4 89 atemprynge or adressynge of hise cartes or
Bo5 p4 90 chariottes, and by this manere (as who
Bo5 p4 91 seith, maistow undirstonden) of alle othere
Bo5 p4 92 werkmen. Is ther thanne any necessite (as who
Bo5 p4 93 seith, in our lookynge) that constreynith or
Bo5 p4 94 compelleth any of thilke thingis to ben don so? "
Bo5 p4 95 Boece. " Nay, " quod I, " for in idel and in veyn
Bo5 p4 96 were al the effect of craft, yif that alle thingis
Bo5 p4 97 weren moeved by constreynynge (that is to seyn,
Bo5 p4 98 by constreinynge of our eyen or of our sighte). "
Bo5 p4 99 Philosophie. " The thingis thanne, " quod
Bo5 p4 100 she, " that, whan men doon hem, ne han no
Bo5 p4 101 necessite that men doon hem, eek tho same
Bo5 p4 102 thingis, first or thei ben don, thei ben to comen
Bo5 p4 103 withoute necessite. Forwhy ther ben some
Bo5 p4 104 thingis to betyden, of whiche the eendes and the
Bo5 p4 105 bytydynges of hem ben absolut and quit of alle
Bo5 p4 106 necessite. For certes I ne trowe nat that any man
Bo5 p4 107 wolde seyn this: that tho thingis that men don
Bo5 p4 108 now, that thei ne weren to bytiden first or thei
Bo5 p4 109 weren idoon; and thilke same thinges,
Bo5 p4 110 althoughe that men hadden iwyst hem
Bo5 p4 111 byforn, yit thei han fre bytydynges. For
Bo5 p4 112 ryght as science of thingis present ne bryngith in
Bo5 p4 113 no necessite to thingis that men doon, right so
Bo5 p4 114 the prescience of thinges to comen ne bryngith
Bo5 p4 115 in no necessite to thinges to bytiden.
Bo5 p4 116 " But thou maist seyn that of thilke same it is
Bo5 p4 117 idouted, as whethir that of thilke thingis that ne
Bo5 p4 118 han noon issues and bytidynges necessaries, yif
Bo5 p4 119 therof mai ben any prescience. For certes
Bo5 p4 120 thei semen to discorden, for thou wenest
Bo5 p4 121 that yif that thingis ben iseyn byfore, that
Bo5 p4 122 necessite folwith hem; and yif necessite faileth
Bo5 p4 123 hem, thei ne myghten nat ben wist byforn; and
Bo5 p4 124 that nothing may be comprehended by science
Bo5 p4 125 but certein. And yif tho thinges that ne han no
Bo5 p4 126 certein bytydingis ben ipurveied as certein, it
Bo5 p4 127 scholde ben dirknesse of opinioun, nat sothfastnesse
Bo5 p4 128 of science. And thou wenest that it be
Bo5 p4 129 dyvers fro the holnesse of science that any
Bo5 p4 130 man scholde deme a thing to ben otherwyse
Bo5 p4 131 than it is itself.
Bo5 p4 132 " And the cause of this errour is that of alle the
Bo5 p4 133 thingis that every wyght hath iknowe,
Bo5 p4 134 thei wenen that tho thingis ben iknowe al only by the
Bo5 p4 135 strengthe and by the nature of the thinges that
Bo5 p4 136 ben iwyst or iknowe. And it is al the contrarye;
Bo5 p4 137 for al that evere is iknowe, it is rather
Bo5 p4 138 comprehendid and knowen, nat aftir his
Bo5 p4 139 strengthe and his nature, but aftir the
Bo5 p4 140 faculte (that is to seyn, the power and the
Bo5 p4 141 nature) of hem that knowen. And, for
Bo5 p4 142 that this schal mowen schewen by a schort
Bo5 p4 143 ensaumple, the same rowndnesse of a body,
Bo5 p4 144 otherweys the sighte of the eighe knoweth it,
Bo5 p4 145 and otherweys the touchynge. The lookynge, by
Bo5 p4 146 castynge of his bemys, waiteth and seeth fro afer
Bo5 p4 147 al the body togidre, withoute moevynge of
Bo5 p4 148 itself; but the touchynge clyveth and conjoyneth
Bo5 p4 149 to the rounde body, and moeveth aboute
Bo5 p4 150 the envyrounynge, and comprehendeth by
Bo5 p4 151 parties the roundnesse. And the man
Bo5 p4 152 hymself, ootherweys wit byholdeth hym, and
Bo5 p4 153 ootherweys ymaginacioun, and otherweyes
Bo5 p4 154 resoun, and ootherweies intelligence. For the
Bo5 p4 155 wit comprehendith withoute-forth the figure of
Bo5 p4 156 the body of the man that is establisschid in the
Bo5 p4 157 matere subgett; but the ymaginacioun comprehendith
Bo5 p4 158 oonly the figure withoute the
Bo5 p4 159 matere; resoun surmountith ymaginacioun
Bo5 p4 160 and comprehendith by an universel lokynge
Bo5 p4 161 the comune spece that is in the
Bo5 p4 162 singuler peces. But the eighe of intelligence is
Bo5 p4 163 heyere, for it surmountith the envyrounynge of
Bo5 p4 164 the universite, and loketh over that bi pure
Bo5 p4 165 subtilte of thought thilke same symple forme of
Bo5 p4 166 man that is perdurablely in the devyne thought.
Bo5 p4 167 In whiche this oughte gretly to ben considered,
Bo5 p4 168 that the heyeste strengthe to comprehenden
Bo5 p4 169 thinges enbraseth and contienith the
Bo5 p4 170 lowere strengthe; but the lower strengthe
Bo5 p4 171 ne ariseth nat in no manere to the heyere
Bo5 p4 172 strengthe. For wit ne mai no thing comprehende
Bo5 p4 173 out of matere ne the ymaginacioun ne loketh nat
Bo5 p4 174 the universel speces, ne resoun ne taketh nat the
Bo5 p4 175 symple forme so as intelligence takith it; but
Bo5 p4 176 intelligence, that lookith as aboven, whanne it
Bo5 p4 177 hath comprehended the forme, it knowith and
Bo5 p4 178 demyth alle the thinges that ben undir that
Bo5 p4 179 foorme; but sche knoweth hem in thilke
Bo5 p4 180 manere in the whiche it comprehendith
Bo5 p4 181 thilke same symple forme that ne may
Bo5 p4 182 nevere ben knowen to noon of that othere (that
Bo5 p4 183 is to seyn, to none of tho thre forseyde strengthis
Bo5 p4 184 of the soule). For it knoweth the universite of
Bo5 p4 185 resoun, and the figure of ymaginacioun, and the
Bo5 p4 186 sensible material conceyved by wit; ne it ne
Bo5 p4 187 useth nat nor of resoun ne of ymaginacioun ne
Bo5 p4 188 of wit withoute-forth; but it byholdeth alle
Bo5 p4 189 thingis, so as I schal seie, by o strook of
Bo5 p4 190 thought formely (withoute discours or
Bo5 p4 191 collacioun). Certes resoun, whan it lokith
Bo5 p4 192 any thing universel, it ne useth nat of
Bo5 p4 193 ymaginacioun, nor of wit; and algatis yit it
Bo5 p4 194 comprehendith the thingis ymaginable and
Bo5 p4 195 sensible. For reson is she that diffynyscheth the
Bo5 p4 196 universel of here conceyte ryght thus: man is a
Bo5 p4 197 resonable two-foted beest. And how so that this
Bo5 p4 198 knowynge is universel, yit nis ther no wyght that
Bo5 p4 199 ne wot wel that a man is a thing ymaginable
Bo5 p4 200 and sensible; and this same considereth wel
Bo5 p4 201 resoun; but that nis nat by ymaginacioun
Bo5 p4 202 nor by wit, but it lookith it by resonable
Bo5 p4 203 concepcioun. Also ymaginacioun, albeit so that
Bo5 p4 204 it takith of wit the bygynnynges to seen and to
Bo5 p4 205 formen the figures, algates althoughe that wit ne
Bo5 p4 206 were nat present, yit it envyrowneth and
Bo5 p4 207 comprehendith alle thingis sensible, nat by
Bo5 p4 208 resoun sensible of demynge, but by resoun
Bo5 p4 209 ymaginatyf. Seestow nat thanne that alle
Bo5 p4 210 the thingis in knowynge usen more of hir
Bo5 p4 211 faculte or of hir power than thei don of the
Bo5 p4 212 faculte or power of thingis that ben iknowe? Ne
Bo5 p4 213 that nis nat wrong; for so as every jugement is
Bo5 p4 214 the dede or the doyng of hym that demeth, it
Bo5 p4 215 byhoveth that every wyght performe the werk
Bo5 p4 216 and his entencioun, nat of foreyne power, but of
Bo5 p4 217 his propre power.
Bo5 m4 1 " The porche (that is to seyn, a gate of the
Bo5 m4 2 toun of Athenis there as philosophris hadden
Bo5 m4 3 hir congregacioun to desputen) -- thilke porche
Bo5 m4 4 broughte somtyme olde men, ful dirke in hir
Bo5 m4 5 sentences (that is to seyn, philosophris that
Bo5 m4 6 hyghten Stoycienis), that wenden that ymages
Bo5 m4 7 and sensibilities (that is to seyn, sensible ymaginaciouns
Bo5 m4 8 or ellis ymaginaciouns of sensible
Bo5 m4 9 thingis) weren enprientid into soules fro
Bo5 m4 10 bodyes withoute-forth (as who seith that
Bo5 m4 11 thilke Stoycienis wenden that the sowle
Bo5 m4 12 had ben nakid of itself, as a mirour or a clene
Bo5 m4 13 parchemyn, so that alle figures most first
Bo5 m4 14 comen fro thinges fro withoute into soules,
Bo5 m4 15 and ben emprientid into soules); (Textus)
Bo5 m4 16 ryght as we ben wont somtyme by a swift
Bo5 m4 17 poyntel to fycchen lettres emprientid in the
Bo5 m4 18 smothnesse or in the pleynesse of the table of
Bo5 m4 19 wex or in parchemyn that ne hath no figure
Bo5 m4 20 ne note in it. (Glose. But now argueth
Bo5 m4 21 Boece ayens that opynioun and seith
Bo5 m4 22 thus:) But yif the thryvynge soule ne unpliteth
Bo5 m4 23 nothing (that is to seyn, ne doth nothing) by his
Bo5 m4 24 propre moevynges, but suffrith and lith subgit
Bo5 m4 25 to the figures and to the notes of bodies
Bo5 m4 26 withoute-forth, and yeldith ymages ydel and
Bo5 m4 27 vein in the manere of a mirour, whennes
Bo5 m4 28 thryveth thanne or whennes comith thilke
Bo5 m4 29 knowynge in our soule, that discernith and
Bo5 m4 30 byholdith alle thinges? And whennes is
Bo5 m4 31 thilke strengthe that byholdeth the singuler
Bo5 m4 32 thinges? Or whennes is the strengthe that
Bo5 m4 33 devydeth thinges iknowe; and thilke strengthe
Bo5 m4 34 that gadreth togidre the thingis devyded; and
Bo5 m4 35 the strengthe that chesith his entrechaunged
Bo5 m4 36 wey? For somtyme it hevyth up the heved (that
Bo5 m4 37 is to seyn, that it hevyth up the entencioun) to
Bo5 m4 38 ryght heye thinges, and somtyme it descendith
Bo5 m4 39 into ryght lowe thinges; and whan
Bo5 m4 40 it retorneth into hymself it reproveth and
Bo5 m4 41 destroyeth the false thingis by the trewe
Bo5 m4 42 thinges. Certes this strengthe is cause more
Bo5 m4 43 efficient, and mochel more myghty to seen and
Bo5 m4 44 to knowe thinges, than thilke cause that suffrith
Bo5 m4 45 and resceyveth the notes and the figures
Bo5 m4 46 empressid in manere of matere. Algatis the
Bo5 m4 47 passion (that is to seyn, the suffraunce or the wit)
Bo5 m4 48 in the quyke body goth byforn, excitynge and
Bo5 m4 49 moevynge the strengthes of the thought,
Bo5 m4 50 ryght so as whan that cleernesse smyteth
Bo5 m4 51 the eyen and moeveth hem to seen, or
Bo5 m4 52 ryght so as voys or soun hurteleth to the eres
Bo5 m4 53 and commoeveth hem to herkne; than is the
Bo5 m4 54 strengthe of the thought imoevid and excited,
Bo5 m4 55 and clepith forth to semblable moevyngis the
Bo5 m4 56 speces that it halt withynne itself, and addith
Bo5 m4 57 tho speces to the notes and to the thinges
Bo5 m4 58 withoute-forth, and medleth the ymagis of
Bo5 m4 59 thinges withoute-forth to the foormes ihidd
Bo5 m4 60 withynne hymself.
Bo5 p5 1 " But what yif that in bodyes to ben feled
Bo5 p5 2 (that is to seyn, in the takynge of knowlechynge
Bo5 p5 3 of bodily thinges), and albeit so that the
Bo5 p5 4 qualites of bodies that ben object fro withoute-forth
Bo5 p5 5 moeven and entalenten the instrumentz
Bo5 p5 6 of the wittes, and albeit so that the passioun
Bo5 p5 7 of the body (that is to seyn, the wit or the suffraunce)
Bo5 p5 8 goth toforn the strengthe of the wirkynge
Bo5 p5 9 corage, the whiche passioun or
Bo5 p5 10 sufraunce clepith forth the dede of the
Bo5 p5 11 thought in hymself and moeveth and exciteth
Bo5 p5 12 in this menewhile the formes that resten
Bo5 p5 13 within-forth, and yif that in sensible bodies,
Bo5 p5 14 as I have seid, our corage nis nat ytaught or
Bo5 p5 15 empriented by passioun to knowe thise thinges,
Bo5 p5 16 but demeth and knoweth of his owne strengthe
Bo5 p5 17 the passioun or suffrance subject to the body --
Bo5 p5 18 moche more than tho thingis that ben absolut
Bo5 p5 19 and quit fro alle talentz or affecciouns of
Bo5 p5 20 bodyes (as God or his aungelis) ne folwen
Bo5 p5 21 nat in discernynge thinges object fro withoute-forth,
Bo5 p5 22 but thei acomplissen and speden
Bo5 p5 23 the dede of hir thought. By this resoun,
Bo5 p5 24 thanne, ther comen many maner knowynges to
Bo5 p5 25 dyverse and differynge substaunces. For the
Bo5 p5 26 wit of the body, the whiche wit is naked and
Bo5 p5 27 despoiled of alle oothre knowynges -- thilke
Bo5 p5 28 wit cometh to beestis that ne mowen nat
Bo5 p5 29 moeven hemself her and ther, as oistres
Bo5 p5 30 and muscles and oothir swich schellefyssche
Bo5 p5 31 of the see that clyven and ben norisschid
Bo5 p5 32 to roches. But the ymaginacioun cometh
Bo5 p5 33 to remuable bestis, that semen to han talent to
Bo5 p5 34 fleen or to desiren any thing. But resoun is al
Bo5 p5 35 oonly to the lynage of mankynde, ryght as
Bo5 p5 36 intelligence is oonly the devyne nature. Of
Bo5 p5 37 whiche it folweth that thilke knowynge is more
Bo5 p5 38 worth than thise oothre, syn it knoweth by his
Bo5 p5 39 propre nature nat oonly his subget (as who
Bo5 p5 40 seith, it ne knoweth nat al oonly that apertenith
Bo5 p5 41 properly to his knowinge) but it knoweth
Bo5 p5 42 the subjectz of alle othre knowynges.
Bo5 p5 43 " But how schal it thanne be, yif that wit and
Bo5 p5 44 ymaginacioun stryven ayein resonynge and seyn
Bo5 p5 45 that, of thilke universel thingis that resoun
Bo5 p5 46 weneth to seen, that it nis ryght naught? For wit
Bo5 p5 47 and ymaginacioun seyn that that that is sensible
Bo5 p5 48 or ymaginable, it ne mai nat ben universel;
Bo5 p5 49 thanne is either the jugement of resoun
Bo5 p5 50 soth, ne that ther nis no thing sensible; or
Bo5 p5 51 elles, for that resoun woot wel that many
Bo5 p5 52 thinges ben subject to wit and to ymaginacioun,
Bo5 p5 53 thanne is the concepcioun of resoun veyn and
Bo5 p5 54 fals, whiche that lokith and comprehendith that
Bo5 p5 55 that is sensible and singuler as universel. And yif
Bo5 p5 56 that resoun wolde answere ayein to thise two
Bo5 p5 57 (that is to seyn, to wit and to ymaginacioun),
Bo5 p5 58 and seyn that sothly sche hirselve (that is to
Bo5 p5 59 seyn, resoun) lokith and comprehendith,
Bo5 p5 60 by resoun of universalite, bothe that that is
Bo5 p5 61 sensible and that that is ymaginable;
Bo5 p5 62 and that thilke two (that is to seyn, wit and
Bo5 p5 63 ymaginacioun) ne mowen nat strecchen ne
Bo5 p5 64 enhaunsen hemself to knowynge of universalite,
Bo5 p5 65 for that the knowynge of hem ne mai exceden ne
Bo5 p5 66 surmounten the bodily figures: certes of the
Bo5 p5 67 knowynge of thinges, men oughten rather yeven
Bo5 p5 68 credence to the more stidfast and to the mor
Bo5 p5 69 parfit jugement; in this manere stryvynge,
Bo5 p5 70 thanne, we that han strengthe of resonynge
Bo5 p5 71 and of ymagynynge and of wit (that is to
Bo5 p5 72 seyn, by resoun and by imagynacioun and by
Bo5 p5 73 wit), we scholde rathir preise the cause of resoun
Bo5 p5 74 (as who seith, than the cause of wit and of
Bo5 p5 75 ymaginacioun).
Bo5 p5 76 " Semblable thing is it, that the resoun of
Bo5 p5 77 mankynde ne weneth nat that the devyne
Bo5 p5 78 intelligence byholdeth or knoweth thingis to
Bo5 p5 79 comen, but ryght as the resoun of
Bo5 p5 80 mankynde knoweth hem. For thou arguist
Bo5 p5 81 and seist thus: that if it ne seme nat to men
Bo5 p5 82 that some thingis han certeyn and necessarie
Bo5 p5 83 bytydynges, thei ne mowen nat ben wist byforn
Bo5 p5 84 certeinly to betyden, and thanne nis ther no
Bo5 p5 85 prescience of thilke thinges; and yif we trowe
Bo5 p5 86 that prescience be in thise thingis, thanne is ther
Bo5 p5 87 nothing that it ne bytydeth by necessite. But
Bo5 p5 88 certes yif we myghten han the jugement of
Bo5 p5 89 the devyne thoght, as we ben parsoners of
Bo5 p5 90 resoun, ryght so as we han demyd that it
Bo5 p5 91 byhovith that ymaginacioun and wit ben
Bo5 p5 92 bynethe resoun, ryght so wolde we demen that
Bo5 p5 93 it were ryghtfull thing that mannys resoun
Bo5 p5 94 oughte to summytten itself and to ben bynethe
Bo5 p5 95 the devyne thought. For whiche yif that we
Bo5 p5 96 mowen (as who seith that, if that we mowen,
Bo5 p5 97 I conseile that) we enhaunse us into the heighte
Bo5 p5 98 of thilke soverein intelligence; for ther schal
Bo5 p5 99 resoun wel seen that that it ne mai nat
Bo5 p5 100 byholden in itself, and certes that is this:
Bo5 p5 101 in what manere the prescience of God
Bo5 p5 102 seeth alle thinges certeins and diffinyssched,
Bo5 p5 103 althoughe thei ne han no certein issues or
Bo5 p5 104 bytydyngis; ne this nis noon opinioun, but it is
Bo5 p5 105 rather the simplicite of the soverein science,
Bo5 p5 106 that nis nat enclosed nor ischet withinne none
Bo5 p5 107 boundes.
Bo5 m5 1 " The beestes passen by the erthes be ful
Bo5 m5 2 diverse figures. For some of hem han hir bodyes
Bo5 m5 3 straught, and crepyn in the dust, and drawen
Bo5 m5 4 aftir hem a traas or a furwe icontynued (that
Bo5 m5 5 is to sein, as naddres or snakes); and oothre
Bo5 m5 6 beestis by the wandrynge lyghtnesse of hir
Bo5 m5 7 wynges beten the wyndes, and overswymmen
Bo5 m5 8 the spaces of the longe eir by moyst fleynge;
Bo5 m5 9 and oothere beestes gladen hemself to diggen
Bo5 m5 10 hir traas or hir steppys in the erthe
Bo5 m5 11 with hir goinges or with hir feet, and to
Bo5 m5 12 gon either by the grene feeldes or elles to
Bo5 m5 13 walken undir the wodes. And al be it so that
Bo5 m5 14 thou seest that thei alle discorden by diverse
Bo5 m5 15 foormes, algatis hir faces enclyned hevyeth hir
Bo5 m5 16 dulle wittes. Only the lynage of man heveth
Bo5 m5 17 heyest his heie heved, and stondith light with
Bo5 m5 18 his upryght body, and byholdeth the erthes
Bo5 m5 19 undir hym. And, but yif thou, erthly man,
Bo5 m5 20 waxest yvel out of thi wit, this figure
Bo5 m5 21 amonesteth the, that axest the hevene with
Bo5 m5 22 thi ryghte visage and hast areised thi forheved,
Bo5 m5 23 to beren up an hye thi corage, so that thi thought
Bo5 m5 24 ne be nat ihevyed ne put lowe undir fote, syn
Bo5 m5 25 that thi body is so heyghe areysed.
Bo5 m1 1 " Therfore thanne, as I have schewed a litel
Bo5 p6 2 herebyforne that alle thing that is iwist nis nat
Bo5 p6 3 knowen by his nature propre, but by the nature
Bo5 p6 4 of hem that comprehenden it, lat us loke
Bo5 p6 5 now, in as mochil as it is leveful to us (as who
Bo5 p6 6 seith, lat us loke now as we mowen) whiche that
Bo5 p6 7 the estat is of the devyne substaunce; so that
Bo5 p6 8 we mowe eek knowen what his science is. The
Bo5 p6 9 comune jugement of alle creatures resonables
Bo5 p6 10 thanne is this: that God is eterne.
Bo5 p6 11 Lat us considere thanne what is eternite;
Bo5 p6 12 for certes that schal schewen us togidre the
Bo5 p6 13 devyne nature and the devyne science. Eternite,
Bo5 p6 14 thanne, is parfit possessioun and al togidre
Bo5 p6 15 of lif interminable; and that scheweth. more
Bo5 p6 16 cleerly by the comparysoun or collacioun of
Bo5 p6 17 temporel thinges. For alle thing that lyveth in
Bo5 p6 18 tyme, it is present and procedith fro preteritz
Bo5 p6 19 into futures (that is to seyn, fro tyme passed
Bo5 p6 20 into tyme comynge), ne ther nis nothing
Bo5 p6 21 establisshed in tyme that mai enbrasen togidre
Bo5 p6 22 al the space of his lif. For certis yit ne
Bo5 p6 23 hath it nat taken the tyme of tomorwe, and it
Bo5 p6 24 hath lost that of yusterday, and certes in the
Bo5 p6 25 lif of this dai ye ne lyve namore but right
Bo5 p6 26 as in this moevable and transitorie moment.
Bo5 p6 27 Thanne thilke thing that suffreth temporel condicioun,
Bo5 p6 28 althoughe that it nevere bygan to
Bo5 p6 29 be, ne thoughe it nevere ne cese for to be,
Bo5 p6 30 as Aristotile deemed of the world, and
Bo5 p6 31 althoughe that the lif of it be strecchid with
Bo5 p6 32 infinite of tyme; yit algatis nis it no swich thing
Bo5 p6 33 that men mighten trowen by ryght that it is
Bo5 p6 34 eterne. For althouhe that it comprehende and
Bo5 p6 35 embrase the space of lif infinit, yit algatis ne
Bo5 p6 36 enbraseth it nat the space of the lif al togidre; for
Bo5 p6 37 it ne hath nat the futuris (that ne ben nat yit),
Bo5 p6 38 ne it ne hath no lengere the preteritz (that
Bo5 p6 39 ben idoon or ipassed). But thilke thing,
Bo5 p6 40 thanne, that hath and comprehendith
Bo5 p6 41 togidre al the plente of the lif interminable,
Bo5 p6 42 to whom ther ne faileth naught of the future, and
Bo5 p6 43 to whom ther nis noght of the preteryt escaped
Bo5 p6 44 nor ipassed, thilke same is iwitnessed and
Bo5 p6 45 iproevid by right to ben eterne; and it byhovith
Bo5 p6 46 by necessite that thilke thing be alwey present to
Bo5 p6 47 hymself and compotent (as who seith, alwey
Bo5 p6 48 present to hymselve and so myghty that al be
Bo5 p6 49 right at his plesaunce), and that he have al
Bo5 p6 50 present the infinit of the moevable tyme.
Bo5 p6 51 " Wherfore som men trowen wrongfully
Bo5 p6 52 that, whan thei heren that it semede to Plato that
Bo5 p6 53 this world ne hadde nevere bygynnynge of
Bo5 p6 54 tyme, ne that it nevere schal han failynge, thei
Bo5 p6 55 wenen in this manere that this world be makid
Bo5 p6 56 coeterne with his makere. (As who seith, thei
Bo5 p6 57 wene that this world and God ben makid
Bo5 p6 58 togidre eterne, and that is a wrongful wenynge.)
Bo5 p6 59 For other thing is it to ben ilad
Bo5 p6 60 by lif interminable, as Plato grauntide to
Bo5 p6 61 the world, and oothir is it to enbrace
Bo5 p6 62 togidre al the presence of the lif intermynable,
Bo5 p6 63 the whiche thing it is cleer and manyfest that it
Bo5 p6 64 is propre to the devyne thought. Ne it ne
Bo5 p6 65 scholde nat semen to us that God is eldere than
Bo5 p6 66 thinges that ben imaked by quantite of tyme, but
Bo5 p6 67 rathir by the proprete of his simple nature. For
Bo5 p6 68 this ilke infinit moevyng of temporel thinges
Bo5 p6 69 folweth this presentarie estat of the lif
Bo5 p6 70 inmoevable; and, so as it ne mai nat
Bo5 p6 71 contrefetin it ne feynen it, ne be evene lik
Bo5 p6 72 to it, [fro] the immoevablete (that is to sein, that
Bo5 p6 73 is in the eternite of God) it faileth and fallith into
Bo5 p6 74 moevynge, [and] fro the simplicite of the
Bo5 p6 75 presence of [God] disencresith into the infinit
Bo5 p6 76 quantite of future and of preterit; and so as it ne
Bo5 p6 77 mai nat han togidre al the plente of the lif,
Bo5 p6 78 algates yit, for as moche as it ne ceseth nevere for
Bo5 p6 79 to ben in som manere, it semyth somdel to
Bo5 p6 80 us that it folwith and resembleth thilke
Bo5 p6 81 thing that it ne mai nat atayne to ne
Bo5 p6 82 fulfillen, and byndeth itself to som maner
Bo5 p6 83 presence of this litle and swift moment, the
Bo5 p6 84 whiche presence of this litle and swifte moment,
Bo5 p6 85 for that it bereth a maner ymage or liknesse of
Bo5 p6 86 the ai duellynge presence of God, it grauntith to
Bo5 p6 87 swich manere thinges as it betydith to that it
Bo5 p6 88 semeth hem that thise thinges han iben and ben.
Bo5 p6 89 And for that the presence of swiche litil
Bo5 p6 90 moment ne mai nat duelle, therfore it
Bo5 p6 91 ravysschide and took the infynit wey of
Bo5 p6 92 tyme (that is to seyn, by successioun). And by
Bo5 p6 93 this manere is it idoon for that it sholde contynue
Bo5 p6 94 the lif in goinge, of the whiche lif it ne myght nat
Bo5 p6 95 enbrace the plente in duellinge. And forthi yif
Bo5 p6 96 we wollen putten worthi names to thinges and
Bo5 p6 97 folwen Plato, lat us seyen thanne sothly that God
Bo5 p6 98 is `eterne,' and that the world is `perpetuel.'
Bo5 p6 99 " Thanne, syn that every jugement knoweth
Bo5 p6 100 and comprehendith by his owne nature
Bo5 p6 101 thinges that ben subgect unto hym,
Bo5 p6 102 ther is sothly to God alweys an eterne
Bo5 p6 103 and presentarie estat; and the science of hym, that
Bo5 p6 104 overpasseth alle temporel moevement, duelleth
Bo5 p6 105 in the simplicite of his presence, and embraceth
Bo5 p6 106 and considereth alle the infynit spaces of tymes
Bo5 p6 107 preteritz and futures, and lokith in his simple
Bo5 p6 108 knowynge alle thinges of preterit ryght as thei
Bo5 p6 109 weren idoon presently ryght now. Yif
Bo5 p6 110 thou wolt thanne thinken and avise the
Bo5 p6 111 prescience by whiche it knoweth alle
Bo5 p6 112 thinges, thou ne schalt naught demen it as
Bo5 p6 113 prescience of thinges to comen, but thou schalt
Bo5 p6 114 demen more ryghtfully that it is science of
Bo5 p6 115 presence or of instaunce that nevere ne faileth.
Bo5 p6 116 For whiche it nis nat ycleped `previdence,' but it
Bo5 p6 117 sholde rathir ben clepid `purveaunce,' that is
Bo5 p6 118 establisshed ful fer fro ryght lowe thinges, and
Bo5 p6 119 byholdeth fro afer alle thingis, right as it
Bo5 p6 120 were fro the heye heighte of thinges.
Bo5 p6 121 " Why axestow thanne, or whi desputestow
Bo5 p6 122 thanne, that thilke thingis ben doon
Bo5 p6 123 by necessite whiche that ben yseyn and knowen
Bo5 p6 124 by the devyne sighte, syn that forsothe men ne
Bo5 p6 125 maken nat thilke thinges necessarie whiche that
Bo5 p6 126 thei seen ben idoon in hir sighte? For addith thi
Bo5 p6 127 byholdynge any necessite to thilke thinges that
Bo5 p6 128 thou byholdest present? "
Bo5 p6 129 " Nay, " quod I.
Bo5 p6 130 Philosophie. " Certes, thanne, yif men
Bo5 p6 131 myghte maken any digne comparysoun or
Bo5 p6 132 collacioun of the presence devyne and of the
Bo5 p6 133 presence of mankynde, ryght so as ye seen some
Bo5 p6 134 thinges in this temporel present, ryght so seeth
Bo5 p6 135 God alle thinges by his eterne present.
Bo5 p6 136 " Wherfore this devyne prescience ne chaungeth
Bo5 p6 137 nat the nature ne the proprete of thinges,
Bo5 p6 138 but byholdeth swiche thingis present to hym-ward
Bo5 p6 139 as thei shollen betyde to yow-ward
Bo5 p6 140 in tyme to comen. Ne it ne confowndeth
Bo5 p6 141 nat the jugementz of thingis; but by o
Bo5 p6 142 sight of his thought he knoweth the thinges
Bo5 p6 143 to comen, as wel necessarie as nat necessarie.
Bo5 p6 144 Ryght so as whan ye seen togidre a man walke
Bo5 p6 145 on the erthe and the sonne arisen in the
Bo5 p6 146 hevene, albeit so that ye seen and byholden the
Bo5 p6 147 ton and the tothir togidre, yit natheles ye demen
Bo5 p6 148 and discerne that the toon is voluntarie
Bo5 p6 149 and the tothir is necessarie. Ryght so
Bo5 p6 150 thanne the devyne lookynge, byholdynge
Bo5 p6 151 alle thinges undir hym, ne trowbleth nat
Bo5 p6 152 the qualite of thinges that ben certeinly present
Bo5 p6 153 to hym-ward but, as to the condicioun of tyme,
Bo5 p6 154 forsothe thei ben futur. For which it folwith that
Bo5 p6 155 this nis noon opynioun, but rathir a stidfast
Bo5 p6 156 knowynge istrengthid by soothnesse that, whan
Bo5 p6 157 that God knoweth any thing to be, he ne unwot
Bo5 p6 158 not that thilke thing wantith necessite to be.
Bo5 p6 159 (This is to sein that whan that God knoweth
Bo5 p6 160 any thing to betide, he wot wel that it ne
Bo5 p6 161 hath no necessite to betyde.)
Bo5 p6 162 " And yif thou seist here that thilke thing that
Bo5 p6 163 God seeth to betide, it ne may nat unbytide (as
Bo5 p6 164 who seith, it moot bytide), and thilke thing that
Bo5 p6 165 ne mai nat unbytide, it mot bytiden by necessite,
Bo5 p6 166 and that thou streyne me to this name of
Bo5 p6 167 necessite, certes I wol wel confessen and
Bo5 p6 168 byknowen a thing of ful sad trouthe. But
Bo5 p6 169 unnethe schal ther any wight mowe seen it
Bo5 p6 170 or come therto, but yif that he be
Bo5 p6 171 byholdere of the devyne thought. For I wol
Bo5 p6 172 answeren the thus: that thilke thing that is futur,
Bo5 p6 173 whan it is referred to the devyne knowynge,
Bo5 p6 174 than is it necessarie; but certis whan it is
Bo5 p6 175 undirstonden in his owene kynde, men seen it
Bo5 p6 176 outrely fre and absolut fro alle necessite.
Bo5 p6 177 " For certes ther ben two maneris of
Bo5 p6 178 necessites: that oon necessite is symple, as thus:
Bo5 p6 179 that it byhovith by necessite that alle men
Bo5 p6 180 ben mortal or dedly; anothir necessite is
Bo5 p6 181 condicionel, as thus: yif thow wost that a
Bo5 p6 182 man walketh, it byhovith by necessite that he
Bo5 p6 183 walke. Thilke thing, thanne, that any wight hath
Bo5 p6 184 iknowe to be, it ne mai ben noon oothir weys
Bo5 p6 185 thanne he knowith it to be. But this condicion ne
Bo5 p6 186 draweth nat with hir thilke necessite simple; for
Bo5 p6 187 certes this necessite condicionel -- the propre
Bo5 p6 188 nature of it ne makith it nat, but the adjeccioun
Bo5 p6 189 of the condicioun makith it. For no necessite
Bo5 p6 190 ne constreyneth a man to gon that
Bo5 p6 191 goth by his propre wil, al be it so that whan
Bo5 p6 192 he goth that it is necessarie that he goth. Ryght
Bo5 p6 193 on this same manere thanne, yf that the
Bo5 p6 194 purveaunce of God seeth any thyng present,
Bo5 p6 195 than moot thilke thing ben by necessite,
Bo5 p6 196 althoghe that it ne have no necessite of his owne
Bo5 p6 197 nature. But certes the futures that bytiden by
Bo5 p6 198 fredom of arbitrie, God seth hem alle togidre
Bo5 p6 199 presentz. Thise thinges thanne, yif thei ben
Bo5 p6 200 referrid to the devyne sighte, than ben they
Bo5 p6 201 maked necessarie by the condicioun of the
Bo5 p6 202 devyne knowynge. But certes yif thilke thingis
Bo5 p6 203 ben considered by hemself, thei ben absolut of
Bo5 p6 204 necessite, and ne forleten nat ne cesen nat of
Bo5 p6 205 the liberte of hir owne nature. Thanne certes
Bo5 p6 206 withoute doute alle the thinges shollen ben
Bo5 p6 207 doon whiche that God woot byforn that thei ben
Bo5 p6 208 to comen. But some of hem comen and bytiden
Bo5 p6 209 of fre arbitrie or of fre wil, that, al be it so
Bo5 p6 210 that thei bytiden, yit algates ne lese thei nat
Bo5 p6 211 hir propre nature in beinge, by the whiche,
Bo5 p6 212 first or that thei weren idon, thei hadden power
Bo5 p6 213 noght to han bytyd. "
Bo5 p6 214 Boece. " What is this to seyn thanne, " quod I,
Bo5 p6 215 " that thinges ne ben nat necessarie by hir propre
Bo5 p6 216 nature, so as thei comen in alle maneris in the
Bo5 p6 217 liknesse of necessite by the condicioun of the
Bo5 p6 218 devyne science? "
Bo5 p6 219 Philosophie. " This is the difference, "
Bo5 p6 220 quod sche, " that tho thinges that I purposide
Bo5 p6 221 the a litil herbyforn -- that is to seyn,
Bo5 p6 222 the sonne arysynge and the man walkynge --
Bo5 p6 223 that ther-whiles that thilke thinges ben idoon,
Bo5 p6 224 they ne myghte nat ben undoon; natheles that
Bo5 p6 225 oon of hem, or it was idoon, it byhovide by
Bo5 p6 226 necessite that it was idoon, but nat that oothir.
Bo5 p6 227 Ryght so is it here, that the thinges that God
Bo5 p6 228 hath present, withoute doute thei shollen ben.
Bo5 p6 229 But some of hem descendith of the nature
Bo5 p6 230 of thinges (as the sonne arysynge); and
Bo5 p6 231 some descendith of the power of the doeris
Bo5 p6 232 (as the man walkynge). Thanne seide I no wrong
Bo5 p6 233 that, yif that thise thinges ben referred to the
Bo5 p6 234 devyne knowynge, thanne ben thei necessarie;
Bo5 p6 235 and yif thei ben considered by hemself, than ben
Bo5 p6 236 thei absolut fro the boond of necessite. Right so
Bo5 p6 237 as alle thingis that apiereth or scheweth to the
Bo5 p6 238 wittes, yif thou referre it to resoun, it is
Bo5 p6 239 universel; and yif thou loke it or referre it
Bo5 p6 240 to itself, than is it singuler.
Bo5 p6 241 " But now yif thou seist thus: that, `If it be
Bo5 p6 242 in my power to chaunge my purpos, than schal
Bo5 p6 243 I voiden the purveaunce of God, whan paraventure
Bo5 p6 244 I schal han chaungid the thingis that
Bo5 p6 245 he knoweth byforn,' thanne schal I answeren
Bo5 p6 246 the thus: `Certes thou maist wel chaungen thi
Bo5 p6 247 purpos; but for as mochil as the present
Bo5 p6 248 sothnesse of the devyne purveaunce byholdeth
Bo5 p6 249 that thou maist chaunge thi purpos, and
Bo5 p6 250 whethir thou wolt chaunge it or no, and
Bo5 p6 251 whider-ward that thou torne it, thou ne
Bo5 p6 252 maist nat eschuen the devyne prescience, ryght
Bo5 p6 253 as thou ne maist nat fleen the sighte of the
Bo5 p6 254 present eye, althoghe that thou torne thiself by
Bo5 p6 255 thi fre wil into diverse acciouns.' But thou maist
Bo5 p6 256 sein ayein: `How schal it thanne be -- schal nat
Bo5 p6 257 the devyne science ben chaunged by my
Bo5 p6 258 disposicioun whan that I wol o thing now and
Bo5 p6 259 now anothir? And thilke prescience -- ne
Bo5 p6 260 semeth it nat to entrechaunge stoundis of
Bo5 p6 261 knowynge?' " (As who seith, ne schal it nat
Bo5 p6 262 seme to us that the devyne prescience entrechaungith
Bo5 p6 263 hise diverse stoundes of knowynge,
Bo5 p6 264 so that it knowe somtyme o thing, and somtyme
Bo5 p6 265 the contrarie?)
Bo5 p6 266 " No, forsothe, " quod she, " for the devyne
Bo5 p6 267 sighte renneth toforn and seeth alle futures, and
Bo5 p6 268 clepith hem ayen and retorneth hem to the
Bo5 p6 269 presence of his propre knowynge; ne he ne
Bo5 p6 270 entrechaungith nat, so as thou wenest, the
Bo5 p6 271 stoundes of foreknowynge, as now this,
Bo5 p6 272 now that; but he ay duellynge cometh byforn,
Bo5 p6 273 and enbraseth at o strook alle thi mutaciouns.
Bo5 p6 274 And this presence to comprehenden and to seen
Bo5 p6 275 alle thingis -- God ne hath nat taken it of the
Bo5 p6 276 bytidynge of thinges to come, but of his propre
Bo5 p6 277 symplicite. And herby is assoiled thilke thing
Bo5 p6 278 that thou puttest a litel herebyforn; that is to
Bo5 p6 279 seyn, that it is unworthy thing to seyn that
Bo5 p6 280 our futures yeven cause of the science of
Bo5 p6 281 God. For certis this strengthe of the devyne
Bo5 p6 282 science, whiche that embraseth alle thinges by
Bo5 p6 283 his presentarie knowynge, establissheth manere
Bo5 p6 284 to alle thinges, and it ne oweth nawht to lattere
Bo5 p6 285 thinges.
Bo5 p6 286 " And syn that thise thinges ben thus (that is
Bo5 p6 287 to seyn, syn that necessite nis nat in thinges by
Bo5 p6 288 the devyne prescience), thanne is ther fredom of
Bo5 p6 289 arbitrie, that duelleth hool and unwemmed
Bo5 p6 290 to mortal men; ne the lawes ne purposen
Bo5 p6 291 nat wikkidly medes and peynes to the
Bo5 p6 292 willynges of men that ben unbownden and quyt
Bo5 p6 293 of alle necessite; and God, byholdere and
Bo5 p6 294 forwytere of alle thingis, duelleth above, and the
Bo5 p6 295 present eternite of his sighte renneth alwey with
Bo5 p6 296 the diverse qualite of our dedes, dispensynge
Bo5 p6 297 and ordeynynge medes to gode men and
Bo5 p6 298 tormentz to wikkide men. Ne in ydel ne in veyn
Bo5 p6 299 ne ben ther put in God hope and preyeris
Bo5 p6 300 that ne mowen nat ben unspedful ne
Bo5 p6 301 withouten effect whan they been ryghtful.
Bo5 p6 302 " Withstond thanne and eschue thou vices;
Bo5 p6 303 worschipe and love thou vertues; areise thi
Bo5 p6 304 corage to ryghtful hopes; yilde thou humble
Bo5 p6 305 preieres an heyhe. Gret necessite of prowesse
Bo5 p6 306 and vertu is encharged and comaunded to yow,
Bo5 p6 307 yif ye nil nat dissimulen; syn that ye worken and
Bo5 p6 308 don (that is to seyn, your dedes or your werkes)
Bo5 p6 309 byforn the eyen of the juge that seeth and
Bo5 p6 310 demeth alle thinges. "

Made with Concordance